Nishtar Medical University Multan, MUltan Nishtar colony, Multan (2026)

06/02/2026

یا اللّه رحم فرما ۔۔
اسلام آباد میں درجنوں نمازیوں کو شہید کر دیا گیا ۔۔ اس سے بڑا ظلم کیا ہوگا ۔۔
دل غم سے بھر گیا ہے ۔۔

06/02/2026

اِنَّا لِلّٰہِ وَاِنَّآ اِلَیْہِ رَاجِعُوْنَ
ڈاکٹر امجد خان چانڈیو
سابقہ ایم ایس نشتر ہسپتال ملتان اب اس دنیا میں نہیں رہے
اللّٰہ پاک ان کی مغفرت فرمائے اور جنت الفردوس میں اعلیٰ مقام عطا فرمائے آمین
نماز جنازہ آج بروز جمعہ ڈھائی بجے دن گول باغ گلگشت کالونی ملتان میں ادا کی جائے گی!

04/02/2026

فورتھ پروفیشنل ایم بی بی ایس کے نتائج کا اعلان، 92 فیصد سے زائد کامیاب

لاہور، 3 فروری: یونیورسٹی آف ہیلتھ سائنسز نے منگل کے روز فورتھ پروفیشنل ایم بی بی ایس سالانہ امتحانات کے نتائج کا اعلان کر دیا ۔ پریکٹیکل امتحانات کے اختتام کے صرف تین روز بعد نتائج جاری کیے گئے۔
ترجمان یو ایچ ایس کے مطابق صوبے کے 43 میڈیکل کالجوں سے 5212 امیدواروں نے امتحان میں شرکت کی جن میں سے 4795 کامیاب جبکہ 415 ناکام قرار پائے۔ مجموعی کامیابی کی شرح 92.03 فیصد رہی۔
نتائج کے مطابق شیخ زید میڈیکل کالج رحیم یار خان کے سید معیز الحق بخاری نے 1000 میں سے 924 نمبر حاصل کر کے پہلی پوزیشن حاصل کی۔ ڈی جی خان میڈیکل کالج ڈیرہ غازی خان کی تابندہ افضل نے 899 نمبر لے کر دوسری جبکہ امیرالدین میڈیکل کالج لاہور کے ثقلین امداد نے 898 نمبر حاصل کر کے تیسری پوزیشن حاصل کی۔
ترجمان یو ایچ ایس کا کہنا ہے کہ تمام نتائج یونیورسٹی کی سرکاری ویب سائٹ پر جاری کر دیے گئے ہیں، جہاں طلبہ اپنے رول نمبر کے ذریعے تفصیلات دیکھ سکتے ہیں۔ یونیورسٹی انتظامیہ نے کامیاب امیدواروں کو مبارکباد دیتے ہوئے ان کے روشن مستقبل کے لیے نیک خواہشات کا اظہار کیا ہے۔

21/01/2026

University of Health Sciences (UHS) is pleased to announce the list of selected candidates for admission in its on-campus postgraduate programs. Congratulations to all successful applicants!

20/01/2026

The One male HO in gyne ward 🤡

20/01/2026

🤡🫡

08/01/2026

وائس چانسلر نشتر میڈیکل یونیورسٹی، ملتان نے 9 جنوری 2026 سے نشتر میڈیکل یونیورسٹی، ملتان میں پوسٹ گریجویٹ ڈپلومہ کلاسز سیشن 2025-27 کے آغاز کے لئے باقاعدہ نوٹیفیکیشن جاری کر دیا ہے۔ اس سال 9 پروگرامز میں داخلے کیے گئے ہیں ۔ وائس چانسلر پروفیسر ڈاکٹر مہناز خاکوانی کی کاوشوں سے نشتر میڈیکل یونیورسٹی میں دو نئے پروگرام شروع کیے جا رہے ہیں جن میں ڈپلومہ ان ڈائیبیٹالوجی اور ڈپلومہ ان فارنزک میڈیسن شامل ہیں۔ جبکہ 3 پروگرامز میں متعلقہ ڈیپارٹمنٹس کی درخواست پر سیٹوں کی تعداد میں اضافہ کردیا گیا ہے۔ وائس چانسلر نشتر میڈیکل یونیورسٹی کے اس اقدام کو فیکلٹی، طلبہ اور طبی حلقوں کی طرف سے سراہا جا رہا ہے۔ نشتر میڈیکل یونیورسٹی کی یہ پیشرفت اس کی تعلیمی و تحقیقی سرگرمیوں میں ایک اہم سنگ میل ہے۔

08/01/2026

ویسے یہ میری ذاتی رائے ہے جس سے آپ کا متفق ہونا ضروری نہیں ہے ۔۔
آج کل جامعات میں خودکشی کو لیکر بہت شور ہے ہر طرف ۔۔
خودکشی کرنے والے کو مظلوم اور یونی ورسٹی انتظامیہ کو مجرم بنا کے پیش کیا جا رہا ۔۔ ایسا ٹھیک بھی ہوسکتا ہے ۔۔ لیکن مجھے لگتا ہے کہ صرف ایسا نہیں ہے ۔۔
اس میں صرف غلطی استاتذہ یا انتظامیہ کی نہیں ہے ۔۔ نو ڈاوٹ ہماری جامعات کے پروفیسر صاحبان کے روئیے اففف نہ ہی پوچھیں ۔۔ پورے پورے سائیکوز ہیں یہ لوگ ۔۔ نفیساتی ایشوز سے مالا مال ، آدھے پاگل ۔۔ تقریبا خود کو خدا سمجھتے ہیں ۔۔ لیکن اس سب کے باوجود خودکشی کرنے والا مظلوم نہیں ہے ۔۔۔ نہ ہی خودکشی مسائل کا حل ہے ۔۔ بلکہ اس شخص کی ذاتی غلطی اور کمزوری ہے ۔۔ کہ وہ مسائل سے لڑ نہیں سکا ۔۔ ریزن جو بھئ ہو مطلب یہ نہیں کہ آپ چھت سے کود جائیں یا ٹرین کے نیچے آ کے اپنی جان لے لیں ؟
ڈپریشن از رئیل لیکن اس سے لڑنا اس کا علاج بھی حقیقت ہے ۔۔ مطلب آپ بیمار ہوں اور آپ علاج کی بجائے خود کو مار ڈالیں ؟درد ہو توعلاج کی بجائے خود کو کاٹ ڈالیں ؟
کوئی پروفیسر آپ کو ٹارچر دے رہا تو اس سے فائٹ کرنے کی بجائے اس ٹارچر کے آخری کونے یعنی موت کو خود قریب لے آئیں ؟؟ جب مرنا ہی ہے تو لڑ کے مر جائیں ؟؟
اوپر سے سوسائٹئ اس سوسائیڈ یعنی خودکشی کو اتنا گلوریفائی کر رہی، ویکٹم کو اتنا مظلوم بنا کے پیش کر رہی کہ ہر دوسرا بندا اس قدم کو اٹھائے گا کہ بھئی مقصد حاصل ہوگیا ، اٹیشن اور وہ بھی پوزیٹیو اٹیشن جو خودکشی کرنے کا مقصد ہوتا مل جاے تو کلچر عام ہو جاے گا ؟
بھئی خودکشی ہے ، ایک بزدل اقدام ہے ، ایک کمزور قدم ہے کہ آپ معاشرے سے لڑ نہیں سکے ، آپ اپنے مسائل کو جھیل نہیں سکے اور چھت سے کود کر کے اپنے گھر والوں کو اذیت میں مبتلا کر کے خود تو چلے گئے ہیں ۔۔ تو آپ بھی اتنے اچھے نہیں ہیں ۔۔ سو اسے اتنا گلوریفائی نہ کریں ، نہ اتنا سپورٹ کریں کہ ہر بندا چھت پہ چڑھا ہو ، خودکشی ایک قسم کا بلیک میل ہی ہوتا ہے کہ کرنے والا ویکٹم یہی سوچتا ہے کہ میں مر کے ثابت کروں گا کہ میں ٹھیک تھا ۔۔ ابھی یونی ورسٹی آف لاہور میں، ایک لڑکے نے کی تو لوگوں نے اس کو اتنا اچھالا کہ کچھ دنوں بعد ایک لڑکی بھی کود گئی ؟؟ کیوں ؟
اس سپورٹ کو ، جو شاید مر کے اس لڑکے کو ملی تو دس ڈپریس لوگ اور بھی تیار ہوگئے اس قدم کو اٹھانے کو ۔۔ تو بھائیو زندہ لوگوں کو سپورٹ کرو ، اردگرد دیکھو کسے تمھاری تھپکی کی ضرورت ہے ۔۔ اپنے مذاق کرنے کے انداز بدلو ، ہر چیز میں جگت بازی اور ٹانٹس نے لوگوں سے شئیر کرنے کی ہمت چھین لی ہے ۔۔ جب ہم ایسی بات کریں تو سب کو کتابی باتیں لگتی ۔۔ لیکن کوئی مر جائے تو دکھی گانے لگانے سے کچھ نہیں ہوگا ۔۔
✍️آدی سالار

30/12/2025

اجکل مایوسی سے بھرپور پوسٹیں اس گروپ میں اکثر نظر آتی ہیں ۔۔۔۔۔۔۔ مجھے آج سے 30 سال پہلے کا اپنا زمانہ یاد آ جاتا ہے جب میں اور میرے دوست پاکستان سے اتنے ہی مایوس تھے ۔۔۔۔۔۔۔۔۔اکثر لوگوں سے یہی سننے کو ملتا تھا کہ جی اب تو ڈاکٹر بہت زیادہ ہو گئے ہیں ۔۔۔۔۔۔۔
اب تو بہت زیادہ
Saturation
ہو گئی ہے ۔۔۔۔۔۔۔۔۔جس سے بات ہوتی وہ پوری کوشش کرتا ہمیں ڈیپریس کرنے کی ۔۔۔۔۔۔۔۔صرف میرے ایک انکل تھے جو بعد میں ڈائریکٹر جنرل ہیلتھ بنے ، انہوں نے کہا تھا تم بد ترین برانچ میں بھی اگر کنسلٹینٹ بن گئے تو عیش کرو گے ۔۔۔۔۔۔۔۔آج میں دیکھتا ہوں کہ الحمداللہ جو کچھ میرے اور میرے اکثر کلاس فیلوز کے پاس ہے وہ بہت اچھا ہے ۔۔۔۔۔۔۔۔پاکستان میں جو کلاس فیلو رہے وہ بھی بہت اچھے رہے جو باہر ہیں تو وہ بھی بہت اچھے ہیں اگرچہ میرا خیال ہے کہ بزرگوں کے آخری دن انہوں نے مس کیے ۔۔۔۔۔۔۔اور شاید کچھ سالوں بعد وہاں اپنے بچوں کا ساتھ بھی آسان نہیں ہو گا۔۔۔۔۔۔۔۔۔
بہرحال موضوع اس وقت پاکستان سے مایوسی کا ہے ۔۔۔۔۔۔۔۔۔۔میں پاکستان کا مستقبل تو نہیں بتا سکتا لیکن اپنے ماضی کے تجربات بتا سکتا ہوں ۔۔۔۔۔۔۔۔
کئی ینگ ڈاکٹر مجھ سے مشورہ مانگتے ہیں ۔۔۔۔میں کہتا ہوں ایک ہی مشورہ ہر کسی کے لیے تو مناسب نہیں ہو سکتا ۔۔۔۔۔۔۔بس یہ ہے کہ اگر آپ کے پاس پاکستان میں کچھ سرمایہ ہے کہ ایک پرائیویٹ سیٹ اپ بنا سکیں تو گریجویشن کے پانچ سال کے اندر کوئی ڈگری لے کر اپنا پرائیویٹ سیٹ اپ بنا لیں ۔۔۔۔۔۔۔۔اگر کسی کی پاکستان میں اچھی انکم ہے تو یقین رکھیں دنیا میں اس سے بہتر کچھ نہیں ہے ۔۔۔۔۔۔۔۔۔لوگ کہتے ہیں پاکستان میں ڈاکٹر بہت زیادہ ہو گئے ۔۔۔۔۔لیکن شمالی لاہور میں چالیس لاکھ کی آبادی میں بہت کم کنسلٹینٹ ہیں ۔۔۔۔۔۔۔۔وجہ یہ ہے کہ وہ اپنی اڈورٹائزمنٹ نہیں کرتے اور ان کی پریکٹس نہیں چلتی ۔۔۔۔۔۔۔۔۔جبکہ جی پی عیش کر رہے ہیں ۔۔۔۔۔۔۔۔شمالی لاہور کی چالیس لاکھ آبادی کے لیے صرف ایک سایکیٹرسٹ اور ایک نیفرولوجسٹ ہے ۔۔۔۔۔۔۔
بہت کم ڈسٹرکٹ ہیں جہاں فیلوشپ پاس سایکیاٹرسٹ. ہو گا۔اسی طرح نیورو فیزیشن یا کئی دوسری برانچز کی کمی ہے ۔۔۔۔۔
دوسری طرف اگر کسی کا اپنا
Calibre
بہت اچھا ہے وہ ہر امتحان آسانی سے پاس کر سکتا ہے اور اس کے پاس پاکستان میں رہنے کے وسائل اور سرمایہ نہیں تو باہر جانے میں کوئی حرج نہیں ۔۔۔۔۔۔۔
آخر میں یہ بتانا چاہتا ہوں کہ میں نے اپنے بیٹے کو کہا کہ میری خواہش ہے کہ تم ڈاکٹر بنو لیکن اگر تم کوئی اور پروفیشن چاہو تو بیشک وہ کر لو ، بس خیال رکھنا اگر تم اللّه کی راہ میں خیرات کرتے رہو گے تو تمھارے پاس پیسے کی کمی کبھی نہیں ہو گی ۔۔۔۔۔اور ٹیلنٹ کا راستہ دنیا کی کوئی طاقت روک نہیں سکتی ۔۔۔۔۔۔ایک جگہ روکا جائے گا تو وہ دوسری طرف سے آگے نکل جائے گا ۔۔۔۔

Via:Sir Yasir Dastgir

30/12/2025

کینیڈا کا ہیلتھ کیئر سسٹم اور ایمرجینسی
روبینہ یاسمین ✍️

پچھلے دنوں کینیڈا میں ایک شخص ایمرجنسی روم میں انتظار کرتے ہوئے دل کا دورہ پڑنے سے انتقال کر گیا۔

یہ خبر چونکا دینے والی ہے، لیکن سچ یہ ہے کہ یہ صرف ایک فرد کی کہانی نہیں یہ پورے سسٹم اور ہماری اپنی لاعلمی کی کہانی بھی ہے۔
اس خبر کے وائرل ہونے کے بعد بہت سے لوگوں نے بڑھ چڑھ کر کینیڈا کے ہیلتھ کیئر سسٹم پر تنقید کی۔

میں اپنے کینیڈا میں رہائش کے دو دہائیوں سے زائد تجربے کی روشنی میں کچھ اہم باتیں بتانا چاہتی ہوں۔

کینیڈا کا ہیلتھ کیئر سسٹم خراب نہیں،
لیکن یہ “پہلے آؤ، پہلے پاؤ” پر نہیں چلتا۔
یہ Severity (شدت)
پر چلتا ہے۔

ایمرجنسی میں خاموش بیٹھ جانا دانشمندی نہیں۔
اگر آپ کو
سینے میں درد
سانس لینے میں دشواری
پسینہ، متلی، بائیں بازو یا جبڑے میں درد
چکر یا بے ہوشی کا احساس
تو یہ “ویٹنگ روم” کی علامات نہیں، یہ الارم ہیں۔
یہاں خاموشی آپ کے خلاف جاتی ہے۔

یہاں آپکو برداشت کر کے خاموشی سے نہیں بیٹھنا۔
کینیڈا میں اگر مریض بار بار اپنی حالت نہ بتائے،
تو سسٹم یہ سمجھتا ہے کہ حالت اسٹیبل ہے۔
یہاں خود اپنی حالت کے بارے میں واضح طور پر بتانا ہوتا ہے۔

اہم بات جو ہمیں کوئی نہیں بتاتا
درد بڑھ رہا ہو تو نرس کو فوراً بتائیں
نئی علامت آئے دوبارہ رپورٹ کریں
سینے کا درد ہو لفظ
Chest Pain
واضح کہیں
اگر حالت بگڑ رہی ہو
“I am getting worse”
کہنا ضروری ہے
یہ بدتمیزی نہیں،
یہ زندگی بچانے کا طریقہ ہے۔

سب سے ضروری بات جو کینیڈا میں رہتے ہوئے جو معلوم ہونی چاہیے
اور یاد رکھیں
مریض کو سب سے زیادہ اپنی حالت کی سنگینی کا خود اندازہ ہوتا ہے۔

اگر واقعی لگ رہا ہے کہ جان کو خطرہ ہے تو 911 کال کریں۔
ایمبولینس منٹس میں آپکے پاس پہنچے گی۔ پیرا میڈیکل سٹاف آپکو چیک کرے گا۔ ایمبولینس کو ٹریفک راستہ دینے کی پابند ہوتی ہے اس لیے ایمبولینس فوری طور پر ہسپتال لے کر جاتی ہے۔پیرامیڈیکل سٹاف خود آپکی کنڈیشن ہاسپٹل کو بتاتا ہے اور فوری طور پر آپکا ٹریٹمنٹ شروع ہو جاتا ہے۔

خود گاڑی چلا کر یا کسی کے ساتھ ہسپتال پہنچنا بعض اوقات تاخیر کا سبب بنتا ہے۔
کینیڈا میں رئیل ایمرجنسی میں سب سے بڑی غلطی خود ڈرائیو کر کے یا اپنی گاڑی میں ہسپتال پہنچنا ہے۔

ایسی حالت میں سٹاف سمجھتا ہے کہ مریض کی حالت مستحکم ہے اور اس کے روٹین کی رفتار سے سارے ٹیسٹ کر کے انکے رزلٹ آنے کے بعد ہی سپیشلسٹ تک پہنچایا جاتا ہے۔

پھر مریض اگر صبر سے بیٹھا ہے بار بار اپنی تکلیف کی شدت نہیں بتا ریا تو اس کو بھی روٹین کی رفتار سے تمام ٹیسٹ کے پراسیس سے گزارا جاتا ہے۔
بغیر ٹیسٹ کی رپورٹس جمع کئے ڈاکٹر ٹریٹمنٹ سٹارٹ نہیں کرتا۔

ایک اور اہم بات یہ ہے کہ اگر حالت بہت زیادہ خراب نہیں ہے اور اپنی گاڑی میں جانے کا ارادہ ہےتو جس ہسپتال جا رہے ہیں اس کی ویب سائٹ پر کرنٹ ویٹ ٹائم چیک کریں۔ ہسپتال میں مریضوں کی موجودگی کے حساب سے ویب سائٹ پر بتایا گیا ہوتا ہے کہ آپکا نمبر کتنے گھنٹے میں آئے گا۔ اپنے علاقے کے مختلف ہاسپٹلز کے ویٹ ٹائم ویب سائٹ پر چیک کر لیں اور جس ہسپتال میں اس وقت رش نہیں ہے وہاں چلے جائیں۔

یہ بھی کہا جاتا ہے کہ کینیڈا میں میں سپیشلسٹ اپائٹمنٹ مہینوں بعد ملتی ہے۔ اگر آپ اپنے ریگولر فیملی ڈاکٹر کی مدد سے ریفرل لے کر سپیشلسٹ اپائٹمنٹ لے رہے ہیں تو سسٹم سمجھتا ہے کہ بندہ انتظار کر سکتا ہے۔ اس کو واقعی مہینوں بعد اپائٹمنٹ ملتی ہے۔ لیکن اگر آپ کو لگ رہا ہے کہ آپکو ارجنٹ کیئر چاہیے تو فیملی ڈاکٹر کے بجائے ہسپتال جائیں ۔وہاں اسی روز آپکے سارے ٹیسٹ کر کے آپکو اگلے روز سپیشلسٹ کی اپائٹمنٹ دے کر گھر روانہ کیا جاتا ہے۔

یہ پوسٹ، آگاہی کے لیے ہے

کیونکہ اگلی بار وہ خاموش بیٹھا شخص
کوئی اور نہیں، ہم میں سے کوئی ہو سکتا ہے۔
✍️ روبینہ یاسمین

30/12/2025

ڈاکٹر مریم نواز 😬

24/12/2025

صاحیح ہو گیا 🤣

Nishtar Medical University Multan

06/02/2026

06/02/2026

04/02/2026

21/01/2026

20/01/2026

20/01/2026

08/01/2026

08/01/2026

30/12/2025

30/12/2025

30/12/2025

24/12/2025

Address

Telephone

Website

Alerts

Contact The Practice

Shortcuts

Share

Category