01/12/2019
تتذكروا بوست امبارح بليل ؟
اي اخر الليل
الفكرة زاتا خلي البوست كانت امبارح بس يلا كامل الحوجة لكفالة ١٠٠ طالب في مدرسة الشقيلاب الخور للشهر الحالي دا من بوست امبارح لغاية اللحظة دي غطينا اكبر من نص المبلغ ، تحديدا ١٥ ألف جنية في اقل من ٢٤ ساعة ،
هدفنا انو كان نبدأ الاسبوع الجاي اول يوم توزيع وجبات للاطفال ديل لكن بعد استجابتكم وبعد توفر مبلغ زي دا ما هننتظر الاسبوع الجاي هنبدأ بعد بكرة باذن الله
زي ما قلنا ايدك على ايدي
إحنا التزمنا بي افطار مية طفل ودي البداية التزامنا دا بي دعمكم انتو احنا مجرد وسيط بينكم وبين الاطفال ديل وكل البنقدر عليهو حاليا انو المشروع يكون زيرو رسوم ادارية وكل تبرعكم الكريم يمشي في الوجبات لا مصروف ترحيل لا عمال بالطبع لا غيرو ،
محتاجين يدكم معانا في التعبئة اليومية للناس القراب من المنطقة واقل الخير شير ودعوة بالتوفيق في ظهر الغيب
#حنبنيهو
