Reem Ohaj counselor اختصاصية ارشاد نفسي وصدمات نفسية

18/11/2025

الوعي بالمشاعر💙

☘️💚ليه بحصل الكبت النفسي اوالضغط النفسي ؟
لان الواحد بتجاهل مشاعره او مابعرف عنها
شعور فوق شعور فوق شعور تراكمات ومافي تمرير للمشاعر ومشاعرنا زي جدول النهر الجاري بسقى الارض وبخضرها بس التراكمات بتعطل سريان النهر او بتجفف الشعور الصحي او يقظة الحواس.
عشان كتير من المشاعر البتمر علينا، بنحتاج نتوقف مع ذاتنا ،عشان نتعرف عليها ونبدا نسميها،نسمي الشعور البنحس بيه من خلال ضغط او اي حدث بحصل معانا.
في العلاج الجدلي السلوكي (DBT)
توجد العديد من التمارين
لتعامل مع المشاعر الغير منتظمة بمهارات تنظيم المشاعر
Emotion regulation skills
لتعرف على المشاعر جرب معاي تمرين تنظيم المشاعر
عبر نموذج (تسمية الشعور )
فيه 8خطوات لتعرف على الشعور

💙1.اول خطوة حدد الموقف الحصل
الحصل شنو ؟
الحصل…………………………………………………………………………

💙2) حدد الشعور الأساسي البتحس بيه الآن (حزن/غضب/قلق/خوف/وحدة/ارتباك…):اكتب عنه اكتب كتير
…………………………………………………………………………

💙3) هل يوجد أكثر من شعور؟(معرفه ومسح شامل لعده مشاعر)اكتب عنه
…………………………………………………………………………

💙4) وين بتحس بالشعور ده في جسمك؟ (صدر – بطن – رأس – تنفس – عضلات):( خلي بالك
ركز على جسدك البحصل فيه شنو؟)
…………………………………………………………………………
💙5) شنو السبب عشان حصل الشعور ده؟
(ننتبه بهدوء بدون جلد الذات) (اكتب،سجل ريكورد)
………………………………………………………………………

💙6) شنو حاتقول لنفسك الآن؟ (عبارة تهدئة / وعي):(مواساة الذات التعاطف self Compassion)

“أنا أشعر بـ ……… وهذا الإحساس مفهوم؛ لأن ……… (كمل ماتوقف دي اهم نقطة في دعمك لنفسك )

💙7) ما الاستجابة المناسبة الآن؟ (اختار واحد منهم:

أهدأ أولًا

أؤجل الرد

أتنفس ببطء
اعمل تمرين التنفس الواعي

أتكلم مع شخص أثق به

أكتب مشاعري

اتمشى
أذهب لمكان هادئ

أغير النشاط

………………………………………

💙8) ما حدودي الآن تجاه الموقف؟
حااعمل شنو من الحاجات الممكن اعمله
عشان اتخذ موقف واحافظ على حدودي الصحية؟
………………………………………………………………………

تسمية المشاعر هي بداية نتظيم المشاعر ♥️
جلسات العلاج الجدلي السلوكي DBT

Online DBT sessions


اختصاصية ارشادنفسي وعلاج الصدمات النفسية

26/09/2025

جلسات العلاج المعرفي السلوكي CBT 💕💕💕

القصة الأولى – نور وفكرة المثالية المرهقة
perfectionalism thoughts

قصص في العلاج المعرفي السلوكي CBT
كتير مننا مابعرف عن العلاج المعرفي السلوكي
وهو مالازم فقط للإضطرابات النفسية ،
في افكار خاطئة او قد تكون هي سبب لضغط النفسي الممكن يتحول لمرض اواضطراب نفسي مثل القلق والاكتئاب والوسواس القهري اوالرهاب الإجتماعي وغيرها...

تابع معاي القصة الأولى...

نور سيدة ممتازة
استاذة وام لطفلين تبلغ من العمر 29 سنه
نور دايما لمن تعمل حاجة لازم تدقق فيها لازم تكون الحاجة البتعملها كامله بنسبة 100%

مظهرها قبل الخروج.

ترتيب بيتها قبل استقبال الضيوف.

وحتى أطفالها لازم يتصرفوا “زي الكبار”.

يعني مثلا:
لوماشه مناسبه حاتقعد قدام المرايه وتنظم حواجبها ومكياجها لوقت طويل جدا
وبعدماتخلص وتختار فستانها ،تاني بتعاين لنفسها في المراية بتحس ان الفستان ناقصة حاجة او ان المكياج محتاج يتظبط اكتر.
تمشي المناسبة وبتفكر هل في حاجة ناقصه اكيد
الشنطه غير مناسبه ،وتقعد طول الوقت وهي غير مستمتعه بالمناسبه ووجود الصديقات ومشاركة الحديث.

مشهد اخر في يوم نور
لمن تعزم صديقاتها في البيت بتحاول ترتب البيت بصورة دقيقة بتحاول ان المكان يكون مرتب جدا جدا ،حتى اطفالها لازم يكون على استعداد كامل يقعدو بطريقه معينه يتكلم بطريقة معينه زيها بالضبط.
كانت نور بتحس باارهاق غير عادي
بتحس ان حتى الجهد البتبذله مش كفاية
اوغير مرضي
اكيد في نقص
نور مابتستمع لابطلعه ولابعمل ولاحتى زيارات الضيوف ليها.
لانها بتكون في استعداد 100%

و النتيجة كانت 👇

توتر دائم.

إحساس بالإرهاق.

فقدان الاستمتاع باللحظة.......

جلسة نور مع الأخصائية النفسية (CBT)

مقتطفات بسيطة عن الجلسة🙋‍♀️

الأخصائية: نور، لاحظتِ شنو الفكرة البتيجيك دايمًا لما تكوني بتجهزي لأي حاجة؟

نور: لازم أكون قادر اخلي الأمور مظبوطة 100%، ما في أي نقص.

الأخصائية: طيب، خلينا نسأل: هل فعلاً الناس بتتوقع منك الكمال؟

نور : يمكن… لا. في الحقيقة هم ما بيركزوا زيي.

الأخصائية:
تمام الفكرة دي اسمها فكرة غير واقعية.
في العلاج المعرفي السلوكي، بنتعلم نعيد صياغتها.
نستبدلها
بدل فكرة "لازم أكون كاملة"
لازم مايكون في اي نقص
جربي تقولي:
"أنا حاقدم أفضل ما أقدر عليه، وده بالنسبه لي كافي."

التجربة السلوكية🙋‍♀️

الأخصائية اقترحت على نور تعمل تجربة:
Behaviour experiment

💚المرة الجاية لما تعزم صديقاتها، ترتب البيت ترتيب عادي بدون التدقيق المرهق.

💚تخلي الأطفال يتصرفوا بطبيعتهم.

💚تركز هي على الجلوس مع صديقاتها بدل مراقبة التفاصيل.

وافقت نور وبدت تطبق في البداية، نور شعرت بتوتر: "أكيد في نقص… أكيد البنات حيشوفوا عيوب."

لكن المفاجأة؟

الصديقات كانوا مبسوطين بالجلسة.

ما في واحدة فيهم لاحظة التفاصيل الصغيرة الكانت مدققه فيها .

لأول مرة، استمتعت نور بالضحك والونسه بدل التفكير في الكمال.

من خلال العلاج المعرفي السلوكي، نور

اتعلمت 🙋‍♀️
إن الأفكار المثالية كانت السبب في تعبها.✔️

إنه “الجيد بما فيه الكفاية” أحيانًا هو المفتاح للراحة والسعادة.✔️

إن الكمال لله وحده.✔️

الكمال الزائد هو قيد للسعاده والبساطة والاستمتاع باللحظة✔️
هي طريقة تفكير خاطئة وقد تنتقل للأطفالها ناتجة من ترومات الطفوله✔️

جمعه مباركة على الجميع🌹


اختصاصية ارشادنفسي وعلاج الصدمات النفسية
0918288114
Online CBT Sessions ☘️

08/08/2025

بعض من اعراض الإكتئاب والرهاب الاجتماعي🙋‍♀️📝

الاكتئاب: Depression disorders

🔴شعور مستمر بالحزن وفقدان الاهتمام.

🔴نقص في الطاقة وصعوبة في التركيز.

🔴انسحاب من الأنشطة اليومية.

🔴فقدان الثقة بالنفس والشعور بالذنب.

> ⚠️ انتبه هو ليس مجرد حزن عابر، بل حالة نفسية تحتاج لفهم ودعم.

الرهاب الاجتماعي: Social anxiety disorders

🔴خوف مفرط من التفاعل أو الحكم من الآخرين.

🔴تجنب اللقاءات والمناسبات الاجتماعية.

🔴خفقان، تعرق، ارتباك عند الحديث أمام الناس.

⚠️ انتبه هو ليس خجلًا طبيعيًا، بل اضطراب يعيق الحياة اليومية.

🌟🌟🌟🌟🌟🌟
التسجيل🙋‍♀️
لجلسات الدعم النفسي الجماعي
لعلاج الاكتئاب والقلق الإجتماعي
بتطبيق تقنيات العلاج المعرفي السلوكي CBT
لباقي التفاصيل عن عدد الجلسات والحجز
التواصل عبر الواتس Online
0918288114📞


اختصاصية ارشادنفسي وعلاج الصدمات النفسية

13/07/2025

علامات بتدل على انك مابتحب نفسك ؟

مابتحب تشوف نفسك قدام المراية او صورك
بتنتقد شكلك،بتنتقد نفسك قدام الناس ،بتقلل من قيمتك ،بتلوم وبتجلد نفسك.
بتعيش نفسك في شعور سلبي طول الوقت.
مابتفتش على الحاجات البتحبها.
ماعندك زمن لنفسك .
مابتعرف تسعدها .
كل الأفكار البتفكر فيها غير امنه او داعمه لتطور.
بتعتبر نفسك ناقص او غير محظوظ .
بتدخل نفسك في علاقات توكسيك ومتاهات.
بتدخل نفسك في علاقات بتقلل من احترامك لنفسك.
مابتقدر تقول لا.
مابتقدر تضع حدود .
دايما مستهلك دايما متاح.
مابتقدر تختار نفسك .
مابتقدر تكون متقبل متعاطف رحيم بنفسك.

Self love


اختصاصية ارشادنفسي وعلاج الصدمات النفسية.

23/06/2025

نقاط ممكن تساعدك للإنجاز الأهداف🙋‍♀️♥️✔️📝

1.ممكن تكون مشتت ومش منظم نفسك، بداية تنظيم وجدولة الواجبات والانشطة تساعدك للوصول للهدف.

2.هل الهدف اكبر من قدراتك ؟
هل تحتاج الى اهداف صغيرة مثلا يوميه للوصول للهدف الكبير خلال نهاية الشهر؟

3.التحفيز والانتظام شجع نفسك بالكتابه الفخرية والمكافئات عند انجاز الأهداف اليومية اوالأسبوعية.

4.اعمل تقييم شوف انجزته شنو ✔️
مثلا
+قدرت تنتظم في دايت معين لمدة أسبوع ✔️
+اتمشيت كل يوم ربع ساعه ✔️
+سمعت بودكاست تحفيزي ✔️

5.في الصباح اخد دقيقة من زمنك رتب فيها اوعنون فيها انشطة اليوم
1.
2.
3.

ليه عشان تمنع عن نفسك التشتت او النسيان اوتداخل انشطة ومهام على حساب انشطة ومهام اخرى.

6.التشتيت عدو الوصول للهدف لانك بتكون عايز تبدا وبكل حماس ومجرد ماتبدا بقل الحماس عندك
وتنشغل بهدف تاني وبتكرر نفس الحصل في الفات.
وكدة مابتقدر تصل لحاجه.

7.الوصول للهدف هو الوصول لنتيجه والمعنى المراد الحصول عليه.

8.جرب مرة واحده اسبوع سمي فيه هدفك مثلا
اسبوع (السلام النفسي)
وضع اهداف صغيرة
مثلا
شنو ممكن اعمل خلال اليوم يقدر يوصلني للسلام النفسي؟
1.
2.
3.

9.اكتب عن التحديات للوصول للأهداف كيف بتساعد نفسك على تجاوزها ؟

10.ركز على تمارين اللحظة الحالية Mindfulness
بتساعدك على الصفاء الذهني
تنظيم المشاعر والأفكار.


اختصاصية ارشادنفسي وعلاج الصدمات النفسية

23/06/2025

ماذا لو اخترت شريك حياة عاطفي تغلب عليه العاطفه على المنطق؟

نحتاج للعاطفه لأنها لغة الحب و التعبير عن المشاعر ولسماع الكلمات الداعمه والسمحه نحتاج انها مش بس تكون بالكلام لازم نحس انها حقيقية.
طيب كيف تطبق على ارض الواقع
الشخص العاطفي البتغلب عليه العاطفه
بلقى صعوبة في اختيار القرار او تنفيذ القرار او اصلا مابفكر في جدية اتخاذ قرار.

ممكن تتفق معاهو على حاجة معينه
وبعد شوية تتأثر مشاعره بي اي متغير خارجي ويغير وعوده ليك.

ممكن يتأثر بالأشخاص الحواليه وتتأثر علاقتكم وممكن ينفعل ويغضب ويهدد باالابتعاد .

وممكن تلقي ان الحب ماعندو اثر على ارض الواقع مجرد كلام ، بمعنى مافي تطور جدي في العلاقة ،
(حانتكلم ونتونس وانا بحبك وبتاع وبس) مافي تخطيط منطقي لضمان استمرار العلاقة.
لو انت شخص عندك ماضي في ترومات التهميش العاطفي اوالتعنيف في طفولتك حاتتعلق بالشخص العاطفي ده جدا ليه؟
لانه بقول ليك كلام سمح كلام بحسسك بالحب وبديك الناقصك من الشعور وللاسف هو مزيف او غير مكتمل.
يثير التعلق القلق عندك اضعاف .
يجعل الطرف الأخر في خوف من الهجر او التخلي.
يهدر الزمن والعمر
بكون عامل زي السراب شعور آمن بس مش آمن حقيقي هي ورطة من الأمان المزيف.

اختصاصية ارشادنفسي وعلاج الصدمات النفسية

23/06/2025

17/06/2025

الذي يحكم او ينتقد الأخرين دائما سلبيا في كل صغيرة وكبيره حتى التفاصيل الخاصة بحياتهم.
هو شخص فارغ من الداخل اجوف يحاول الوصول لشعور اشباع النقص بااهانه الأخر وهذه الاهانه
في الأصل تقلل من نفسه اولا.


اختصاصية ارشادنفسي وعلاج الصدمات النفسية
يمكنكم حجز الجلسات Online عبر الواتس
0918288114

25/02/2025

الكلمة الطيبة تزيل عائق المشاعر
تلطف اللحظات الصعبة.❤️

قال الله تعالى:
ألم ترَ كيف ضرب الله مثلا كلمة طيّبة كشجرة طيّبة أصلها ثابت وفرعها في السماء". "تؤتي أكُلَها كلّ حين بإذن ربّها ويضرب الله الأمثال للنّاس لعلهم يتذكّرون". "ومثل كلمة خبيثة كشجرة خبيثة اجتثّت من فوق الأرض ما لها من قرار.

الكلام الطيب شفاء.
صباح الخير 💙


مرشدة ومعالجة للصدمات النفسية

24/02/2025

معالجة الصدمات النفسية 🌟
بتتم عبر التركيز على الحواس في الحاضر لتهدئه المشاعر والتاكيد على الواقعيه والحاضر .
ايضا تغيير الأفكار المشوهه المتعلقه بتفسير اومعنى الحدث.
و التدريب على استجابه مختلفه لمواجهة الأحداث او المحفزات الممكن تحصل وتتكرر من خلال حياتنا لمواقف مشابهه.

مرشدة ومعالجة للصدمات النفسية
0918288114