17/02/2022
“May be you are searching among the branches, for what only appears in the roots”
Rumi
"من الممكن انك تبحث بين الأفرع، عن ما يتواجد فقط في الجذور"
جلال الدين الرومي
نوقف شوي مع حالنا و نسال وين وصلنا و نحن عم ندور حوالينا عن انفسنا ؟
دراسات و اختبارات و شهادات
تقنيات و ممارسات
تقاويم و أوقات و طاقات
ماتفهموني غلط انا مع هادا كله لكن اللي لاحظته مؤخرا حتى في مجتمع اذا بدنا نسميه (ايجابية-وعي- روحانية) من وجهة نظري صار في تطرف كتير كبير…
كل اللي عم نحاول ندرسه نتعلمه نتعرف عليه اذا ماوصلنا بطريق او بآخر اننا نبحث في داوخلنا عن اعماقنا، عن الجوهرة تبعتنا، اذا ما اعطانا القوة و الشجاعة اننا نوقف قدام انفسنا و نتجرد قدام انفسنا للحظة اللي نعترف فيها قدام حالنا اول ب ايش الاقنعة اللي منلبسها، وين عم نلعب دور الضحية، لمن نبدا نتعلم انه نسقط كل شي للداخل نحن السبب مش الناس نحن المحرك من الداخل مش مستنيين احد/شيء من الخارج، اذا ماوصلتنا لمرحلة انه نراقب افكارنا و نصبح الشاهد عليها نحركها زي مانحن بدنا و نستخدمها لخدمتنا..
اذا ماوصلنا لهادي النقطة فعليها السلام من دراسة و من تقنية..
اما اذا اخدت بئيدنا و حطتنا قدام مرايتنا هون بتبدا المعجزات
بيبدا الخلق الجديد
بيبدا الاستمتاع
بيبدا التشافي
المصور الرهيب الفنان شكراً 🙏🏼
