Dr Muhammad Fahad Jamil.Child Specialist

18/08/2025

10/08/2025

05/08/2025

اقوالِ شیخ
بندہ مومن کو جب مضبوط تعلق مع اللہ نصیب ہوتا ہے تو وہ ہر شے سے مستغنی ہو جاتا ہے
شیخ المکرم حضرت امیر عبدالقدیر اعوان مدظلہ العالی

04/08/2025

04/08/2025

✨ اقوال شیخ ✨
زندگی بڑی انمول ہے اسکا بے جا گزرا ایک لمحہ بھی ناشکری ہے!
— حضرت امیر عبد القدیر اعوان مدظلہ العالی

09/11/2024

*《میری قوم کا اقبال》*
*تحریر: امیر عبدالقدیر اعوان*

*اُردو زبان کی تاریخ تقریباً ہزار سال کے لگ بھگ ہے۔ چونکہ اس وقت کے بڑے لشکرِ حرب عربی، فارسی، پشتو اور ہند میں بولی جانے والی زبانوں کے حامل لوگوں سے مرتب ہوئے۔ لامحالہ ترجمانی کیلئے ہر زبان کے الفاظ استعمال ہوئے اور وقت کے ساتھ ساتھ یہ لشکری زبان " اردو" کے نام میں ڈھل گئی۔*
*لفظ " اقبال " کا مصدر عربی لفظ قَبَلَ ہے جو اچھائی، بہتری کے قبول کرنے یا بلندی کے پانے وغیرہ میں مستعمل ہے۔ اور جب اردو لغت میں لفظ "اقبال" کے معنی دیکھے جائیں تو خوش بختی، خوش حالی اور عروج کے ملتے ہیں۔ لفظ" اقبال" کا متضاد " اِدبار " ہے۔ جو کہ بدبختی، بدحالی اور تنزلی کے معانی میں آتا ہے۔*
*جب ہم یہ کہیں گے کہ میری قوم کا " اقبال" تو لامحالہ لفظ کا ترجمہ مجسم ہو کے علامہ محمداقبال کی صورت میں ہمارے سامنے آئے گا۔ آپ 9 نومبر 1877ء بمطابق 3ذیقعد 1294ھ ہندوستان کے شہر سیالکوٹ میں شیخ نورمحمد کے گھر پیدا ہوئے۔ ابتدائی تعلیم سے کالج تک تعلیم وہیں حاصل کی پھر لاہور، یورپ اور انگلستان تک علم کی تشنگی مٹاتے چلے گئے۔ سکول کے آخری اور کالج کے ابتدائی ایام سے ہی تاریخ آپ کے شاعرانہ ذوق کی گواہ ہے۔ فلسفہ اور قانون دانی آپکی پسند نظر آتے ہیں۔ درس وتدریس میں آپکی خدمات ہمیشہ آپکی بلندئی فکر کی عکاسی کرتی رہیں گی۔*
*آپکی شہرۂ آفاق تصانیف 14 کے لگ بھگ ہیں۔ آپکی تصانیف کی جانے کتنی ہی تشریحات کی جا چکی ہیں اور آئندہ بھی کی جاتی رہیں گی۔ آپکے خطابات میں سر(Sir)، علامہ اور قومی شاعر تک کے الفاظ شامل ہیں۔ آپکی ابتدائی تعلیم قرآن پاک سے شروع ہوئی اور زندگی کی انتہا، تمام پیچ و خم سے ہوتی ہوئی،بعشقِ مصطفےﷺ تک پہنچی۔ نوجوانی اور مشرق و مغرب کے نازک سانچوں سے گزرتے ہوئے بھی باکردار رہے۔ جس کی عکاسی آپکا یہ شعر کرتا ہے۔*

*باچنیں زور ِ جنوں پاسِ کریباں داشتم*
*درجنوں از خود نہ رفتن کارِ ہر دیوانہ نیست*
*(جنون کے اس زور میں بھی میرا گریبان کبھی چاک نہیں ہوا۔ یہ ہر دیوانے کے بس کی بات نہیں کہ جنون میں بھی آپے سے باہر نہ ہو)*

*آپکے جذبہ خودی کی بات، آپکے مرد مومن کی بات ہو، آپکی مغربی تہذیب پر آراء ہوں یا آپکے عشقِ مصطفے کی جھلک غرض آپکی پوری سوانح حیات ہی کیوں نہ کھول کر دیکھ لی جائے آپ نے اپنے تئیں پوری کوشش کی امت کو درخشاں عہدِ رفتہ کی یاد دلائیں اور خاص طور پر مسلمانوں کو ذہنی آزادی سے آشنا کریں۔ خصوصاً 1924-38 تک کے انتہائی زبوں حالی کے دور میں آپ نے قومی شعور کو جگانے کی اتنی کوشش کی کہ آپ تو نہ رہے مگر وہ قومی شعور وطن عزیز کی صورت میں ہمارے سامنے آیا۔ 1930 میں الہ باد کے صدارتی خطبہ میں آپ نے دو قومی نظریہ پیش کیا اور یہی نظریہ مسلم لیگ کو دوبارہ متحرک کرنے کا سبب بنا اور آج ہم ایک آزاد وطن کے باسی ہیں۔*
*آج ہمیں آزاد ہوئے 68 سال ہو چکے ہیں۔ کیا ہم نے کبھی سوچا ہے کہ اس ملک کی بنیاد بنانے میں کیسے کیسے زیرک لوگوں کی انتھک محنتیں صرف ہوئی ہوں گی؟ اسکی بنیادوں میں کتنی بہنوں کی عزتیں قربان ہوئی ہوں گی؟ کتنے بیٹوں کی جانوں کے نذرانے دیئے گئے ہوں گے؟*
*میں نے اور آپ نے دینا کیا ہے ہم نے تو اپنے اجداد کی اقدار تک کو کھو دیا۔ آج ہر فرد اپنے حقوق کی بات کرتا ہے کسی کو فرائض یاد نہیں۔*
*کردار دیکھو، گفتار دیکھو، معاشرت دیکھو، معیشت دیکھو، حلیئے دیکھو، لباس دیکھو!*
*کیا مسلمان معاشرے ایسے ہوتے ہیں!*
*ہمارے اجداد نے خود قربان ہو کے ہمیں آزاد ملک دیا، ہم اپنی اولادوں کو کیا دیئے جا رہے ہیں!*
*سوچو! اے میری قوم! روز محشر ہو گا، اللہ پاک کا دربار ہو گا ہمارا کردار ہوگا اور شفاعت محمد رسول اللہﷺ کے بغیر چارہ نہ ہو گا۔*
*علامہ اقبال ہمیں اُس دن کی یاد بھی کچھ اس طرح دلا گئے ہیں۔*

*مکن رسوا حضورِ خواجہ مارا*
*حسابِ من زچشمِ او نہاں گیر*
*(حضور کی بارگاہ میں مجھے رسوا نہ کیجیئے۔ میرا حساب ان کی نگاہ سے بچا کر لیجیئے)*

*آج جب میں اپنے معاشرے کو ادبار کی راہ پر دیکھتا ہوں فقط اک آہ نکلتی ہے۔*
*میر ی قوم کا "اقبال" کہاں ہے!*