د.سلمي حمودهDr.Salma Hamouda

26/02/2026

08/02/2026

الميتوكوندريا… مكان الحرق الحقيقي
ممكن:
• تاكلي مظبوط
• تعملي دايت
• تلعبـي رياضة

وبرضه الحرق يفضل ضعيف 🤷‍♀️

📌 لأن الحرق مش في المعدة ولا الكبد بس…
الحرق الحقيقي جوه الخلية، في الميتوكوندريا.

🧠 الميتوكوندريا بتعمل إيه اصلا؟؟
الميتوكوندريا هي:
✔️ محطة إنتاج الطاقة (ATP)
✔️ المكان اللي الجسم بيحرق فيه الدهون والكربوهيدرات
✔️ منظم الميتابوليزم
✔️ مؤثر أساسي على النشاط، التركيز، والمزاج

لو الميتوكوندريا ضعيفة و فيها مشكله:
❌ تعب
❌ بطء حرق
❌ ثبات وزن
❌ آلام عضلية
❌ قلة تحمّل للرياضة

🔥 علاقتها بالحرق ايه؟؟
📌 الدهون مش بتتحرق إلا لما تدخل الخلية وتدخل الميتوكوندريا

⚠️ لو الميتوكوندريا مش كفء:
• الدهون تدخل
• لكن ما تتحرقش و هتتخزن🥹

🥗 طيب ايه الأكل اللي “يغذّي” الميتوكوندريا

✔️ بروتين كفاية (مهم لبناء الإنزيمات)
✔️ دهون صحية:
• زيت زيتون
• أفوكادو
• مكسرات
• أسماك دهنية
✔️ خضار غنيّة بمضادات الأكسدة
(سبانخ – بروكلي – توت – فلفل ألوان)

هتلاقوا الاكل متوافق اصلا مع الهرم الغذائي الجديد
💊 مكملات مهمة لصحة الميتوكوندريا

‏✔️ Magnesium
‏✔️ CoQ10
‏✔️ B-complex
‏✔️ L-Carnitine
‏✔️ Alpha Lipoic Acid
‏✔️ Omega-3
‏✔️ Vitamin D

📌 نقص أي منهم = طاقة أقل وحرق أضعف المكملات دي تحت اشراف مختص

🏃‍♀️ عادات تقوّي الميتوكوندريا

✔️ تمارين المقاومة
✔️ الكارديو المعتدل
✔️ التعرض للشمس
✔️ نوم منتظم
✔️ تقليل الالتهاب
✔️ تقليل السكريات

⚠️ أعداء الميتوكوندريا:

❌ سكر عالي
❌ أكل مصنّع
❌ قلة نوم
❌ توتر مزمن
❌ التهابات مزمنة
البوست اللي جاي ايه الامراض اللي ممكن تكون بتاثر سلبا علي الميتوكوندريا و رغم ان بناكل كويس و نلعب رياضه و نحااااول بس برضو الحرق مش فاهمين ماله

27/01/2026

لو فاكر ان الحرق بس ليه علاقه بكميه الاكل تبقي غلطان

البوستات اللي فاتت اتكلمنا عن دور الفم و المعده و الامعاء علشان احسن الهضم و الامتصاص و الحرق

وحاليا جه دور الكبد والمرارة… مفاتيح الحرق اللي محدش بياخد باله منها

ممكن تاكلي أكل صحي
وتعملي دايت
وبرضه الحرق يفضل بطيء 🤷‍♀️

📌 لأن الحرق الحقيقي مش في المعدة ولا الأمعاء بس…
الحرق في الكبد والمرارة.

🧠 الكبد ودوره في الحرق

الكبد هو:
✔️ مركز الأيض في الجسم
✔️ المسؤول عن تحويل الأكل لطاقة
✔️ منظم سكر الدم والإنسولين
✔️ مصنع حرق الدهون
✔️ مسؤول عن التخلص من السموم

⚠️ كبد مرهق = حرق أبطأ مهما كان الأكل مظبوط

🟢 المرارة ودورها في الحرق

المرارة:
✔️ بتخزن العصارة الصفراوية
✔️ تفرغها عند أكل الدهون
✔️ تساعد على هضم الدهون
✔️ تساعد على امتصاص فيتامينات
‏A – D – E – K

⚠️ مرارة كسولة =
❌ هضم دهون ضعيف
❌ امتصاص أقل
❌ إحساس بثِقَل وانتفاخ
❌ حرق أقل

🔧 إزاي نحسّن أداء الكبد والمرارة؟

✅ عادات بسيطة:

✔️ أكل منتظم
✔️ عدم الإفراط في السكريات
✔️ شرب مية كفاية
✔️ حركة يومية
✔️ نوم كويس
✔️ تقليل التوتر

🥗 الأكلات اللي الكبد “بيحبها”

✔️ الخضار الورقية (جرجير – سبانخ)
✔️ الخضار الصليبية (بروكلي – كرنب)
✔️ البنجر
✔️ الليمون
✔️ الثوم
✔️ الكركم و المشروب الدهبي 😃
✔️ البروتين من مصدر كويسه سواء نباتي او حيواني (بيض – سمك – بقول)

🫒 الأكلات اللي المرارة “بتحبها”

✔️ الدهون الصحية بكميات معتدلة:
• زيت الزيتون
• الأفوكادو
• المكسرات
✔️ ألياف (خضار – شوفان)
✔️ ماء كفاية
✔️ وجبات متوازنة (مش دهون فجأة)

⚠️ المرارة مش بتحب:
• الحرمان التام من الدهون
• الوجبات الثقيلة المفاجئة
• الأكل المتقطع العشوائي فلازك تنظم اكلك

💡 الحرق مش تقليل أكل وبس…
الحرق إن أعضاءك تشتغل صح.
البوست الجاي:
البنكرياس والإنسولين
إمتى الجسم يحرق؟ وإمتى يخزّن؟

22/01/2026

🔥 الأمعاء… مصنع الامتصاص ومحرك الحرق الحقيقي

ممكن تاكلي أحسن أكل في الدنيا
ومع ذلك:
❌ ما تحرقيش بافضل شكل
❌ تتعبي
❌ وزنك يثبت
❌ تحسي بنفخة وإرهاق

📌 السبب غالبًا؟
الأمعاء والامتصاص 👇

🧠 ليه الأمعاء مهمة للحرق؟

✔️ فيها امتصاص الفيتامينات والمعادن
✔️ فيها 70% من جهاز المناعة
✔️ بتتحكم في الالتهاب
✔️ بتأثر على الإنسولين
✔️ بتحدد كفاءة الحرق على مستوى الخلية

⚠️ أمعاء تعبانة = حرق تعبان

🦠 البكتيريا النافعة ودورها في الحرق

📌 توازن البكتيريا النافعة يساعد على:
✔️ تحسين حساسية الإنسولين
✔️ تقليل الالتهاب
✔️ تنظيم الشهية
✔️ تحسين استخدام الدهون كمصدر طاقة

🔬 دراسات أثبتت إن:
اختلال البكتيريا النافعة (Dysbiosis)
مرتبط بـ:
❌ مقاومة الإنسولين
❌ زيادة الدهون
❌ صعوبة فقدان الوزن

⚠️ علامات ضعف الامتصاص:
• انتفاخ مستمر
• غازات
• إسهال أو إمساك
• إرهاق
• تساقط شعر
• ضعف حرق رغم قلة الأكل
• اشتهاء سكريات

🔁 ازاي نحسّن الامتصاص من الجهاز الهضمي كله؟

🦷 1️⃣ الفم

✔️ مضغ ببطء
✔️ أكل واعي مش قدام التليفزيون و الموبايل

🔥 2️⃣ المعدة

✔️ حموضة كافية لهضم البروتين
✔️ عدم الإفراط في مضادات الحموضة
✔️ تنظيم أوقات الأكل

🌀 3️⃣ الأمعاء

✔️ أكل ألياف متنوعة (خضار – فاكهة – حبوب كاملة)
✔️ بروبيوتك طبيعي (زبادي – لبن رايب)
✔️ تقليل السكر والمصنّعات
✔️ شرب مية كفاية
✔️ النوم الجيد وتقليل التوتر

⚡ النتيجة؟

✔️ امتصاص أفضل
✔️ طاقة أعلى
✔️ حرق أعلى
✔️ وزن ينزل بطريقة صح
✔️ جسم يستفيد من الأكل بدل ما يخزّنه

💡 مش كل جسم يحتاج أكل أقل…
في أجسام محتاجة تهضم وتمتص أحسن.

🔜 البوست الجاي:
الكبد والمرارة 🔄
مصانع الحرق اللي محدش واخد باله منه..انتظروني😄

21/01/2026

🔥 حموضة المعدة… حلقة مفقودة في الحرق

كتير ناس فاكرة إن:
❌ الحموضة = مشكلة
❌ وحرقة المعدة معناها حمض زيادة

📌 الحقيقة العلمية؟
في حالات كتير المشكلة مش حمض زيادة…
المشكلة حمض ضعيف ⚠️

⸻

🧪 ليه حموضة المعدة مهمة للحرق؟

✔️ تفكيك البروتينات صح
✔️ تنشيط إنزيمات الهضم
✔️ امتصاص معادن مهمة للحرق
(حديد – زنك – ماغنسيوم – B12)
✔️ تحفيز إشارات الشبع للمخ

⚠️ ضعف حموضة المعدة يؤدي إلى:
❌ سوء هضم
❌ انتفاخ وثِقَل بعد الأكل
❌ نقص امتصاص
❌ إرهاق
❌ بطء في الحرق
❌ ثبات وزن رغم قلة الأكل

⸻

🔥 إيه علاقة حموضة المعدة بحرق الدهون؟

📌 لما الهضم يكون ضعيف:
• الجسم يتعامل مع الأكل كـ مجهود
• مش كـ طاقة
• فيقل الـ Metabolic Efficiency

📌 كمان:
ضعف الحموضة → هضم بروتين ضعيف
→ فقدان كتلة عضلية
→ ↓ معدل الحرق الأساسي (BMR)

⸻

⚠️ ملحوظة مهمة:

حرقة المعدة مش دايما معناها حمض عالي دايمًا
في حالات كتير:
• الصمام ضعيف
• أو الهضم بطيء
→ الحمض يطلع لفوق
حتى لو نسبته قليلة

⸻

✅ نعمل إيه نحسّن حموضة المعدة طبيعيًا؟

✔️ المضغ الجيد
✔️ عدم شرب كميات كبيرة من الميه أثناء الأكل
✔️ بدء الوجبة ببروتين
✔️ عدم الأكل تحت ضغط وتوتر
✔️ تنظيم مواعيد الوجبات

💡 أحيانًا علاج الحموضة العشوائي بمضادات الحمض
يزوّد المشكلة ويبطّأ الحرق بدل ما يحسّنه
لاازم نستشير الطبيب قبل اي تدخل دوائي

18/01/2026

معدة 🔥
ليه حموضة المعدة الضعيفة بتبوّظ الحرق وتعمل انتفاخ؟

تحيل المعدة زي الخلاط 🌀
لو الخلاط ضعيف → الأكل مايتفرمش كويس
وده بالظبط اللي بيحصل لما حموضة المعدة تكون قليلة 👇

إيه اللي بيحصل؟ (ببساطة)
🔸 هضم أبطأ → تخمير → غازات وانتفاخ
🔸 امتصاص بروتين أقل → عضلات أضعف → حرق أقل
🔸 نقص معادن مهمّة (حديد – زنك – B12) → تعب وخمول
🔸 إشارات الجوع تلخبط → جعانين بسرعة أو نفس مفتوحة

⸻

طب إيه الإشارات اللي جسمك بيبعتهالك؟

✔️ انتفاخ بعد الأكل حتى لو الأكل بسيط
✔️ تجشؤ وريحه الأكل واضحة
✔️ ثقل أو كتمة بعد الوجبات
✔️ إمساك أو إسهال متكرر
✔️ تعب بعد الأكل بدل ما تاخدي طاقة
✔️ حرق ضعيف وثبات وزن
✔️ اشتهاء سكريات أو قهوة بعد الأكل

⸻

الخلاصة 👇
مش كل حموضة معناها المعدة حارقة 🔥
أحيانًا المشكلة إن الحموضة قليلة
وساعتها لا الهضم مظبوط
ولا الحرق شغّال صح
البوست اللي جاي:
إزاي نقوّي حموضة المعدة بطريقة صح ومن غير ما نبوّظ القولون 💚

16/01/2026

مين سلمي كابر ناو😂لقيت البوست ده من ٥ سنين طالعلي في الmemories 😄😄 وتقريبا ماطبختش حمام من يومها 😄😄

عادي عامله دايت و الدايت مش معناه رز و فراخ مسلوقه🤷🏼‍♀️ انا هافضل اجاهد علشان الناس تفهم ان بايد اي حد يقدر يحبب نفسه في الدايت ((مع شويه جهاد الصراحه😂))

يعني انا عندي في اليوم في رز و في كميه معينه بروتين و في مكسرات 🙄

طيب ايه المشكله ان ابدل المكسرات بسمنه بلدي طبيعي و اخد نفس كميه الرز و البروتين حمام 😎

الاكله هيلثي جدا ..وكلمه هيلثي يعني مكوناتها صحيه عادي مش ان هي مسلوقه وسعراتها قليله

طيب في المقابل انا اتنازلت عن ايه النهارده!!فطار خفيف
غداء جميل❤️
باقي سعراتي في العشا عادي🤷🏼‍♀️

اي حد يقدر يكيف اكله بكمياته المحدده من بروتين و كارب و دهون وسعرات علشان ياكل حاجه عاوزها ولو حتي زياده بسيط سعرات فكفايه انه اكل حاجه هتخليه يكمل😎😎

15/01/2026

الفم – أول محطة في رحلة الحرق 🔥ماهو الموضوع علشان تنزل في الوزن او تحافظ علي صحتك عامه مش قصه اكل صحي او اقل من احتياجك وخلاص

كتير فاكر إن الحرق بيبدأ في المعده…بس الحقيقة؟ الحرق بيبدأ من الفم

أول لقمة تدخل جسمك بتحدد:
• هتهضم كويس ولا لأ
• هتمتص الأكل ولا هيتخزن دهون
• جهازك الهضمي هيتعب ولا يشتغل بسلاسة
طيب ليه المضغ مهم؟
✔️ المضغ الجيد بيكسر الأكل ميكانيكيًا
✔️ اللعاب فيه إنزيمات بتبدأ هضم النشويات
✔️ المضغ البطيء بيبعث إشارات شبع للمخ
✔️ يقلل الانتفاخ، التخمة، وسوء الهضم

⚠️ لما ناكل بسرعة:
• المعدة تتعب
• الهضم يبقى أضعف
• الامتصاص يقل
• الحرق يبطّأ
• الدهون تزيد 😓

✅ نعمل إيه عشان نبدأ الحرق صح من الفم؟

✔️ مضغ الأكل 20–30 مرة
✔️ الأكل من غير موبايل أو تليفزيون
✔️ قفل اللقمة كويس قبل اللي بعدها مش في سباق😄
✔️ شرب مية كفاية على مدار اليوم

طيب ايه الدليل ان الهضم مهم اوي كده؟؟
👏🏻 تأثير الأكل السريع على هرمونات الشبع والحرق
دراسات كتير أثبتت إن الأكل بسرعة:
• يقلل إفراز هرمون الشبع (GLP-1 & PYY)
• ويأخر الإحساس بالامتلاء
وبالتالي: أكل كمية أكبر + سعرات أعلى

كان في دراسة منشورة في Journal of Clinical Endocrinology & Metabolism
أظهرت إن الأكل البطيء:
✔️ يزيد هرمونات الشبع
✔️ يقلل استهلاك السعرات
✔️ يحسن التحكم في الوزن

👏🏻الأكل بسرعة وارتفاع الإنسولين (هو مش عفريت لكنه هرمون بناء و بيدخل الاكل جوه الخليه للطاقه و كمان يراكم دهون)

📌 الأكل السريع يؤدي إلى:
• ارتفاع أسرع وأعلى في سكر الدم
• إفراز أكبر للإنسولين

⚠️ والإنسولين المرتفع:
❌ يوقف حرق الدهون
❌ يحفّز التخزين
❌ يقلل الـ Fat Oxidation

في دراسات ربطت بين سرعة الأكل و:
• مقاومة الإنسولين
• زيادة الدهون الحشوية
• انخفاض معدل الأيض على المدى الطويل

🔜 البوست الجاي:
المعدة 🔥
ليه حموضة المعدة الضعيفة بتبوّظ الحرق وتعمل انتفاخ؟

13/01/2026

العيش اللو كارب❤️❤️❤️

اي حد عندي و في البلان عنده (بيضتين + ٥معالق قريش) يقدر يعمل العيش ده و ياكله و ضميره مرتاح😄

↙️مكوناته:
بيضتين
٥ معالق كبار قريش
٤ معالق كبار سيليوم
ملح فلفل باكينج باودر و خل
حبه البركه

↙️الطريقه:
ضربت الجبنه مع البيض لحد مابقوا كريمي
ضفت ااسيليوم و سبتهم خمس دقايق علشان العجينه ماتكونش بتلزق
قسمت الكميه ٦ اجزاء لو ٤ اجزاء يكون افضل

↙️تسيبه في الفرن نص ساعه يستوي و تقفل الفرن و تسيبه نص ساعه كمان 🌹

تخيل الواحد كايزر فيه سعرات توستايه وجايه من البروتين و فايبرز❤️🌹

شيلت الباقي في التلاجه واكلت رغيف بجبنه تركي كمان و شبعت جدا❤️

↙️ينفع لاي نوع دايت

الف هنا 😎

12/01/2026

نهتم بالبروتين : #ودي وصفات للجبنه القريش لان مش كلنا بنحبها 🤗🤗

11/01/2026

من أول ما بدأت دراسة التغذية لمرضى السمنة
كان النظام المعتمد وقتها هو نظام الحصص
أرقام ثابتة…
كربوهيدرات أكتر
ودهون أقل
وبروتين محدود

⚠️ بس بصراحة؟
ده ماكنش مقنع بالنسبة لي كأساس حقيقي لنزول الوزن
ولا للحفاظ على صحة الجسم على المدى الطويل

⸻

💪 خصوصًا مع دراستي لتغذية الرياضيين والمحترفين
بدأت الصورة توضح أكتر 👇
• البروتين عنصر أساسي
للحفاظ على الكتلة العضلية
ورفع معدل الحرق
• الدهون الصحية موجودة
بنسب معتدلة ومدروسة
• النشويات
مش ممنوعة
لكن بكميات أقل من نظام الحصص التقليدي
وبنختار نوعها وتوقيتها

وده فعليًا
هو الاتجاه اللي بنشوفه دلوقتي في التوصيات الحديثة ✅

⸻

🔍 القديم كان بيقول:
• نشويات هي الأساس
• الدهون لأ
• البروتين محدود

🔍 الجديد بيقول:
• التوازن أهم من الأرقام
• البروتين له دور محوري
• الدهون الصحية ضرورية
• الكربوهيدرات بتتوظف حسب الاحتياج

⸻

⚠️ بس مهم جدًا نفهم حاجة
ده مش معناه إن ده “أصح حاجة مطلقة”

العلم بيتطور
وكل فترة:
• معلومات جديدة
• أبحاث أحدث
• مفاهيم بتتأكد
وأحيانًا مفاهيم بتتغير

✨ والشاطر بجد
هو اللي يقدر يتقبل الجديد
يقرا… يفهم… ويطبّق بعقل

⸻

📌 وهتلاقوا ناس
مش فارق معاها
لا هرم قديم
ولا توصيات حديثة

وشغالين:
• تغيير عادات
• تغذية حدسية

وده مش معناه إنهم غلط أو صح

✔️ الصح الحقيقي
إن أي دكتور فاهم
يعرف اللي قدامه:
• جسمه محتاج إيه
• طبيعة يومه
• مجهوده
• وإيه المفيد لصحتُه على المدى الطويل

مفيش نظام واحد ينفع لكل الناس 💙

09/01/2026

لو طبقنا بقي كللل اللي قولناه خلال البوستات اللي فاتت علشان نقدر نفهم اكتر ازاي كل مسار بيكون مرتبط بالتغذيه وازاي التغذيه فعلاااا بتحسن الاداء الرياضي

فرضا عندنا شخص رياضي ٧٠ كيلو و السعرات مثلا ٢٠٠٠ كالوري (ده مثال) ازاي تقسيمه الاكل هتفرق؟؟

🏋️‍♂️ جيم + باورليفتنج1️⃣

Phosphagen + Glycolytic

🔢 تقسيم الماكروز
• بروتين: 30%
• كربوهيدرات: 40%
• دهون: 30%

🧬 البروتين
• 1.8 – 2.2 جم / كجم وزن جسم
(الأفضل حوالين 2 جم/كجم)

💊 المكملات المناسبة
• Creatine Monohydrate (5 جم يوميًا)
• Whey Protein لو مش مكفي احتياجك
• Beta-Alanine (3–6 جم)
• Caffeine
• Electrolytes طالما مجهودك عالي

🏃‍♂️ عدّاء2️⃣

Aerobic + Glycolytic

🔢 تقسيم الماكروز
• كربوهيدرات: 55%
• بروتين: 20%
• دهون: 25%

🧬 البروتين
• 1.2 – 1.6 جم / كجم وزن جسم

💊 المكملات المناسبة
• Carbohydrate gels / سريع الامتصاص
• Electrolytes (Na – K – Mg) ⭐
• Whey / Protein food
• Caffeine
• Beta-Alanine (للسباقات المتوسطة)
طبعا الماراثون للعدائين علي حسب المسافات بيكون في چل او مشروبات

❌ غالبًا غير مفيد: كرياتين

🚶‍♀️ مشي طويل3️⃣

Aerobic + Fat Oxidation

🔢 تقسيم الماكروز
• دهون: 40%
• كربوهيدرات: 35%
• بروتين: 25%

🧬 البروتين
• 1.4 – 1.8 جم / كجم وزن جسم

💊 المكملات المناسبة
• Magnesium ⭐
• Omega-3
• Electrolytes (لو المجهود طويل)
• Protein (حسب الاحتياج)
• Caffeine خفيف (اختياري)

❌ غير ضروري: Creatine – محفزات قوية

مش كل رياضة ليها نفس الدايت
ولا كل جسم يستجيب بنفس الطريقة

الأكل والمكملات الصح نتيجتهم …
طاقة أحسن، تعب أقل، ونتيجة أوضح