Dr. Sara Saroor

22/08/2022

#سيرم الهيالورونيك اسيد

30/07/2022

07/07/2022

05/06/2022

#التقشير البارد

16/03/2022

يصلح السيروم البشرة ويغذّيها بفضل احتوائه على الفيتامينات، المواد المضادة للأكسدة والببتيدات.
يخترق السيروم الجلد بطريقة أسرع وأسهل من باقي الكريمات.
يغذّي السيروم البشرة من العمق من دون أن يمنحها الترطيب اللازم.
يعزّز السيروم دور البكتيريا الجيّدة.
يحارب السيروم التجاعيد.
يحدّ السيروم من الهالات السوداء تحت العيون.
يجعل السيروم البشرة نضرة وبيضاء، بفضل احتوائه على مكوّنات نشطة مثل الفيتامين سي.

17/02/2022

للناس البتشتكي من حبوب تحت العين وحوالين العين والحبوب دي بتكون زي لون الجلد وبكونوا جربوا حاجات كتيره ومانفعت معاهم .
طيب الحبوب الفي الصوره التحت دي اسمها سيرنجيوما او تضخم ف الغدد العرقيه واللي غالبا مرض حميد ناتج من تضخم الغدة العرقيه وزيادة افرازها سواء كان السبب مرض السكري او احيانا سبب وراثي .
زي ماقلت هو حميد ومابسبب اضرار للعين لكن الشكل بكون مقلق للمريض .
الان في تجارب كتيره لعلاجه منها الليزر ,الكي والكريمات الموضعيه زي الاكرتين .
المهم ف المشكله دي انو ماحاجه مخيفه ولابتتطور لي اي مضاعفات تانيه .
#السيرنجيوما
#تضخم-الغدة-العرقية

12/02/2022

#ابرةالبروفايلو

29/01/2022

بالنسبه للصوره فده مرض منتشر بين الاطفال وعلميا اسمو السعفه الفطريه وعندنا ف السودان بنقول عليه( قوب) بكون ف شكل دوائر ف الشعر او الجسم .، ف الشعر ممكن يسبب تساقط وتكسر الشعرة وتدي شكل زي النقط وومكن يكون ف شكل قشره .
العدوى بتكون بالاتصال المباشر للمكان الفيه القوبه (الفطريات )او عن طريق استخدام المشط الواحد وومكن من الراس يمشي للرقبه وباقي الجسم .
البتسببه زي ماقلت فطريات متعددة ومن الاسباب قله الدهون عند الاطفال وعشان كده بنلاقيه بسيط جدا عند البالغين العلاج حقو حسب شدته وانتشاره بس الغالب بنعالجو بي حبوب للاطفال ومعاه الشامبو او الصابون المضاد للفطريات والعلاج بياخد من 4_6 اسابيع .
#السعفة الفطرية
#القوب

18/01/2022

في ناس كتير بتسال من ليزر الشعر وهل عندو اثار جانبيه وفتراته وعدد الجلسات البنحتاج ليها عشان تنتهي معاناه الشعر .
طيب الليزر الكلام عنو كتييييييييييير .
بس حاعتبركم عندي في العياده وحاقول الحاجات الاساسيه
اولا ليزر الشعر اي كان الجهاز فهو امن تماما وحتى الاعراض الجانبيه مابتتعدى الاحمرار البياخد ساعتين او اقل وبروح.
نجي لي نوع الشعر بالنسبه لاجهزه الليزر اي جهاز بيجي معاه كتيب فيه درجات اللون والليزر المناسب معاه.
الناس اللي بشرتها داكنه بين الدرجه 4
_6 دي الافضل فيها nd-yag وده نوع من انواع الليزر .
الناس البشرتهم افتح من الدجه ١ والى ٣ بتناسبهم الالكسندرايد .
طيب الليزر بستهدف اللون الفي الشعره يعني ماتجي وحده تقول لي سبب لي حفره او مشكله او وحده شعرها لونوا ابيض لانو مابشتغل على الشعر الابيض .
بالنسبه لسمك الشعره فهوبختلف من زول لي زول المهم نعرف انو كل ماكان الشعر ظاهر وسميك الليزر بشتغل فيه يعني ناس الشعر الوبري مامعانا .
طيب قبل الليزر لازم يكون الجلد خالي من اي كريم .وبعد الليزر بدوك كريم يقلل من الحمار والتحسس .
الجلسات بتختلف في عددها من زول لي زول بس عدد بتراوح من 4لي 8 جلسات زايد الريتوش حقتها .
بين الجلسه والرتوش اسبوعين وبين الجلسه والجلسة شهر .
سعر الجلسه مع الرتوش بتاعتها بتتراوح حسب العياده .

ملحوظه :
اها الليزر ده بالذات مابتنفع فيه الجغمسه عشان ماتجيني وحده بكره وتقول دايره تعملو بزنس من غير خبره فيه .
ملحوظه 2:
في ليزر ممكن تستخدميه في البيت تقريبا قيمته 150 دولار او اقل حسب الماركه .الليزر ده كويس بس طبعا لانو منزلي فطاقاته اقل بحيث ماتأذي المستخدم فبحتاج جلسات اكتر .
#ليزر ازاله الشعر
والتجميل

14/01/2022

السعفة المبرقشة
او (البهق ) زي مابنسميه ف السودان واللي هو عباره عن بقع بتظهر ف الجلد خاصة ف الظهر والصدر وبكون لونها بني أو أحمر في البيض و فضي أو بني ف الناس اللي بشرتهم سمراء.
البهق او السعفه مختلف تماما عن البهاق في انو عباره عن فطريات موجوده ف الجسم بتتحول لي امراضيه والسبب ف الغالب الرطوبه والحرارة .
السعفة بتصيب الرجال اكتر من النساء وخاصة الناس اللي عندها فرط تعرق.
وف الغالب مابتجي للاطفال.
الحاجه المهمه انو بالرغم من انو مامعدي الا انو ممكن يصيب افراد نفس العائلة ف نفس الوقت .
السعفه او البهق بتتعالج بالشامبوهات او الصابون المضاد للفطريات بالاضافه للكريمات الموضعية مع الاهتمام بتهويه الجلد والمحافظة على جفافه .


-جلدية وتجميل

08/01/2022

(البهاق)(البرص)
يعني شنو بهاق ؟ واسبابه شنو؟ وهل معدي ؟ وهل عنده علاج ؟

البهاق بحصل لما تموت الخلايا المنتجة للصبغة (الخلايا الميلانية) أو تتوقف عن إنتاج الميلانين - الصبغة البتدي اللون لجلدك وشعرك وعينيك. وبالتالي بتتكون بقع بيضاء ف الجلد .السبب البخلي الميلانين او صبغه الجلد دي تنتهي او تموت مامعروف لكن ف نظريات للاسباب زي:

١. اضطراب في الجهاز المناعي
٢.التاريخ العائلي (الوراثة)
٣. الإجهاد أو حروق الشمس الحادة أو تعرض الجلد ل مادة كيميائية
دي الاسباب الممكن يكون ليها دور ف البهاق عموما.
الحاجة المهمه هنا انو البهاق مابعادي فمافي داعي انك تخاف تاكل او تلمس البعاني من البهاق وماف داعي تحسسه بالرفض الاجتماعي .
مهم برضو نعرف انو الان ف علاجات كتيرة بتساعد ف اعاده صبغه الجلد سواء بالاشعه او العلاجات الدوائية والكريمات .