Pakistan Nurses Rights Association

15/04/2026

پاکستان نرسزز رائٹس ایسوسی ایشن (PNRA) کا قیام کسی شوق کے تحت نہیں بلکہ ایک اہم ضرورت کے پیشِ نظر عمل میں لایا گیا۔ پاکستان میں نرسنگ لیڈرشپ کی شدید کمی پائی جاتی ہے، جس کی وجہ سے ہمارے نظام پر اکثر دوسرے پروفیشنز کے افراد فیصلے کرتے ہیں۔ اس صورتحال میں نرسزز کے مسائل کو نظر انداز کیا جاتا ہے اور پیشہ ورانہ ترقی بھی متاثر ہوتی ہے۔

PNRA کا بنیادی مقصد نرسنگ کے اندر سے مضبوط اور باصلاحیت قیادت کو ابھارنا ہے، جو نہ صرف نظام کو بہتر انداز میں سمجھتی ہو بلکہ نرسزز کے حقوق کے لیے مؤثر آواز بھی بن سکے۔ ہم چاہتے ہیں کہ نرسزز صرف خدمات تک محدود نہ رہیں بلکہ پالیسی سازی اور فیصلہ سازی کے عمل میں بھی اپنا کردار ادا کریں۔

یہ پلیٹ فارم نرسز کو متحد کرنے، انہیں بااختیار بنانے اور ان میں قیادت کی صلاحیتیں پیدا کرنے کے لیے کام کر رہا ہے تاکہ وہ اپنے پیشے کے لیے خود کھڑے ہو سکیں اور ایک بہتر مستقبل کی بنیاد رکھ سکیں۔

Abdul baseer
Founder & Chairman
Pakistan Nurses Rights Association (PNRA)

14/04/2026

14/04/2026

الحمدللہ! آج کی آن لائن میٹنگ اسلام آباد کیبنٹ کے ساتھ انتہائی پروفیشنل انداز میں منعقد ہوئی، جس میں نرسنگ پروفیشن سے متعلق اہم امور، مسائل اور ان کے حل پر سنجیدہ گفتگو کی گئی۔

اس اسکرین ریکارڈنگ کا مقصد تمام ممبرز کو میٹنگ کی مکمل جھلک فراہم کرنا اور کیے گئے فیصلوں سے آگاہ رکھنا ہے۔

ہم پرعزم ہیں کہ ایک متحد پلیٹ فارم کے ذریعے نرسنگ کے حقوق کے تحفظ اور پیشے کی بہتری کے لیے مؤثر اور عملی اقدامات جاری رکھے جائیں گے۔

Abdul baseer
Founder & Chairman
Pakistan Nurses Rights Association (PNRA)

13/04/2026

ہسپتال میں صرف نرسزز ہی نہیں ہوتیں، بلکہ عوام، اٹینڈنٹس اور دیگر پروفیشنز کے لوگ بھی موجود ہوتے ہیں۔ ایسے میں کسی بھی ڈرامے میں صرف نرسزز کو ٹارگٹ کرنا اور یہ کہنا کہ

“Some nurse might have
stolen it”
(ممکن ہے کسی نرس نے یہ چوری کر لیا ہے)

انتہائی قابلِ مذمت ہے۔

نرسزز وہ طبقہ ہے جو کم تنخواہ پر دن رات محنت کرتا ہے، مریضوں کی خدمت کرتا ہے، اپنی نیند، سکون اور ذاتی زندگی قربان کرتا ہے۔ لیکن افسوس کہ پاکستان میں انہیں عزت دینے کے بجائے اکثر بدنام کیا جاتا ہے۔

یہ صرف ایک جملہ نہیں، بلکہ ایک پورے پروفیشن کی ساکھ کو متاثر کرتا ہے۔ میڈیا کو چاہیے کہ ذمہ داری کا مظاہرہ کرے اور کسی بھی پیشے کو منفی انداز میں پیش نہ کرے۔

میرا تمام نرسزز سے گزارش ہے:
اب وقت آ گیا ہے کہ ہم سب اکٹھے ہوں، اپنے حق اور اپنی عزت کے لیے آواز اٹھائیں۔
دنیا کے ہر پروفیشن نے اپنی عزت خود منوائی ہے—ہمیں بھی اپنے وقار کے لیے کھڑا ہونا ہوگا۔

Abdul baseer
Founder & Chairman
Pakistan Nurses Rights Association ( PNRA)

13/04/2026

آج ایک اور افسوسناک واقعہ سامنے آیا ہے جہاں ایک نرسنگ گریجویٹ کو صرف اس وجہ سے نوکری سے محروم کر دیا گیا کیونکہ اس کا PNC کارڈ وقت پر جاری نہیں ہوا۔

طالب علم نے urgent basis پر اپلائی کیا، لیکن 40 دن گزرنے کے باوجود کارڈ نہ ملا، اور اسی تاخیر کی وجہ سے اس کی محنت ضائع ہو گئی اور جاب کا موقع ختم ہو گیا۔

سوال یہ ہے:

کیا اس میں طالب علم کا قصور ہے؟

یا یہ ایک ناکام اور سست نظام کی عکاسی ہے؟

یہ سب کچھ اس لیے ہو رہا ہے کیونکہ:

نرسنگ کے معاملات میں غیر متعلقہ افراد مداخلت کر رہے ہیں

کرپٹ سسٹم ہماری پروفیشن کو نقصان پہنچا رہا ہے

اصل اسٹیک ہولڈرز (نرسزز) کو نظر انداز کیا جا رہا ہے

ہمارے گریجویٹس، جنہوں نے سالوں محنت کی، آج ذلیل اور پریشان ہو رہے ہیں — صرف سسٹم کی نااہلی کی وجہ سے۔

ہم مطالبہ کرتے ہیں:

پاکستان نرسنگ کونسل رجسٹریشن کا عمل تیز اور شفاف بنایا جائے

نرسنگ کے اداروں میں نرسزز کو نمائندگی دی جائے

طلبہ کے مستقبل کے ساتھ کھیلنا بند کیا جائے۔

Abdul baseer
Founder & Chairman
Pakistan Nurses Rights Association (PNRA)

10/04/2026

پاکستان نرسز رائٹس ایسوسی ایشن (PNRA) کا ایک بڑا خواب 🇵🇰

پاکستان میں نرسنگ کے شعبے کو مضبوط بنانے کے لیے PNRA ایک اہم قدم اٹھانا چاہتے ہیں —
اور وہ ہے نرس پریکٹیشنر (Nurse Practitioner) کا قیام۔

دنیا کے ترقی یافتہ ممالک میں نرسزز کو یہ حق حاصل ہے کہ وہ Independent practice کریں، مریضوں کا assessment اور management کریں اور ہیلتھ کیئر سسٹم کا مضبوط حصہ بنیں

👉 ہمارا بھی یہی خواب ہے کہ پاکستان میں بھی نرسزز کو یہ مقام ملے۔ پاکستان میں نرسزز کی سیلری وہ نہیں ہے جو
ہونا چاہیے

ہمارے ایجنڈے میں بھی یہ شامل ہیں کہ ہم پاکستان میں Nurse Practitioner کا باقاعدہ سسٹم متعارف کروائے،
اس کے لیے ایک شفاف اور میرٹ بیسڈ ٹیسٹ/لائسنسنگ سسٹم بنایا جائے

جو نرس قابل ہو، اسے آگے آنے اور کام کرنے کا موقع دیا جائے

لیکن یہ کام ایک فرد اکیلا نہیں کر سکتا
اس کے لیے ہمیں ہر نرس کی آواز، سپورٹ اور اتحاد کی ضرورت ہے

آئیں!
ہم سب مل کر نرسنگ کے مستقبل کو بہتر بنائیں
اپنے حقوق کے لیے کھڑے ہوں
اور پاکستان میں نرسنگ کو وہ مقام دلائیں جس کی وہ حقدار ہے

آپ کی سپورٹ ہی ہماری طاقت ہے

Abdul baseer
Founder & Chairman
Pakistan Nurses Rights Association (PNRA)

09/04/2026

اہم پیغام – BSN 6th Semester (Swat Region)

سوات ریجن کے BSN 6th سمسٹر کے طلباء کی طرف سے ایک اہم مسئلہ شیئر کیا جا رہا ہے۔

حالیہ امتحانات میں ہر پیپر میں تقریباً 4 سے 5 MCQs ایسے آئے جو واضح نہیں تھے یا ان کے درست جواب موجود نہیں تھے۔ اس وجہ سے طلباء کو کافی کنفیوژن ہوئی اور ان کی پرفارمنس متاثر ہوئی۔

مزید یہ کہ کچھ فیکلٹی نے بھی مانا کہ کچھ سوالات درست طریقے سے نہیں بنائے گئے تھے۔

ہم درخواست کرتے ہیں کہ غلط سوالات پر طلباء کو گریس مارکس دیے جائیں، اور ہمیں امید ہے کہ خیبر میڈیکل یونیورسٹی طلباء کے ساتھ انصاف کرے گی اور اس مسئلے کو جلد حل کرے گی۔

🙏 سب دوستوں سے گزارش ہے کہ اس پوسٹ کو زیادہ سے زیادہ شیئر کریں تاکہ ہماری آواز متعلقہ حکام تک پہنچ سکے۔

Abdul Baseer
Founder & Chairman
Pakistan Nurses Rights Association (PNRA)

09/04/2026

اگر پاکستان میں اعلیٰ معیار کے نرسنگ اسٹوڈنٹس تیار کرنے ہیں تو سب سے ضروری چیز مضبوط کلینیکل ٹریننگ ہے۔

صرف کتابیں پڑھنے سے ایک طالب علم مکمل نرس نہیں بنتا—اصل سیکھنا تب ہوتا ہے جب وہ ہسپتال میں مریضوں کے ساتھ عملی کام کرے۔

جو چیز طالب علم تھیوری میں پڑھتا ہے، اگر وہی کلینیکل میں دیکھے اور خود کرے، تو اس کی اسکلز، کانفیڈنس اور decision-making power بہت بہتر ہو جاتی ہے۔

بدقسمتی سے ہمارے ہاں کچھ جگہوں پر ایسا نظام موجود ہے جہاں سکھانے کے بجائے طلبہ کو ذہنی دباؤ کا شکار بنایا جاتا ہے۔
انہیں ڈرایا جاتا ہے، دبایا جاتا ہے، اور بعض اوقات بلیک میل بھی کیا جاتا ہے۔
سوال پوچھنے اور سیکھنے کی آزادی چھین لی جاتی ہے—جو کہ ایک طالب علم کا بنیادی حق ہے۔

آج جو اسٹوڈنٹس کالجز میں ذہنی طور پر دبائے جا رہے ہیں، کل کو وہی نرسزز اسی سوچ کے ساتھ سسٹم کا حصہ بن جاتے ہیں—اور یہ سلسلہ چلتا رہتا ہے۔

اگر پاکستان میں نرسنگ اسٹوڈنٹس کو وہ معیار دیا جائے جو ان کا حق ہے، تو یقین کریں:
👉 پاکستانی نرسز دنیا بھر میں ملک کا نام روشن کر سکتیں ہیں
👉 ہمارا ہیلتھ کیئر سسٹم مضبوط ہو سکتا ہے

اگر ہم آج اپنے تعلیمی نظام کو بہتر بنا لیں، تو کل پاکستان کی نرسنگ کمیونٹی دنیا میں اپنی ایک مضبوط پہچان بنا سکتیں ہے۔

✊ اب وقت ہے کہ ہم کھڑے ہوں اور اپنے حق کے لیے آواز اٹھائیں!



Abdul baseer
Founder & Chairman
Pakistan Nurses Rights Association (PNRA)

06/04/2026

آج میں ایک نہایت اہم مسئلے کی طرف توجہ دلانا چاہتا ہوں…ایسا مسئلہ جو ہزاروں fresh nursing graduates کے مستقبل سے جڑا ہوا ہے۔

یقین کریں، اس وقت ہمارے نئے graduates شدید mental stress کا شکار ہیں۔ایک طالب علم سالوں محنت کرتا ہے، اپنے گھر والوں کے وسائل خرچ کرتا ہے، ایک امید کے ساتھ ڈگری حاصل کرتا ہے…لیکن جب وہ آگے بڑھنے لگتا ہے تو سب سے بڑی رکاوٹ لائسنس بن جاتی ہے