06/11/2025
61 واں ماہانہ فری طبی کیمپ
30 اکتوبر 2025ء بروز جمعرات صبح 8 بجے سے رات 8 بجے تک بلا تعطل جاری رہنے والا 61واں ماہانہ فری میڈیکل کیمپ مثالی نظم و ضبط، اعلیٰ طبی خدمات اور جذبہ انسانیت کے ساتھ بمقام گورنمنٹ العزیز ہسپتال مریدکے منعقد ہوا۔
اس کیمپ میں 440 مریضوں کا طبی معائنہ (تفصیلی کلینیکل ایگزامینیشن Clinical Examination) کیا گیا اور تمام مریضوں کو مفت ادویات (Free Medicines) فراہم کی گئیں۔
الحمدلله...! اب تک منعقد ہونے والے تمام فری طبی کیمپس میں مجموعی طور پر 21,350 مریضوں کو علاج، تشخیص، مشاورت اور ادویات کی فراہمی کی سہولت دی جا چکی ہے جبکہ ہزاروں مریضوں کو حجامہ (Cupping Therapy) کے ذریعے مختلف امراض جیسے دردِ مفاصل، اعصابی کمزوری، اور کرونک (Chronic) بیماریوں سے شفا ملی۔
اس کیمپ میں لاہور، گوجرانوالہ، شیخوپورہ، ننکانہ، چنیوٹ، قصور، چیچہ وطنی، ٹوبہ ٹیک سنگھ، اور بہاولپور سمیت مختلف شہروں سے مریضوں نے آ کر استفادہ کیا جو اس طبی مشن کی وسعت اور عوامی اعتماد کا واضح ثبوت ہے۔
اس بابرکت خدمت میں ملک کے ممتاز ماہرینِ طب نے شرکت فرمائی جن میں شامل تھے:
حکیم محمد رفیق شاہین لاھوری
حکیم محمد اشفاق نورپوری
سفیر طب حکیم اصغر چشتی
حکیم ثناء الله شیخوپوری
حکیم شاہد اقبال قصوری
حکیم عرفان وارث
حکیم مرزا فہیم بیگ
حکیم میاں محمد عرفان شہزاد
حکیم عبدالرؤف قمر
حکیم ظفر الله
حکیم عبدالله
حکیم طارق عزیز مجذوبی
حکیم۔مولانا عتیق معاویہ
حکیم فضل الرحمن
حکیم ابو بکر سندھی
قابلِ قدر فی میل حجامہ ایکسپرٹس نے خواتین کے لیے علیحدہ سیکشن میں نہایت پیشہ ورانہ خدمات انجام دیں۔ مجموعی طور پر طبی ماہرین اور معاون عملے پر مشتمل 30 رکنی ٹیم نے مربوط اور منظم انداز میں دن بھر اپنی خدمات سرانجام دیں۔
تمام انتظامی و تکنیکی امور میں ہسپتال کے ایم ایس ڈاکٹر اکرام الحق پورے دن موقع پر موجود رہے اور نگرانی کرتے رہے۔ ان کی قیادت میں عملے نے اپنی ذمہ داریاں خلوص، نظم اور خدمتِ خلق کے جذبے کے ساتھ انجام دیں۔
آخر میں خصوصی شکریہ ڈاکٹر تنویر شبیر کا ادا کیا جاتا ہے جو بطور ایڈمنسٹریٹر اس مشن کے روحِ رواں ہیں۔ ان کی رہنمائی، تنظیمی صلاحیت اور شفقت بھرا تعاون ہی اس مسلسل خدمت کے پسِ منظر میں حقیقی قوت ہے۔
یہ کیمپ محض علاج گاہ نہیں بلکہ خدمتِ انسانیت، طبِ نبوی ﷺ کے فروغ اور صحتِ عامہ کے شعور کا ایک روشن استعارہ ہے۔
الله تعالیٰ سے دعا ہے کہ اس کارِ خیر کو قبول فرمائے، اس کے دائرہ اثر کو مزید وسیع کرے، اور تمام معاونین کو جزائے خیر عطا فرمائے۔
حکیم رانا عابد حسین
ہیڈ آف ڈیپارٹمنٹ
