Physiofix

29/11/2025

ولا يوم بروح ع الفاضي ، كل تكرار، كل حركة، كل محاولة كل فشل بتقرّبك من هدفك.
المهم ما توقف 💖

27/11/2025

الفرق مش بس بالحركة هو بالراحة، والثقة، والطريقة الصح للتعامل مع وجعك.

أنا هون حتى أساعدك تفهم جسمك، وتتحسن خطوة بخطوة.

25/11/2025

✨ لما بنعيش نمط حياة صحي احنا مش بس بنحافظ على حالنا،
احنا بنزرع عادة بتضل ماشية لجيل كامل بعدنا و ممكن لأهلنا صحابنا.

الأولاد ما بتعلّموا من كلامنا قد ما بتعلّموا من أفعالنا.

خطواتنا اليوم هي طريقهم لبكرة. 👣

كونوا قدوة ازا مش عشانك عشانهم 💛

24/11/2025

Block-Control Core Exercise

هاد التمرين الصغير شكله بسيط…
بس فعليًا بيفرجيك قديش كورك متماسك وعضلاتك شغّالة بتناغم 🧩.

شو العضلات اللي بتشتغل؟
•عضلات الجذع العميقة اللي تثبّت الجسم
•عضلات البطن الأمامية والجانبية اللي بتحافظ على التوازن
•عضلات الفخذ من الأمام (الهيب فليكسور) اللي تساعدك ترفع الرجل
•عضلات الكتف اللي تثبّت الإيد وهي ماسكة البلوك

ليش التمرين مهم؟
• لأنه بيفحص قوتك + سيطرتك + تنسيقك بنفس اللحظة
• وبيعطيك فكرة إذا كورك فعلاً ثابت ولا محتاج شغل زيادة
• وكل ما قدرت تمنع البلوك إنه يوقع = كل ما كان جسمك متماسك أكثر ⚡️

وإذا وقع البلوك؟
بسيطة ولا يهمك 😄 جرب كمان مرة!

23/11/2025

الغريب؟ إن تمرين بسيط زي البلانك بيعمل فرق ما بتتوقعوه أبدًا.

ليش؟
🔹 الدراسات بتوضح إن تمارين الثبات زي البلانك تنشّط عضلات الجذع العميقة بنسبة أعلى من التمارين التقليدية وهي العضلات اللي فعليًا بتحمي ظهرك.

🔹 مراجعات علمية حديثة أظهرت إن تمارين الكور بتحسّن آلام أسفل الظهر بنسبة 30–40% خلال أسابيع قليلة من الالتزام.

🔹 ومع الوقت، التمرين بزيد استقرار العمود الفقري وتحمل التمارين—وهي أهم عوامل تحسين القوام وتقليل الانتكاسات.

الحلو بالموضوع؟
ما بدك معدات، ولا وقت طويل.
ثبات بسيط، دقة بالنفس، واستمرارية… وبشوف جسمك الفرق.

جربوها يوميًا، بس ركّزوا على الجودة قبل الوقت.
جسمكم رح يشكركم لاحقًا.

19/11/2025

17/11/2025

بصراحة ، أنا كأخصائية علاج طبيعي ما كنت مقتنعة بالحجامة.
لكن بعد ما شفت نتائجها على المرضى ، وقرأت آخر الدراسات العلمية، عدت حساباتي تمامًا.

لأنه الحقيقة؟
في أشياء الطب الحديث نفسه ما بقدر يختلف عليها.

وهاي ٣ حقائق مثبتة علميًا عن الحجامة وهي السبب الحقيقي إنها صارت جزء ثابت من الخطة العلاجية:

1️⃣ انخفاض حمض اللاكتيك بنسبة 20–30% بعد جلسة واحدة

دراسات على الرياضيين أظهرت إنه مستوى حمض اللاكتيك بنزل بشكل واضح بعد الحجامة
وهذا هو السبب اللي بخلي معظمهم يحكولي:
“حسّيت بخفّة… الحركة أسهل… الوجع راح.”

مش سحر.
علم.

2️⃣زيادة تدفّق الدم للمنطقة بنسبة 60–80%

باستخدام thermal imaging و doppler ultrasound اتأكد إنه الحجامة بتحفّز الدورة الدموية، بترفع حرارة المنطقة، وبتسرّع الشفاء بشكل واضح.

يعني الجسد فعليًا “بشتغل” أسرع وأفضل بعدها.

3️⃣ تحسين الألم والمرونة بنسبة تصل لـ 40%

أكثر من 8 دراسات على آلام أسفل الظهر، الرقبة، والشد العضلي أثبتت:
•ألم أقل مباشرة بعد الجلسة
•مرونة أعلى
•عضلات أقل وجعا وأخف بالحركة .
يعني الحجامة ما بترخي العضل بس بتغيّر طريقة تفاعل النسيج العصبي والعضلي بالكامل.

الخلاصة؟

ترددت… بحثت… جربت…
واليوم بقدر أحكي بكل ثقة:
الحجامة مش إجراء تكميلي بل هي خطوة علاجية فعّالة، خصوصًا إذا انعملت صح وضمن خطة موضوعة للشخص نفسه.

وعندنا؟
كل جلسة مدروسة، آمنة، مبنية على تقييم عضلي دقيق.
سواء رياضي، موظف، أو شخص عنده شد وتعب مزمن رح تلمس الفرق بنفسك.

لو عمرك ما جربتها اعتبرها اشارة الك لانه يمكن هاي أول خطوة حقيقية نحو جسم أريح، خفّة أكبر، وتعافي أسرع.

14/11/2025

دقائق بسيطة ، بس خلالها شغل دقيق و راحة حقيقية ‼️
راح تحس بالفرق من أول لمسة

13/11/2025

🚨 أوقات كتير بنحاول نسيطر على كل شي…
بس الحقيقة؟ مش كل شي بإيدنا.

خلال فترة التعافي، ركّز على الأشياء اللي فعلاً بتقدر تتحكم فيها: جهدك، استمرارك، طريقتك في التعامل مع الصعوبات، وكيف بتحكي مع حالك.

كل خطوة صغيرة بهدوء ووعي… بتقربك أكتر من الشفاء 💛

أما الأشياء اللي برا سيطرتك؟ خفّف تمسكك فيها، وخلي طاقتك تروح باتجاه التقدّم، مش القلق.

إنت عم تعمل اللي عليك، وهاد كفاية لليوم 💪

12/11/2025

ازا بدك ظهر قوي و بدون وجع جرب تقوي العضلات الي حواليه 👍🏻

🚨 الدراسات بتقول: ضعف عضلة Gluteus medius أكثر انتشاراً بين اللي عندهم آلام أسفل الظهر مقارنة بالأصحّاء. مثلاً، إحدى الدراسات وجدت إن نحو 66% من المصابين بوظيفة مفصل الحوض (SIJ) عندهم ضعف في عضلة المؤخرة مقارنة بـ 34% فقط دون تلك الحالة.

💡 وكمان ضعف في عضلات البطن أو تقوّس الحوض الأمامي ممكن يزيد عبء على العمود الفقري ويخلي وجع أسفل الظهر أكثر احتمالاً.

➡️ يعني؟
لو بتحاول تعمل ستريتش للظهر وبعدين الألم بيرجع، فعلاً يمكن المشكلة مش بس بالظهر — ممكن تكون من عضلات المؤخرة أو الفخذ الخلفي.

✅ الحل: قبل أي ستريتش كثير، ركّز على تفعيل وتقوية:

• المؤخرة (Gluteus medius & maximus)
• الفخذ الخلفي (Hamstrings)
هي عضلات بتدعم الحوض والظهر من الأسفل.

📍 خلّي هدفك: “تحرر ظهري من الحمل الزائد” مش “أخفّف الألم فقط”.
وابدأ من خطوة صغيرة، لكن ثابتة — جسمك رح يشكرِك لاحقاً. 💪

09/11/2025

في أيام رح تكسل، وليالي ما رح تنام منيح، وأكلات مش عالنظام… ومش مشكلة!
أنت إنسان، مش روبوت. المهم تحاول تكون أحسن بـ 1٪ كل يوم 💪

✨ الكمال مش الهدف، التوازن هو السر.