مجمع أطياف الطبي

25/05/2025

https://www.facebook.com/share/p/15pQsEL9GX/?mibextid=qi2Omg

24/05/2025

⚠️ الكوليرا رجعت وبقوة… والموضوع ما فيهو لعب ❗

يا جماعة الخير، الأيام دي الحالات قاعدة تزيد بشكل مخيف، والناس بتمشي المستشفى متأخرة، والجفاف بيكون ضرب الجسم، وفي حالات بتموت بسبب الإهمال أو التأخير.

أي زول يجيهو إسهال مائي شديد، أو قئ مستمر، لازم نتصرف بسرعة ونتعامل معاهو كأنو كوليرا، لحدي ما يثبت العكس.

⸻

✅ شنو نعمل أول ما تظهر الأعراض؟

1️⃣ لو الزول بالغ، ما حامل، وما صغير في العمر:

نمشي أقرب صيدلية ونطلب:
دواء اسمو: Doxycycline 100mg
• المريض يبلع 3 حبات مرة واحدة = 300mg
• دي جرعة واحدة بس، وبتكفي لعلاج الكوليرا في الحالات دي
📍 نتابع بعدا نديهو سوائل ونتأكد من تعويض الفاقد

⸻

2️⃣ طيب لو الزول حامل أو طفل؟

ما ينفع نديهم دوكسيسايكلين لأنه خطر عليهم، فبنستبدلو بي:
Azithromycin 500mg

للحوامل أو الكبار:
• اليوم الأول: يبلع حبتين مع بعض = 1g
• من اليوم التاني لليوم السادس: يبلع حبة واحدة كل يوم = 500mg

للأطفال الصغار:
• بنشتري شراب اسمو Azrotic syrup (نفسو أزيثرومايسين بس للأطفال)
• لازم نعرف وزن الطفل ونخلي الصيدلي يحسب لينا كم مل يشرب يومياً
📌 الجرعة بتتحسب حسب الوزن، عشان ما ندي جرعة ناقصة أو زايدة

⸻

3️⃣ طيب الزول ده كبير لكن تعبان شديد وما قادر يبلع الحبوب؟

بنمشي للطريقة الوريدية (بالإبرة)، نطلب من الطبيب أو الصيدلي يجهز:

Ciprofloxacin 1g vial I.V
📌 يعني نديهو المضاد الحيوي مباشرة في الوريد.

+ نركب ليهو درب (محلول) اسمو: Ringer Lactate
وده مهم جداً عشان يعوض السوائل والأملاح اللي خسرها الجسم بسبب الإسهال.

⸻

💧 كيف نحسب كمية الرنجر (المحاليل)؟

لو في طبيب أو صيدلي قريب بيكون أفضل يحسب، لكن لو اضطرينا نتصرف، نمشي بالجدول ده:
1. أول نص ساعة: 70 مل لكل كيلو من وزن المريض
2. النص ساعة التانية: 30 مل لكل كيلو
3. بعد داك: 100 مل لكل كيلو خلال ساعتين

📌 المجموع خلال 3 ساعات = تعويض سريع وأساسي للجفاف الحاد.

❗ لكن لو المريض عندو مشاكل في الكلى أو القلب (زي فشل قلبي أو مريض موية)، ما بنديهو كميات كبيرة، بنحسب بحذر:

🧠 نديهو بس 4 مل لكل كيلو من وزنو، ونتابع حالتو بحذر.

⸻

🧂 محلول الإرواء (ORS) ضروري بعد كل نوبة إسهال أو قئ:
• بنلقاهو جاهز في الصيدليات
• لو ما لقيناه:
1 لتر موية مغلية ومبردة

• ملعقة صغيرة ملح
• 5 ملاعق سكر
🔁 يشرب منو بعد كل مرة يدخل الحمام أو يرجع

⸻

🧪 الفحوصات المهمة جداً:

لو في عيادة أو معمل قريب، نعمل التحاليل دي بسرعة:
1. Serum electrolytes (عشان نعرف نسبة الأملاح، خصوصاً البوتاسيوم)
2. Creatinine و Urea (عشان نطمن على الكلى)
3. Stool analysis (عشان نعرف إذا في أميبيا أو غيرا)
4. Cholera Rapid Test (اختبار سريع للكشف عن الكوليرا)

⸻

🧼 الوقاية هي خط الدفاع الأول:
• اغسل يدينك قبل الأكل وبعد الحمام
• اشرب موية نظيفة أو مغلية
• ما تاكل أكل مكشوف
• طهر الخضار والفواكه كويس
• حافظ على نظافة المكان حوالينك

⸻

🛑 الكوليرا مرض خطير، لكن نقدر نمنعو بالوعي والتحرك السريع

لو شفت أعراض في زول من أهلك، جارك، أو حتى في الشارع، ساعدو ولو بمعلومة.

📢 انشر التوعية وشارك البوست.. ممكن تكون سبب في إنقاذ روح!
#الكوليرا

المصادر العلمية:

1️⃣ Doxycycline for Cholera
🔗 CDC - Cholera Treatment Guidelines

2️⃣ Azithromycin for Cholera in Pregnancy and Children
🔗 WHO - Cholera Outbreak: Response and Management

3️⃣ Ciprofloxacin IV Use in Severe Cholera
🔗 PubMed - Ciprofloxacin in the treatment of cholera

4️⃣ Ringer Lactate for Cholera Rehydration
🔗 WHO - Management of the Patient with Cholera

5️⃣ ORS Recipe and Usage
🔗 WHO - Oral Rehydration Salts (ORS)

6️⃣ Rehydration Protocols for Children with Cholera
🔗 UNICEF & WHO - Diarrhoeal Disease Management

7️⃣ Electrolyte and Renal Monitoring in Cholera Patients
🔗 UpToDate - Cholera: Clinical Features and Diagnosis

8️⃣ Cholera Rapid Diagnostic Test (RDT)
🔗 CDC - Cholera Diagnostic Testing

17/11/2024

https://forms.gle/Gpt5QRAoc8tmCLPb8
فضلا و ليس أمرا ، ارجو منكم ملئ الإستبيان ب رقم جامع بيانات 7
شاكرة لكم حسن تعاونكم ⚘️

نحن مجموعه بحثية تهدف الي دراسة جودة النوم عند السودانيين اثناء فترة الحرب. يتكون الاستبيان من ثلاث اقسام اساسية وهي عبارة عن المعلومات الاساسية، قسم لتقييم جودة ال...

05/06/2023

تطبيق دكتور اب هو تطبيق خاص بتقديم خدمة الاستشارات الطبية وبتقدر عن طريقه تكتب استشارة ويرد عليك الاطباء الموجودين في التطبيق. وخدمه الاستشارات مجانية.

جميع الأطباء بالتطبيق مؤهلين وتم التأكد منهم.

رابط تحميل التطبيق للاندرويد

https://play.google.com/store/apps/details?id=sd.doctorapp.doctor

للإستفسار تواصل معنا على ماسنجر صفحة التطبيق على الفيسبوك على الرابط

https://www.facebook.com/profile.php?id=100063819819691

22/03/2023

هذه تهنئة رسول الله صلى الله عليه وسلم لأصحابه بقدوم رمضان، ونحن نهنئكم بها🙂

(أتاكم رمضان شهر يغشاكم الله فيه،، فينزل فيه الرحمة ،، ويحط الخطايا،، ويستجيب الدعاء ويباهي بكم ملائكته، فأروا الله من أنفسكم خيرًا،، فإن الشقي من حرم فيه رحمة الله )...
بلغنا الله وإياكم صيام هذا الشهر المبارك وقيامه،، الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ،، الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ ...🤲

مُبارٓكٌ علٓيْكُمْ شّٓهرُ رٓمٓضٓان 🌙
وكل عام وأنتم بخير ،،،

08/03/2023

كل عام وسيدات العالم أقوى وأكثر عطاءً ونجاحاً وفخراً بإنجازاتهن🌹

08/02/2023

23/11/2022

مجمع أطياف الطبي يعلن عن انضمام د. ايمان محمد حسن
خبره ١٥ عام فى العلاج الطبيعى
عملت فى مستشفى الخرطوم والمستشفى الاكاديمى الخيرى، مستشفى الاطباء، ومركز افريقيا للعلاج الطبيعى ، ومركز سافانا

للحجز و الاستفسار: 091115567

💥💥لخدمة العلاج بالمنزل: 0912150266
موقعنا: كافوري مربع ٩ شارع القنطره، أمام طلمبة اويل انرجي

17/08/2022

موقعنا كافوري مربع ٩ شارع القنطره، أمام طلمبة اويل انرجي