08/11/2025
نقول من تاني علشان الماميز الي بتصحيني الساعه ٢ بالليل تقولي ااكل ابني ايه، والماميز الي بتقعد تسمعلي اكل اليوم لقمة لقمة احفظو البوست ده علشان همتحنكم فيه 😅😅
غذاء الطفل فى العام الأول يأكل امتى و يبتدى ازاى و الفيتامينات و الحديد ؟؟
📢 شير بقوه ، البوست ده مهم جدا لكل أب وام تعرفهم .
❗دكتور إيه الأكل المناسب لإبني أول ٤ شهور🤔 ؟
لبن الام هو الغذاء الأمثل للطفل أول ٤ شهور و في حال تعزر الرضاعة الطبيعية يعطى لبن صناعى رقم ١ و يعطى الماء من أول أسبوع للأطفال اللى بترضع صناعى أما اللى بيرضعو طبيعى مش محتاجين يدخلو مياه إلا فى الحر الشديد !!
❗ومن ٤ ل ٦ أشهر 🤔؟؟
ماسبق مع إدخال سيريلاك الحبوب ذات النوع الواحد ذي (الأرز - القمح- الذرة ) و بتتعمل باللبن اللى الطفل بيشربه أو بالماء .ممكن ادخال الزبادى و الجبن القريش ( بشروط) و عصير الطماطم و الجزر المسلوق
❗من ٦ ل ٨ أشهر 🤔؟؟
ماسبق مع إدخال الفواكه المهروسة أو سهلة المضغ بعد غسلها جيداً مثل ( الموز - التفاح - المشمش - الكمثرى) وذلك عن طريق سلقها ثم ضربها في الخلاط حتى تصبح طرية بما فيه الكفاية لطفلك ( شوفى الفيديو بأول كومنت)
بنفس الطريقة السابقة يتم ادخال الخضروات المهروسة أو سهلة المضغ بعد غسلها جيداً مثل ( الكوسه - الجزر- البسلة- البطاطس) وذلك عن طريق سلقها ثم هرسها في الخلاط حتى تصبح طرية بما فيه الكفاية لطفلك واضيفي بعض اللبن إليها ( لبن الثدي أو الصناعي أو الماء)
ابدأي بإدخال قطع صغيرة جدا من الدجاج أو اللحوم أو الأسماك منزوعة الشوك والعدس بأنواعه المختلفه كمصادر غنية بالبروتينات والحديد. الأرز و المكرونة
❗من ٨ ل ١٠ أشهر🤔؟؟
ماسبق مع إدخال صفار البيض المسلوق . فول مهروس جيدا - لحم أحمر مفروم أو سمك مشوي - تقديم الوجبات في صورة ثلاث وجبات رئيسية تتخللها الرضعات كوجبات بينية
❗من ١٠ ل ١٢ شهر 🤔 ؟؟
طفلك الآن يستطيع أن يأكل كل أنواع الأكل الذي تأكلين منه مع مراعاة تقطيع الأكل إلى قطع صغيرة مناسبة للمضغ والبلع و تجنب إعطاء الأكلات الحادة التي ممكن أن تقف في حلق طفلك وتسبب له الاختناق.
❗طيب إمتى ابدأ أدى فيتامينات وايه هي 🤔؟؟
لبن الأم كافي تماما لحد ٦ شهور ما عدا ڤيتامين( د) اضيفيه لطفلك من الأيام الأولى في العمر حتى سن المراهقة ( ٤٠٠ وحدة دولية ودي موجودة في ٤ نقط ڤي دروب او 10 نقط بيبى فيت) .
❗امتى ادي حديد 🤔؟؟
نظريا الطفل عنده مخزون يكفيه حتى سن ٦ أشهر و في حالات ذي الأطفال المبتسرين (مولودين قبل ميعادهم ) أو اذا كانت الأم بتعانى من انيميا بالحمل يكون المخزون أقل و يبدأ الحديد من الشهر الرابع أفضل .
يعطى الحديد من الشهر الرابع الى السادس بجرعة 10 مجم يوميا ( خمس نقط انريتش
أو هيدروفرين )
بعد ٦ أشهر من الممكن إضافة الحبوب المزودة بالحديد ك ( سيريلاك مثلا) .
بعد الشهر السابع زيادة الأكلات الغنية بالحديد مثل حبوب القمح والعدس وصفار البيض واللحوم والكبده .
❗وڤيتامين أ 🤔؟؟
توصى منظمة الصحة العالمية بإعطاء الطفل ١٠٠،٠٠٠ وحدة دولية من فيتامين أ تُعطى مرة واحدة عند 9 اشهر ودي موجودة في كبسولتين ( أ ڤيتون) يذاب في ماء ويعطى للطفل بالفم او بالتنفيط على اللسان ، أما بعد عمر سنة و فيعطى ٤ كبسولات كل ٦ أشهر حتى سن خمس سنوات.
❗طيب و باقي الڤيتامينات 🤔؟؟
الغذاء المتوازن الصحى هو افضل وقاية لنقص الفيتامينات و الطبيب المعالج بيحدد الطفل محتاج فيتامينات ولا لأ .
❗الملح والسكر ايه نظامهم 🤔 ؟؟
السكر مشكلته انه ب"يحلى" الأكل في فم الطفل ف ممكن يسيب الرضعه و يرفض الأكل أما الملح فمشكلته بس مع الكميات الكبيرة ممكن يعمل ضغط على الكلى الغير ناضجة تماما يعنى بلاش أحسن
❗و العسل 🤔 ؟؟
الاكاديمية الامريكية لطب الأطفال مانعة العسل قبل سن السنة وذلك للخوف من احتمالية الإصابة بميكروب نادر جدا تؤدي للإصابة بمرض التسمم المعوي ( Clostridium Botulinum).
وان كانت الإصابة دى عمرى ماشوفتها و لا سمعت عنها حصلت لطفل من أكل العسل و الدراسات دى قديمة جدا (1978) و علماء كتير بيعتبرو ان التحذير ده مبالغ فيه
قناعتى انك ممكن تدى العسل بامان بعد ست شهور .
❗ الدكتور برده مانع ابني من السمك 🐟 والبيض 🐣ومنتجات الألبان🍶 و الفراوله 🍓 والقمح 🌾 أول سنة ... اعمل إيه🤔🤔؟؟؟
الكلام ده قديم وتم تحديثه من قبل الأكاديمية الأمريكية لطب الأطفال منذ ٢٠٠٨ وحتى الآن .. والتي أوصت بعدم منع الطفل من كل ما سبق أبداً إلا إذا كان هناك تاريخ مرضي قوي في العائلة للإصابة بالحساسية من هذه الأصناف.
☑☑ شروط ادخال منتجات الألبان من الشهر الرابع : عدم وجود حساسية من الألبان لدى الطفل أو تاريخ مرضى لها بالأسرة و عدم وجود اكزيما جلدية ويوصى الا تتجاوز كمية الزبادى عن ٤٠ جرام .
دمتم واطفالكم سالمين ..
Copied
