Health Department, Balochistan

08/12/2025

. DHIS-2 بلوچستان کے تمام اضلاع میں مکمل نافذ، کور کمیٹی کو پیش رفت سے آگاہ
کوئٹہ (پریس ریلیز)

وزیر صحت بلوچستان بخت محمد کاکڑ کی سربراہی میں بلوچستان ہیلتھ منجمنٹ انفارمیشن سسٹم (BHMIS) کی کور کمیٹی کا اہم اجلاس منعقد ہوا، جس میں صوبے میں جاری ڈیجیٹل ہیلتھ اصلاحات، DHIS-2 کے مکمل نفاذ، AI FRAMS کے ذریعے حاضری کے نظام، اور دیگر ہیلتھ انفارمیشن سسٹمز کی کارکردگی کا تفصیلی جائزہ لیا گیا۔

اجلاس میں ڈائریکٹر جنرل ہیلتھ بلوچستان فاروق ہوت، صوبائی کوآرڈینیٹر BHMIS ڈاکٹر ابابگر بلوچ، HISP پاکستان کے سی ای او عدنان بشیر اور یونیسف کے نمائندہ ڈاکٹر عامر اکرم نے شرکت کی۔ اجلاس کے دوران صوبائی سطح پر صحت کے ڈیٹا مینجمنٹ، ادارہ جاتی کارکردگی، اور خدمات کی شفافیت و احتساب کے نظام کو مزید مؤثر اور مضبوط بنانے پر تفصیلی غور و خوض کیا گیا۔

صوبائی کوآرڈینیٹر BHMIS ڈاکٹر ابابگر بلوچ نے سالانہ کارکردگی رپورٹ پیش کرتے ہوئے بتایا کہ DHIS-2 کا عمل درآمد بلوچستان کے تمام اضلاع میں مکمل ہوچکا ہے، جس کے تحت پرائمری سطح کے ہسپتالوں سے 66 بیماریوں جبکہ سیکنڈری اور ٹرٹری سطح کی سہولیات سے 110 بیماریوں کا ڈیٹا روزانہ کی بنیاد پر موصول ہو رہا ہے۔ انہوں نے بتایا کہ اب تک 1592 ہسپتالوں اور 4449 ہیلتھ ورکرز کو تربیت فراہم کی جاچکی ہے، اور صوبے بھر سے 87 فیصد روزانہ رپورٹنگ محکمہ صحت کو باقاعدگی سے موصول ہو رہی ہے، جو کہ ڈیٹا پر مبنی فیصلہ سازی کی طرف ایک اہم پیش رفت ہے۔

اجلاس کو آگاہ کیا گیا کہ تمام ہیلتھ ورکرز کی حاضری AI FRAMS کے ذریعے ریکارڈ کی جا رہی ہے، اور اس نظام کو 57 ٹرٹری کیئر ہسپتالوں، ڈسٹرکٹ ہیڈکوارٹرز ہسپتالوں اور میڈیکل کالجز میں مکمل طور پر فعال کردیا گیا ہے۔ مزید برآں کوئٹہ کے تمام رورل ہیلتھ سنٹرز (RHCs) اور 10 ہزار سے زائد لیڈی ہیلتھ ورکرز کو بھی AI FRAMS کے دائرہ کار میں شامل کرلیا گیا ہے۔ اجلاس میں بتایا گیا کہ بلوچستان کے میڈیسن مینجمنٹ سسٹمز کو بھی ڈیجیٹلائز کر دیا گیا ہے جبکہ ہیلپ لائن 1129 کے ذریعے عوامی شکایات کے ازالے کا عمل احسن انداز میں جاری ہے۔ محکمہ صحت کی ویب سائٹ سمیت تمام متعلقہ انفارمیشن سسٹمز کی باقاعدہ اپڈیٹ اور فعالیت سے خدمات کے معیار، نگرانی اور جوابدہی میں نمایاں بہتری آئی ہے۔

ڈاکٹر ابابگر بلوچ نے مزید بتایا کہ محکمہ صحت بلوچستان کی پالیسی کے تحت تمام پریوینٹو پروگرامز کو DHIS-2 کے ساتھ انٹیگریٹ کرنے کا عمل شروع کر دیا گیا ہے، جبکہ Integrated Disease Surveillance and Response (IDSR) کو پہلے ہی DHIS-2 کے ساتھ مرج کیا جاچکا ہے، جس سے بیماریوں کی نگرانی، بروقت الرٹ اور فوری ردعمل کے نظام کو مزید تقویت ملی ہے اور صوبائی ایمرجنسی رسپانس کی صلاحیت میں اضافہ ہوا ہے۔

اس موقع پر HISP پاکستان کے سی ای او عدنان بشیر نے خطاب کرتے ہوئے کہا کہ بلوچستان ڈیجیٹلائزیشن کے عمل میں ملک بھر میں ایک مثالی اور قائدانہ حیثیت رکھتا ہے اور عالمی سطح پر بھی محکمہ صحت بلوچستان کی کارکردگی کو سراہا جا رہا ہے۔ ان کا کہنا تھا کہ جس رفتار اور سنجیدگی کے ساتھ صوبہ بلوچستان نے ڈیجیٹل ہیلتھ اصلاحات مکمل کی ہیں وہ دیگر صوبوں کے لیے رول ماڈل کی حیثیت رکھتی ہیں۔

یونیسف کے ڈاکٹر عامر اکرم نے گفتگو کرتے ہوئے کہا کہ یونیسف پہلے ہی بلوچستان کو ڈیجیٹل ہیلتھ کے حوالے سے رول ماڈل قرار دے چکا ہے، جس کے تحت حال ہی میں گلگت بلتستان کے سیکریٹری صحت اور ڈائریکٹر جنرل صحت نے اپنے وفد کے ہمراہ بلوچستان کا خصوصی دورہ کیا، تاکہ یہاں کے ڈیجیٹل ہیلتھ ماڈل، تجربات اور بہترین اقدامات سے رہنمائی حاصل کی جاسکے اور انہیں دیگر علاقوں میں بھی اپنایا جا سکے۔

ڈائریکٹر جنرل ہیلتھ بلوچستان فاروق ہوت نے اپنے اظہار خیال میں کہا کہ یونیسف کی ٹیکنیکل سپورٹ اور HISP پاکستان کے تعاون سے DHIS-2 کا کامیاب عمل درآمد قابل تحسین ہے۔ انہوں نے ہدایت کی کہ تمام پریوینٹو پروگرامز کا DHIS-2 کے ساتھ انٹیگریشن ترجیحی بنیادوں پر جلد از جلد مکمل کیا جائے تاکہ صوبائی سطح پر ڈیٹا ایک پلیٹ فارم پر یکجا ہو اور منصوبہ بندی مزید مؤثر انداز میں کی جاسکے۔

وزیر صحت بلوچستان بخت محمد کاکڑ نے اجلاس سے خطاب کرتے ہوئے کہا کہ ڈیجیٹلائزیشن حکومت بلوچستان کی بنیادی ترجیحات میں شامل ہے۔ انہوں نے صوبے کے تمام اضلاع میں DHIS-2 کے کامیاب نفاذ پر BHMIS ٹیم اور محکمہ صحت بلوچستان کو مبارک باد دی اور اس عزم کا اظہار کیا کہ ڈیجیٹل ہیلتھ سسٹمز کو مزید مضبوط، مربوط اور عوام دوست بنانے کے لیے ہر ممکن اقدامات جاری رکھے جائیں گے، تاکہ بلوچستان میں صحت کی خدمات کی شفافیت، مؤثریت اور معیار کو مزید بہتر بنایا جا سکے اور عوام کو جدید اور بااعتماد صحت سہولیات میسر آسکیں۔

اجلاس میں ڈاکٹر سیمین گل بلوچ، صوبائی کوآرڈینیٹر، LHW پروگرام، بلوچستان، ڈاکٹر گل صبین، پروگرام کوآرڈینیٹر، MNCH پروگرام، PHD، بلوچستان، ڈاکٹر سحرین، پروگرام کوآرڈینیٹر، HIV/AIDS پروگرام، PHD، بلوچستان، ڈاکٹر شیر افغان ریسانی، صوبائی کوآرڈینیٹر، TB کنٹرول پروگرام، ڈاکٹر احسان احمد لاری، ڈپٹی صوبائی کوآرڈینیٹر، EPI پروگرام، ڈاکٹر ساجدہ پنیزئی، صوبائی کوآرڈینیٹر، MCH پروگرام، ڈاکٹر رشیدہ، ڈائریکٹر، ٹیکنیکل ہیلتھ ڈپارٹمنٹ، ڈاکٹر گل صبین، صوبائی کوآرڈینیٹر، ہیپاٹائٹس پروگرام، ڈاکٹر اویس طارق، ڈپٹی ڈائریکٹر، نیوٹریشن پروگرام، مسٹر سلطان احمد، پراجیکٹ مینیجر، نیوٹریشن پروگرام، نعمان زیا خان، ڈائریکٹر، HISP اسلام آباد، مسٹر اختر محمد، MIS آفیسر، پرووینشل DHIS سیل، بلوچستان، اور مسٹر حیات اللہ، سسٹم کنفیگیوریٹر، پرووینشل DHIS سیل، بلوچستان بھی شریک تھے۔

08/12/2025

(اسٹاف رپورٹر)
Chief Minister's Prison Health Initiative Balochistan

صوبائی ٹی بی کنٹرول پروگرام بلوچستان نے 2025 کی کارکردگی اور پہلی بار صوبے کی جیلوں میں ہونے والی جامع صحت اسکریننگ مہم کے نتائج کوئٹہ پریس کلب میں پریس کانفرنس کے دوران پیش کیے۔ پریس کانفرنس سے صوبائی منیجر ڈاکٹر شیر افگن رئیسانی نے خطاب کیا، جبکہ ایس ایس پی جیل خانہ جات سید حمید اللہ پیچھی بھی موجود تھے۔

وزیراعلیٰ بلوچستان میرسرفراز بگٹی اور صوبائی وزیر صحت بخت محمد کاکڑ کی رہنمائی میں صوبائی سیکرٹری ہیلتھ مجیب الرحمن کی نگرانی میں پہلی بار 12 جیلوں میں جامع صحت اسکریننگ مہم چلائی گئی، جس میں 2,930 قیدیوں اور جیل عملے کی اسکریننگ کی گئی۔ AI ایکسرے میں 139 مشتبہ کیسز سامنے آئے، جن میں سے Gene-Xpert کے ذریعے 11 افراد میں ٹی بی کی تصدیق ہوئی۔ تمام کیسز ادویات کے لیے حساس پائے گئے۔

اس دوران HIV کے 8، ہیپاٹائٹس بی کے 61 اور ہیپاٹائٹس سی کے 93 کیسز کی نشاندہی بھی ہوئی۔

پریس کانفرنس میں پروجیکٹ منیجر ڈاکٹر عرفان احمد، ڈاکٹر خالد محمدشہی، ڈاکٹر بلال خان، ڈاکٹر بہاول چھلگری، ڈاکٹر وحید احمد اور ڈاکٹر شائد ترین بھی موجود تھے۔
صوبائی سیکرٹری ہیلتھ مجیب الرحمن نے کہا کہ صحت کی اس قسم کی مہمیں قیدیوں اور جیل عملے کی فلاح و بہبود کے لیے مستقل بنیادوں پر جاری رہیں، اور اس بات کو یقینی بنایا جائے کہ تمام مریض بروقت علاج حاصل کریں۔

08/12/2025

08/12/2025

کوئٹہ: حکومتِ بلوچستان کے نوٹیفکیشن کے تحت مجیب الرحمٰن (بی پی ایس-20) نے سیکریٹری صحت بلوچستان کے عہدے کا چارج سنبھال لیا ہے

05/12/2025

وزیرِ صحت بلوچستان بخت محمد کاکڑ کی ہدایت پر پاک افغان بارڈر پر کشیدگی کے پیشِ نظر ضلع چمن اور کوئٹہ میں ایمرجنسی نافذ کر دی گئی ہے۔

محکمۂ صحت کے مطابق سرحدی صورتحال کے تناظر میں تمام متعلقہ ہسپتالوں اور طبی مراکز کو ہائی الرٹ کر دیا گیا ہے تاکہ کسی بھی ہنگامی صورتحال میں فوری اور مؤثر طبی امداد یقینی بنائی جا سکے۔

ایمرجنسی اقدامات کے تحت تمام طبی، نرسنگ، پیرا میڈیکل اور سپورٹ اسٹاف کو ہدایت کی گئی ہے کہ وہ اپنی متعلقہ ڈیوٹی اسٹیشنز اور ہسپتالوں میں موجود رہیں۔ اسی تسلسل میں عملے کی تمام چھٹیاں منسوخ کر دی گئی ہیں اور ڈاکٹرز سمیت ضروری خدمات فراہم کرنے والی ٹیموں کی دستیابی کو یقینی بنانے کی ہدایات جاری کر دی گئی ہیں۔

مزید بتایا گیا ہے کہ ایمبولنس سروسز کو فعال کر کے اضافی ایمبولنسز کو ضروری مقامات کی جانب روانہ کر دیا گیا ہے، جبکہ ایمرجنسی وارڈز، ٹراما مینجمنٹ، ادویات، خون اور دیگر ضروری طبی سامان کی دستیابی و تیاری کے لیے بھی فوری اقدامات شروع کر دیے گئے ہیں۔

محکمۂ صحت نے واضح کیا ہے کہ چمن اور کوئٹہ کے سرکاری ہسپتالوں میں ایمرجنسی رسپانس پلان کے مطابق انتظامات کو مزید مضبوط بنایا جا رہا ہے اور صورتحال کی مسلسل نگرانی کی جا رہی ہے تاکہ عوام کو بروقت اور محفوظ طبی سہولیات فراہم کی جا سکیں

03/12/2025

ہیلتھ سروسز اکیڈمی کی جانب سے صوبائی وزیرِ صحت بخت محمد کاکڑ
اور سیکریٹری صحت مجیب الرحمٰن کو ایکسی لینس ایوارڈ
چیف گیسٹ: وفاقی وزیرِ صحت مصطفیٰ کمال

ہیلتھ سروسز اکیڈمی (HSA) اسلام آباد میں منعقدہ تقریب میں وفاقی وزیرِ صحت مصطفیٰ کمال نے صوبائی وزیرِ صحت بلوچستان بخت محمد کاکڑ اور سیکریٹری صحت مجیب الرحمٰن کو صحت کے شعبے میں غیر معمولی کارکردگی، بہتر گورننس، اور اصلاحات کے نفاذ پر ہیلتھ سروسز اکیڈمی ایکسی لینس ایوارڈ سے نوازا۔

تقریب میں قومی و بین الاقوامی صحت کے ماہرین، پالیسی سازوں، اور متعلقہ اداروں کے نمائندوں نے شرکت کی۔ ایوارڈ اس اعتراف کے طور پر دیا گیا کہ دونوں عہدیداران نے گزشتہ مہینوں میں بلوچستان کے صحت عامہ کے نظام میں موجودہ صورتحال کو بہتر بنانے کے لیے نمایاں اقدامات کیے۔

وزیرِ صحت بخت محمد کاکڑ اور سیکریٹری صحت مجیب الرحمٰن کی قیادت میں ہسپتالوں کی اپ گریڈیشن، ڈیجیٹل سروسز کا آغاز، بنیادی ادویات اور سہولیات کی فراہمی، شفافیت پر مبنی انتظامی اصلاحات اور عوام کو معیاری صحت خدمات تک رسائی جیسے عملی اقدامات شامل ہیں۔

چیف گیسٹ وفاقی وزیرِ صحت مصطفیٰ کمال نے اس موقع پر کہا کہ بلوچستان میں جاری اصلاحات پورے ملک کے لیے ایک ماڈل کی حیثیت رکھتی ہیں اور صوبائی قیادت کی محنت قابلِ تحسین ہے۔

وزیرِ صحت اور سیکریٹری صحت نے ایوارڈ پر اظہارِ تشکر کرتے ہوئے کہا کہ یہ اعزاز پوری ٹیم کی مشترکہ کاوشوں کا نتیجہ ہے، اور حکومت بلوچستان صحت کے شعبے میں مزید بہتری کے لیے بھرپور کوششیں جاری رکھے گی۔

02/12/2025

UNFPA and MNCH organised a workshop to discuss the very essential medicine list and basics of supply chain management. The purpose of the workshop was to understand the purpose & Need for a VEML to save the lives of mothers and newborns. Ensures the most critical items are always prioritized for procurement and distribution. And it aligns as per international WHO guidelines and standards across districts. Lastly all supplies are procured, distributed through a proper supply chain management system in Balochistan.
The outcome of the meeting laid to include Family planning medicines and contraceptives in the very essential list and the price list.

02/12/2025

کوئٹہ
ایڈز کے عالمی دن کے موقع پر کوئٹہ میں صوبائی ایڈز کنٹرول پروگرام محکمہ صحت بلوچستان کی جانب سے ایک بڑی شاندار تقریب منعقد ھوئی۔ تقریب زندگی کے مختلف شعبوں سے تعلق رکھنے والی شخصیات ، خواتین اور نوجوانوں نے شرکت کی۔ تقریب میں سول سوسائٹی کی تنظیمیں بھی شریک ھوئیں۔
تقریب کے مہمانان گرامی ایڈیشنل سیکرٹری صحت ثاقب خان ، ڈائریکٹر ہیلتھ سروسز ھاشم مینگل، صوبائی کوآرڈینیٹر ڈاکٹر سحرین نوشیروانی ، ڈاکٹر خداداد عثمانی ،ڈاکٹر داؤد خان اچکزئی اور دیگر تھے۔

28/11/2025

The Joint Program Review Mission (JPRM) team visited Balochistan and held a meeting with Minister Health Bakht Muhammad Kakar, accompanied by the Provincial TB Team and other technical officers of the Health Department. The mission was led by Dr. Khwaja Laeeq, WHO Lead for the JPRM Mission in Balochistan, along with Dr. Sher Afgan Raisani, Manager Provincial TB Control Program Balochistan.