Yasmina Beauty Dr. Yasmin

22/07/2025

Hydrafacial

21/05/2025

21/05/2025

متابعه هنا من فضلكم

05/10/2021

بنوته أموره من ليبيا بتابع معايا من ١٠ ايام تقريبا كلمتني وقالت انا عندي فرح بعد ٢٠ يوم وعايزه اخس وفعلا حطت هدف لنفسها والرياضه زي ما قولتلها زي الميه والهوا
انا اللي بشكرك ع عزيمتك
وبشكرك ع الكلام الجميل ده ويارب اكون دايما عند حسن ظنك ❤️❤️❤️❤️

30/09/2021

الأوقات المناسبه لقياس الوزن👌👌👌

١.ف الصباح الباكر.👌👌وبعد دخولك الحمام بتكون المعده فاضيه ومفيش وزن زياده

٢.حدد يوم ثابت تقيس فيه وزنك علشان ما تنسى يعني مثلا مره كل أسبوع وحدد يوم وليكن الجمعه وتثبت اليوم ده بس علشان مش ننسي

٣.بعد الانتهاء من الدوره الشهريه بالنسبه للستات والبنات وتجنب القياس أثناء الدوره لأنها قد تعطي نتائج زياده

٤.زي ما قولنا قبل كده مش بنعتمد ع الميزان اعتماد كلي ووضحنا الفكره دي قبل كده فممكن اقيس محيط الخصر والذراع او استخدم المرايه والاحظ الفرق او احس الفرق ف هدومي اللي كان مش مقاسي بيجي دلوقتي مقاسي👏👏👏

للمتابعه التواصل واتس
#دمتم بصحه 🌺🌺🌺🌺 #
د. ياسمين 🌸🌸🌸🌸

29/09/2021

مفاهيم خاطئه
١.هبدا دايت اول الاسبوع او اول الشهر 😑حضرتك الدايت بنبدائه ف اي وقت عادي والله ما فيش مشكله✋✋✋

٢.دكتوره عايزه يوم فري 😓😓لا والله ما فيش حاجه اسمها يوم فري هو انا حرماكي من حاجه علشان تاخدي الفري ده وتملي كرشك والله هتزيدي فيه اللي خستيه وهتبقى بكرش تان برضه😁😁😁

٣.هعملك نظام غذائي زي الفل بس من غير ما تعملي رياضه ولا ليه لازمه زي ما قولنا الرياضه زي الماء والهواء انا بعلمك لايف ستايل مش بعذبك واحرمك من الاكل

٤،هتاكلي وتعكي ف الاكل وتاكلي محاشي و َممبار وبشاميل ورقاق وبعدين تشربي بيبسي دايت ويارب سامحني وتحسي بالندم ومش هعمل كده تان 😓😓😓برضه هتتخني ماهو اللي داخل كتييييير ولازم يطلع عليكي احنا مش بنخس بالندم😭😭😭

٥ خساره الوزن مش ع الميزان بس خساره الوزن ف شكل جسمك اتغير اد ايه شكلك قدام المرايه بقى ازاي مش شرط اشوف رقم ع الميزان وافرح بيه ماهو ممكن انزل دهن وازيد عضل فممكن وزني ما يتحرك بس وزن صحي

٦. محدش يقولي يا دكتوره كده هعمل عضلات زي الولاد ✋✋لا والله مش هتبقى عضلاتك زي الرجاله هما نفسهم علشان يعملو الشكل ده بياخدوا حاجات تانيه

تابعوني 🌼🌼🌼🌼
#دمتم بصحه 🌺🌺🌺🌺🌺 #
للمتابعه معايا التواصل واتس

24/09/2021

السلام عليكم ازيكم بقالي كتييييير ما قولتش حاجه معاكم تقبلو اعتذاري❤️❤️❤️
كنت قولت ف اخر بوست ليا ليه فيه ناس بتتخن بسرعه من اي حاجه تأكلها وناس تانيه ما شاء الله بتاكل كتييييير جدا ولا يبان. عليهم 👌👌بنقول يا بختهم ✋✋
نعرف ليه بقى؟
احنا عندنا نوعين من الخلايا الدهنيه
١. خلايا دهنيه بنيه (Brown fat cell)
٢.خلايا دهنيه بيضاء (white fat cell)
الناس بقى اللى بنحسدهم دول اللي بياكلو ومش بيتخنو عندهم الخلايا الدهنيه البنيه زياده شويتين تلاته ودي حاجه من عند ربنا الخلايا دي بقي لها القدره ع حرق الكميه الزائده من الغذاء عن حاجه الجسم مما يحول دون تكون اوتراكم الانسجه الدهنيه ف الجسم او زياده الوزن 🥰🥰🥰
اما بقى الأشخاص اللي بيعانو من زياده الوزن اوعندهم نسبه الخلايا الدهنيه البنيه بالنسبه للدهون البيضاء قليله بمعنى عندهم الدهون البيضاء هي اللي موجوده اكتر والتالي الحرق اقل وبالتالي تراكم الانسجه الدهنيه اكتروبالتالي زياده ف الوزن 😢😢
ويجي حد يسألني نزود الخلايا البنيه ازاي هقوله دي حاجه رباني هو مولود كده ربنا كرمه كده. اوعو تحسدوهم بقى 😄😄😄
تابعوني 🌹🌹🌹🌹
#دمتم بصحه🌺🌺🌺🌺 #

19/09/2021

احنا بنجوع ليه؟ 🤔وازاي؟ 🤔
وايه الهرمونات المتحكمه ف الجوع والشبع 🤔🤔؟
وليه فيه ناس تقول انا لو شميت السكر اتخن وناس تانيه تحط ٣ معالق سكر ف الشاي ومش بتتخن برضه
نعرف الأول هرمونات الجوع والشبع 🤔
انا عندي اتنين هرمون غريلينghrelin والتاني ليبتنleptin✋✋✋
غريلين ghrelinده اللي بيصحيك بالليل ويخليك تروح تفتح التلاجه وتاكل منها وف اي وقت طول ماانت ماشي يخليك تشوف اي طبق فاضي ع انه بيتزا ومفيش اكله تشوفها الا وعايز تدوق منها وتاكل ده بقى بيتفرز من المعده والهرمون ده يفضل يقنع فيك انك تاكل وتحاول تقاوم بس ع مين هتاكل هتاكل وتفضل تاكل لغايه ما تحس انك هنجت من الاكل هو بقى هنا يريح شويه.'"مؤقتا يعني مش كتيير" "👌👌👌ف نفس الوقت فيه هرمون تان بيحاول يا قلب أمه يوقفك وانت ولا هنا بيكون موجود ف النسيج الدهني adipose tissue
اسمه الليبتنleptinده بقى بيحاول يقلل ترسيب الدهون ويقلل شهيتك وعايز يوقفك لكن انت وغريلين عليه والدهون تزيد عليه هو يسكت؟ لااا✋✋✋ا تزيد كميته ويستميت انه يوقفك وكل ما الدهون تزيد هو يضاعف نفسه ويزيد وتزيد محاولاته لكن بتكون خلاص حضرتك وغريلين عكيتو الدنيا هنا يبدأ ينبه الجسم بكميه الدهون دي فيحفزه انه يحرق الجلوكوز اللي داخل ده بسرعه ويشوف الدهون دي ويتصرف معاها وكل ما يزيد الحرق ليبتين يهدأ وده كله طبعا قبل ما يكون غريلين فاق تان ويقولك يلااا ناكل 😋😋😋😋😋
تابعوني للرد ع الجزء الثاني من البوست
#دمتم بصحه🌺🌺🌺🌺🌺 #
د. ياسمين
عايزه شير و follow كتييير