M7mmadfitness

M7mmadfitness Contact information, map and directions, contact form, opening hours, services, ratings, photos, videos and announcements from M7mmadfitness, Doctor, Jeddah.

طبيب باطني - تغذية 🩺🍏
تصميم أنظمة غذائية وتدريبية
بساعدك توصل لهدفك بأقصر الطرق ⏳
عبر أنظمة غذائية وتدريبية علمية ومدروسة
للإشتراكات أو الإعلانات Whatsapp 🟢 📩

07/04/2026

ترمب عايز يضرب ايران بالنووي .. والنووي دا كان جانا منو رايش"ساي" كدا احتمال يودينا للكريم .

عشان كدا مافي داعي للدسدسة .. وبعد دا حقو أظهر وأكشف عن شخصيتي وأوريكم النصائح البقول فيها دي بيان بالعمل .

اذا كنت موافق .. وشايف دا قرار صحيح اكتب لي موافق في التعليقات .

#شكرا ❤️

!عزيزي المتابع عزيزتي الفراشة .. حصل فكَّرت يوم واحد صوص الشوكولاته دا بتعمل كيف؟ ..الصوص البختوه ليك فوق اللقيمات وال...
03/04/2026

!

عزيزي المتابع عزيزتي الفراشة .. حصل فكَّرت يوم واحد صوص الشوكولاته دا بتعمل كيف؟ ..

الصوص البختوه ليك فوق اللقيمات والفطاير والتحليات ... هههههه انا متاكد انك ماعارف لانك لو عارف ما بتاكلو .

بتعرفو السم الهاري؟ يلا صوص الشوكولاته دا اكعب منو ..

عزيزي المتابع الصوص دا بتعمل بالزيت .. ايوة الزيييت الزيت الواحد دا .. ودا المكون الأساسي فيه ..

تخيل بتاكل في زيت بالسكر بنكهة الكاكاو .. دا صوص الشوكولاته ببساطة كدا .. ودي نفس الفكرة بتاعت النوتيلا والماكستيلا وغيرهم .

ما لاحظت انه مرات كدا بجيك حيرقان وطمام وقهمة كدا شينة بعد ما تاكل حاجة فيها صوص شوكولاته؟

السبب انك بتاكل كمية كبيرة من الزيت والسكر دفعة وحدة .. والزيت والدهون بشكل عام من الحاجات الما بتتهضم بسهولة وبتخلي صمام المريئ فاتح عشان كدا بطنك بتطم وبجيك حيرقان .

أها تاني بتاكل صوص شوكولاته؟

#شكرا ❤️

#السكاكات ! بالمناسبة انا داير اقول ليكم حاجة .. السيقان دي من قدام عبارة عن عضم .عضم ساي وجلد وعضلات صغار شديد يعني ...
02/04/2026

#السكاكات !

بالمناسبة انا داير اقول ليكم حاجة .. السيقان دي من قدام عبارة عن عضم .

عضم ساي وجلد وعضلات صغار شديد يعني كان الله ما اداك ليها مليانة ما بتبقى مليانة ، الا تبقى سمين ساي او تسمن سمنة مفرطة وتجي تتخزن دهون في الساق دا .

باختصار كدا الشغلة دي جينات .. لو جيناتك مافيها ساق مليان الشغلة دي بتبقى شبه مستحيلة والف تمرين ما بنفعك .

الحاجة الوحيدة الممكن تعملها كزول عندك سكاكات وخصوصا الفراشات انه تمرِّني العضلة الورا دي الخلف الساق .. بتديك شكل ساق مليان الى حد ما .

لكن شكل سكاكاتك من قدام ما حيختلف شديد لو اتمرنتي الف تمرين لانه العضلات الامامية للساق حاجة صغيرة كدا 🤏🏽 .

في نفس الوقت ممكن تحسني موقفك شديد وتشتغلي على الافخاذ الامامية والخلفية ، حتحسني الشكل العام للسكاكات وبتبقى مقبولة ✅

لكن عموما فكرة الرجلين بشكل عام جينات اكتر من اجتهاد شخصي ... يعني ورااااثة .

وبالمناسبة اي وحدة عندها سكاكات لسانها طويل ماعارف ليه .. قودوني الى النور .

#شكرا ❤️

كيف تكبِّر حجم اليد؟ أيوة المنطقة مابين كف اليد والمعصم كيف نكبِّرها؟شوف عندك واحد من حلين .. يا تبقى مصري ، يا تبقى جين...
02/04/2026

كيف تكبِّر حجم اليد؟ أيوة المنطقة مابين كف اليد والمعصم كيف نكبِّرها؟

شوف عندك واحد من حلين .. يا تبقى مصري ، يا تبقى جيناتك أوروبية .. وبالعدم كدا سوداني وجيناتك سمحة .

الحتة دي تحديدا كدا جينات ولو هي اصلا صغيرة ما بتكبر لانه مافيها عضلات كبيرة .. فماتتعب نفسك "ساي" .. الحتة دي عبارة عن عضم واوتار واربطة وبواقي عضلات صغيرة .

إذاً .. قولاً واحداً الحتة دي تحديدا ما بتكبر .. لكن الشكل العام بتاع اليد بتحسَّن لمن تمرِّن عضلات المعصم القريبة من الكوع والحتة دي السودانيين بقولو ليها الجرايد .

فلمن تمرن الجرايد دي شكل اليد بشكل عام حيكبر وما حتلاحظ انه الحتة دي تحديداً صغيرة.

#شكرا ❤️

!فيفتي سنت .. ! مغني راب امريكي العمر الحالي 50 سنة .. الشكل 20 سنة بس متخيل دا جسم زول عمرو 50 سنة ! هل تعلم انه ...
01/04/2026

!

فيفتي سنت .. ! مغني راب امريكي
العمر الحالي 50 سنة .. الشكل 20 سنة بس متخيل دا جسم زول عمرو 50 سنة !

هل تعلم انه هذا الانسان اول مره عمل فيها عضلات في عام 1997؟ يعني محافظ على جسمه ليو 30 سنة .. طبعا في 1997 دي معظم الناس الفي الصفحة دي ما اتولدو زاتو ..

علما بانه عندو قروش بتخليو ياكل ما لذ وطاب ولو اكل منها لحدي ما يموت ما بفلس .

لمن تشوف مثال زي دا تاسف لحال الشباب الفي عمر العشرينات والتلتينات لمن تلقاهم سمان لمن مدفقين بالجمبات ..

اتمرن .. اكل براحة .. استمتع بصحتك وبشكلك لانه الشكل دا براو لمن يكون ما زابط بضيع منك فرص كتيرة وبجيب ليك نفسيات وفرصك في الحياة بتكون صعبة في اي شي .

قوم اتمرن ياخ ..

#شكرا ❤️

في ناس بسألوني .. كم كمية السكر المناسبة في اليوم ؟الجواب : مافي كمية سكر مناسبة في اليوم .. لانه معظم الحاجات البتاكلها...
01/04/2026

في ناس بسألوني .. كم كمية السكر المناسبة في اليوم ؟

الجواب : مافي كمية سكر مناسبة في اليوم .. لانه معظم الحاجات البتاكلها في النهاية بتتحول لسكريات .. يعني عمليا كدا انت بتقدر تعيش بدون سكر أبيض .

ولي ملعقة وحدة ؟ لانه السكر ماعندو فوائد غذائية .. هرد بنكرياس "ساي" .. ثانيا دا رأيي الشخصي من تجاربي وخبرتي وملعقة دي زاتا مع الرأفة عشان ما تطلع لينا من الملة وتقعد تكورك يامدمن السكريات .

عشان كدا رأفت عليك وخليتها ليك ملعقة وحدة في اليوم نصها للجبنة ونصها لشاي الصباح .

عزيزي المتابع هل تعلم انه انظمتي الغذائية لمشتركين زيادة الوزن مافيها سكر ولا طحنية ولا مربى ولا اي سكريات من النوع دا !!!!!؟ ايوا ايوة وكتار حققو نتائج ممتازة كمان 😎

#شكرا ❤️

🍌 🍞كيك صحي بالموز والكاكاو .. بدون زيت وبدون سكَّر نهائي .. ولا نقطة زيت ولا ذرة سكر . لاتقول لي كيك فتح مجيد لا تقول ...
01/04/2026

🍌 🍞

كيك صحي بالموز والكاكاو .. بدون زيت وبدون سكَّر نهائي .. ولا نقطة زيت ولا ذرة سكر .

لاتقول لي كيك فتح مجيد لا تقول لي السيسي لا عبدالفتاح السيسي .

المكونات بسيطة جداً ..

موزة كبيرة او ٢ صغار - ملعقتين كاكاو - ٥٠ جرام دقيق قمح كامل (ردة) - بيضة - ربع ملعقة باكنك باودر - ظرف ستيفيا - كباية شاي صغيرة حليب

تخت الحاجات دي كلها في الخلاط وتكبها في اي كورة وتدخلها الفرن او القلاية الهوائية على درجة حرارة 160 - 180 لمدة نص ساعة .. وبس كدا عندك كيك صحي بالموز والكاكاو 😋

وسعرات الكيكة كلها بتطلع 375 سعرة حرارية فيها ١٥ جرام بروتين .

وبالله ماتقول ليك الكيكة دي صغيرة.. انا بعمل قدر روحي .. وما تسالني مرتك وين واولادك وين

انت لو عايز كمية اكبر زيد المكونات بس.. ماعايزة ليها ذكاء .. وبعدين ماتقول لي مسيخة.. لسانك المسيخ والمشكلة في لسانك المتعود على السكر الكتير

اعمل إعادة ضبط المصنع عشان تقدر تحس بسكر الموز دا .

#شكرا ❤️

معلومة "ساي" كدا .. النحافة الشديدة تؤدي الى خلل في التبويض وفشل وظيفي ثانوي في وظائف المبايض .. ما كدا وبس .. النحاف...
31/03/2026

معلومة "ساي" كدا .. النحافة الشديدة تؤدي الى خلل في التبويض وفشل وظيفي ثانوي في وظائف المبايض .. ما كدا وبس .. النحافة سبب اساسي لهشاشة العظام .

يعني عظمك دا ببقى زي البسكويته اقل وقعة بتكسر .. ومبايضك شغالة نص كم .. وهرموناتك داقة الدلجة .

عشان كدا مافي زول يغشكم ويستعطفكم ويقول ليكم كدا حلو ودا عود فرنسي .. دا استعطاف " ساي" من أجل ارضائكم .. لكن يافراشة هنا دي بنقول ليك الحقيقة كاملة كان عجبك وكان ما عجبك .

#شكرا ❤️

! 🍞يعني هو في كيك صحي؟ ايوة 😎كيك بدون زيت وبدون سكر كمان .. لاقاك كيك بدون زيت وبدون سكَّر؟ مع محمد فتنس مافي مستحيل 😎ب...
30/03/2026

! 🍞

يعني هو في كيك صحي؟ ايوة 😎
كيك بدون زيت وبدون سكر كمان .. لاقاك كيك بدون زيت وبدون سكَّر؟

مع محمد فتنس مافي مستحيل 😎

بمكونات بسيطة جدا .. وفي دقايق حيكون عندك أحلى كيك صحي خالي من الزيوت ومن السكر .. وحتى لو عندك مقاومة انسولين وسكري ممكن تاكلو ✅

بيضة - ٥٠ جرام دقيق أسمر - رشة باكنك باودر - رشة قرفة - رشة فانيليا - كباية حليب صغيرة زي كباية شاي كدا - ظرف ستيفيا .

تخلط المكونات دي كلها وتختها في اي كورة .. وعالفرن لمدة نص ساعة درجة حرارة ١٨٠ او بالقلاية الهوائية نص ساعة
بدرجة حرارة ١٦٠ .

وعينك ماتشوف الا النور .. احلى كيك صحي خالي من الزيت والسكر
وسعرات القطعة كاملة ٢٨٥ سعرة حرارية

رايك شنو؟ هل المكونات دي صعبة؟ لا .. هل الكيك دا صحي؟ أي 😎

انطلقوا 👏🏽

#شكرا ❤️

زمان لمن كنت ما فاطر ولسه طالب "ساي" ما كنت بفكِّر اشتري مكمِّل بروتين ولا في بالي أصلاً .. لانه غالي وماعندي ليو قروش و...
28/03/2026

زمان لمن كنت ما فاطر ولسه طالب "ساي" ما كنت بفكِّر اشتري مكمِّل بروتين ولا في بالي أصلاً .. لانه غالي وماعندي ليو قروش ولو جبتو شهر احتمال يقطع مني شهرين ..

عشان كدا كنت معتمد على الأكل
بنسبة100% وبخترع حاجات من راسي دا كدا "ساي" أونطة.

عزيزي المتابع الكباية الماكنة الشايفها دي
فيها 35 جرام بروتين لكن دايرة ليها زول راااكز وماعواف .. ونصيحتي ليك كان مافاطر ما تخاطر .

كنت بكسر ٣ بيضات نيات في الخلاط معاهم ملعقتين دكوة و٢٠٠ مل حليب وبشربهم كدا "ساي" رجالة بس .

علماً بانه الموضوع دا خطير وكنت عارفو خطير لانه ممكن يكون سبب في نقل عدوى السالمونيلا ويضربك تايفويد لكن طبعاً الحافظ الله ماجاتني اي حاجة

بس كمان كنت حريص جدا انه البيضة ما تكون فيها شقوق وتكون نضيفة من برة

لكن تعال شوف اولاد وبنات الزمن دا .. الزول عصبتين ماعملهم ومافاطر وعايز يشتري بروتين طوالي وخلطات ..

نصيحتي ليك اركب الطريق الصعب اول واجتهد واتعود تجازفا بالاكل لقدام لمن وضعك يتحسن جيب بروتين وكان داير تجيب زول عديل تاكلو جيب .

لكن ما اي شي تشبكني إمكانيات مافي وتعديها لي أعذار .. العايز يتمرن ويحسن من صحتو بتمرن والعايز يقعد يتعذَّر اعذارو ما بتنتهي لي يوم القيامة .

بيني وبينك بتقدر تشرب حاجة زي دي !؟

#شكرا ❤️

#البروبايوتيك ! 🦠عندك امساك مزمن؟ اسهال مزمن؟ سوء هضم؟ غازات مزعجة؟ بطنك ما بتتحمل انواع كتيرة من الأكل؟ عزيزي المتابع ...
28/03/2026

#البروبايوتيك ! 🦠

عندك امساك مزمن؟ اسهال مزمن؟ سوء هضم؟ غازات مزعجة؟ بطنك ما بتتحمل انواع كتيرة من الأكل؟

عزيزي المتابع .. احتمال كبير ووارد جداً يكون عندك خلل في توازن البكتيريا النافعة في الأمعاء وممكن تكون دي كل المشكلة العندك .

كلو مرة تمشي الدكتور ويردمك مضادات حيوية وتجي .. ومشكلتك في حتتها ولسة ماعرفت المشكلة مكانا وين .

البروبايوتيك أتعملت عنها أبحاث كتيرة جدا اثبتت أهميتها لدرجة انه بقت بتتباع كمكملات غذائية .. البكتريا دي بقت بتتباع عديل بتراكيز مختلفة بالمليارات

ايوة ايوة .. بتمشي تشتري البكتريا دي وبتمشي للصيدلي بقوم يقول ليك عايز كم مليار .

تقوم طوالي تقول ليو اديني تركيز ٢٠-٣٠ مليار.. لانه دا التركيز الفعال .. يعني دي بكتريا حية يادكتور ؟

اي والله دي بكتريا حية عديل لكن نافعة .. وبتكون في شكل كبسولة بتبلعها على بطن فاضية .

جربها زي شهرين تلاته .. وحتشوف الفرق ان شاء الله .. ماكدا وبس البكتريا دي في ابحاث كتيرة اثبتت انها بتقلل مقاومة الانسولين كمان وبترفع المناعة وبتحسن الهضم والامتصاص .

اها جاهز تجربها؟

#شكرا ❤️

#الكيك !الكيك يعتبر من أسوأ وأخطر الحاجات الممكن تاكلها.. الكيك أسوأ من العيش والرز والكسرى والقراصة مجتمعين . ببساطة ا...
27/03/2026

#الكيك !

الكيك يعتبر من أسوأ وأخطر الحاجات الممكن تاكلها.. الكيك أسوأ من العيش والرز والكسرى والقراصة مجتمعين .

ببساطة الكيك بعتمد بشكل اساسي على الدقيق والزيت والسكر .. ودا الثلاثي المرح لأمراض الكبد والبنكرياس وامراض القلب والشرايين .

الكيك بعتمد على كميات كبيرة جدا من الزيت .. ياخ الكيكة بالميت كدا بكبو فيها كباية كبايتين زيت وكباية كبايتين سكر وكباية كبايتين دقيق .. لاحظ معاي ما ملعقة وملعقتين لالا الشغلة دي بالكباية عديل.

وبعدين الكيك دا فيو حاجة كدا غريبة تاكل كيكة قدر المخدة .. تاكل مية كيكة وبرضو جعان .. اقول ليك شي جيب كيك الدكان كلو اكلو ما بتشبع .

اصغر قطعة كيكة ما اقل من ٣٠٠ - ٥٠٠ سعرة حرارية.. يعني كيك ساي ممكن تعمل الف سعرة حرارية في اليوم .

عشان كدا الكيك عدوك الأول لو عايز تنزِّل وزنك .. وحتى لو هدفك تزيد وزن دي ما الطريقة الصح لانك حتهرد بنكرياسك "ساي" ومسافة وزنك يزيد عادي بتخش في مقاومة انسولين .

واضح؟

#شكرا ❤️

Address

Jeddah

Telephone

+966573106313

Website

Alerts

Be the first to know and let us send you an email when M7mmadfitness posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to M7mmadfitness:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category