Fl_ask

04/11/2022

القرحة الفموية المفروفة بالسخانة هي شنو ودلالاتها

السلام عليكم ورحمة الله في الفيديو سوف اتكلم عن القرحة الفموية (قلاعية )(حرارة) ما هي ودلالاتها وعلاجها المصادر brs pathology rapid review pathology لا تنسى ...

31/10/2022

الترامادول التراما او الخرشة .

السلام عليكم في الفيديو كلام مختصر عن الترامادولالمصادر كتاب جامعة القصر العيني في الطب الشرعي والسمومكتاب Lippincott pharmacology Wikipedia لاتنسى اللايك وا...

29/05/2022

لو زول إطعن بي سكين او خشت في جسمو خشبة حديدة اي شي بس قدة الجلد وخشا جوة الجسم قدامك حا تعمل شنو تمرقعا منو ولا تخليها
كدي النشوف في الحالتين:
اول حاجة لو جريتها برا لو كان مع دخلتها قطعت شريان وريد هنا بتفتح لي الدم الشارع يطلع برا واحتمال الزول يموت من نقص الدم.
ولو مع دخلتوا جا جم شريان الوريد احتمال مع مرقتو يقطع الشريان الوريد ويصفي الدم برا الجسم.

تاني حاجة لو خليت الحاجة البكتريا بتلقى الطريق سالك لي جوة الجسم واحتمال تعمل تتنوس.
في الحالة دي الاحسن ياتو :
اكيد احسن نخلي الحاجة جوة الجسم لانو النزيف اخطر من البكتريا. البكتريا بتتعالج بي سهولة . النزيف ممكن يقتل قبل ما تتحرك من مكانك.

29/05/2022

فيديو خفيف من القلب لي القلب وعن القلب

20/05/2022

آخر حقنة
حقنة العضل في الوريد بتق*تل ولا العكس
لايك واشتراك
رابط الفيديو على يوتيوب
https://youtu.be/LQUxONOCs3Y

06/05/2022

هل دراسة الطب مملة ؟ أم أنها مسلية رغم الصعوبة :) ؟
الطب من اجمل العلوم الانسانية
تبدا الدراسة باجزاء الجسم وتعرف كل خفايا هذا اللغز ومن ثم تنتقل الى كيف يعمل كل عضو لتجد سمفونية لاشائبة فيها منظمة نظام يقول لك لقد خلقنا الله ، هنا القلب ينبض بلا توقف بعضلاتهي الخاصة، وتلك الرئتين تنظف الهواء وتبرد الجسم ، ودقة الجهاز ...

هل دراسة الطب مملة ؟ أم أنها مسلية رغم الصعوبة :) ؟ الحصول على الرابط Facebook Twitter Pinterest بريد إلكتروني التطبيقات الأخرى مايو 06, 2022  الطب من اجمل العلوم الانسانيةتبدا الدر....

26/04/2022

هل السكري وراثي ؟
في الاول السكري نوعين معتمد على الانسولين و غير معتمد على الانسولين .
المعتمد على الانسولين(سكري من النوع الاول) ما بنتقل وراثيا الى لو اتوفرت عوامل مساعدة ، زي بعض الفيروسات البتدمر خلايا البنكرياس في مراحل الطفولة .

غير المعتمد على الانسولين (سكري من النوع التاني ) بنتقل وراثيا بي نسبة ممكن تصل لي ٨ اضعاف (في بعض الابحاث) .

وفي سكري كدا حق الحمل( سكري مؤقت) ممكن ينتقل لي الطفل في المراحل الاولى .

دا مقطع فيهو زيادة معلومات
https://youtu.be/uKj5wCTSxFQ

وعافانا الله وإياكم

20/04/2022

لي الدوا لازم ناخدو في مواعيدو ، ما عشوائي ونفاجئ البكتريا ؟
عشان نقدر نجاوب على السؤال دا لازم نعرف كيف الدوا بشتغل
الدوا زي البنسلين برتبط بي مركبات في غشاء الخلية و بحميها تكون غشاء ، يعني بخليها عريانة ومكوناتها تحوم برا ، وكدا فقدة طرق التكاثر و الحياة.
لكن الكلام لما الدوا يكون في المستوا العلاجي ، لو زاد منو هنا ببقى سم لو نقص ما منو فايدة ، و كل الادوية من غير وضفة طبيب المستوا العلاجي فيها بكون كبير .
طييب الكلام دا علاقتو شنو مع السؤال الفوق دا ، الدوا بعد ما تاخدو بنزل مستواهو مع مرور الوقت لحدي ما ينتهي ، وهنا بجي دور الساعات المنظمة ، قبل ما يقل الدوا من المستوا العلاجي برجعو ليهو تاني .

طيب لو نسيت الدوا ادبل الحبة ؟

اكيد لا ، لانو ممكن تخش في السمية ، لكن اخدها وقت اتزكرتها ولو قرب مواعيد البعدها خليها .

طييب لو بقيت كويس والدوا لسة ما كمل ، اخلي ولا اواصل ؟

لازم تواصل ، انت بقيت كويس ما معناها البكتريا ماتت كلها ، بس قلت من المستوا الامراضي ولا دخلت في حالة ركود ، زي التايفويد بكون قاعد في المثانة لحدي ما يلقى فرصتو فيك .

ما تنسى اللايك والشير
ولو عندك سؤال اكتبو وقدر معرفتي بجاوبك وشكراا

14/04/2022

الكركدي الحار بقلل الضغط والبارد بيزيد الضغط ؟؟؟
هل فعلا الكلام دا صاح !؟
في البطن هل فعلا الشي البارد ما زي الحار ولا كلو واحد ، والله يفترض كدا كلو واحد لانو كلو حاجة بتاكلها بتشربها بتتساوا مع حرارة الجسم يعني مافارقة .

كدي النرجع لي الكركدي في الحالة دي حا ينقص ولا حا يزيد الضغط بعد الكلام الفوق معناها لازم يختار وهنا حبيبنا الكركدي اختار انو ينقص الضغط.

طيب لي اي درجة ماهو ماحا يقعد ينقص في الضغط لحدي يصل الصفر في ابحاث كدا بتقول بنقص ٧.٥ملم زئبقي لي الزول العادي والعندو ضغط مستقر يا سلام عليك يعني نفس الادوي المدرة للبول في كباتين تلاتة في اليوم .

وكدا نكون ريحنا ناس الضغط ( الله بديهم العافية ) من سخن ولا برد .

معلومة غريبة في ناس عندهم حساسية من الكركدي..

لو عندك تسائل اكتب في الكومنتات تحت وقدر معرفتي حا اجاوب.
وشكراا.

11/04/2022

04/03/2022

اللايك والاشتراك