الابداع والتميز لتعليم فن الطبخ

21/05/2017

السلام عليكم
هاي البنت سناء الزوى
سرقت الصفحة وخاولت تهكر حسابي الخاص
مسحت اسمي واسم بثينة وكتبت اسمها على الوصفات
ارجو منكم عمل ابلاغ للفيس عنها وعن جروبها وشكرا لكم

24/02/2017

23/02/2017

ام علي 😍😍😍😍
والطريقة بعد شوي

03/02/2017

كيكة الشوكولاتة الغنية ...
125 غرام زبدة طرية بنخفقها مع كوب سكر لمدة خمس دقايق حتى تصير خليط متجانس ..
بنضيف 4 بيضات ..بيضة بيضة مع استمرار الخفق ومعلقة فانيلا ومعلقة صغيرة خل ابيض ..
كوب مخيض لبن انا استخدمت مخيض على فراولة
وبنكمل خفق ...
نص كوب شوكولاتة دايبة ..انا استخدمت دارك 80 بالمية
بنكون ناخلين كوب ونص طحين ونص كوب كاكاو غامق يفضل و3 معالق باكنغ باودر ورشة ملح ..بنضيف الخليط على الخليط السائل شوي شوي وبنحركو عالخفيف لحتى يتجانس ..
بنكون محمين الفرن على 180 درجة بنحط الخليط بقالب مدهون زبد وطحين ..انا لكيك الشوكولاتة بحط كاكاو بدل الطحين ..
بننزل الحرارة ل160 وبنتركها تقريبا 50 دقيقة ..
طعمها رح يطلع مش حلو كتير لانو انا عملت كريمة شوكولاتة وغاناش عشان الطعم يطلع معتدل ...
بس تجهز بنتركها تبرد تماما ...بنسقيها بقطر خفيف ..
الحشوة عبارة عن غاناش ...كوبين شوكولاتة عادية مو غامقة مع كوب كريمة سخنة بحط الكريمة عالشوكولاتة وبحرك مزبوط وبضيف معلقة زبدة وبترك الخليط بالتلاجة يتقل وبدهن الكيكة فيه ....
اللي من برة نص خليط الحشوة ضفت عليه كريمة سائلة شوي وخفقتو لحتى صار لونو فاتح ودهنت الكيكة فيه ...

الوردات ...كوب شوكولاتة غامقة مع نص كوب كريمة ومعلقة زبدة ...بنسخن الكريمة ونفس الطريقة بنحطها عالشوكولاتة ومعلقة الزبدة وبحرك لحتى يتجانس ويصير ناعم تركت الخليط بالتلاجة حتى صار تقيل وزينت فيه ...
استخدمت شوكولاتة هيرشي غامقة ..
وشوكولاتة هيرشي سادة بالحليب ...

بثينة

16/12/2016

يسعد مساكم ياااااا رب ...
وجمعة مباركة عالجميع ..اليوم غدانا مندي روووووووووعة بكل معنى الكلمة والوصفة رح انزلها بالتعليقات 😊😊😊

بثينة

30/11/2016

مسالخيييير 🤗
جبتلكم اطيب بروستد جاج انضف واحسن من المطاعم بكتير 😋😋 والوصفة رح انزلها بالتعليقات

بثينة

29/11/2016

سينابون ولا اروووووووع 😍😍😍😍😍😍
بثينة

01/11/2016

يسعد صباحكم يا رب 😊
خبز بيتي بسيط وطيب
بثينة ..

31/10/2016

يسعد مساكم يا رب ...بعد غياب طويل رجعنالكم وان شالله رح نرجع ننزل الوصفات متل قبل ☺
وهاي احلى وصفة بسيطة وطيبة ...
فوتتشيني كريب ...
بيضتين
كوب حليب
تلتين كوب طحين
رشة ملح
معلقتين سكر
فانيلا
معلقتين زيت او زبدة دايبة ..
هاي الوصفة الاصلية ..
((انا ضفت عصير حبة برتقال بتعطي طعم خيال ..وحطيت كوب طحين ))
بنخلط كل المكونات سوا بالخلاط لحتى يتجانس تماما بعدين بتركو يرتاح بالتلاجة ساعة ...
بحمي على الغاز مقلاية غير لاصقة اهم شي وبتركها تسخن كويس وبضيف كمية من الخليط على حسب حجم القلاية وبحرك المقلاية لحتى تصير العجينة على مقاسها ورقيقة بتركها شوي وبس تبلش تنشف والاطراف تنشف وتتحمر عالخفيف مش كتير بقلبها وبس تجهز بحطها على فوطة نضيفة وبغطيهم عشان ما ينشفو بالذات الاطراف لانها رقيقة كتير ...
هلأ انا قطعت الكريب شرحات طويلة متل المعكرونة وحطيت عالوجه نوتيلا وموز ...التزين حسب الرغبة في بيضيفو ايسكريم وفراولة وموز او نوع واحد او بدون 😊وصحة وهنا

بثينة

11/04/2016

من اسهل واسرع والذ الوصفات

كوكيز الجوز والكرانبيري او التوت البري. ممكن استخدام زبيب

نخفق 125 غم من الزبدة اللينة مع نص كوب سكر بني حتى يتجانس الخليط ونضيف حبتين بيض واحدة تلو الاخرى ونستمر بالخفق. نضيف رشة فانيلا ونضيف المواد الجافة
كوب دقيق مع ربع ملعقة صغيرة ملح الى خليط البيض والزبدة ونحرك بمعلقة خشبية او سباتولا حتى تمتزج ونضيف نصف كوب جوز عين جمل مقطع خشن ونصف كوب توت بري مجفف ونخلط كويس
نشكل الكوكيز بواسطة ملعقة كبيرة او سكوب الايس كريم. ونضعه بصينية الخبز ونباعد بين الحبات
نضع الصينية في فرن محمي مسبقا على حرارة 180 مئوي.
لمدة تتراوح بين 5 الى عشر دقايق.

11/04/2016

اورانج تشكن. من الذ الوصفات.

اورانج تشكن. دجاج بالطريقة الصينية لمحبي الطعم المختلط. الحلو والحامض والمالح. جربو الطريقة راح تحبوها

صدور دجاح مقطعة مكعبات.
حبتين بيض مخفوقين بالقليل من الملح والفلفل الاسود
كوب دقيق مخلوط بملعقة كبيرة نشا. وملح وفلفل اسود

نغمس قطع الدجاح بالدقيق وبعدها بالبيض ونرجع نغمسها بالدقيق ونضع القطع في طبق مفرود.
ونقلي الدجاج حتى يصبح ذهبي اللون

في مقلاة كبيرة نضع ملعقتين كبار زيت واربع اسنان توم مفروم ناعم. وملعقة كبيرة زنجبيل مفروم. وفلفل حار احمر مقطع. نتركهم حتى يتذبلو على النار كويس ونضيف كوب عصير برتقال وبرش برتقالة وملعقة كبيرة زيت سمسم وفنجان صغير صويا صوص. وملعقة خل الارز يمكن الاستغناء عنه وملعقة كبيرة سكر ونحرك حتى يغلي شوي ونضيف ملعقة نشا مدوبة بالقليل من الماء البارد ونحرك حتى يتكثف الخليط ونضيف قطع الدجاج. عند التقديم يرش السمسم والبصل الاخضر. يقدم مع الارز الابيض

11/04/2016

الفطيرة التركية ولا اطيب

الفطيرة التركية.
اي عجينة معتمدة عندك. انا استخدمت العجينة القطنية
لكن استعملت مكون اعطى للعجينة طعم ورائحة ولا اطيب وهي اصبع 100 غم زبدة بنكهة الثوم. بدل الزبدة العادية.

الحشوة لحمة مفرومة معصجة مع بصل مفروم وفلفل الوان وذرة. ويمكن اضافة المشروم.
نضيف فلفل اسود وملح

نفردة قسم من العجين ونفرده بصينية عالية الحواف مدهونة ونراعي ان العجين يوصل لنصف حافة الصينية
نرش فوق العجين جبنة موزاريلا وفوقها خليط اللحم ونضع كمية اخرى من الموزاريلا وجبنة الشيدر.
نأخد قسم اخر من العجين ونفرده ونضعه فوق اللحم ونثبت العجين مع اطراف العجين اللي فردناه بالقاعدة.
نرش فوقه جبنة موزاريلا وشيدر وسمسم وحبة البركة ندخله فرن حامي.

صحة وهنا
نبال
العجينة القطنية

تلات كوب حليب دافي مع معلقة كبيرة سمر ومعلقة كبيرة خميرة نخلطهم ونغطيهم ربع ساعة

بعدها نضيف حبة بيض ومعلقة كبيرة باكنج باودر ومعلقة كبيرة خل ابيض وزبدة ذايبة
ومعلقة صغيرة ملح
دقيق حسب حاجة العجن. ممكن تاخد اربع او خمس اكواب المهم تحصلي على عجينة متماسكة غير لاصقة.
نغطيها ونتركها تختمر ساعة

الفطيرة لاتحتاج كمية كبيرة من العجين.
ممكن تعملي نصف المقدار.