21/04/2026
🤰 المشي والحمل.. هل هو خطر؟ 👣
كتير من الأمهات “الحوامل” بكونوا خايفين من الحركة، والناس الحولينهم طوالي بقولوا ليهم: “أقعدي أرتاحي ما تتحركي عشان الجنين!”
الحقيقة شنو؟ 🤔
المشي ما بس ما مضر، ده من أفضل وأأمن الرياضات للحامل (إلا لو الطبيب قال ليك غير كدة لسبب طبي).
✅ فوائد المشي ليك وللبيبي:
• بسهل الولادة: بقوي عضلات الحوض وبساعد الجنين ياخد الوضعية الصح.
• بقلل التعب: بخفف آلام الضهر والانتفاخات المزعجة.
• نفسية رايقة: بحسن المود وبقلل التوتر والقلق من الولادة.
• وزن مثالي: بساعدك تحافظي على وزنك وما تزيد زيارة مفرطة.
⚠️ نصائح “على الماشي”:
1. ألبسي جزمة مريحة (سكيتشرز أو أي حاجة طبية).
2. أشربي موية كتير قبل وبعد المشي.
3. أمشي في مكان جوه سمح (قبل الشمس ما تطلع أو بعد المغرب).
4. لو حسيتي بتعب شديد أو دوخة، طوالي وقفي وأرتاحي.
الخلاصة:
المشي عافية ليك ولجنينك. بس دايماً أسمعي لكلام جسمك وشاوري طبيبك المتابع معاك.
ربنا يتم ليك على خير ويقومك بالسلامة! ❤️
زوروا مركز صحي جمعية تنظيم الاسرة السودانية فرع ولاية نهر النيل.
الموقع: المربعات شرق - جوار نادي النسر.
أو الاتصال بالرقم المختصر: 1700
#السودان
