09/09/2025
اختصار مبسط لي التهاب الدم الابيض
شنو يعني الدم الأبيض 🤷
الدم الأبيض ده هو الجيش الدفاعي في جسمك مسؤول من محاربة أي جسم غريب يدخل زي:
البكتيريا
الفايروسات
الطفيليات
أو حتى الخلايا السرطانية
المستوى الطبيعي ليهو غالبا بين ٥،٠٠٠ لـ ١٠،٠٠٠ خلية لكل ميكرولتر دم.
متين بيرتفع الدم الأبيض (Leukocytosis) 💁
⬆️ ارتفاعو ممكن يحصل في الحالات دي:
عدوى بكتيرية زي التهاب الحلق أو الصدر
عدوى فيروسية (أحيانا) زي الانفلونزا
التهابات مزمنة زي الروماتويد أو التهاب القولون التقرحي.
الضغط النفسي أو الزعل الشديد أيو زعلك ممكن يرفع الدم الأبيض 😢
الضربات أو الكسور أو حتى لما تدق إصبعك في الباب 😅
أمراض الدم زي اللوكيميا (سرطان الدم).
بعد العمليات الجراحية أو الحروق.
⬇️ متين بينقص الدم الأبيض؟ (Leukopenia)💁
نقصو ممكن يحصل في:
عدوى فيروسية قوية زي حمى الضنك أو التهاب الكبد
بعض الأدوية زي أدوية السرطان أو الكورتيزون بجرعات كبيرة
مشاكل في نخاع العظم (البيصنع الدم).
سوء تغذية أو نقص فيتامينات زي B12 و Folic acid
أمراض مناعية: زي الذئبة الحمراء (Lupus)
طيب الداير اوصلو ليكم انو
ما كل ما الدم الأبيض يرتفع نقول دايرين مضاد حيوي
أحياناً بيكون السبب فايروس أو حتى ضغط نفسي والمضاد ما حينفع بالعكس ممكن يضر
المطلوب شنو 🤷
لازم نعمل تحليل دم كامل (CBC) ونشوف السبب الحقيقي، عشان نعرف نتصرف صح
يعني الخلاصة:
ارتفاع أو نقص الدم الأبيض ما معناهو داير مضاد حيوي ساي
لازم نشوف السبب نفحص، وبعد داك الدكتور يقرر العلاج المناسب.
وَوقعت 🤷
