https://www.facebook.com/105867874261178/

وہاڑی نیوز الرٹس, Sharqi Colony, Vehari (2026)

12/11/2025

*آج صبح ستھرا پنجاب کے کام کے حوالے سے ایک دوست کی جانب سے موصول ہونے والی ویڈیو نے ان کی ناقص کارکردگی اور سطحی اقدامات کو بے نقاب کر دیا ہے۔صاف دکھائی دیتا ہے کہ یہ مہم صرف تصویری نمائش اور دکھاوے تک محدود ہے، جبکہ عملی صفائی، بہتری یا عوامی سہولت کے کوئی آثار نظر نہیں آتے۔*
*یقیناً اگر یہی صورتحال برقرار رہی تو ستھرا پنجاب صرف نام کا ستھرا رہ جائے گا، حقیقت میں نہیں۔*

07/11/2025

*ڈی پی او وہاڑی محمد افضل کی ہدایات پر پولیس تھانہ سٹی وہاڑی کی انسدادِ گیمبلنگ ایکٹ کے تحت پولیس کاروائی، 18 جواری گرفتار، جواءپر لگی رقم 2 لاکھ 71 ہزار برآمد*

وہاڑی ڈی پی او وہاڑی محمد افضل کی ہدایات پر پولیس تھانہ سٹی وہاڑی نے انسدادِ گیمبلنگ ایکٹ کے تحت کارروائی کرتے ہوئے 18 جواریوں کو گرفتار کر لیا۔ ملزمان کے قبضہ سے داو پر لگی رقم 2 لاکھ 71 ہزار روپے، 11موبائل فونز، 4 موٹر سائیکلز اور دیگر اشیاء برآمد کر لی گئیں۔ ملزمان کے خلاف مقدمہ درج کر کے قانونی کاروائی کا آغاز کر دیا گیا ہے۔ ملزم سعید بھٹی عرصہ دراز سے یہ جواء کے کاروبار میں ملوث تھا اور پولیس کے ریڈ کرنے پر گھر کے خفیہ راستوں سے فرار ہو جاتا تھا۔ ایس ایچ او تھانہ سٹی وہاڑی محمد وقاص گھمن اور ان کی ٹیم نے بہترین حکمت عملی کے ذریعے ملزمان کو رنگے ہاتھوں گرفتار کیا۔ اس موقع پر ڈی پی او وہاڑی محمد افضل کا کہنا تھا کہ جواء ایک معاشرتی برائی ھے اس گھناونے کھیل کے حامل افراد کسی رعایت کے مستحق نہیں ہیں سماج دشمن عناصر کے خلاف کاروائیاں بلا تفریق جاری رہیں گی

04/11/2025

وہاڑی ڈی ایچ کیو میں غفلت ہارٹ اٹیک مریض کو نظر انداز کر دیا گیا، بغیر علاج ریفر
وہاڑی ڈی ایچ کیو اسپتال وہاڑی میں 15 اکتوبر،جمعہ کے روز سنگین غفلت کا واقعہ پیش آیا۔ ہارٹ اٹیک کی علامات کے ساتھ مریض کو صبح تقریباً 10:00 سے 10:15 بجے اسپتال لایا گیا،تاہم*
*ڈیوٹی پر موجود ڈاکٹر احمد مصطفیٰ گجر کو بار بار بلانے کے باوجود نہ تو انہوں نے فوری چیک اپ کیا اور نہ رپورٹس و ای سی جی دیکھنے کی زحمت کی*۔
*مریض کے بیٹے کے مطابق* *"میں خود موجود تھا،میرے والد شدید تکلیف میں تھے۔ہم مسلسل ڈاکٹر کو بلاتے رہے مگر انہوں نے کوئی ریسپانس نہیں دیا اور کوئی علاج شروع نہ کیا۔"لاچار ہو کر اہلِ خانہ نے اپنی مدد آپ کے تحت میڈیکل سپرنٹنڈنٹ سے رابطہ کیا اور مریض کو فوری طور پر ملتان کارڈیالوجی ریفر کروایا۔* *وہاں پہنچنے پر بتایا گیا کہ "مریض کو 8 سے 10 گھنٹے قبل ہارٹ اٹیک ہوا تھا، مگر وہاڑی میں بروقت طبی امداد نہ ملنے سے حالت خراب ہوئی۔"عوامی و سماجی حلقوں نے معاملے کی فوری انکوائری اور اسپتال انتظامیہ سے سخت کارروائی کا مطالبہ کیا ہے۔*

06/10/2025

*تحصیل ہیڈکوارٹر ہسپتال بورے والا میں سیکیورٹی کے ناقص انتظامات، چوری کی وارداتوں میں اضافہ*

*وہاڑی(حکیم سمیع اللہ سے)تحصیل ہیڈکوارٹر ہسپتال بورے والا میں سیکیورٹی کے ناقص انتظامات نے مریضوں اور تیمارداروں کو شدید تشویش میں مبتلا کر دیا ہے۔اطلاعات کے مطابق ہسپتال میں تعینات سیکیورٹی اہلکار اپنی ذمہ داریوں سے غافل ہو چکے ہیں، دن کے اوقات میں بھی ڈیوٹی کے دوران نیند کے مزے لیتے نظر آتے ہیں، جب کہ رات کے وقت صورتحال مزید سنگین ہو جاتی ہے۔سیکیورٹی عملے کی غفلت کے باعث ہسپتال کے احاطے میں جیب تراشی اور چوری کے واقعات میں نمایاں اضافہ دیکھنے میں آیا ہے۔ شہریوں کا کہنا ہے کہ آئے روز مریضوں اور ان کے لواحقین کے موبائل فونز، نقدی اور دیگر قیمتی سامان غائب ہو رہا ہے، لیکن انتظامیہ کی جانب سے کوئی مؤثر کارروائی نہیں کی جا رہی۔*
*ہسپتال کے ایم ایس ڈاکٹر عمران کی جانب سے بھی اس سنگین مسئلے پر خاطر خواہ توجہ نہ دینے پر عوام میں شدید غم و غصہ پایا جاتا ہے۔* *شہریوں نے اعلیٰ حکام سے مطالبہ کیا ہے کہ سیکیورٹی نظام کو بہتر بنایا جائے اور غفلت برتنے والے اہلکاروں کے خلاف سخت کارروائی عمل میں لائی جائے تاکہ عوام کا اعتماد بحال ہو سکے۔*

27/09/2025

*بلدیہ وہاڑی کی بے حسی اور نااہلی اپنی انتہا کو پہنچ چکی ہے۔ 32 کوارٹر کے بعد اب دانیوال جنازہ گاہ کے سامنے لگایا گیا فلٹریشن پلانٹ بھی ایک ہفتے سے بند ہے۔ حیرت کی بات یہ ہے کہ اس منصوبے پر عوام کے ٹیکس کے تقریباً 25 سے 30 لاکھ روپے اڑا دیے گئے، لیکن نتیجہ وہی نکلا جو پہلے ہر بار نکلا تھا—بند نلکے، خشک ٹونٹیاں اور عوام خوار۔ آخر کب تک یہ کرپشن اور لاپرواہی عوام کے صبر کا امتحان لیتی رہے گی؟*

21/09/2025

یہ تصویر صرف ایک لمحہ نہیں بلکہ ایک جذبہ ہے۔ ڈسٹرکٹ ایجوکیشن آفیسر (فی میل ایلیمنٹری) میڈم عندلیب اصغر اپنی شفقت اور محبت سے بچیوں کے دلوں کو چھو رہی ہیں۔ ان کا یہ انداز اس بات کا ثبوت ہے کہ وہ صرف ایک افسر نہیں بلکہ ایک مہربان رہنما بھی ہیں جو تعلیم کے ذریعے بچیوں کے خوابوں کو حقیقت میں بدلنے کا عزم رکھتی ہیں۔ ان کی مسکراہٹ امید کی کرن ہے اور ان کا پیار آنے والی نسلوں کے مستقبل کی ضمانت۔ ایسے مخلص لوگ ہی حقیقی معنوں میں معاشرے کے لیے روشنی کے چراغ ہیں۔

12/09/2025

*وہاڑی ہسپتالوں کے خلاف اکثر شکایات سامنے آتی رہتی ہیں مگر دوسری جانب ڈاکٹرز اور انتظامیہ کی دن رات کی کاوشیں بھی قابلِ تحسین ہیں۔ ڈسٹرکٹ ہیڈ کوارٹر ہسپتال وہاڑی کی ایمرجنسی میں ان دنوں مریضوں کا غیر معمولی رش ہے اور عملے کی کمی کے باوجود مریضوں کو بہتر سہولیات فراہم کرنے کی کوشش کی جارہی ہے۔*
*قابلِ ذکر بات یہ ہے کہ میڈیکل سپریڈنٹ ڈاکٹر احمد فراز اس وقت خود ایمرجنسی وارڈ میں موجود ہیں اور ڈیوٹی پر مریضوں کو چیک کر رہے ہیں۔ ایم ایس کا کہنا ہے کہ "مریضوں کی خدمت ہمارا فرض ہے، عملے کی کمی ضرور ہے مگر ہم سب مل کر عوام کو صحت کی بہترین سہولیات فراہم کرنے کے لیے کوشاں ہیں۔"شہریوں نے ڈاکٹر احمد فراز کی ذاتی دلچسپی اور فرض شناسی کو سراہتے ہوئے کہا ہے کہ اس طرح کے جذبے سے ہی سرکاری اداروں پر عوام کا اعتماد بحال ہو سکتا ہے۔*

09/09/2025

میونسپل کمیٹی وہاڑی کی نااہلی، سیوریج کا نظام مکمل طور پر تباہ.9,11 ڈبلیو بی، مسانی باغ، شرقی کالونی سمیت متعدد علاقے گندے پانی میں ڈوب گئے، شہری پریشان

وہاڑی میونسپل کمیٹی وہاڑی کی نااہلی کے باعث شہر بھر میں سیوریج کا نظام درہم برہم ہو گیا ہے۔گٹروں کا پانی سڑکوں پر اُبل اُبل کر نکلنے سے گلیاں اور بازار تالاب کا منظر پیش کر رہے ہیں۔ بدبو دار گندے پانی نے شہریوں کی زندگی اجیرن بنا دی ہے، خصوصاً خواتین اور بزرگ افراد کا گزرنا انتہائی مشکل ہو گیاہے۔شہر کے مختلف علاقوں 9،11 ڈبلیو بی، مسانی باغ، شرقی کالونی، جی بلاک، پیپلز کالونی سمیت درجنوں مقامات پر گٹروں کا پانی سڑکوں پر پھیل گیا ہے جس سے آمدورفت میں رکاوٹ اور مختلف بیماریوں کے پھیلنے کا خدشہ بڑھ گیا ہے۔اہلِ علاقہ نے مطالبہ کیا ہے کہ سی ای او میونسپل کمیٹی فوری طور پر ہنگامی اقدامات کرے اور سیوریج کے نظام کو بہتر بنا کر عوام کو اس اذیت سے نجات دلائی جائے۔*

09/09/2025

انسانیت کی عظیم مثال
مصیبت کی گھڑی میں تمام اداروں کے سربراہان ایک پیج پر متحد ہوکر اپنی ذمہ داریاں احسن انداز میں ادا کر رہے ہیں۔

کمشنر ملتان رانا عامر کریم خان، ڈائریکٹر جنرل پی ڈی ایم اے عرفان کاٹھیہ اور آر پی او ملتان سہیل چوہدری خدمتِ خلق اور جذبۂ ہمدردی کے ساتھ میدانِ عمل میں موجود ہیں۔

ان کی کاوشیں اس بات کی روشن دلیل ہیں کہ عوام کی خدمت اور ان کے مسائل کے حل کے لیے محنت، ایثار اور یکجہتی سب سے بڑی طاقت ہے۔

اللہ کریم اپنے خاص فضل و کرم سے سیلاب متاثرین کی مدد فرمائے، ان کے دکھوں کو راحت میں بدلے اور انہیں جلد از جلد بحالی کی منزل عطا فرمائے۔ آمین یا رب العالمین

09/09/2025

بریکنگ نیوز

*وہاڑی: یونیورسٹی طالبہ زیادتی کیس، ایڈیشنل سیشن جج وہاڑی نے مرکزی مجرم کو سزائے موت سنادی*

وہاڑی: جرم ثابت ہونے پر مرکزی مجرم حامد رسول کو 2مقدمات میں سزائے موت سنائی گئی،مقدمات کے دوسرے مجرم آصف تارڈ کو 2 سال قید کی سزا سنائی گئی۔

وہاڑی: مجرمان کے خلاف گزشتہ سال یونیورسٹی کی طالبات کو کو آن لائن نوکری دلوانے کے بہانے زیادتی کرنے اور ویڈیو بنا کر بلیک میلنگ کرنے پر مقدمات کا اندراج کیا گیا تھا۔

وہاڑی: متاثرہ خاندان نے پولیس کی تفتیش اور عدالت کے فیصلے پر اطمینان کا اظہار کیا۔

وہاڑی: خواتین سے متعلق جرائم میں ملزمان کی فوری گرفتاری کے ساتھ ساتھ موثر تفتیش، پیروی و شہادتیں کی بدولت سزائیں دلوانے کا سلسلہ بھی جاری ہے تاکہ ایسے جرائم کی حوصلہ شکنی ہو سکے۔ محمد افضل ڈی پی او

وہاڑی: خواتین کے تحفظ کے لیے سخت فیصلے ناگزیر ہیں۔ خواتین سے زیادتی بلیک میلنگ کے واقعات کسی صورت برداشت نہیں ہوں گے۔ محمد افضل ڈی پی او

05/09/2025

حکیم شہزاد لوہا پاڑ کا سوفٹ وئیر اپ ڈیٹ

05/09/2025

وہاڑی ڈپٹی کمشنر وہاڑی عمرانہ توقیر کی ہدایت پر سیلاب سے متاثرین کو بہترین طبی سہولیات فراہم کی جارہی ہیں کنسلٹنٹ و سرجن ڈاکٹر محسن ممتاز دیگر ڈاکٹرز اور سٹاف طبی کیمپ برائے سیلاب زدگان میں سیلاب متاثرین کے علاج معالجہ کا کام جاری رکھے ہوئے ہیں ڈپٹی کمشنر عمرانہ توقیر نے کہا کہ وزیر اعلیٰ پنجاب مریم نواز شریف کی ہدایت پر سیلاب سے متاثرہ علاقوں میں طبی کیمپ قائم ہیں ڈاکٹرز اور سٹاف 24 گھٹنے ڈیوٹیاں انجام دے رہے ہیں طبی کیمپ میں مریضوں کو بنیادی علاج معالجہ کی سہولیات میسر ہیں اور اس بات کو یقینی بنایا جا رہا ہے کہ سیلاب متاثرین کو طبی سہولیات کی فراہمی میں کسی قسم کی پریشانی نہ ہو۔

وہاڑی نیوز الرٹس

12/11/2025

07/11/2025

04/11/2025

06/10/2025

27/09/2025

21/09/2025

12/09/2025

09/09/2025

09/09/2025

09/09/2025

05/09/2025

05/09/2025

Address

Telephone

Website

Alerts

Shortcuts

Share