02/05/2026
أي زول ما طبيب وليس له علاقة بالمجال الطبي لا من قريب ولا من بعيد بكون عايش فيما يسمى بنعيم الجهل .
ببساطة مافي شي بشغل حيز من تفكيرو ولا بفكر ولا بنسبة 1% من المضاعفات المرضية الممكن تحصل ليو او لي زول من اهلو وبكون عايش على باب الله .
متين مامرض مرض ومشى للدكتور العايش في جحيم المعرفة كتب ليو العلاج وخلاص .. ولو مات قبل ما يلحق يمشي الدكتور مات ورفعو فيو الفاتحة وخلاص .
اي زول ماعندو علاقة بالمجال الطبي أحمد ربك "ساي" لانه جحيم المعرفة دا مابعرفوه ولا بحسو بيه الا الاطباء وخصوصا ذوي الاختصاصات والخبرة .
ببساطة الطبيب بشيل هم وبفكر في حاجات وسيناريوهات الزول الطبيعي مابفكر فيها .. لانه من المرحلة الجامعية ومابعد الجامعية بدربوه على انه خيالو يبقى واسع ويفكر في حاجات الشخص الطبيعي ما بفكر فيها .
صدقني انت عايش في هدوء تام وانت لاتدري فهنيئا لك بنعيم الجهل .
#شكرا ❤️
