عيادة الاستشارات العاطفية, شارع الوادي, Khartoum (2025)

28/09/2025

استشاره رقم 457728

اقسم بالله العظيم اقول الحق ولا شي غير الحق

أنا عمري ٢٨ سنه انا مشكلتي ان امي ماعملتني النظافه نهائي.. لا في نفسي ولا في البيت.. وكان بيتنا دايما وسخان والمطبخ يقرف... وماعلمتني كيف اهتم في نفسي كبرت وبقيت بتعلم من صحباتي وكده.. ولما اتزوجت بقيت زي امي لا بعرف انظف ولا اكون هميمه زي البنات.. لما بمشي بيت صحباتي بقول يبختهم كيف بعملو كده... عند طفلين وبيتي وسخان واولادي ومطبخي وحتى مابهتم بنفسي.. بتستحمى لكن لا بتمسح ولا بعمل شعري ولا شي.. وقدر ماحاولت بتعب.. يعني بكون كويسه كم يوم وبعدين برجع... وزوجي بقى بيشتكي مني ومن اهمالي وبطفش من البيت وبيجي للنوم... انا ماعارفه اعمل شنو والله احاول انظف اول بأول بس بنظف بس ماشديد... انصحوني.. وبخجل اسأل الناس

28/09/2025

فضفضه من احد الاعضاء💔

اقسم بالله العظيم اقول الحق.. انا محتاجه دعاء ومحتاجه زول يحضني ويطمني.. محتاجه ارتاح... انا اتزوجت والله رزقني بطفله وكانت أجمل أجمل طفله جميله جدا ماشاء الله.... بعدين حصلت ليها مشكله في التنفس وكشفت عليها وقالو لازم عمليه...وقبل العمليه بكم ساعه قالو ماارضعها.... ومارضعتها... ودخلت العمليه و ماطلعت... ماتت جوعانه ومارضعتها.... وانا في المستشفى بقول ليهم دايره ارضع بتي اكيد جوعانه... ماقدرت اتخطى ليها شهر اسي بس انا لسه صدري بنزل حليب بقول اكيد بتي جوعانه... َبرجع استغفر الله... كل يوم بصحى على صوتها عشان اغير ليها وارضعها.... بصحى مخلوعه لاني بسمع صوتها.... انا طول الوقت نايمه لا بحس بوقت ولا بجوع ولا شي... الا زوجي وامي يجيبو لي الاكل... والله بكون طول اليوم نايمه مابعرف الساعه كم ولا ده نهار ولا مساء.... ماحاسه بشي بس بنوم وبحلم بيها.. وبحلم بيها جعانه... ساعدونى بدعوه او اي شي..

28/09/2025

استشاره رقم 457727

اقسم بالله العظيم اقول الحق.. انا عارفه اني حتردم. بس لازم احكي... انا عمري ٢٦ سنه وكنت بحب زول من ايام الجامعه وهو ماجادي ولعاب وبتاع أمور ماتمام كل يوم بيأجل موضوع العرس وانسان اتكالي ماداير يشتغل... وللأسف حصل بينا غلط واكتر من مره والله يغفر لي.... وبعدها تبت والله العظيم ورجعت لربي ولبست النقاب والتزمت بصلاتي واقطعت علاقتي بيه.... بس هو ماداير يخليني كل مره بيجي من رقم غريب وسمع انه فيه زول اتقدم لي.. وقال لي والله ماتتزوجي غيري وهددني قلت ليه انا مادايراك اصلا... ابعد مني... وهو بقى يهدد... وجا اتقدم وأهلي رفضوه لانه سمعتو ماتمام وقلت الحمدلله... وقال اقسم بالله حتزوجك.... ومشى لأبوي قال ليه كل شي حصل بينا وقال هو داير يصلح غلطو ومثل على ابوي انو نادم. واخوي وابوي ضربوه وجوني جلدوني والله لمن حسيت اني حموت سألوني هل كلام الولد ده صح.. اعترفت... ابوي تعب وخش المستشفى وهو في المستشفى... قال لأخوي زوجها للولد ده واطردها من البيت ودي مابتي ولا داير اشوفها تاني... وتاني يوم تم العقد واخوي قال لي امشي مع راجلك وتاني ماترجعي... مشيت💔معاه وماعندي اي شي زي اي عروس.. وبعد اتزوجت اتبهدلت والله العظيم... بهدلني ضرب واهانه وتقصير ومابقدر ارجع لاهلي... بحبسني في البيت وبطلع ومابيجي الا بعد يوم يومين... مابعرف انا حيه ولا ميته في البيت... اكلت ولا جعانه.... امي غضبانه مني ما بتتواصل معاي ولا فيه زول بهمو أمري... انا دمرت روحي ودمرت اهلى لكن ماعارفه اعمل شنو ماممكن إستمر كده

28/09/2025

استشاره رقم 457726

اقسم بالله العظيم اقول الحق.. السلام عليكم ورحمة الله وبركاته... انا بت.. مشكلتي عن الاسره واخوي... عندي اخوي الكبير كان بحب بت داير يتزوجها وامي رفضت وقالت ليه الا تتزوج بت خالتك... وهو ماكان داير بت خالتي وقعدو سنه في الموضوع ده... وبعد اصرار... اخوي عرس بت خالتي... وخلاص انا مابعرف البينهم... هل هم سعيدين او لا.. وماكنت بتدخل اصلا... بس بت خالتي ماكانت بتقول لينا شي.. ماتقول غير الحمدلله كلو تمام... بعد سنه من الزواج... فجأه زوجه اخوي مشت بيت أهلها وطلبت فسخ نكاح... وانحنا في السعوديه... ما هنا المشكله... المشكله لما سألنا اخوي الحصل شنو... استحي يتكلم... بس بعدين حكي لينا انو اصلا من سنه ما لمسها وكل زول نايم في اوضه... وبرضو المصيبه ماهنا.... المصيبه ان زوجته قالت ليه انها حامل.. فهو قال ليها كيف حامل وانا اصلا مالمستك.. قالت ليه ده الحصل وانا حولد عند امي. وهو حلف يقتلها وماحيطلق وهددها انو حيبدلها.. واخوي راسو ضرب وامي عملت مشكله مع خالتي... خالتي وزوجها كانو باردين قالو خير ان شاء الله... يوم الجلسه... وقدام الشيخ زوجه اخوي قالت سبب الطلاق انه مابيديها حقوقها واخوي قال للشيخ (انا لي سنه من اتزوجنا مالمستها وكل زول في اوضه واسي هي بتقول حامل) هي قالت لشيخ لا ياشيخ انا ماحامل بس قلت كده عشان يطلقني سريع ويعترف قدامك انه ليه سنه مالمسني وحجتي تكون قويه.... وفعلا الشيخ من غير اي ناقش طلقها واخدت ورقتها طبعا مافي نفس اليوم الموضوع اخد ٣ شهور تقريبا وقالت للشيخ انه من زمان بتطلب الطلاق بسبب سوء عشرته لكن هو ماكان داير يطلق نهائي وهي تعبت.... اخوي انفضح في العيله كلها... مرتين... مره لما كزبت وقالت انها حامل ومره لما اتعرف انه مالمسها سنه كامله..وامي وخالتي اتقاطعو بقى مافي تواصل بينهم وكلام الناس كتر علينا.... والاسره كلها قلبت على امي واخوي... وفيه اشاعه طلعت ان اخوي كزب وقال إن مرتو حامل من غيرو.. وكلام كتير.. بس صورتنا اتهزت وبقينا نخجل نمشي مناسبات لان كلان كتير طلع وبعض اشاعات ماصح... بس ماعارفه الحل شنو

28/09/2025

استشاره رقم 457725

اقسم بالله اني اقول الحق السلام عليكم كيفكم افتوني
انا عمري ٢٣ سنة وابوي اتخلى عني انا واخواني الصغار من عمري ٦ سنة ما بصرف ما بتصل إلى كل ٣ سنة هسي ظهر في حياتنا قبل شوية سنين وبرضو كنت بتصل عليه اسأل وكده لمن لقيت انو انا البتصل طوالي وقفت وهو شاف حياتو وعرس وعندو عيال وهسي تواصلنا شبه مرة كل ٣ شهور لا بصرف علينا لا شغال بينا امي ربنا يديها الصحة والعافية ربتنا وما نقصت مننا شي وعلاقتي مع أهل ابونا كويسين بسالو مننا اكتر منو وانا جاني عريس هسي وداير رقم أبوي امي بتقول لي خلي يكلموا ومن ناحية انا بقول عندي اعمام وخيلان ما ضروري يتقدم لي عندو بس ممكن اكلموا بالعرس انا شايفة انو هو حرمنا من أبسط حقوقنا فيهو كأب ورمى الحمل كلوا على امي انا ما بكرهو بس حاسة انو ما بستاهل الحق ده بتاع انو يطلبوني منو وهو اساسا ما شغال بينا لا عارفنا ماكلين ولا شاربين ولا عيانين ولا ساكنين وين ولا دارسين او لا كلوا قامت بيهو امي ما هأقول اني ما بحبو في النهاية هو ابونا بس مستخسر حتى يسأل عننا وأهلو ياما اتكلموا معاهو انو ديل برضو عيالك زي ما ديل عيالك بس لا حياة لمن تنادي هسي ما عارفة اتصرف كيف والزول الأنا دايراهو راجي مني رقمو وملح قال لي انتي شكلك ما جادة عشان بتجرجري في الرقم وانا ما عارفة اعمل شنو شاورو علي

28/09/2025

مشاركه من احد الاعضاء

عليك الله ي صاحب الحساب م تتجاهلني ونزل البوست

انا عكس الناس النزلت قبلي يعني م عندي استشاره لكن عايز انتقد بس ب الواضح
وانت ي صاحب الحساب الانتقاد موجه ليك

انت عملت الحساب ده عشان اي زول ينزل مشكلتو والناس تشيل وتخت معاهو عسى ولعل يصل ل حل صااح؟
في صاحب مشكله ممكن يستفيد من حلول الاعضااء لكن في جانب تاني كمان بكون مضغوط والراي حقو في يد غيروو
يعني حلولكم ب النسبه ليهو بتبقى زي الزول العينو في البحر و م قادر يشرب منو
شايف الحلل و م قادر يطبقو في مشكلتو
دي ب اعتبارها مشكله فوق مشكلتوو ودي كفيله ب انها تدمر نفسيااتو
ده غير انو في اصحاب استشارات ومعظمهم بكونوا نسااء يعني الواحده تنزل بوست فيهو ظلم للزوجها وشايف في نسوان بايدنهااا
انا الخلاني انزل البوست ده شفت صاحبة استشاره يعني ال فهمتو من كلامها انو لاا حول لها ولاا قوه و م ح تستفيد من حلولكم لانها م في يدها حاجه هي مفروض تطلب دعواتنا بدل تطرح مشكله وحلولنا ب النسبه ليهاا سرااب
ي ريت الناس تطلب الدعوات بس بدل تطرح مشكله او م اي مشكله يطرحوها هنا ي ريت
و ربنااا يفك كرب الجميع ان شآء الله ♥
بتمنى من صاحب الحساب ينزل البوست

28/09/2025

استشاره رقم 457724

أقسم بالله أقول الحق

أنا عمري 30 سنة و كان مفترض اتزوج قبل 3 سنوات بس المشكلة إنو ناس البيت و خصوصاً أمي ربنا يديها العافية ما موافقين إنو أخطب إلا بنت اخوها اللي هو خالي و الصراحة البنت و أهلها ممتازين بس أنا رفضتا لانو كانت صغيرة و حالياً تقريباً البنت 14 سنة و لسه صغيره في نظري

المشكلة هي إنو أنا قدر م حاولت اتقدم لواحدة تانية هم بفشلو الموضوع و أنا للآن محتار و ما لاقي حل لأنو ما عايز أغضب أمي و خصوصاً في موضوع الزواج.... وحالياً متواجد خارج البلد و مفكر أتزوج... هل موقفي صحيح ؟؟؟

28/09/2025

استشاره رقم 457723

انا ما عندي استشاره ولا شي بس قصه ياخ غريبه شويه قد تكون انا شاب 28 سنه متزوج لي 3 سنه والحمدلله عندي ولد واحد والامور ماشيه طيبه نشكر الله نجي لمشكلتي مشكلتي انا ما بحب الدلكه والعطور السودانيه دي نهائي ولو جيت البيت لقيت المدام متعطره بيها بضايقني نفسيآ بزهج شديد منها بالزات الدلكه دي ريحتها ما بدورها مشينا شهر العسل ورجعنا بيها الوليه سكتني بيها 20 يوم وهسي يومي نحنا في مشكله بسبب الحاجات البايخه دي انا بحب الكرز والفرواله والعطور الظاااابطه الشبابيه دي زوجتي عمرها 25 سنه لمن تتعطر والله بحس بيها زي الخاله العندها 40 سنه. وهسنا مع زوجتي طبيعي يعني منظمين تفاصيلنا الخاصه بمزاج بس مشكلتي مع الحاجات السودانيه دي وانا سوداني وفل الفل يعني علشان التعليقات م يقولو لي فيك حاجه

كدي انشري خلي نعرف هل انا براي ولا في شباب زي

28/09/2025

استشاره رقم 457722

اقسم بالله اقول الحق ولا شى غير الحق
انا دايره اعرف هل الزول لو اتمسك فى قرار او امنيه ممكن يلقاها او تتحقق!!
يا اخوانا انا امنيتي اعرس مغترب لاسباب عده
اولا لاني كنت عايشه بره سودان
ومع الظروف و الوضع جينا ٢٠١٨ مع المظاهرات وبدت مشاكل تاني وحرب ونزوح وتعب
ودا كله انا لا بقدر عليه ولا قادره استحمله ولا قادره اتقبله
عايشه فتره دي بالجلاله بدعي الله يديني عريس مغترب ارتاح
دايره اعيش بره سودان
+دايره اشتغل بره دايره اعمر واكون نفسي
حتقولوا لي كيف
اشتغل واعمل مشروع صغير يطلع لي مصدر دخل وهكذا
بصراحه كدا لمن فكرت هل ممكن اعمل حاجه دي وانا داخل سودان لقيته صعبه او شبه مستحيله مع الوضع الحاصل دا
+ انا بحب الراحه والدلع والحاجات الزي دي الاتعودت عليها
بقت المشكله وين بجوني عرسان كلهم محليين( يعني داخل السودان) وبصراحه قاعده ارفض
هل لو اتمسكت فى قراري بجيني النصيب والحاجه البتمناها !!!
ولا اتنازل لانو شايفه عمري بقا يمشي ساااي من غير اي انجاز لحد الان (عمري٢٤)
اتمسك ولا اتنازل !!!

28/09/2025

استشاره رقم 457721

اقسم بالله اني اقول الحق السلام عليكم انا من زمان و الحمد لله الدنيا اختبرتني في ااي شي و برضو صابرة انا امتحنته الصف التامن 8 و ما نجحته امتحنته 4 مرات ما نجحته و كل مراا بتوجع اكتر من القبلهاا و اخواني بقولو لي البليده و بنبزوني و بتوجع و ببكي من قلبي اهاا بعد فترة من الزمن و انا كن عمري 15 سنه خطبني و خالتي و انا ما عايزه و هو ما عايزني بس امي و أمو كأنو السبب و هو كان حابي واحد و انا كمان حابه واحد و يوم من لايام رسل لي رساله المقزا منهاا انا ما عايزه و انا بكيت م عشان بحبو بس عشان خايفه من أهلي و برضوو حسيت بي كسرت قلب 💔 اللهم وريت امي و امي كلمت إخواني و عزبوني والله درين يجننوني والله انا لمن تعبانه من حياتي اللهم الزول الكنته حباهو قالت ليهو لأ تجي تتقدم و جاا اتقدم و اتزوجنا و كانت احلا ايام العمر بس بعد 9 شهور من زواجي اجهطاا و الحمد لله 💔🥹 بعد زوجي كان قال لي عندي بيت و عندي شقه و عندي و عندي مشين بعد شهر العسل جيت تاني بيتناا و جيت لي الماساا و وجع القلب و سفرنا اهلو و زوجي مسكين بي طبعوو وكت مشيناا اهلو تريهو هو مطابل بي دين و ما اتكلم بي الدين بعيد قال لي شوفي لي أخوك يديني مليار و انا كان عدي دهب و بعتو ليهو واديتو المليار و تاني اطالب وبعته ستايري و دبلتي و خلصت ليهو دينو انا ميكب ارتس و شغل حلو و كنتاا بلقط من شغلي القروش و الحمد لله مستور اللهم انا لي هسي معاا اهلي ساكنه و ما مرتاح نهائي والله و وضعنه كل يوم ماشي لي أيوااا و انا ولته لي هسي و انا عمري 20 سنه والله والله كل يوم أصبح بي هم الأكل و السراب بس حياتي بقت أكل و شرب اجسفن انا والله الحمد لله بس دعوتكم لي بي الرزق و الذريه الصالحة بس عليك الله اختكم في الله والله محتاجه لي دعاكم

28/09/2025

مشاركه من احد الاعضاء

إدارة القروب والأعضاء الكرام، السلام عليكم ورحمة الله وبركاته

تنبيه هام بخصوص استشارة نزلت.. لاحظت شيوع فكرة خاطئة عند الرجال والنساء على حد سواء عن الفرق بين الطلاق الرجعي والبائن..
أحكام الطلاق في شريعتنا الغراء، والتي وافق عليها قانون الأحوال الشخصية للمسلمين في السودان، تنص على الآتي:
اذا وقع الطلاق، فللزوج أن يراجع زوجته مادامت في فترة العدة، بالقول أو بالفعل، ولا يلزمه استئذانها لأنها في العدة لا تزال على ذمته شرعا، قال تعالى: (وبعولتهن أحق بردهن في ذلك إن أرادوا إصلاحا)
اما إذا انتهت فترة العدة ولم يراجعها، فتخرج من ذمته، ولا تعود إلا بعقد نكاح جديد ومهر جديد وبموافقتها فقط..
يفي حالة الطلاق للمرة الثالثة، لا تحل له إلا إذا تزوجت بزوج آخر زواجا صحيحا ثم فارقها، قال تعالى: (فإن طلقها فلا تحل له من بعد حتى تنكح زوجًا غيره)
في حالة الطلقة الأولى والثانية اذا كانت الزوجة في فترة العدة فهي لا تزال على ذمته حتى انقضائها
مع تحياتي..
المحامي (edited)

28/09/2025

استشاره رقم 457720

والله العظيم اقول الحق ولا شي غير الحق انا بكتب وببكي يعني لو في اي املاء غلط
انا عمري 30 سنه وام لي تلاته اطفال بنت ولدين والحمدلله متزوجه ود عمتي،، انا ابوي من فصل من امي من انا في بطنها واتربيت وسط خيلاني وخالاتي وحبوبتي،، المهم عشت حياه شبه سعيده وحزينه يعني بين انو م عايشه ولا اتربيت وسط ابوي المهم عانيت م عانيت وكانت حياه قاسيه بالنسبه لي واحتمال كتير من الناس شايفين انو انا عايشه احسن عيشه ومدلعه واي شي موفر لي لكن بالعكس انا كنت عايشه اكعب عيشه والله العظيم انا بمور ب حاله م يعلم بيها الا الله والحمد لله المهم وصلت تالت ثانوي وانا عندي الرغب شديد اني اكمل بس للاسف م عندي ضهر وكنت مستواي كعب بسبب م بقدر اركز اقرا من الشي الحاسه بيو المهم لما امتحنت جبت نسبه بس م نضيفه وابوي جاب لي ود اختو عشان اتزوجني وفعلا حصل الزواج وياريت لو م اتزوجت لي عشره سنه زواج م حصل مره اسبوع بدون مشكله وصل لي مرحله اضربني عادي ونبزني واهني قدام اولادي خلاص وقفت ولاده وانا بقيت مدمنه علي المانع بقي اعمل لي مشكله المهم وقفتو بعد وقفتو حملت ولما كنت حامل م براعي لي نهاي وكان عادي بضربني وانا حامل ضربني لما اغمه علي وتاني الجنين منها والولاده مات في بطني ومريت ب فتره اكتئاب بس كنت صابره المهم حملت تاني وبرضو الجنين مات بعد تميت،، وانا قدر م اقول ليو طلقني رفض الطلاق نهاي وبقول لي اطلقك عشان تمشي للرجال الدايراهم،، وردي دايما بقول لي انا بخاف الله قبل اي شي لانو بندف براي وبتحاسب براي قايلني انا زي اختك من راجل لي راجل،، المهم الكلام الشين كتير البقولو،، هسي اخر مشكله انا طلبت الطلاق لانو التركمات كترت علي،، وانا عارفه م عندي سند سندي الله بس،، مشا قال لي خالي شنو انا م عارفه وم عارفه خيلاني ديل بفهمو وبحسو ب شنو ولا كارهني قدر كده لي خالي قال لي افتح ليها الاسبيكر عشان تسمع اسمع هنا وخليها تسمع انا طلاق م بحلف لكن يومك التطلقه تعرف انو انا م ح اخليها تطلع من البيت شبر وماف راجل اعرسه لو كسرت رقبته لحد م تموت واي ابوها م بخليها تمش وانت بعرس ليك مره تربي جناك،، انا م عارفه دا تهديد ولا دا شنو،، انا وصلت لي مرحله يعلم بيها الله بس انا م قادره اعمل اي شي ولا قادر اكل ولا قادر اعرف اقعد م اطفالي حاسه ب نفسي انو انا عندي نفسيات عديل والله
المهم دلوني علي حاجه اعمله وطريق كويس
علما ب انو م عندي راس مال عشان اشتغل واشغل نفسي ونفسي اهرب حاسه نفسي لو هربت بكون مرتاحه لكن امش وين م عارفه
عليكم الله ادوني حل

عيادة الاستشارات العاطفية

28/09/2025

28/09/2025

28/09/2025

28/09/2025

28/09/2025

28/09/2025

28/09/2025

28/09/2025

28/09/2025

28/09/2025

28/09/2025

28/09/2025

Address

Telephone

Website

Alerts

Shortcuts

Share