Dietitian Samira Jamal

Dietitian Samira Jamal In a mission to enjoy the journey of life and make a healthier world
Eat healthy , think better

* تهدف الصحفة الى تثقيف وتوعية الزوار والاصدقاء على كيفية تناول الغذاء واهمية نوع وطبيعة الغذاء وعلاقته بالصحة السليمة ونشاط الجسم والعقل والجمال الذي يتحقق بتناول الاغذية المناسبه والتي تحتوي على جميع العناصر الغذائية الاساسيه والضروريه. ونشر نصائح وطرق العلاج بالغذاء للأمراض الغذائية.
فاصدقائي للحصول على حياه مثاليه ما علينا الا اتباع نظام غذائي سليم. فأهم ما في الحياه هي صحتنا التي علينا الاهتمام بها و العنايه بها جيدا و الابتعاد عن العادات الغذائية السلبية فاعتنو بصحتكم لتكمل حياتكم .
نحن هنا لمساعدتكم للحصول على الحياه الصحية التي تحتاجونها .

يسعد مساكم أصدقائي😄أرفق اليكم صورة مقارنة ما بين المايونيز، والكتشب، والخردل من ناحية السعرات الحرارية والدهون والسكر (...
09/09/2020

يسعد مساكم أصدقائي😄
أرفق اليكم صورة مقارنة ما بين المايونيز، والكتشب، والخردل من ناحية السعرات الحرارية والدهون والسكر (لكل ملعقة طعام).
انتبهوا لهذه الاضافات خلال حساب السعرات الحرارية اليومية.
دمتم بخير 💛🙏

الزبيب 🤓بعتبر الزبيب من الفواكه المجففه المفيدة اللي كثير من الناس بحبوها، ولكن، لأنه مجفف ف هو بيحتوي على نسبة سكر عالي...
22/08/2020

الزبيب 🤓

بعتبر الزبيب من الفواكه المجففه المفيدة اللي كثير من الناس بحبوها، ولكن، لأنه مجفف ف هو بيحتوي على نسبة سكر عالية. وبالنسبة للأشخاص المعنيين في نزول الوزن، فيفضل استبدال الزبيب بالعنب لأنه سعراته أقل ويعتبر مشبع أكثر.

حاليا في عز الحر، موسم التين مسيطر ع جو الصيف😁في اللي بحبوه كـ فاكهة عادية وفي اللي بحبوه فاكهة مجففة😋حبيت أعرضلكم هاي ا...
22/08/2020

حاليا في عز الحر، موسم التين مسيطر ع جو الصيف😁
في اللي بحبوه كـ فاكهة عادية وفي اللي بحبوه فاكهة مجففة😋
حبيت أعرضلكم هاي الصورة عشان ننتبه للفرق بيناتهم ونعرف نوزن الكمية المناسبة اللي نوكلها من كل نوع💪🏻

يسعد مساكم اصدقائي 😊توزيع نسبة الاحتياجات الأساسيه للجسم لكل من النشويات ، الدهون ، البروتين.مع العلم أن لكل :١غرام دهون...
14/08/2020

يسعد مساكم اصدقائي 😊
توزيع نسبة الاحتياجات الأساسيه للجسم لكل من النشويات ، الدهون ، البروتين.
مع العلم أن لكل :
١غرام دهون = ٩سعرات حراريه
١غرام نشويات = ٤سعرات حرارية
١غرام بروتين = ٤ سعرات حراريه

30/07/2020

يسعد مساكم اصدقائي😁
بما انه العيد على الأبواب وأغلبنا بحب المعمول والبقلاوه، فاحنا ما بننتبه على حالنا وبنوكل بدون ما نعد. طبعاً صحة وعافية على قلوبكم😚.
بس انتبهو انه هاي الشغلات عالية في السعرات الحرارية، عشان هيك لازم ننتبه انه ما نتناولهم بكثرة، او ما نتناول كميات كبيرة في المره الواحده.
وزعوهم خلال اليوم، فمثلا :
بتقدروا تستبدلوا وجبة الفطور بكاسة شاي مع قطعتين من المعمول وكذلك ب الوجبات الخفيفة. وما تنسوا تحاولوا تزيدوا نشاطكم البدني في ايام العيد. وكل عام وانتم بخير 🌼💛


هل الأكل الصحي ينحف أو ينزل الوزن ؟🤔كمية ونوعية الأكل في النظام الغذائي مهمة جدا ، بمعنى إنه ضروري يكون بنظامنا أكل صحي🥦...
22/07/2020

هل الأكل الصحي ينحف أو ينزل الوزن ؟🤔
كمية ونوعية الأكل في النظام الغذائي مهمة جدا ، بمعنى إنه ضروري يكون بنظامنا أكل صحي🥦🍓.
ولكن، الأكل الصحي ما بنزل بالوزن إذا كانت الكمية فوق الاحتياج، مو يعني اذا أكلنا أكل صحي يعني عادي ناكل براحتنا من غير تحديد الكمية.
صورة توضيحية مرفقة😁


#كيف تخسر 10 كيلو في شهر أو أسبوعين؟ حمية البدعه ( fad diet )🧐هي حمية شائعة بين أغلب الناس، وهي حمية غذائية قاسية #قلي...
12/07/2020

#كيف تخسر 10 كيلو في شهر أو أسبوعين؟

حمية البدعه ( fad diet )🧐
هي حمية شائعة بين أغلب الناس، وهي حمية غذائية قاسية #قليلة العناصر الغذائية، أغلب الناس بيلجأولها لأنها تسبب #خسارة بالوزن بطريقه سريعة، ودائما ما يتم ترويجها بوصفها " " لأوزان الناس الزائدة.
هاي الحمية تعتبر سيئة لأنها ما بتعالج المشاكل التي تسببت في زيادة الوزن في المقام الأول، فبمجرد تركك للحمية #حتستعيد الوزن المفقود ويمكن بكميات أكثر، وتعتبر حمية الفاد سيئة أيضا لأنها بتستوجب عادة #التخلص من الأطعمة اللي مش سيئة بالنسبة للشخص مثل الكربوهيدرات، وبالتالي بتسبب #نقص في التغذية.
كيف تعرف أنك بتتعامل مع نظام غذائي بدعة وغير صحي ؟
• الترويج لفقدان الوزن بسرعة وسهولة وبفتره قصيره ( مثل كيف تفقد 10 كيلو في شهر).
• القضاء على مجموعات غذائية معينة.
• شراء المكملات الغذائية كحارقات للدهون، ومساعدات فقدان الوزن، ومعززات عملية الأيض.
• التركيز على أطعمة معينة، مثل: الجريب فروت أو الملفوف وعصير الليمون أو نوع حساء خاص.
شو الآثار اللي ممكن تترتب ع صحتك بعد اتباع هذه الأنواع من الأنظمة ؟
- جفاف dehydration
- التعب والضعف الجسديWeakness and fatigue.
- الصداع والغثيان Nausea and headaches.
- الامساكConstipation.
- نقص بالفيتامينات والمعادنInadequate vitamin and mineral intake
بالتالي، بنستنتج إنه:
التغيير في نمط الحياة، وليس الحرمان، يسمح لك بالحفاظ على وزن صحي عن طريق تناول الأطعمة الغنية بالعناصرالغذائية من جميع مجموعات الطعام بكميات مناسبة لجسمك، وما بتحتاج للتخلص من أي عنصر غذائي في نظام حميتك.😎
خلي نزولك بطيء واعطي نفسك الوقت الكافي لتغيير طريقة تناول الطعام. انت ما كسبت 10 كيلو في شهر واحد، فما تتوقع أن تفقدها بسرعة. حدد عدد السعرات الحرارية اللي بتحتاج الها كل يوم للوصول إلى وزن صحي والحفاظ عليه. تتبع كل شيء تأكله وتشربه مع كتابة مذكرات غذائيه لبضعة أشهر حتى يصبح تناول الأطعمة الصحية طريقة للحياة. ودمتم بخير.😁
أخصائية التغذية: سميرة جمال الحريم.
العنوان: سلفيت - الدوير - بجانب عمارة العرباسي.



05/07/2020

يسعد أوقاتكم أصدقاء الصفحة أينما كنتم😁🌿،
بعد انقطاع طويل جدا عن الصفحة، قررت إني أعيد تفعيلها بإضافة محتوى بيختص بالتغذية والحميات الغذائية حسب طبيعة شغلي.
والمحتوى اللي حينضاف حيكون نابع من أكثر من خمس سنين خبرة في تخصص الحمية والتغذية🤟🏻.
~
معلومة إضافية مش الكل بيعرفها هي إنه اختصاصي ما بيقتصر فقط على إني أعمل #حميات غذائية للمراجعين، وبعمل كمان نماذج وخطط غذائية #للأشخاص اللي بيعانوا من #الأمراض المزمنة، مثل: أمراض السكري والضغط والقلب وغيرها من الأمراض، وبالإضافة للأشخاص اللي بيعانوا من هاي الأمراض، بعمل كمان برامج غذائية لأشخاص بدهم ينزلوا من وزنهم #ليوصلوا الوزن المثالي، أو أشخاص بدهم ينزلوا من وزنهم ليوصلوا #لجسم صحي بيحصل ع مواد غذائية متكاملة خلال اليوم.
~
#الحوامل كمان إلهم حصة في طبيعة اختصاصي، فبعمل برنامج للحامل اللي يكون مناسب الها بحيث توكل بشكل كافي واللي ما يضر جسمها وصحتها وصحة جنينها، وطبعاً ما بنسى أصدقائي محاربي #القولون، كثير من اللي بيعانوا من القولون إما بواجهوا صعوبة في إنهم يخسروا من وزنهم أو بواجهو صعوبة في طبيعة الأكل اللي لازم يوكلوه.
وطبعا ما بننسى أصدقائنا #الرياضيين اللي بيحبو يكون عندهم برنامج غذائي بروتيني يساعدهم ع بناء العضل بشكل سليم وصحي😁
~
وهاي الصفحة #حتنبذ شعارات الحرمان اللي كثير برامج في مراكز التغذية بتنادي فيها، ففي الوقت اللي حتلاقي برنامج بحرمك من أكلة معينة، حنعمل عنا برنامج للشخص اللي يوكل أكلة معينة بكميات مناسبة اللي بتشبع حاجة جسمه من العناصر الغذائية المتكاملة.
~
هل حتلاحظوا اختلاف بالوزن أو بالصحة أو بالجسم؟ #أكيد! والنتائج حتكون مضمونة أزيد لأنه ما عودت جسمك ع الحرمان، فلو صار لسبب ما وانقطعتوا عن البرنامج الغذائي، الجسم مش حيزيد الزيادة المضرة اللي حترجعه للوضع اللي كان عليه قبل التزامك بالحمية أو أسوأ.😁
~
خليكم متبعين معنا عشان تستفيدوا من البوستات،
واللي بيحب يستفسر عن طبيعة شغلي أو أي معلومات ثانية ممكن ع الكومنتات ع هاد البوست أو ع رسائل الصفحة💪🏻.
~
أخصائية التغذية: سميرة جمال الحريم😇
العنوان: سلفيت - الدوير - بجانب عمارة العرباسي.

Address

Salfeet
Salfit
00970

Telephone

+970595202144

Website

Alerts

Be the first to know and let us send you an email when Dietitian Samira Jamal posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category