31/03/2025
بنودع شهر رمضان وداخلين علي العيد...✨️💜
هل في عادات سيئة بنعمله في كل عيد...⁉️
كلنا في شهر رمضان اتعودنا علي نظام غذائي معين
بناكل في وقت معين بنوم في وقت معين والحاجة
دي خلت جهازنا الهضمي أتعود عليه .
لكن اول يوم في العيد النظام دا اتلخبط وبقاء
جايط ، الناس بتقوم الصباح تشرب الشاي بي
صحنين أو ثلاثة ملانة خبيز...🙃
صحنين خبيز...🫨⁉️ ااي زي ما سمعتوه
بلاضافة لي البلح و الحلاوة ، فالمعدة ما متعودة علي الشئ الحاصل فبتستنكر الوضع ، فبحصل إسهال لدرجة انك تمشي الحمام من 5 الي 7مرات...😴
بعد الإسهال يجيك أول حاجة بتفكر فيها انك تبلع حبوب فلاجين عشان توقف الإسهال ...🚫
لكن خليني اصدمك واقول : ليك الفلاجين ما بوقف ليك الإسهال لانو الإسهال العندك ما جاك بسبب بكتيريا عشان الفلاجين يشتغل عليهو ويعالجو...🙃
عشان كدا إسهال خبيز العيد الفلاجين ما بعالجوا...
بنصحكم اول يوم في العيد ما تكترو في الخبيز
وحاولوا ما تاكلوا كتير ، أكلو بسيط بسيط لحدي
ما المعدة تتعود .
نرجع ونقول : إسهال خبيز العيد الفلاجين ما بعالجوا
