Professor Dr. Muhammad Zafar Iqbal

06/02/2026

حکومت نے اعلان کیا:
"ڈاکٹر موبائل کو ہاتھ نہیں لگا سکتے"
عوام نے تالیاں بجائیں، خوشیاں منائیں 👏
ہم نے واقعی موبائل کو ہاتھ لگانا چھوڑ دیا۔
اب مریض ایکس رے، سی ٹی اسکین موبائل میں تصویر بنا کر لاتے ہیں،
ہم ہاتھ نہیں لگاتے۔
وہ منت سماجت کرتے ہیں: "ڈاکٹر صاحب دیکھ لیں"
ہم کہتے ہیں: "جائیں فلم ایشو کروائیں"
ریڈیالوجی والے کہتے ہیں: "اتنی فلمز کہاں سے لائیں؟"
نتیجہ؟
👉 سرکاری ہسپتالوں میں مریض خوار ہو رہے ہیں۔
پھر حکومت نے فرمایا:
"باہر کی ادویات پر ڈاکٹروں کا کمیشن ختم، اب باہر کی دوائیں نہیں لکھی جائیں گی"
عوام نے پھر جشن منایا 🎉
"قصائی نما ڈاکٹر اب بے روزگار ہو جائیں گے!"
ہم نے واقعی باہر کی دوائیں لکھنا بند کر دیں۔
اب ہسپتال میں موجود ہے صرف:
💊 رائزک
💊 پیناڈال
بس۔
ہر مریض کو یہی دے کر گھر بھیج رہے ہیں۔
اب جو عوام ہزاروں روپے خرچ کر کے
"لاہور" کے کسی ٹرشری کیئر ہسپتال آتی ہے
اور واپس صرف رائزک اور پیناڈال لے کر جاتی ہے—
👉 ہمیں کیا فرق پڑتا ہے؟
رل تو عوام ہی رہی ہے۔
ان ڈور مریضوں کی وہ چھوٹی چھوٹی ضروری چیزیں
جو پہلے ہسپتال میں نہ ہونے پر
ہم باہر سے منگوا لیا کرتے تھے،
اب وہ بھی نہیں منگواتے۔
کیوں؟
کیونکہ پالیسی یہی ہے۔
مرتا ہے تو؟
👉 مریض ہی مرتا ہے۔
آخر میں،
حکومتی پالیسیوں پر خوش ہونے والی
بھولی عوام کے لیے بس ایک پیغام:
❗ اگر ڈاکٹر کی تذلیل دیکھ کر آپ کو خوشی ہوتی ہے
تو اپنی بھی خیر منائیں۔
یہ پالیسیاں ہم سے زیادہ
آپ کے لیے نقصان دہ ہیں — اور رہیں گی۔
سوچ لیجیے۔
کیونکہ جب نظام گرتا ہے،
تو نیچے صرف ڈاکٹر نہیں آتا…
مریض بھی آتا ہے۔
Copied

06/02/2026

ہمارے محلے میں ایک شیخ صاحب کرائے دار ہو کر آئے۔ وہ ملتان کے علاقے سے تھے اور نمک کے کاروبار سے وابستہ تھے۔ بڑے نفیس، متوازن اور شائستہ انسان تھے۔
“میرے عزیز” ان کا مخصوص تکیۂ کلام تھا۔

اکثر مارننگ واک کے دوران ان سے ملاقات ہو جاتی۔ وہ بھی میری طرح خاموشی سے واک کرنے کے عادی تھے، کیونکہ وہ واک کے دوران تسبیحات پڑھتے تھے۔

میں تین چار دن واک پر نہ جا سکا۔ پانچویں چھٹے دن ملاقات ہوئی تو انہوں نے خلافِ معمول تسبیح لپیٹ کر جیب میں رکھی اور مسکراتے ہوئے بولے:
“میرے عزیز! آج میرے ساتھ چلیں، اپنے ہاتھ سے چائے پلاتا ہوں۔”

میں ان کے ساتھ چل پڑا۔ جب ان کے ڈرائنگ روم میں داخل ہوا تو حیرت ہوئی؛ وہ ڈرائنگ روم کم اور لائبریری زیادہ لگ رہا تھا۔ دیواروں پر قیمتی، تاریخی اور قدیم کتب سجی تھیں، گویا علم کا ایک خاموش خزانہ ہو۔

وہ مجھے وہاں چھوڑ کر کچن میں چلے گئے۔ میں نے کتب پر نگاہ ڈالنا شروع کی۔ واقعی نایاب اور قیمتی ذخیرہ تھا۔ مطالعہ کے میز پر تصوف سے متعلق چند کتابیں کھلی پڑی تھیں، ساتھ ایک نوٹ بک اور اس کے بیچ میں پنسل رکھی تھی۔ یوں محسوس ہوتا تھا جیسے وہ ابھی ابھی نوٹس لکھتے ہوئے اٹھے ہوں۔

اتنی دیر میں شیخ صاحب ایک ٹرے لے کر آ گئے، جس میں چائے کے دو کپ، نمکین بسکٹ، چند کھجوریں اور دو السی کے لڈو تھے۔

گفتگو کا آغاز ہوا تو ان کی علمیت، سادگی اور گہرائی کا اندازہ ہوتا چلا گیا۔ سوال و جواب، دین اور زندگی کے موضوعات پر بات چلتی رہی۔ پھر اچانک وہ کہنے لگے:

“میرے عزیز! زندگی میں ایک سوال ایسا تھا جس کا جواب میں نے ان کتابوں میں بہت تلاش کیا۔ جواب ملے بھی، مگر دل کو وہ سکون نہ ملا۔ ایک دن ملازم چھٹی پر تھا، میں خود بیکری کا سامان لینے مارکیٹ چلا گیا۔ پیدل جا رہا تھا کہ ایک چھ سات سال کا بچہ میرے آگے آگے چل رہا تھا۔ غور کیا تو اس کے جوتے ٹوٹے ہوئے تھے۔ میں نے آواز دے کر اسے روکا۔”

وہ میرے پاس آیا۔ میں نے پوچھا:
“بیٹا، تمہارے جوتے کیوں ٹوٹے ہوئے ہیں؟”

اس کے جواب نے مجھے اندر تک ہلا کر رکھ دیا۔
وہ بس اتنا بولا:
“میرے ابو جی فوت ہو گئے ہیں…”
اور خاموش ہو گیا۔

میں چند لمحے مبہوت رہا، پھر اس کا ہاتھ تھاما اور کہا:
“چلو بیٹا، میں تمہیں جوتے لے دیتا ہوں۔”

میں اسے جوتوں کی دکان پر لے گیا، دکاندار سے کہا:
“اس بچے کو سب سے اچھے جوتے پہنا دو۔”

بچہ جوتے پہن کر خوشی سے کھل اٹھا۔ میں نے اسے کچھ نقد رقم دی اور خدا حافظ کہہ کر چل دیا۔

چند لمحوں بعد وہ بچہ دوڑتا ہوا میرے پیچھے آیا، میری ٹانگوں سے لپٹ گیا اور پوچھنے لگا:
“آپ اللہ ہو؟”

میں نے اسے اٹھا کر پیار سے کہا:
“نہیں بیٹے، میں تو عام انسان ہوں۔”

وہ بولا:
“اچھا… تو پھر آپ اللہ کے دوست ہو۔ میں نے رات دعا مانگی تھی۔ ابو کہتے تھے جو اللہ سے مانگو، اللہ دے دیتا ہے۔ میں نے کہا تھا:
اللہ جی! میرے جوتے ٹوٹ گئے ہیں، مجھے نئے جوتے دے دو۔”

یہ سن کر میں شدتِ جذبات سے کانپ اٹھا۔ آنکھوں سے آنسو بے اختیار بہنے لگے۔

شیخ صاحب رُک گئے۔ ان کی آنکھیں نم تھیں۔ بولے:
“اس دن مجھے سمجھ آیا کہ اللہ کا دوست بننا کوئی مشکل کام نہیں۔ کسی یتیم کے سر پر ہاتھ رکھ دو، کسی بیوہ کی مدد کر دو، کسی محتاج کی ضرورت پوری کر دو۔ بس… یہی دوستی ہے۔”

وہ بار بار دہرا رہے تھے:
“میرے عزیز! اللہ کا دوست بننا بہت آسان ہے، بس کوئی کوشش تو کرے۔”

احبابِ گرامی!
بے شک دوسروں کے کام آنا محض ایک اخلاقی خوبی نہیں، بلکہ قربِ الٰہی کا ذریعہ ہے۔ ہم اکثر اللہ کی دوستی، ولایت اور قرب کے بڑے بڑے راستے ڈھونڈتے ہیں، حالانکہ وہ راستہ ہمارے اردگرد بکھرا ہوا ہے۔ کسی کی ضرورت بن جانا، کسی کی دعا کا جواب بن جانا، یہی اصل عبادت ہے۔
چنانچہ
اللہ تک پہنچنے کے لیے لمبے سفر نہیں کرنے پڑتے، بس کسی ضرورت مند کا سہارا بن جائیے، اللہ خود قریب آ جاتا ہے۔

31/01/2026

Alhamdolilah,
My youngest Duughter also joined as Medical Student at QAMC Bahawalpur in MBBS class.
May ALMIGHTY ALLAH HELP her in her cause successfully & with dignity .Ameen.

27/01/2026

21/01/2026

My SON
Muhammad Ali Zafar
Ready for Admission in MBBS
At my alma mater

NISHTAR MEDICAL UNIVERSITY MULTAN .
He would be entering
&
I would be leaving this GREAT Institution in a few months times .
I hope he would follow me & also the traditions of THE GREAT NISHTAR in true letters & spirit .

18/01/2026

ایران کا آخری بادشاہ جو خود کو شہنشاہ — بادشاہوں کا بادشاہ — کہلواتا تھا۔ وہی شخص اپنی بیوی کے ساتھ ، زندگی کی آخری سانسوں کا منتظر تھا… اقتدار، تخت، تاج، لشکر، سب پیچھے رہ چکے تھے۔

مصری مفکر و صحافی محمد حسنین ہیکل اپنی کتاب “مدافعِ آیات اللہ” میں لکھتے ہیں کہ خمینی انقلاب کے بعد محمد رضا پہلوی جب ایران سے فرار ہوا تو اس کی زندگی دربدر ہونے کی تصویر بن گئی۔ ایک ملک سے دوسرے ملک بھٹکتا رہا، مگر کوئی ریاست اسے دل سے قبول کرنے کو تیار نہ تھی۔ جن دروازوں پر کبھی شاہی وقار کے ساتھ دستک دی جاتی تھی، وہ اب خوف اور بوجھ سمجھ کر بند کیے جا رہے تھے۔

کچھ عرصہ پانامہ میں قیام نصیب ہوا، مگر وہاں بھی زمین تنگ پڑ گئی۔ بالآخر پانامہ نے بھی صاف الفاظ میں کہہ دیا کہ شاہ اور اس کا خاندان ملک چھوڑ دے۔
اسی بے بسی اور اضطراب کے عالم میں اس کی بیوی فرح دیبا نے اقوامِ متحدہ کے ذیلی ادارے، عالمی مہاجرین کمیشن کے سربراہ آغا خان سے رابطہ کیا۔ درخواست یہ تھی کہ کوئی ایسی سفری دستاویز فراہم کر دی جائے جس کے سہارے وہ ایک جگہ سے دوسری جگہ جا سکیں۔

جب جواب میں تاخیر ہوئی اور پانامہ میں قیام کی آخری تاریخ قریب آ پہنچی تو فرح دیبا نے ایک رات دیر گئے دوبارہ فون کیا۔ اس کی آواز لرز رہی تھی، آنسو بہہ رہے تھے، اور الفاظ درد میں ڈوبے ہوئے تھے:

> “ہم اس وقت کسی بھی کاغذ کے شدید محتاج ہیں، بس کوئی ایسی دستاویز دے دیجیے جس کی بنیاد پر ہم پانامہ سے نکل سکیں…
چاہے وہ صرف مہاجرین کی دستاویز ہی کیوں نہ ہو!”

ذرا اس لمحے کی ذلت اور کرب کا تصور کیجیے۔
وہ عورت جو کبھی ایران کی ملکہ کہلاتی تھی، جس کے سر پر سونے کا تاج سجتا تھا، جس تاج میں دنیا کا نایاب ترین جواہر جڑا تھا — آج وہی عورت ایک پناہ گزین کے کاغذ کی بھیک مانگنے پر مجبور تھی۔

یہی ہے وقت کا انتقام…
یہی ہے ربّ کی مشیت…
کہ چاہے تو بادشاہ کو فقیر بنا دے، اور چاہے تو تخت کو خاک میں ملا دے۔

اسی لیے تکبر نہیں کرنا چاہیے، کیونکہ اقتدار مستقل نہیں، دولت وفادار نہیں، اور دنیا کسی کی نہیں۔
اور موت کے بعد انسان کی حیثیت اس سے زیادہ نہیں رہتی کہ وہ مٹی کے کیڑوں کی خوراک بن جائے۔

تاریخ محض قصوں کا مجموعہ نہیں، یہ عبرت کا آئینہ ہے۔
اللہ تعالیٰ فرماتے ہیں:

﴿فَاقْصُصِ الْقَصَصَ لَعَلَّهُمْ يَتَفَكَّرُونَ﴾
“قصے بیان کرو، شاید کہ وہ غور و فکر کریں۔”
(سورۃ الاعراف: 176)

یہ تحریر کسی فرد کے زوال کی نہیں،
بلکہ انسان کے غرور کے انجام کی داستان ہے۔

16/01/2026

Do root cause analysis and work that way.
I loved only thing from medical representatives ,they always introduced new medicine and research papers.They are alternative of Drugs and therapeutic teams alternatives.
Do you have hospital drugs and therapeutic committees?Answer will be no.
So you need someone like DTG type activity.
Medical reps are bridging that gap.
Quality ,price and research new drugs is government responsibility.Clinicians can not do all those jobs.AI may replace this role but money will go AI (corporates)not poor public.
Copied from my friend 's comments .

12/01/2026

08/08/2025

Celebrating my 2nd year on Facebook. Thank you for your continuing support. I could never have made it without you. 🙏🤗🎉