Rescue 1122 Poonch Rawalakot

02/02/2026

پونچھ راولاکوٹ
2 فروری 2026
شیل پمپ کے قریب ایک عمارت میں آگ لگنے کی اطلاع پر ریسکیو 1122 راولاکوٹ اور فائر بریگیڈ راولاکوٹ نے بروقت کارروائی کرتے ہوئے آگ پر قابو پا لیا۔ ریسکیو ٹیمیں فوری طور پر فائر وہیکلز کے ہمراہ موقع پر پہنچیں اور پیشہ ورانہ مہارت کا مظاہرہ کرتے ہوئے آگ کو عمارت کے دیگر حصوں تک پھیلنے سے روک دیا۔
ریسکیو اہلکاروں کی فوری اور مؤثر فائر فائٹنگ کے باعث آگ کو ایک کمرے تک محدود رکھتے ہوئے مکمل طور پر بجھا دیا گیا، جس سے بڑے مالی نقصان سے بچاؤ ممکن ہوا۔ خوش قسمتی سے واقعہ میں کسی قسم کا جانی نقصان نہیں ہوا۔
اس موقع پر وصال ایمبولینس سروس کے تربیت یافتہ رضاکاران اور مقامی شہریوں نے بھی بھرپور تعاون کیا، جس کی بدولت عمارت کو بڑے نقصان سے بچا لیا گیا۔
مقامی شہریوں نے ریسکیو 1122، فائر بریگیڈ اور وصال ایمبولینس سروس کی بروقت اور مثالی کارروائی کو سراہا۔

02/02/2026

پونچھ راولاکوٹ
تاریخ: 2 فروری 2026
شیل پمپ کے قریب ایک عمارت میں آگ لگنے کی اطلاع پر ریسکیو 1122 راولاکوٹ اور فائر بریگیڈ راولاکوٹ نے بروقت کارروائی کرتے ہوئے آگ پر قابو پا لیا۔ ریسکیو ٹیمیں فوری طور پر فائر وہیکلز کے ہمراہ موقع پر پہنچیں اور پیشہ ورانہ مہارت کا مظاہرہ کرتے ہوئے آگ کو عمارت کے دیگر حصوں تک پھیلنے سے روک دیا۔
ریسکیو اہلکاروں کی فوری اور مؤثر فائر فائٹنگ کے باعث آگ کو ایک کمرے تک محدود رکھتے ہوئے مکمل طور پر بجھا دیا گیا، جس سے بڑے مالی نقصان سے بچاؤ ممکن ہوا۔ خوش قسمتی سے واقعہ میں کسی قسم کا جانی نقصان نہیں ہوا۔
اس موقع پر وصال ایمبولینس سروس کے تربیت یافتہ رضاکاران اور مقامی شہریوں نے بھی بھرپور تعاون کیا، جس کی بدولت عمارت کو بڑے نقصان سے بچا لیا گیا۔
مقامی شہریوں نے ریسکیو 1122، فائر بریگیڈ اور وصال ایمبولینس سروس کی بروقت اور مثالی کارروائی کو سراہا۔

01/02/2026

یہ بہت سنگین اور جان لیوا چوٹ ہوتی ہے، اس لیے فوراً درست فرسٹ ایڈ کرنا جان بچا سکتا ہے۔ ہسپتال پہنچانے سے پہلے یہ اقدامات فوراً کریں:
🛑 سب سے پہلا اور ضروری قدم
گھبرائیں نہیں — فوراً مدد کریں
🩸 خون روکنے کا طریقہ (سب سے اہم)

1️⃣ فوراً دباؤ (Pressure) ڈالیں
صاف کپڑا، تولیہ، رومال یا پٹی لیں
زخم پر مضبوطی سے دباؤ ڈالیں
دباؤ مسلسل رکھیں (کم ازکم 10–15 منٹ)
❌ بار بار پٹی ہٹا کر زخم نہ دیکھیں، اس سے خون دوبارہ بہنے لگتا ہے

2️⃣ اگر خون بہت زیادہ بہہ رہا ہو
دباؤ کے ساتھ ساتھ:
اگر دستیاب ہو تو اسکارف، دوپٹہ یا کپڑا لپیٹ کر گلے پر دباؤ رکھیں
لیکن ⚠️ گلا مکمل بند نہ کریں — سانس کا راستہ کھلا رہے

🚫 یہ کام ہرگز نہ کریں
❌ زخم میں انگلی، روئی یا کوئی چیز اندر نہ ڈالیں
❌ زخم کو دھونے کی کوشش نہ کریں اگر خون بہہ رہا ہو
❌ گردن کو زیادہ حرکت نہ دیں
❌ مریض کو کھانا یا پانی نہ دیں

🧍‍♂️ مریض کو کس حالت میں رکھیں؟
مریض کو بٹھائیں یا نیم لیٹا رکھیں
سر تھوڑا سا آگے کی طرف جھکا ہو
اگر ممکن ہو تو زخم والا حصہ دل کی سطح سے تھوڑا اونچا
😮‍💨 اگر سانس میں مشکل ہو
فوراً:
تنگ کپڑے ڈھیلے کریں
مریض کو سیدھا رکھیں

ایمبولینس کو فوراً کال کریں
🚑 ہسپتال فوراً لے جائیں
ہر حال میں ہسپتال پہنچانا ضروری ہے
چاہے خون رک بھی جائے، کیونکہ:
اندرونی زخم
شریان (Artery) کٹنے
انفیکشن کا شدید خطرہ ہوتا ہے

📞 پاکستان میں ایمرجنسی نمبر
1122 — فوراً کال کریں

⚠️ یاد رکھیں
مانجھے سے یا تیز دھار سے کڻنے والا زخم عام کٹ نہیں ہوتا
یہ گلا، شریان، سانس کی نالی سب کو نقصان پہنچا سکتا ہے۔!!!

31/01/2026

پونچھ راولاکوٹ — 31 جنوری 2026
آج مورخہ 31 جنوری 2026 کو رات 9 بجکر 12 منٹ پر ارسلان نامی شہری کی جانب سے منگ موڑ چہڑھ سے ریسکیو کنٹرول روم 1122 کو اطلاع موصول ہوئی کہ ایک بزرگ شہری (عمر 60 سال سے زائد) کو سانس لینے میں شدید دشواری پیش آ رہی ہے۔
اطلاع ملتے ہی ریسکیو 1122 کی ٹیم نے کال کو بروقت رسپانس کرتے ہوئے فوری طور پر موقع پر پہنچ کر مریض کو ابتدائی طبی امداد فراہم کی اور مزید علاج کے لیے سی ایم ایچ راولاکوٹ منتقل کر دیا۔
ریسکیو 1122 کی بروقت کارروائی کے باعث مریض کو فوری طبی سہولیات فراہم کی جا سکیں۔

31/01/2026

پونچھ راولاکوٹ — 31 جنوری 2026
آج مورخہ 31 جنوری 2026 کو رات 8 بجکر 15 منٹ پر سوشل ویلفیئر آفس سے ریسکیو کنٹرول روم 1122 کو اطلاع موصول ہوئی کہ ایک خاتون شدید تکلیف میں مبتلا ہے اور فوری طبی امداد درکار ہے۔
اطلاع ملتے ہی ریسکیو 1122 راولاکوٹ کی ٹیم نے کال کو بروقت رسپانس کرتے ہوئے فوری طور پر موقع پر پہنچ کر مریضہ کو ابتدائی طبی امداد فراہم کی اور مزید علاج کے لیے سی ایم ایچ راولاکوٹ منتقل کر دیا۔
ریسکیو 1122 کی بروقت اور پیشہ ورانہ کارروائی کے باعث مریضہ کو فوری طبی سہولت فراہم کی جا سکی۔

30/01/2026

⚠️ وارننگ الرٹ ⚠️
سٹیٹ ڈیزاسٹر مینجمنٹ اتھارٹی
آزاد حکومتِ ریاست جموں و کشمیر
31 جنوری سے 03 فروری کے دوران نیلم ویلی، مظفرآباد، جہلم ویلی، راولاکوٹ، باغ، حویلی اور پونچھ میں بارشوں اور بالائی علاقوں میں شدید برفباری کا امکان ہے۔
موسمی صورتحال کے باعث لینڈ سلائیڈنگ، سڑکوں کی بندش اور آمدورفت میں رکاوٹ کا شدید خدشہ ہے۔
اہم ہدایات:
غیر ضروری سفر سے گریز کریں۔
عوام الناس اور سیاح حضرات سفر سے قبل تازہ موسمی اور روڈ کنڈیشن معلوم کریں۔
پہاڑی علاقوں میں رہائش پذیر افراد احتیاطی تدابیر اختیار کریں۔
ہنگامی صورتحال میں ضلعی انتظامیہ، ریسکیو 1122 اور متعلقہ اداروں سے رابطہ کریں۔
ایس ڈی ایم اے
صورتحال پر نظر رکھے ہوئے ہے۔ عوام سے گزارش ہے کہ سرکاری ہدایات پر عمل کریں۔

30/01/2026

پونچھ راولاکوٹ — 30 جنوری 2026
نبیل رشید ولد محمد رشید خان ساکن جنڈالی کی والدہ محترمہ جو فالج کی مریضہ تھیں، اچانک طبیعت خراب ہو گئی۔ گلی بازار تک اہلِ علاقہ مریضہ کو پیدل اٹھا کر پہنچے۔ وہاں سے جیپ کہ ذریعہ سے مریضہ کو بنجوسہ جھیل تک پہنچایا گیا اطلاع ملنے پر ریسکیو 1122راولاکوٹ اور کھائی گلہ کی ٹیمیں فوری طور پر بنجوس جھیل پہنچیں۔
اس دوران ریسکیو ٹیموں نے متاثرہ خاندان سے مسلسل رابطہ رکھا اور بحفاظت مریضہ کو جھیل کے مقام سے وصول کیا۔ ریسکیو اہلکاروں نے برف باری کے باعث راستے میں حائل رکاوٹیں اور ٹریفک مسائل بھی حل کیے۔
ریسکیو ٹیموں نے مریضہ کو ابتدائی طبی امداد فراہم کرنے کے بعد مزید علاج کے لیے راولاکوٹ ہسپتال منتقل کر دیا۔ ریسکیو 1122 کی بروقت اور پیشہ ورانہ کارروائی کے باعث مریضہ کو فوری طبی سہولت میسر آ سکی۔

29/01/2026

پونچھ راولاکوٹ
تاریخ: 29 جنوری 2026
جنڈالی کہ مقام پر محمد اسحاق المعروف محمد اشتیاق ولد محمد افسر خان ساکن جنڈالی جنگی سور کے حملے سے شدید زخمی ہو گیا۔ واقعہ کی اطلاع ناصر نامی شخص نے دوپہر 12 بجکر 20 منٹ پر ریسکیو کنٹرول روم کو دی۔
اطلاع ملتے ہی ریسکیو 1122 راولاکوٹ کی ٹیم فوری طور پر موقع کی جانب روانہ ہوئی۔ شدید برف باری کے باعث سڑکوں پر مختلف مقامات پر رکاوٹیں اور شدید پھسلن موجود تھی جنہیں عبور کرتے ہوئے ریسکیو اہلکار بنجوسہ جھیل پہنچے۔
ریسکیو ٹیم نے متاثرہ شخص کو آپنی تحویل میں لیتے ہوے موقع پر ابتدائی طبی امداد فراہم کی اور بعد ازاں زخمی کو مزید علاج کے لیے سی ایم ایچ راولاکوٹ منتقل کر دیا مقامی لوگوں نے تین فٹ سے زائد برف ہونے کہ باوجود بہت ہمت سے زخمی شحص کو مارکہ جنڈالی سے گلی بازار تک پہنچایا اور پھر جیب کہ ذریعہ سے جھیل تک اس دوران ریسکیو ٹیم نے متاثرہ شخص کو جھیل کے مقام سے وصول کیا راستہ بوجہ برف باری شدید پھسلن کے باوجود ریسکیو 1122 کے ایمبولینس ڈرائیور نے کمال مہارت اور پیشہ ورانہ صلاحیت کا مظاہرہ کرتے ہوئے مریض کو بحفاظت ہسپتال پہنچایا۔

ریسکیو 1122 کی بروقت کارروائی کے باعث زخمی کو فوری طبی سہولت میسر آ سکی مریض کی حالت خطرے سے باہر ہے الحمدللہ

29/01/2026

27/01/2026

پونچھ راولاکوٹ)
موجودہ موسمی صورتحال اور متوقع شدید برف باری کے پیشِ نظر ریسکیو 1122 راولاکوٹ کی آپریشنل تیاریوں کا جائزہ لینے کے لیے ڈپٹی کمشنر پونچھ اور اسسٹنٹ کمشنر راولاکوٹ نے ضلعی ہیڈ کوارٹر ریسکیو 1122 راولاکوٹ کا دورہ کیا۔
دورے کے دوران افسران کو ریسکیو 1122 کی موجودہ تیاریوں، دستیاب وسائل، افرادی قوت اور ہنگامی ردِعمل سے متعلق تفصیلی بریفنگ دی گئی۔ ڈپٹی کمشنر پونچھ نے ریسکیو افسران و اہلکاروں کی کاوشوں کو سراہتے ہوئے ہدایت کی کہ برف باری کی صورت میں عوام کو بروقت اور مؤثر امداد فراہم کرنے کے لیے تمام ضروری انتظامات مکمل رکھے جائیں۔
اس موقع پر آئندہ کے لیے ہنگامی منصوبہ بندی، گاڑیوں اور آلات کی دستیابی، اور سٹاف کی الرٹ ڈیوٹی کو یقینی بنانے کی بھی ہدایات جاری کی گئیں۔

27/01/2026