مختبرات طبية

28/04/2026

27/04/2026

⭕ناس الهستوباثولوجي مشاكلكم في شنو بالضبط في المادة؟

27/04/2026

⭕سؤال بغرض جودة التدريب👇
ورينا انت في سنة كم؟ ولو خريج اكتب تخصصك شنو؟

26/04/2026

عارفين بتسبب أي مرض ؟؟؟





#الـعْـهـد

25/04/2026

💜🌿

ناس كتيرة بترسل لي يادكتورة والله مختبرات ما فيها شغل، فيها ظلم وتعب… وأنا ما حأكذّب، لأنو فعلاً فيها من دا كتير، وأنا شخصيًا مريت بحاجات ما سهلة—اشتغلت بدون مقابل، واتظلمت، واتاخد حقي واتنكر واتسرق كمان. لكن رغم دا كلّو… لسه شايفة إنو الحكاية ما بتنقاس بالحاصل لينا، بتنقاس نحن بقينا منو بعدو.

المجال دا فيه القاسي وفيه الجميل، فيه الإحباط وفيه الشغف، لكن العارف قيمته ما محتاج الناس تعترف بيه، ولا محتاج يشتغل في المكان الواو داك عشان يثبت إنو شاطر. الشطارة إنك تشتغل بضميرك، حتى لو ما في زول شايفك، وحتى لو تعبك ما اتقدّر زي ما انت تستاهل.

إنت اشتغل… حتى لو اتظلمت، حتى لو اتأخرت عليك الفرص، وحتى لو حسّيت إنو الدنيا قفلت في وشك، لأنو ربنا عارفك، وعارف نيتك، وعارف إنك ما ظلمت زول ولا أكلت حق زول.

وفي ناس كدا خليهم… لأنو في تصرّفاتهم ما محتاجة تفسير، ناس ممكن تحبطك، تنافق، تكذب، أو حتى تاخد حقك بدون ما يرف ليها حفن ، وديل أحسن حاجة تعملها معاهم إنك تبعد ساي، تمشي في طريقك بدون ما تلتفت.

إنت ما محتاج تثبت ليهم حاجة، إنت محتاج تحافظ على نفسك من إنك تبقى زيهم، لأنو الخسارة الحقيقية ما إنك تتظلم… الخسارة إنك تتحوّل لنسخة من الظلم ذاته.

خليك مع نفسك، ومع مبادئك، ومع الحقيقة حتى لو كانت صعبة وغالية، لأنو في النهاية… كلّنا حنوقف في مكان واحد، والعدل الحقيقي هناك، ما بضيع حق زول.

#العَــهْــد






#الـعْـهـد

23/04/2026

الدفعة الثالثة مجاناً! 🎁 لأنكم تستاهلوا.. ورشة الـ Stool Examination تعود من جديد 🔬✨

​سألونا عنها كتير.. ومنتظرنها بفارغ الصبر! 🤩

تقديراً لثقتكم الكبيرة في منصة MLS Platform ودعماً لكل طلابنا وخريجينا، قررنا إنو الدفعة الثالثة من ورشتنا الأكثر طلباً حتكون هدية مجانية لكم!

​نعم.. التسجيل مفتوح الآن في👇

⭐ Professional Workshop in Clinical Stool Examination ⭐
(الدفعة الثالثة - مجاناً)
​ليه لازم تحضر الورشة دي؟
​حنراجع فيها كل أساسيات الـ Stool Analysis من الصفر.
​حنتعلم كيف نفرق بين الـ Parasites والـ Artifacts بكل سهولة.
​الشرح حيكون بأسلوبنا المعتاد: بسيط، دقيق، وعملي جداً.
​المميزات:
​✅ المحتوى العلمي: مجاني بالكامل لكل المنضمين.
​📜 الشهادات: متوفرة (شهادة معتمدة) للراغبين في توثيق تدريبهم برسوم رمزية.

​👨‍🔬 بإشراف نخبة من اختصاصي المختبرات الطبية
​العدد كبير والطلب متوقع يكون ضخم، فما تضيع الفرصة واحجز مكانك هسي عشان تبدأ معانا الدفعة دي بقوة.

✈️ اترك تعليق وحيصلك رابط الورشة 💜

​MLS Platform..
جودة العلم، مجانية العطاء! 💜

23/04/2026

🫢تخيل عندك حيطة من الهيموغلوبين وكل يوم بتمر جنبها وتكب فيها شوية سكر👀

✅ لو سكرك منضبط، الحيطة حتكون نظيفة أو فيها حبة نقاط سكر بسيطة ظريفة
⚠️ لكن لو سكرك جايط وعالي، الحيطة حتتملي سكر. لما يجي الدكتور يشوف الحيطة بعد 3 شهور، بيعرف بالظبط انت كنت بتهبب في شنو الشهور الفاتت،
طيب سؤال 🙄 حتى لو صمت يوم الفحص؟

✅اااي 😏 يعني 👈(ما بتقدر تغش الفحص ده)👋

​يا جماعة الخير، السكر التراكمي ده ما سحر، ده ببساطة (دفتر أحوال) السكر في دمك خلال الـ 3 شهور الفاتت. كيف الكلام ده؟ ركزوا معاي👇
​
✅الـ RBcs ​دي زي "الباصات" الشغالة في دمنا، وعمرها الافتراضي 120 يوم (يعني تقريبا من 4 شهور) وبعدها بتموت وتتجدد. جوه الباصات دي في "كمساري" اسمه الهيموغلوبين، وظيفته الأساسية يشيل الأوكسجين يوزعه للجسم.

✅​الجلكوز الموجود في الدم ده، طبيعته لايوق بتلصق . لما نسبته تزيد في الدم، بيبدأ يلصق في الهيموغلوبين ده (عملية بنسميها Glycation). فكل ما كان سكرك عالي في الدم، كل ما التصاقه في الهيموغلوبين زاد.

✅ ليه سموه تراكمي؟ وليه 3 شهور؟
​لأنه بيقيس السكر اللصق في الهيموغلوبين من يوم ما الباص (الـRBcs ) اتحرك وطلع الشارع لغاية ما ينتهي عمره. وبما إنو الكريات أعمارها متفاوتة، فالمعدل الحسابي الدقيق بيدينا قراءة لـ 3 شهور فاتوا.






#الـعْـهـد

23/04/2026

Thanks 💜



#الـعْـهـد

22/04/2026

Schistosoma hematobium Egg








#الـعْـهـد

21/04/2026

Giardia








#الـعْـهـد