26/10/2025
استشاره رقم 4578019
اقسم بالله اقول الحق ولا شي غير الحق
انا عمري ٣٠ سنه مغترب وكنت بحب بت قريتنا بس قلت ليها اني بحبها مادخلت في علاقه معاها قلت ليها لما اجهز نفسي بجي اتقدم طوالى والحمدلله اغترتب والله فتح لي الخير وجهزت روحي وماكان بيني وبينها اي تواصل بس بسأل امي واختي عنها عشان اتطمن انها ماانخطبت واول ماجهزت كلمتها ان اهلي جايين
وأهلي مشو واتقدمو وأهلها وافقو
وكلمتها عشان اسألها المفروض اقدم شنو وهي دايره شنو وكده
قالت انو فيه سر في حياتها دايره تقولو لي
وقالت انها غلطت قبل كده وانها تابت وندمت شديد وقالت اسأل اهلك والناس اني انا بقيت منقبه الحمدلله ماحرجع للطريق ده تاني
انا ما رديت بكلام شين بس بصراحه حسيت بخذلان لاني كنت داير اعرس واكون اسره زي زي بقيه الشباب
حاس اني ماقادر اتقبلها بصراحه
كلمتها اني اعتذر ماحقدر اكمل وحقول للأهل اننا مااتفقنا والله يستر عليك ان شاء الله
وكلمت اهلي وأهلها انو مافي اتفاق وخلاص
امي مااتفهمت و اهلها زعلو وهي قالت لي انه اهلها زعلو منها هي. يعني لاموها سبب عدم الاتفاق شنو
وبتطلب مني اتقبلها وهي اتغيرت
بس اصلا الخلاني اخاف انه قالت لي ان حبيبها الأول مازال متواصل معاها داير يرجع ليها وهي قالت ليه لا
قلت ليها لو انتي فعلا صادقه في توبتك كان غيرتي رقمك ولو ظهر ليك تعملي ليه بلوك
مش تردي عليه. معناها لسه الباب مااتقفل
بس هي مازالت بتحاول وانا مابرد ليها
هل موقفي كان غلط؟! هل ممكن راجل يتحمل غلطه زي دي؟! لأنها بتحكي لي قصص انه فيه رجال بيتحملو وعندها صاحباتها اتزوجو وعادي
لكن انا ماكده وبصراحه قرفت لانه بتخيل الحاجه دي لمن حصلت وافكار كتيره من الشيطان
فياريت الشباب ينصحوني ابعدها كيف وكيف اقنع امي بدل الضغط ده.. انا زول غيور جدا ودمي حار في الموضوع ده والحمدلله والله عمري لا زنيت ولا قربت لبت حياتي كلها قرايه وشغل
شكرا
