HOPE..Nutrition Health Care Clinic

17/09/2024

Hope Nutrition Health Care clinic ❤
رجعنا بعد طول غياااب
انا اخصائية التغذية والتغذية العلاجية ملاذ ميسرة اقدم انظمة غذائية ..شعاري لصحة افضل ولحياة افضل ..انظمه
📌 لمرضى السرطان
📌الاكتئاب
📌للامراض المزمنه ضغط
📌سكري
📌كلى
📌غدة درقية
📌 قاوت
📌تكيس المبايض
📌مشاكل المعدة
📌الكبد
📌تغذية الحامل والمرضع
📌امراض سوء التغذية للاطفال
📌الامراض المناعية والامراض الاخرى
📌نظام غذائي لزيادة الوزن ولنقصان الوزن حسب الحالة الصحية
📢📢📢📢رجعنا بعرض مجان ل 3 اشخاص متابعة لمدة شهر 👌
كل العليك
👈 كومنت تذكر الحالة الصحية
👈 لايك وشير للبوست
👈لايك للصفحه

وبالتوفيق للجميع ❤️❤️

12/11/2022

02/11/2022

❤❤

28/10/2022

عندك اضطرابات في النوم ،ضعف في التركيز،مودك ماظابط او حاسس باكتئاب، تشنجات عضلية وضعف في العضلات، رعشة ، تعب وخمول ، فقدان شهية ،اضطرابات في المعدة وتقلصات في البطن ممكن يكون عندك نقص في المغنسيووووم ..المغنسيوم من المعادن المهمه في الجسم وفوائده واهميته ما بتتخيلوها تعالو نتعرف عليها سوا:
✔مضاد للالتهابات وبعزز المناعة
✔يعزز الطاقة ويحسن الاداء الرياضي
✔يشارك في التفاعلات الكيميائية وارسال الاشارات الكهربائية
✔يقلل مقاومة الانسولين بالتالي مفيد لمرضى السكري
✔يساعد علي خفض ضغط الدم
✔ضروري لصحة القلب
✔بناء العظام و يعزز قوة العظام ؛ يحفظ امتصاص الكالسيوم
✔يزيد الخصوبة عند الرجال
✔طبعا بيقلل الاكتئاب وبحسن المزاج وبساعد علي النوم
طيب موجود وين في الاكل 😮
في الخضروات الورقية والمكسرات والبامية وسمك السلمون..
طيب لو عايزة اخدو مكمل بتختلف انواعه ومواعيده لانه زي ماعرفنا فوق ف لتهدئة ف لتعزيز النشاط وهكذا يعني حسب الاعراض العندك
الصورة للفت الانتباه😉

25/10/2022

مساء مسااء ..معلومة كدا علي السريع اتعرضو للشمس...الشمس فيها فايتمين D البياثر في حاجات كتيرة نتكلم عنها قريبا..خلوها ف روتينكم بعد صلاة الصبح.. اقعدو في الشمس شوية او العصر قريب للغروب استفيدو من اشعة الشمس دي الاوقات الاشعة فوق البنفسجية مابتكون ضارة بالنسبة ليك وبس سلاااام

18/10/2022

بوست في عز السخااانة وعشان السخانة دي اتذكرتا حاجه مهمه مفروض نضيفها لبرنامجنا الغذائي (((الصمغ العربي)))❤ وصراحه اكتر مابنسي استاذي وهو بقول انو مابتخلي عن الصمغ العربي في برنامجه هو الرسخ لي اهميته ربنا يجزيه خير 🤗
اللهو كان بضيف الصمغ العربي لاي عصير بيشربو فوائده كتيرة جدا وجربو و ماحتندموا ..طيب ماعايزين نضيفه مع العصير ممكن نمضغه مضغ ..وممكن كمان نضيف له ماء ساخن ونشربه زي الشاي (دا ماانصح بيهو حاليا ) الكمية ممكن ملعقة صغيرة مرتين في اليوم ..وطبعا ما نزود منه كتير لانه مازاد عن حده انقلب ضده 🚫فخلينا في الوسطية😍
طيب فوائده :-
✔بزود البكتريا النافعة 😉
✔مضاد للالتهابات او بقلل الالتهابات في الجسم
✔مضاد للسرطان لانه بيقلل الالتهابات وبزود البكتريا النافعة
✔بيحتوي علي الياف وهوسريع الذوبان في الماء ومدام بيحتوي علي الياف يبقي
✔مفيد للجهاز الهضمي القولون
✔بيعالج الامساك والانتفاخ
✔بيقلل الكوليسترول الضار في الدم
✔بيقلل من حدوث الجلطات
✔يعطي الاحساس بالشبع لفترة طويلة بالتالي الوزن بينقص
✔مفيد لصحة الاسنان واللثة
✔مفيد لمرضي الكلى

14/10/2022

مساااء الخير😍 اليوم حنعرف مشاكل المسكنات واستخدامنا ليه لفترة طويله وبدون استشارة طبيب بيؤدي لشنو !؟

❎اولا..ممكن تؤدي لالتهاب ف الكلى بتقلل من وظائف الكلى وممكن يتطور لفشل كلوي اذا انت لسه مواصل ف استخدامها المفرط
❎تؤدي لقرحة معدة وللاسف ناس كتيرة بتجيها حموضه ف المعدة من المسكنات والمصيبه انو ماعارفين انو دا من المسكن والمصيبه الاكبر انو بياخدو مضاد حموضه للاسف ودا غلط تاني
❎تدمير للجهاز الهضمي واذا جهاز الهضمي باظ الحيتصلح شنو او اضطراب في الجهاز الهضمي ..امساك شديد وغيره
❎جلطات ف القلب اوضعف عضلة القلب

شفتو الخطورة ماتبلع ساي ماتمشي لبتاع صيدليه تقول ليهو انا عايز كدا اديني ع اساس المسكن دا كويس معاك او اعراضي كدا بالله عايز لي دواء يقوم يكشطك مسكن🚫ماتاخد دواء من دون استشارة طبيب🚫
🚫 م تاخد مسكن اكتر من 3مرات ف الشهر ..الا اذا المك شديد والدكتور وصفه ليك اللهو عند اللزوم الدكاترة بتقول عنداللزوم دا الالم ال م بتقدر تستحمله مااقل احساس الم تجري تاخد مسكن ..لازم تخلي جسمك يقاوم✋ احنا سبحان الله ربنا خلق جسمنا دا كانو فيهو جهاز انذار الصداع والحمه النزلة ودا كلو تنبيه انو في مشكله ف الحته الفلانيه جهازك المناعي بكون شغال جوا بيحاول يعالج المشكله دي لو ادتيو يومين تلاته ممكن تتحل لكن لاااا انا اجري ابلع لي حبه او مضاد التهاب اوقف الحاصل دا حاسي بنزله اجري جيب الثلاث حبات غلط لازم تدي جسمك فرصه يقاوم يومين لقيت نفسك لا تعبان ممكن تمشي تفحص وتاخد العلاج المناسب✔
طيب بيت القصيد وين يا جماعه التغذية السليمه مهمه طول ماانت اكلك صحي فايتميناتك ومعادنك كويسه كل شئ تمام احساس الالم في نفسه بخف.. احساس الالم شنو انت ذاتك جهازك المناعي بكون قوي قادر يتغلب علي الامراض
المهم الرياااضه الرياااضه مهمه جدا غير انها بترفع مناعتنا بتهدينا ودي خلينا نتكلم عنها في بوست براها
النوم ايوا النوم وبرضو خلينا نتكلم ف بوست عنو
اما الحاجات الطبيعية...
✔البابونج يخوانا شاي البابونج كويس
✔ضيف الكركم ف اكلك مضاد التهاب كويس
✔القرنفل من المسكنات الكويسه
✔اليانسون دا خطير للجهاز الهضمي
وبس🙈
ارجو انو اكون وصلتا ليكم الفكرة 😉
كسرة الصورة من مسلسل الاطفال بتورينا انو كلو خليه ف جسمنا شغاله جهازنا المناعي شغال عشان يحمينا وانا بحب المسلسل دا جداااااا وحتشوفو صورو كتير🙈

13/10/2022

البوست دا مهم لكل الناااس✔... الناس اللي اول ما تحس بصداع😥 تجري تاخد مسكن💊 او حست بحمه🤒 تاخد مسكن💊 اي احساس ألم وين المسكن 💊 الناس الوصلت لمرحلة انو والله انا حبه مابتكفيني الا اتنين او انا الحبوب مابتعمل لي شئ الا حقن💉 ..الناس الما بتخلي جسمها يقاوم خاااالص للاسف دا اكبر غلط🚫 انت بتريح نفسك ماح اقول جسمك لانو بالمسكن انت خفيت احساس الالم بس المشكلة لا زالت موجودة
مشاكل المسكنات كتيرة وللأسف برضو احنا بنستهون بيها
خلوني نعرف المشاكل دي شنو ومدى خطورتها وكيف نقدر نخفف من ألمنا ب حاجات طبيعية
بس قبل دا مين بياخد مسكنات كتير!؟

13/10/2022

سعيدة جدا انو انا خطيت الخطوة دي ..العيادة اسمها أمل ❤🍃..ويارب تكون بوابة أمل لناس كتيرة ..من خلال الصفحه دي ماعايزة بس افيد الناس تغذويا لا ادعمهم نفسيا كمان ..
ماتفقد املك خااالص ..ابدا اول خطوة واحنا معااااك ..جواي طاقة كبيرة جدا لتغير مفهموم الناس عن التغذية وان شاء الله شوية شوية حتفهمو اهمية التغذية السليمه وكيف انها بتلعب دور كبير جدا ..ماعايزة اطول عليكم بس ماتنسوا بالامل نحيا🍁❤

12/10/2022

‏بسمِ اللَّه على الغَاياتِ
حتّى نَصِل
بسمِ اللَّهِ على الأحلامِ
حتّى نراها
بسم الله نبدأ ... Hope Nutrition Health Care clinic ❤...انا اخصائية التغذية والتغذية العلاجية ملاذ ميسرة حاقدم انظمة غذائية ..شعاري لصحة افضل ولحياة افضل ..انظمه
🔮 لمرضى السرطان
🔮الاكتئاب
🔮للامراض المزمنه ضغط
🔮سكري
🔮كلى
🔮غدة درقية
🔮 قاوت
🔮تكيس المبايض
🔮مشاكل المعدة
🔮الكبد
🔮تغذية الحامل والمرضع
🔮امراض سوء التغذية للاطفال
🔮الامراض المناعية والامراض الاخرى
🔮نظام غذائي لزيادة الوزن ولنقصان الوزن حسب الحالة الصحية