29/01/2026
إلى الممرضين
من أول يوم خطّيت فيهو خطوة toward التمريض، حسّيت إنو الطريق دا مختلف… طريق فيهو إنسانية، وفيهو علم، وفيهو لحظات بتخلّي الزول يعرف قيمتو الحقيقية.
خلال دراستي في بكالوريوس التمريض، وبعدها في التدريب العملي، اكتشفت إنو الممرض الممكن يكون الشخص الواقف بين خوف المريض وطمأنينتو، بين الألم والأمل، وبين الفوضى والقرار الصحيح.
شاركت في ورش، كورسات، وأنشطة تطوعية كتيرة، وكل تجربة كانت بتفتح لي باب جديد لفهم عمق المهنة دي.
اتعلمت إنو التمريض ما موضوع حقنة ولا درب ساكت، بل مهنية، التزام، متابعة دقيقة، وتفكير سريري واعي. الممرض الحقيقي ما بس ينفّذ إجراءات، بل يقود، يلاحظ، يقرّر، ويسند فريق كامل بلحظة.
ومع كل موقف مرّ علي، ازداد إيماني إنو وجودك جنب المريض ممكن يغيّر يومو، ونظرته لحالتو، وإحساسو بالأمان؛ عشان كدا بقيت شايف إنو التمريض رسالة قبل ما يكون وظيفة… رسالة بتجمع الرحمة بالمعرفة، وبتخلي كل خطوة في المسيرة دي عندها معنى.
من مجهول ♡.
