Bolan Medical College Quetta Official

19/11/2025

بولان میڈیکل کالج انٹر کالج کرکٹ ٹورنامنٹ کے فائنل میچ کی تقریب تقسیمِ انعامات
بولان میڈیکل کالج میں انٹر کالج کرکٹ ٹورنامنٹ کا فائنل میچ منعقد ہوا، جس کے مہمانِ خاص پروفیسر ڈاکٹر احسان شاہ تھے۔ دیگر معزز مہمانوں میں حاجی سراج الدین (برسر بی ایم سی) باسط شاہ اور حاجی عبد الوحید بھی شریک تھے۔
مہمانوں نے پورا میچ دیکھا اور اختتام پر کھلاڑیوں میں انعامات تقسیم کیے۔
اس موقع پر پروفیسر ڈاکٹر احسان شاہ نے خطاب کرتے ہوئے کہا کہ تعلیمی سرگرمیوں کے ساتھ ساتھ کھیلوں میں حصہ لینا طلبہ کی ذہنی و جسمانی نشوونما کے لیے ناگزیر ہے۔ انہوں نے کہا کہ کھیلیں نہ صرف صحت مند مقابلے کا ماحول فراہم کرتی ہیں بلکہ ایک مثبت اور توانا معاشرے کی تشکیل میں بھی اہم کردار ادا کرتی ہیں۔

16/11/2025

13/11/2025

بولان میڈیکل کالج اعلامیہ

بولان میڈیکل کالج کی انتظامیہ انتہائی افسوس اور تشویش کے ساتھ اس بات کی تردید کرتی ہے کہ سوشل میڈیا پر کچھ نامعلوم عناصر کی جانب سے ہراسگی کے الزامات سامنے آئے ہیں۔ انتظامیہ واضح طور پر مؤقف رکھتی ہے کہ:
کالج میں ہراسگی سے متعلق مفصل اور فعال کمیٹی موجود ہے۔ اگر کسی قسم کا واقع رونما ہوا ہوتا تو فوری طور پر متعلقہ کمیٹی اور انتظامیہ کو مطلع کیا جاتا اور مناسب کاروائی کی جاتی۔
ادارے کے تمام داخلی و بیرونی حصوں میں سی سی ٹی وی کیمرے نصب ہیں اور دستیاب فوٹیج میں اس نوعیت کا کوئی واقعہ منظر عام پر نہیں آیا۔
پالیسی کے تحت کالج ہراسگی کے معاملے میں زیرو ٹالرینس کی پالیسی پر عمل پیرا ہے کسی بھی صورت خواتین کے حقوق پر سمجھوتا ناقابل قبول ہے۔
ادارہ قابلِ استطاعت ذرائع اور قانونی راستوں کے ذریعے اُن عناصر کو کیفر کردار تک پہنچانے کی صلاحیت رکھتا ہے جو اپنی ذاتی یا سیاسی نیت سے ہراسگی کے نام پر ادارے کو بدنام کرنے کی کوشش کریں۔ ایسے افراد کے خلاف متعلقہ شواہد کی بنیاد پر پیکا ایکٹ کے تحت کارروائی کی جائے گی۔
حفاظت کے مزید اقدامات کے طور پر امتحانی سینٹرز اور دیگر حساس مقامات پر اضافی کیمروں کی تنصیب کا عمل بھی جاری کیا جا رہا ہے تاکہ طلبہ، عملہ اور امتحانی عمل کے دوران مکمل تحفظ کو یقینی بنایا جا سکے
ہم عوام اور میڈیا سے درخواست کرتے ہیں کہ بلا تصدیق معلومات کو آگے نہ بڑھائیں تاکہ ادارے کی ساکھ اور افراد کے حقوق دونوں کا تحفظ ممکن ہو۔ کسی بھی شکایت یا اطلاعات کے لیے براہِ راست متعلقہ کمیٹی یا انتظامیہ سے رابطہ کیا جائے۔
بولان میڈیکل کالج انتظامیہ

26/10/2025

Answer key MDCAT 2025

08/10/2025

محکمہ صحت و صوبائی قیادت کو خراجِ تحسین ٹیچنگ فیکلٹی کی درجنوں ترقیوں سے تعلیمی معیار میں بہتری کی نئی راہیں کھل گئیں۔
پروفیسر راز محمد کاکڑ پرنسپل بولان میڈیکل کالج۔

کوئٹہ (پریس ریلیز)
پرنسپل بولان میڈیکل کالج اور ٹیچنگ فیکلٹی نے صوبائی حکومت بالخصوص محترم وزیرِ صحت بلوچستان، سیکرٹری صحت، چیف سیکرٹری، وزیراعلیٰ بلوچستان اور سیکرٹری ایس اینڈ جی اے ڈی (S&GAD) کی انتھک کاوشوں کو زبردست الفاظ میں سراہا ہے۔

پرنسپل بولان میڈیکل کالج اور ٹیچنگ فیکلٹی نے کہا کہ ان تمام معزز افسران کی بھرپور دلچسپی، تعاون اور انتظامی کمٹمنٹ کے نتیجے میں صوبائی سلیکشن بورڈ (Provincial Selection Board - PSB) کا اجلاس کامیابی سے منعقد ہوا، جس کے نتیجے میں سینکڑوں تدریسی عملے کے ارکان اور ڈاکٹروں کی ترقیوں کی منظوری دی گئی۔ یہ پیش رفت صوبے میں طبی تعلیم اور صحت کی خدمات کے معیار کو مضبوط بنانے میں ایک سنگِ میل کی حیثیت رکھتی ہے۔

پرنسپل بولان میڈیکل کالج اور ٹیچنگ فیکلٹی نے کہا کہ یہ کامیابی صوبائی حکومت، بالخصوص محکمہ صحت اور وزیراعلیٰ آفس کی سنجیدہ اور مربوط کوششوں کا عملی مظہر ہے۔ انہوں نے کہا کہ تدریسی فیکلٹی کی طویل عرصے سے زیر التوا ترقیوں کو ترجیحی بنیادوں پر نمٹانا صوبائی حکومت کی ملازم دوست اور میرٹ پر مبنی پالیسیوں کا منہ بولتا ثبوت ہے۔

انہوں نے مزید کہا کہ ان ترقیوں سے نہ صرف اساتذہ کا حوصلہ بلند ہوا ہے بلکہ یہ اقدام طلباء کے لیے بہتر تعلیمی ماحول اور سیکھنے کے مواقع پیدا کرے گا۔
بولان میڈیکل کالج کی انتظامیہ نے اس فیصلے کو حکومتِ بلوچستان کا تاریخی اور قابلِ تحسین اقدام قرار دیتے ہوئے اُمید ظاہر کی کہ صوبائی حکومت مستقبل میں بھی صحت اور تعلیم کے شعبوں میں بہتری کے لیے ایسے مثبت اور عملی اقدامات جاری رکھے گی۔
بولان میڈیکل کالج علم، خدمت اور ترقی کی راہ پر گامزن

02/10/2025