Intikhab Marriage Bureau and Adviser

23/03/2026

جب مجھے یہ معلوم ہوا کہ اس دنیا میں ہر کوئی خود غرض ہے، تو میں نے اپنا حلقہ (دوستی کا دائرہ) اتنا چھوٹا کر لیا کہ اس میں صرف میں، میری ذات اور بس میں ہی رہ گیا۔
​تفصیلی وضاحت
​یہ جملہ انسانی رویوں سے ہونے والی مایوسی اور اس کے نتیجے میں اختیار کی جانے والی تنہائی کی عکاسی کرتا ہے۔ اس کے اہم نکات یہ ہیں:
​دنیا کی خود غرضی: انسان جب بار بار لوگوں سے دھوکہ کھاتا ہے یا یہ محسوس کرتا ہے کہ ہر کوئی صرف اپنے مفاد کے لیے رشتہ رکھتا ہے، تو وہ دوسروں پر بھروسہ کرنا چھوڑ دیتا ہے۔
​حلقہ چھوٹا کرنا: یہاں "سرکل" (Circle) سے مراد آپ کے قریبی دوست اور وہ لوگ ہیں جن پر آپ بھروسہ کرتے ہیں۔ "سرکل چھوٹا کرنے" کا مطلب ہے کہ انسان نے لوگوں سے ملنا جلنا اور ان پر اعتبار کرنا ختم کر دیا ہے۔
​اپنی ذات میں مگن ہونا: "میں، میری ذات اور بس میں" کہنے کا مقصد یہ ہے کہ اب وہ شخص کسی دوسرے کو اپنے قریب نہیں آنے دیتا۔ اس نے اپنی خوشی اور سکون کے لیے صرف اپنی ذات پر انحصار کرنا سیکھ لیا ہے۔
​حاصلِ کلام
​یہ تحریر ایک ایسے شخص کی کیفیت بیان کرتی ہے جو سماجی تلخیوں سے تنگ آ کر "خلوصِ نیت" کی تلاش چھوڑ چکا ہے اور اب تنہائی میں ہی سکون محسوس کرتا ہے۔ یہ ایک طرح کا دفاعی طریقہ (Defense Mechanism) ہے تاکہ مزید دکھ سے بچا جا سکے۔

23/03/2026

23/03/2026

آپ کی بیٹی پسند نہیں آئی۔۔ استخارہ ٹھیک نہیں آیا۔۔۔ لڑکا نہیں مان رہا۔ رنگ ذرا پکا ہے۔۔ عمر ذرا زیادہ ہے۔۔لڑکی ذرا دبلی ہے۔۔۔۔
یہ وہ تیزاب میں ڈوبے جملے ہیں جو رشتے کے انتظار میں بیٹھی لڑکی کو تب سننے کو ملتے ہیں جب لڑکی کو چائے لانے کے بہانے لڑکے کے پورے خاندان والے جمع ہوکر دیکھتے ہیں۔ ٹھیک ہے رشتہ طے ہوتے وقت باعزت طریقے سے ملنا چاہیے، لیکن یہ کیا؟ یہاں تو لڑکے کا پورا خاندان لڑکی کا ایکسرے کرتا ہے۔ سر سے پاؤں تک ٹٹولا جاتا ہے، سوالوں کی بوچھاڑ ہوتی ہے، جیسے کسی مال مویشی کو اچھی طرح سے ہاتھ لگا لگا کر ٹٹولا جاتا ہے۔
عموماً یہ لڑکے والے چھٹی کے دن آتے ہیں، جنہوں نے ایک ہی دن میں کئی اور گھروں میں بھی لڑکیاں دیکھنے جانا ہوتا ہے۔ لڑکی والے چاہے جتنے بھی سفید پوش ہوں، انہیں اس بار بار کے چائے کے لوازمات میں ہزاروں خرچ کرنے پڑتے ہیں۔ لڑکے والوں کے جانے کے بعد لڑکی انتظار کی سولی پر لٹکی ہوتی ہے کہ ہاں ہوگا یا ناں۔۔ بعض دفعہ تو لڑکے والے لڑکی والوں کو ناں کہنے کی زحمت بھی گوارا نہیں کرتے۔
پھر دن رات سوچوں میں گم، کروٹ بدلتے ہوئے لڑکی جب ماں باپ کی سرگوشی سنتی ہے کہ: "لڑکے والوں کا استخارہ ٹھیک نہیں آیا۔۔ منع کر دیا ہے۔۔ لڑکی ذرا موٹی لگی ہے۔۔ قد ذرا چھوٹا ہے۔۔ رنگ پکا ہے۔۔ عمر ذرا زیادہ ہے۔" ان میں سے کچھ بھی سننا پڑتا ہے۔
لڑکے یہ سب کیا جانیں کہ والدین کے گھر بڑھتی عمر کا حساب کیسے ہوتا ہے؟ رات آنسوؤں سے تکیہ کیسے بھیگا ہوتا ہے؟ چپ چاپ لمبے وظیفے کیسے کیے جاتے ہیں؟ اپنی سے چھوٹی کزنز کی شادیوں پر جا کر دل کی کیا حالت ہوتی ہے؟
سچ تو یہ ہے کہ ہر بار کا یہ "ریجیکشن" ہماری روح میں ایک ایسا شگاف ڈال دیتا ہے جو کبھی نہیں بھرتا۔ ہمیں کوئی بتائے کہ کیا ہم گوشت پوست کا انسان نہیں ہیں؟ کیا ہماری اپنی کوئی عزتِ نفس نہیں؟ جب ہمیں کسی نمائش کی شے کی طرح دیکھا جاتا ہے اور پھر ایک معمولی سے عیب کی بنیاد پر رد کر دیا جاتا ہے، تو وہ لمحہ ہم سے ہماری خود اعتمادی چھین لیتا ہے۔ ہمیں ماں باپ کے گھر بیٹھے رہنے کا کوئی شوق نہیں ہوتا، لیکن ہم یہ بھی نہیں چاہتیں کہ ہمیں بار بار تذلیل کے اس عمل سے گزارا جائے۔
ہم چاہتی ہیں کہ ہمیں باعزت طریقے سے اپنایا جائے۔ یہ جو بار بار رد کیے جانے کا عمل ہے، یہ ہمیں ساری زندگی کے لیے "ڈیمج" کر دیتا ہے۔ ہم ٹوٹ جاتی ہیں، بکھر جاتی ہیں اور اپنوں کی نظروں میں بوجھ لگنے لگتی ہیں۔ کاش لڑکے والے اپنی پسند کا معیار آسمانوں سے ذرا نیچے زمین پر لائیں، تو شاید انہیں احساس ہو کہ ہر چمکتی چیز سونا نہیں ہوتی اور کبھی کبھی پتھروں کے بیچ ہیرا بھی مل جاتا ہے، کبھی کیچڑ میں کنول بھی کھل اٹھتا ہے۔
خدارا! بیٹیوں کو رشتوں کی منڈی میں کھڑی کوئی جنس نہ سمجھیں، وہ تو گھر کی رونق اور کسی کے جگر کا ٹکڑا ہوتی ہیں۔ انہیں عزت دیجیے، تذلیل نہیں۔۔
تحریر
آفرین عاقب
منقول مسز شاہد انتخاب میرج بیورو اینڈ کنسلٹنٹ رحیم یار خان

22/03/2026

21/03/2026

پہلے لوگ دیکھتے تھے کہ لڑکا کیسا ملے گا 🥰
اب لوگ ڈرتے ہیں کہ پتہ نہیں لڑکی کیسی ہوگی😞