Health Department, Balochistan

26/10/2025

کوئٹہ:
یونیسف پاکستان کے وفد نے بلوچستان ہیلتھ مینجمنٹ انفارمیشن سسٹم (BHMIS) کے دفتر کا دورہ کیا۔ وفد میں یونیسف پاکستان کے نمائندہ فاطح الدین احمد اور یونیسف بلوچستان کی نمائندہ ڈاکٹر امیری شامل تھیں۔ اس موقع پر وفد نے صحت کے شعبے میں شفافیت، جدیدیت اور مؤثر نگرانی کے لیے کیے گئے ڈیجیٹل اقدامات کا تفصیلی جائزہ لیا۔

دورے کے دوران صوبائی کوآرڈینیٹر BHMIS ڈاکٹر ابابگر نے یونیسف ٹیم کو محکمہ صحت کے جاری منصوبوں، خصوصاً ڈیجیٹل نظاموں کی افادیت، کارکردگی اور شفافیت کے عمل پر تفصیلی بریفنگ دی۔

بلوچستان میں صحت کے نظام کو بہتر بنانے کے لیے متعدد جدید ڈیجیٹل اقدامات متعارف کرائے گئے ہیں۔ DHIS2 سسٹم کے ذریعے صوبے بھر کے صحت کے اداروں سے درست اور بروقت اعداد و شمار حاصل کیے جا رہے ہیں، جس سے منصوبہ بندی اور فیصلوں میں نمایاں بہتری آئی ہے۔
AI Attendance System کے نفاذ سے ہسپتالوں اور مراکزِ صحت میں عملے کی حاضری کی خودکار نگرانی ممکن ہو گئی ہے۔
HRMIS کے تحت صوبے کے تمام ملازمین کو ایک مربوط ہومین ریسورس منجمنٹ سسٹم کے ذریعے ٹریک کیا جا رہا ہے۔
اسی طرح Equipment Inventory اور Medicine Inventory System کے ذریعے آلات اور ادویات کی دستیابی و تقسیم پر مکمل نگرانی رکھی جا رہی ہے، جس سے ضیاع اور قلت کے مسائل پر مؤثر قابو پایا گیا ہے۔

مزید یہ کہ صوبے کی سرکاری ویب سائٹ کو اپ ڈیٹ کر کے عوامی معلومات، پالیسیوں اور خدمات تک آسان رسائی فراہم کی گئی ہے، جبکہ 1129 شکایتی پورٹل کے قیام سے عوام کو صحت سے متعلق مسائل، شکایات اور تجاویز براہِ راست محکمہ تک پہنچانے کی سہولت حاصل ہو گئی ہے۔

یونیسف کے وفد نے بلوچستان میں صحت کے نظام میں جاری ڈیجیٹل اصلاحات اور شفافیت کے عمل کو سراہتے ہوئے محکمہ صحت بلوچستان کی کاوشوں کی تعریف کی۔ وفد نے کہا کہ BHMIS جیسے جدید نظام صحت کے شعبے میں شفافیت، جوابدہی اور مؤثر منصوبہ بندی کے فروغ میں اہم کردار ادا کر رہے ہیں۔
یونیسف نے محکمہ صحت بلوچستان کی کارکردگی کو تقلید کے لیے مثالی قرار دیتے ہوئے کہا کہ یہ ماڈل دیگر صوبوں کے لیے بھی رہنمائی فراہم کر سکتا ہے۔ وفد نے اس بات کی بھی یقین دہانی کرائی کہ مستقبل میں یونیسف محکمہ صحت بلوچستان کے ساتھ تکنیکی تعاون جاری رکھے گا۔

آخر میں، یونیسف کے وفد نے BHMIS ٹیم کی محنت اور پیشہ ورانہ صلاحیتوں کو سراہتے ہوئے انہیں صوبے میں صحت کے نظام کی بہتری کے لیے نمایاں کردار ادا کرنے پر خراجِ تحسین پیش کیا۔

25/10/2025

کراچی منعقد 22ویں ہیلتھ ایشیا نمائش کا تیسرا دن!
وفاقی وزیرِ صحت سید مصطفیٰ کمال اور صوبائی وزیر صحت بخت محمد کاکڑ نے سامانِ شفاء کے زیرِ اہتمام منعقدہ سیمینار میں شرکت کی اور مختلف اسٹالز کا دورہ کیا۔
اس موقع پر سی ای او ڈریپ عبید عبداللہ سمیت دیگر اعلیٰ حکام بھی موجود تھے۔

25/10/2025

25/10/2025

بلوچستان کویٹہ کے معروف معالج ڈاکٹر سلیم بڑیچ کو دل کا دورہ پڑا۔ الحمدللہ، اب ان کی حالت بہتر ہے .۔ دعا ہے کہ اللہ تعالیٰ انہیں مکمل صحتِ یابی اور دراز عمر عطا فرمائے۔ آمین

24/10/2025

کوئٹہ (24 اکتوبر 2025)
بولان میڈیکل کمپلیکس اسپتال کوئٹہ میں آج "اورل کینسر آگاہی ڈے" منایا گیا۔ اس موقع پر اسپتال کے میڈیکل سپرنٹنڈنٹ ڈاکٹر آصف انور شاہوانی، ڈپٹی ایم ایس ڈاکٹر سائرہ پارس اور دیگر ڈاکٹروں و پیرامیڈیکل اسٹاف نے شرکت کی۔

تقریب میں منہ کے کینسر کے حوالے سے آگاہی دی گئی، جبکہ ماہرین نے تمباکو نوشی، پان، چھالیہ اور گٹکے کے نقصانات پر روشنی ڈالی۔ شرکاء کو بتایا گیا کہ ابتدائی مرحلے میں تشخیص سے اس مرض کا علاج ممکن ہے۔

اس موقع پر اسپتال میں آگاہی بینرز آویزاں کیے گئے اور مریضوں کو معلوماتی پمفلٹس بھی تقسیم کیے گئے۔

24/10/2025

High Impact Webinar conducted on: “Case Management of Snake bite and Dog bite for clinicians in Balochistan”.

🌍

The Command & Control Room of ARV & ASV (Flagship Initiative of Minister Health Balochistan) at Provincial Health Directorate, Health Department, Government of Balochistan on 21 October 2025 successfully conducted training on Case management of “Snake bite and Dog bite (ARV & ASV use), IPC practices, Tools in use and Risk communication for infectious disease prevention and control”.

This was a mandatory training for clinicians who are working in Primary & Secondary health care facilities.

✨ Key Highlights:
- Lead coordination and delivery of Health Minister Balochistan inclusion initiative.
- Strengthened clinician’s local capacities and promoted inclusive system.
- Represented ARV & ASV Command & Control Room in advocacy spaces.
- Renowned senior physician (Dr Tariq Marri ) and experts delivered lectures.
- High impact Interactive sessions conducted.
- Pre test and post test done.
- FAQs developed.

🎯 Who nominated participants:
The District Health Officers and Medical Superintendents of all Hospital in Balochistan nominated participants for online training.

Organizer & Moderator!

Dr Hashim Mengal
Director Public Health
Provincial Health Directorate Quetta

24/10/2025

وزیرِ صحت بلوچستان بخت محمد کاکڑ نے صوبے میں صحت کے شعبے میں جاری اصلاحات پر نجی میڈیا کو تفصیلی انٹرویو دیتے ہوئے کہا کہ صوبائی حکومت عوام کو معیاری طبی سہولیات کی فراہمی کے لیے سنجیدہ اقدامات کر رہی ہے۔

انہوں نے بتایا کہ بنیادی اور ثانوی سطح کے اسپتالوں کی بہتری، جدید ٹیکنالوجی کے استعمال، شفاف نظامِ ادویات کی فراہمی، اور ڈاکٹروں و عملے کی حاضری کو یقینی بنانے کے لیے اقدامات کیے جا رہے ہیں۔ وزیر صحت نے کہا کہ بلوچستان جیسے پسماندہ صوبے میں صحت کے نظام کو جدید خطوط پر استوار کرنا حکومت کی اولین ترجیح ہے۔

بخت محمد کاکڑ نے مزید کہا کہ صوبائی محکمہ صحت اصلاحاتی ایجنڈے کے تحت بنیادی مراکز صحت اور ضلعی اسپتالوں کو فعال کرنے، ماہر ڈاکٹروں کی تعیناتی، اور ڈیجیٹل مانیٹرنگ سسٹم کے ذریعے شفافیت لانے پر توجہ مرکوز کیے ہوئے ہے

24/10/2025

پریس ریلیز
کوئٹہ: صوبائی وزیرِ صحت بلوچستان جناب بخت محمد کاکڑ کی زیرِ صدارت ایک اہم اجلاس منعقد ہوا۔ اجلاس میں ڈائریکٹر جنرل صحت بلوچستان غلام فاروق، پی پی ایچ آئی کے افسران، صوبہ پنجاب سے محکمہ صحت کی ٹیم اور سابق سیکریٹری صحت پنجاب علی جان نے شرکت کی۔
اجلاس میں محکمہ صحت کی ڈیجیٹلائزیشن کے عمل، اسپتالوں کے انتظامی ڈھانچے کی مضبوطی، جدید طبی آلات کی فراہمی اور علاج معالجے کے نظام میں بہتری کے لیے مختلف تجاویز پر تفصیلی غور کیا گیا۔
صوبائی وزیرِ صحت نے کہا کہ محکمہ صحت میں جدید ٹیکنالوجی کا استعمال وقت کی اہم ضرورت ہے، تاکہ عوام کو صحت کی معیاری سہولیات بروقت فراہم کی جا سکیں۔ انہوں نے متعلقہ حکام کو ہدایت کی کہ اسپتالوں کو بین الاقوامی معیار کے مطابق اپ گریڈ کرنے، ادویات کی بلاتعطل فراہمی کو یقینی بنانے اور عملے کی استعدادِ کار بڑھانے کے لیے جامع منصوبہ بندی کی جائے۔
وزیرِ صحت نے مزید کہا کہ حکومتِ بلوچستان عوام کو بہترین صحت سہولیات فراہم کرنے کے لیے پرعزم ہے اور اس مقصد کے حصول کے لیے تمام دستیاب وسائل بروئے کار لائے جا رہے ہیں۔

23/10/2025

بولان میڈیکل کمپلیکس اسپتال میں وائس چانسلر بولان یونیورسٹی آف میڈیکل اینڈ ہیلتھ سائنسز کا دورہ

کوئٹہ (22 اکتوبر 2025) — بولان میڈیکل کمپلیکس اسپتال کے میڈیکل سپرنٹنڈنٹ (ایم ایس) ڈاکٹر آصف انور شاہوانی سے بولان یونیورسٹی آف میڈیکل اینڈ ہیلتھ سائنسز (BUMHS) کے وائس چانسلر ڈاکٹر شبیر احمد لہڑی نے ملاقات کی۔ اس موقع پر ڈپٹی ایم ایس ڈاکٹر نسیم کٹکیزئی، ڈاکٹر سراج لہڑی اور دیگر متعلقہ افسران بھی موجود تھے۔

ملاقات کے دوران اسپتال میں جاری طبی سہولیات، تعلیمی سرگرمیوں اور تدریسی عمل کے فروغ سے متعلق امور پر تفصیلی تبادلۂ خیال کیا گیا۔ بعد ازاں ڈاکٹر شبیر لہڑی نے اسپتال کے مختلف شعبہ جات کا دورہ کیا اور مریضوں کو فراہم کی جانے والی سہولیات کا جائزہ لیا۔

دورے کا مقصد اسپتال میں فزیوتھراپی یونٹ کے قیام سے متعلق امور کا جائزہ لینا بھی تھا۔ وائس چانسلر نے فزیوتھراپی یونٹ کے قیام کے لیے مناسب جگہ کی فراہمی کی درخواست کی، جس پر ایم ایس ڈاکٹر آصف انور شاہوانی اور ان کی ٹیم نے مختلف مقامات کا معائنہ کیا۔ بعد ازاں فزیوتھراپی یونٹ کے لیے ایک جگہ مختص کی گئی جہاں جلد ہی جدید تقاضوں کے مطابق فزیوتھراپی کی سہولیات فراہم کرنے کے لیے باقاعدہ کام شروع کیا جائے گا۔

وائس چانسلر نے اسپتال انتظامیہ کی کارکردگی کو سراہتے ہوئے کہا کہ بولان میڈیکل کمپلیکس صوبے کا ایک اہم تدریسی و علاجی ادارہ ہے، جس کی بہتری سے بلوچستان میں طبی تعلیم و صحت کی خدمات میں مزید بہتری آئے گی۔

ایم ایس ڈاکٹر آصف انور شاہوانی نے وائس چانسلر کو اسپتال کی مجموعی صورتحال، درپیش چیلنجز اور آئندہ کے منصوبوں سے آگاہ کیا۔ انہوں نے کہا کہ یونیورسٹی اور اسپتال کے باہمی تعاون سے صحت اور تعلیم کے میدان میں مزید مثبت تبدیلیاں ممکن ہیں۔

22/10/2025

کوئٹہ: وزیر صحت بلوچستان بخت محمد کاکڑ کی سربراہی میں منسٹر ہیلتھ ٹاسک فورس کا اجلاس

کوئٹہ (اکتوبر 2025) — صوبائی وزیر صحت بلوچستان بخت محمد کاکڑ کی سربراہی میں منسٹر ٹاسک فورس کا اجلاس منعقد ہوا جس میں صوبے کے صحت کے نظام میں جاری اصلاحات اور ان پر ہونے والی پیش رفت کا تفصیلی جائزہ لیا گیا۔

اجلاس میں ٹاسک فورس کے چیئرمین اسپیشل سیکریٹری صحت شئے حق بلوچ نے ہسپتالوں کی مانیٹرنگ رپورٹ پیش کی، جس کے مطابق گزشتہ ایک سال کے دوران محکمہ صحت کی کارکردگی میں نمایاں بہتری ریکارڈ کی گئی ہے۔ رپورٹ کے مطابق:
• ضروری ادویات کی دستیابی میں 32 فیصد اضافہ ہوا اور یہ شرح نومبر 2023 میں 43 فیصد سے بڑھ کر اکتوبر 2025 میں 75 فیصد تک پہنچ گئی۔
• لیبر رومز میں درکار آلات کی دستیابی میں 62 فیصد بہتری ہوئی اور یہ 16 فیصد سے بڑھ کر 78 فیصد ہوگئی۔
• زچگی اور بعد از زچگی خدمات (ANC/PNC) کی فراہمی میں 57 فیصد اضافہ ہوا اور یہ شرح 6 فیصد سے بڑھ کر 63 فیصد پر پہنچ گئی۔
• ایمرجنسی ادویات کی دستیابی میں بھی 57 فیصد بہتری ریکارڈ کی گئی۔
• لیبر رومز کے بنیادی ڈھانچے میں 30 فیصد اضافہ ہوا اور یہ 25 فیصد سے بڑھ کر 55 فیصد پر جاپہنچا۔
• ویکسینیشن پروگرام کے ذریعے جغرافیائی کوریج میں بھی 19 فیصد اضافہ ہوا اور یہ 27 فیصد سے بڑھ کر 46 فیصد تک پہنچ گئی۔

وزیر صحت بخت محمد کاکڑ نے اجلاس سے خطاب کرتے ہوئے کہا کہ صحت کے شعبے میں یہ پیش رفت عوامی اعتماد کی بحالی کی سمت ایک اہم قدم ہے اور حکومت صحت عامہ کی بہتری کے لیے عملی اقدامات جاری رکھے گی۔ انہوں نے مزید کہا کہ صحت کے مراکز میں ادویات، آلات اور بنیادی سہولیات کی فراہمی کو مزید بہتر بنایا جائے گا تاکہ عوام کو معیاری طبی سہولیات ان کی دہلیز پر فراہم کی جاسکیں

22/10/2025

21/10/2025

“صوبائی وزیر صحت بلوچستان بخت محمد کاکڑ کی زیر صدارت ادویات کی ترسیل، ہسپتالوں میں ڈیوٹی روسٹرز اور اے آئی اٹینڈنس کے حوالے سے ایک اہم اجلاس منعقد ہوا۔ اجلاس میں اسپیشل سیکریٹری شہک بلوچ، ڈی جی ہیلتھ ڈاکٹر فاروق ہوت، ایڈیشنل سیکریٹریز، ایم ایس صاحبان اور دیگر متعلقہ افسران نے شرکت کی۔ محکمہ صحت بلوچستان عوام کو معیاری اور بہتر طبی سہولیات کی فراہمی کے لیے بھرپور اقدامات جاری رکھے ہوئے ہے۔