عيادة الدكتور رفعت عمر عليان

عيادة الدكتور رفعت عمر عليان Medical Center

بدي اغلبكم مشاركة للمنشور ولايك لتعم الفائدة ولتقليل الخوف عن الامهات والاباء الحالة رقم ٢٠ خلال أيام بتيجي على العيادة ...
15/11/2025

بدي اغلبكم مشاركة للمنشور ولايك لتعم الفائدة ولتقليل الخوف عن الامهات والاباء
الحالة رقم ٢٠ خلال أيام بتيجي على العيادة
الرجاء الابتعاد عن القطط والحيوانات والتعقيم المستمر

كل ما عليكم هو زيارة العيادة للتاكد من التشخيص وتقييم الحالة واعطاءها ما يلزم فبعض الحالات بحاجة لكريم وبعضها لكريم وشراب والبعض الاخر يضاف اليه شامبو ، مع بعض التعليمات ومنها غسل الملابس بالماء الساخن وتغيير المفارش والابتعاد عن الحيوانات وخاصة القطط .

البطل كريم بقلكم يسعد مساكم جميعا والله يحمي اطفالكم ويحميكم يا رب سلامتو كريم الحلو 🥰
15/11/2025

البطل كريم بقلكم يسعد مساكم جميعا والله يحمي اطفالكم ويحميكم يا رب
سلامتو كريم الحلو 🥰

🚫🚫موضوع مهم جدا جدا🚫🚫 🙆‍♀️الام العزيزة شايفه شكل الطفل كيف ؟؟ افتحو الصورة لتشوفو شكل الفم .هاي اسمها الحساسية المفرطة ا...
15/11/2025

🚫🚫موضوع مهم جدا جدا🚫🚫
🙆‍♀️الام العزيزة شايفه شكل الطفل كيف ؟؟ افتحو الصورة لتشوفو شكل الفم .

هاي اسمها الحساسية المفرطة او 🥵🥵

باختصار وبشرح بسيط جدا عشان يكون الموضوع واضح ، هاي بتصير لما الطفل او المريض يشرب دوا 🤢 ويتحسس منه ، يعني لما أسألك ابنك عنده حساسية بنسلين مثلا وخاصة الاطفال وعادة بكون أول مرة بده يوخذ هاد النوع من الادوية ، هاي برضو بتصير من بعض الاطعمة مثل السمك واللبن ، وفي طفل اجاني كان ماكل شوكلاته بحليب مع فروالة ، وبعض المرات بتصير من صبغة الشعر 👧👧 فديرن بالكن من موضوع الصبغة والافضل نعمل اختبار على جزء بسيط من الجلد قبل ما نفرد كل الشعر ، المهم نرجع للموضوع اذا ابنك قرصه اشي او شرب دوا جديد او اكل سمك وبلشو شفايفه👄 يتنفخو او عيونه يصيرو زي اليابانين😖 ورقبته حمره👤 ويحك من كل مكان بسررررررعه على اقرب دكتور😷 مش لازم تطلعو على المستشفى لانه فش وقت يوصل المستشفى ، بتميلو على اقرب دكتور وهسه راح احكيلكم اسم ابرة لازم الدكتور يعطيها بسرعه اسمها ابرة ( الادرينالين )💉💉 هاي ابرة انقاذ الحياة في هيك حالة وبعدها بكمل هو باقي الخطوات ولازم يحول المريض على المستشفى ، ليضل تحت المراقبة وينعرف اسم الدوا او الاكل الي عمل هيك ، المهم شفتي ابنك اخذ الدوا وبلش يتنفخ بتركي اي شي بين ايديكي وبترني على اقرب دكتور احكيلو ابني واضح انه تحسس من الدوا او الاكل ، اخر حالة اجتني كانت في رمضان وكان يقرا للمغرب وكان طفل امه انتبهت انه عيونه نافخات وشفايفه بكبرو رنت عليا بتقلي هيك هيك ، حكتلها لاقيني ع الطريق مش على العيادة وبس والي بسبق اول ينزل باب العيادة بسرعة 🚴‍♂️🚴‍♂️🚴‍♂️ ، البوست مش للتخويف ولكن للتنبيه لانه في كتير ما بعرفو شو يعني حساسية وكيف بتكون خطيرة ، هسه في كتير اطفال بتحسسو بس ما بوصلو المرحلة هاي بكون حكه وطفح خفيف ما عمل اختناق هاي برضو الدكتور بعطيهم ادوية معينه وابره وبحكيلكم خلوه تحت المراقبة كمان ٦ ساعات وعادة بتمر مرور الكرام ، فديرن بالكن يا امهات واتذكرو اسمها الله يبعدها عنا وعنكم .

15/11/2025

عزيزتي الام شغلات مهمه ولازم تعرفيها عن مرض اطفالك وخاصة هاي الفترة

14/11/2025

❤️❤️❤️اكثر أهل بحبهم الي بسمحولك تشتغل مع ابنهم كأنه ابنك وتكون مرتاح نفسيا في التعامل معهم ، بتحس ضميرك ارتاااااح عشان الطفل .

💡خلو الطفل يومين في البيت على الاكامول
👨‍👩‍👦 : تمام دكتور
💡اعملو الفحص بكرة اذا ضل سخنان اكثر من ٣٩
👨‍👩‍👧‍👦 تمام دكتور
💡تستعجلوش عليه بطيب لحاله لانه اغلب امراض الاطفال فايروسيه
👨‍👩‍👦 صحيح دكتور قريتها على النت وحكالي اياها اكثر من دكتور وانا بدي امشي معك
💡رجعو المريض نشيك عليه في أي وقت
👨‍👩‍👦‍👦 تمام دكتور وقت ما بدك بنرجعه

كل الاحترام للي بعرف مصلحة مريضة منيحه وبتحمل معي الغلبة يومين .

القوباء الحلقية ، خلال اخر اسبوع شاهدت اكثر من حالة وخاصة في الاطفال يعانون من هذا الطفح الجلدي ، والاشكال مختلفة عند ال...
14/11/2025

القوباء الحلقية ، خلال اخر اسبوع شاهدت اكثر من حالة وخاصة في الاطفال يعانون من هذا الطفح الجلدي ، والاشكال مختلفة عند البعض وما يؤكدها هو الفحص السريري
لا داعي للخوف كل ما عليكم هو مراجعة العيادة للتأكد من التشخيص واعطائكم العلاج الصحيح .

الدواء الوحيد الي اثبت جدارته في مواجه هذا الفايروس هو الاكامول ( الباراسيتامول ) 💪💪 بالاضافة للسوائل لكن للأسف الاكامول...
12/11/2025

الدواء الوحيد الي اثبت جدارته في مواجه هذا الفايروس هو الاكامول ( الباراسيتامول ) 💪💪 بالاضافة للسوائل لكن للأسف الاكامول عليه سمعه سيئه انه مسكن وعلى الفاضي .
جربو خذو حبة كل خمس ست ساعات مع كاسة عصير ليمون وأدعولي .

12/11/2025

الفايروس هذه الايام عادي تطيب يومين وترجع الاعراض من اول قوية كأنه اول يوم مرض ، عليكم بالأكامول باستمرار والاكل الصحي والسوائل وخلي الفايروس يوخذ مجراه .

كسر كوع طفله عمرها سنتين الشغل المرتب بده رواق
07/11/2025

كسر كوع طفله عمرها سنتين
الشغل المرتب بده رواق

04/11/2025

من قصص الشغل المتكرره الي بتجبرك تغير مبدأك الي ماشي عليه سنين .

لما الدكتور يحكيلك ابنك معه حرارة بس والفحص السريري ما بين اشي وعشان مصلحة ابنك يقلك روحيه وبكرة بتراقبية وبتعملي فحص دم اذا ضلت الحرارة لانه الفحص ما ببين نوع الالتهاب من اول يوم ، علما اني قادر اعطيه مضاد حيوي من اول لحظة بس عشان مصلحة الطفل المسكين بتجنب المضاد حتى يتم التأكد من التشخيص ، وحضرتك توخذيه على مركز ثاني وينصرفله اقوى مضاد حيوي وهو يمكن يطيب ثاني يوما اساسا بدون مضاد ، للاسف هيك بنجبر مرة ثانية انسى المبادئ واضطر اشتغل مثل ما بدها الناس عشان الشغل يضل ماشي .

علما انه بعض العائلات مشيتهم على هاد المبدأ والحمد لله ولادهم بطلو يمرضو على الطالعه والنازلة ، وما حكو الدكتور مش شاطر وما بعرف ، صبرو يوم ويومين والطفل طاب على تروفين او اكامول وكبيرها بخاخ ، وأسئلو بعض المراجعين الملتزمين معي ، الي بسأل بعرف كيف انا بشتغل عشان مصلحة المريض اولا واخيرا .

لمن كان يسأل عن ابر فيتامين دال توفر لدينا كمية محدودة جرعة ١٠٠ الف
03/11/2025

لمن كان يسأل عن ابر فيتامين دال
توفر لدينا كمية محدودة جرعة ١٠٠ الف

بلش موسم الحساسية يا ست ❤️ سارة ❤️سارة بتقلكم بلاش مكيفات وابعدو عن الغبرة وتنسوش انه الطقس متقلب وما عليه رباط .
03/11/2025

بلش موسم الحساسية يا ست ❤️ سارة ❤️
سارة بتقلكم بلاش مكيفات وابعدو عن الغبرة وتنسوش انه الطقس متقلب وما عليه رباط .

Address

دير قديس الشارع الرئيسي بجانب صيدلية الحكمة
Ramallah
00970

Telephone

+972599201427

Website

Alerts

Be the first to know and let us send you an email when عيادة الدكتور رفعت عمر عليان posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة الدكتور رفعت عمر عليان:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram