https://www.facebook.com/126243767231699/

جرعة زايدة, Wad Madani (2026)

27/12/2025

الناس لما تسمع كلمة تخدير عالي الخطورة..

30/10/2025

أنا من السودان
اسمعوا صوتنا..!

في الوقت الذي أقوم فيه بكتابة هذه الرسالة ثمة عشرات المواطنون يُقتلون قصفاً أو تصفيةً ، وآخر جوعاً بسبب الحصار.

الناس في مدينة الفاشر يموتون بأبشع أنواع الطرق ، يبادون دون أي سبب ، لا يستطيعون حتى النزوح إلى اللامكان ، الموت يلوح في كل شبر في تلك المدينة

وأنا ليس بوسعي سوى أن أخبر العالم بذلك ، والدعاء لهم

كل هذا بفعل قوات مليشيا الدعم السر*يع
-
I am from Sudan.
Hear us..!
As I write this letter, a Dozens of citizen is being killed by bombing or liquidation and others by starvation due to the siege.

People in El Fasher are dying in the most horrific ways They are being exterminated for no reason They are unable to even flee to nowhere
Death looms in every inch of that city

I can only tell the world this and pray for them

All this is due to the Rapid Support Forces militia

16/10/2025

عنوان تجلّى عبر بادرة استثنائية من طلاب قسم التخدير بكلية العلوم الطبية التطبيقية ، الذين قرروا ان تتحول احتفالاتهم بفعاليات اليوم العالمي للمخدر الى دعم مالي يُقدم باسم طلاب التخدير بالكلية لمبادرة ظل وسقيا تطبيقية لتفعيل مبرد الشهداء بالكلية كبادرة استثنائية من أبطال ما وراء القناع ، وكتبو معلقين ;

*احتفالنا باليوم العالمي للتخدير… المرة دي غير*

بدل الأضواء والفعاليات المعتادة، اخترنا نخلي احتفالنا نور يمتد… أثر طيب وبصمة ما بتزول.

قررنا نخلي فرحتنا عمل خير، ونهديها لمبادرة ظل وسقيا تطبيقية عشان *نكمل مُبرد الشهداء في الكلية*

لأنه الشهداء ديل ما كانوا مجرد طلاب…

كانوا أحبابنا، أصحابنا، وإخوانا

قدموا الكثير، وأقل شي نقدمه ليهم إننا نكمل المشوار باسمهم 🙏

الف رحمة ونور عليكم يا حبايبنا ، الى جنات الخُلد 💛

💉💙

16/10/2025

اليوم العالمي لـ :
- ما صايم ترجع
- ما عامل CBC ترجع
- ما جهزت دم ترجع
- ما عامل ECG ترجع
- Hg Low ترجع

نعيد و نكرر الجرعة الزايدة م بتقتل
وناس التخدير م بقتلو الناس
و التخدير أمان 🤍
ما تشيل هم بنومك و نقومك😎

20/11/2023

العيان لو دخل غرفة العمليات وكان واعي وسالهو من الصيام قال جاع واكل او عدد ساعات الصيام م كانت كافية دا يرجع طوالي
صايم_يرجع 🙃
لكن عيان عنده تاخر في إفراغ محتوايات المعدة,سوء هضم بسسبب مرض أو إنسداد في الجهاز الهضمي او مرأة حامل او عيان جانا فالطواريء م بنقدر نرجعه🥺 هل بنقدر نرجع عيان جاي في حادث ولا اي مصيبة وحالته مستعجلة؟
اكيد لا
اها نبكي ونترمد نحن ولا نسوي شنو ؟
لالا دقيقه في حالات الطواريء والمريض الجاي بمعدة ممتلئةاو مريض جا بواحدة من عوامل ال risk of aspiration اول واهم حاجة نركب ليه NG tube لي ؟
لتفريغ محتوايات المعدة وتقليل مخاطر ال aspiration ,لانو من اهم مسببات الارتجاع الرئوي هو المعدة الممتلئة.
بعدها نشتغل بنوع من التخدير اسمو Rapid sequence induction و هو عملية تخدير المريض بسرعة بإستعمال أدوية سريعة المفعول
دا كلو عشان نمنع ال aspiration
يلا الطريقة كيف؟🤔
1_أول حاجة preoxygenation
الأوكسجين يكون نسبة 100٪
2_ نديه منوم سريع المعفول زي (بروبوفول ) و مرخي عضلي سريع المعفول زي (سكولين)
3_نعمل cricoid pressure هو انو نضغط على الحلق عشان نسهل ال intubation و الضغط على الcricoid بقفل لينا المرئ و بمنع ال aspiration
4_ ال intubation يكون بتيوب تحتوي على cuff
و نعمل head down عشان نحمي الرئة
5_بندي antiematic عشان نمنع الغثيان والاستفراغ البجي بعد العمليه والعيان يصحي.
6_ نكون مجهزين ال suction
في حال حصل ارتجاع
*-* نتجنب النفخ بال reservoir bag عشان م تضغظ على المعدة و يحصل regurgitation ارتجاع
*_* قبل الريكفري نتأكد انو المريض fully awake و قادر يحمي ال airway عشان نعمل extubation

01/11/2023

تعالو نوريكم لي بنخلي العيان يصوووم قبل اي عملية جراحية؟

عشان التخدير العام بعمل شلل مؤقت او ارتخاء في جميع عضلات الجسم ومن ضمنهم عضلات الجهاز الهضمي والجهاز التنفسي , وكمان العيان بيفقد ردود الفعل الانعكاسية :سعال , عطس..إلخ .(الآليات دي بحمي بيها الانسان المجاري التنفسية)
أثناء التخدير العام لو رجع جزء من الاكل او الحمض الموجدين في المعدة لي مجري الهواء العيان م بيقدر يعمل الحاجات دي وممكن يحصل "aspiration " ارتجاع رئوي
يعني ببساطة اكل يطلع من المعدة يدخل القصبة الهوائية يصل للرئتين يحصل التهاب رئوي عيان يموت بس كدا .
طيب العيان لازم يصوم قبل كم من العملية؟
عدد ساعات الصيام بختلف علي حسب العمر وعلي حسب سوائل ولا طقة عديل وهل الطقة دي مليانة دهون وحاجات تقيلة م بتنهضم سريع ولا فتة ساي.
عندنا موية وعصير 2س ,حليب الأم 4س ,حليب صناعي 6س , وجبات خفيفة 6س ,طقة نضيفة مظبطة 8س .

قبل الختام لو عندك زول
داخل عملية واتجرس من الصيام م تجازف ليه بسكويتاية ولا كباية موية كدا انت بتقتلو بي حنيتك وبعدين يقولو موتو بتاع التخدير اداه جرعة زايدة.

31/10/2023

ليه بنخلي العيان يصوم قبل اي عملية جراحية ؟
و الفايدة شنو من الصيام؟

ورونا اجاباتكم في التعليقات🤓

16/10/2023

في ذكري أول إستخدام لغاز الإيثر في تخدير مريض لعمليه جراحية .
التاريخ الذي غير وجه الطب للأبد.
الجرعة الزايدة م بتموت
المخدر مسؤل عن توفير ظروف مناسبة لعمل الجراح.
المخدر مسؤل عن إزالة الإحساس بالألم.
الجرعة الزايدة م بتموت.
المخدر مسؤل عن المحافظة على استقرار الوظائف الحيوية.
المخدر مسؤل عن معالجة الاضطرابات الناتجة بسبب الجراحة.
ماف شي اسمو جرعة زايدة بتموت.
طبيب التخدير,أخصائي
التخدير,تقني التخدير,المبنجاتي,المخدر,المخدر =مسؤليات مسؤليات مسؤليات مسؤليات التزامات تعب دقة اجتهاد مراقبة مسؤليات مسؤليات...............

01/10/2023

متذكرين قلنا شنو عن التدخين؟
قلتو المدخن اذا كان ح يخضع لجراحة اياً كان نوعها لازم يوقف قبل شهرين من العملية .
ايوه صح احب انا الناس المتابعة 😉

طيب عيان الكوما او الحوادث او اي مريض يجينا في الطواريء مثلا ح نتصرف معاه كيف؟
طيب اذا عرفنا من اهلو انو بسجر لكن م عارفين الكمية قدر كيف سجارتين في اليوم تلاتة خمسة علب م عارفين المهم هنا المخدر لازم يتأكد اولا من وجود دواء الاتروبين(من عائلة ال anticholinergic) لانو بوقف الافرازات في الجهاز التنفسي وكمان الجهاز الهضمي تانى حاجة لازم dexamethazon اشان يحمي مجري الهواء من اي التهابات واخر دواء hydrocortisone اشان يوسع الشعب الهوائية ويحمي ال lower respiratory tract من اي التهابات لازم الأدوية دي قبل المنوم والمرخيات العضلية , ونفس الأدوية تانى لنفس الاسباب في مرحلة الافاقة من التخدير العام نهاية العملية وممكن نشفط الافرازات دي بجهاز ال suction (الشفاطة) وبكدا بنقلل مقاومة مجري الهواء وبنساعد العيان يتنفس كويس.

ونرجع تانى نقول دائما الخطورة بتكون علي حسب كمية السجائر ونشاط ال cilia كلما قللت التدخين كلما قل الخطر (تناسب طردي يعني) 😅
واهم حاجة لازم تكون صريح مع الدكتور اذا بتشرب سجائر او بتشيش ....المهم م تكذب
ولو قالو ليك العملية بعد يومين بس انت في اليومين ديل تبطل عشان سلامتك وعشان دي عادة ضارة داخل العملية
عندك اي امراض ولا ما عندك لازم تتخلص منها لنفسك.

25/09/2023

_اكعب حاجة في الدنيا السجائر 🙃
انحنا كمخدرين م بندورها نهائي ولا بنحب الناس البتسجر 🙂
=تحبوها ولا لا نحن مالنا ومالكم بتموتو الناس وتتفاصحو
_لي كدا دقيقة اشرح ليكم
=تشرح لينا شنو كمان 🙄
_الحاجات الكارثية البتعملها السجائر ومشاكل التدخين مع التخدير🙃
=سامعنك

عندنا في الجهاز التنفسي حاجة إسمها ال silia مسؤولة من انها تطلع إفرازات الجهاز التنفسي يقوم التدخين يعمل شنووووو ؟
التدخين بانواعو بوقف نشاط الحاجة دي "inhibit ciliary activity "بالتالي بتزيد الإفرازات في مجري الهواء ودا بزيد من مقاومته للاكسجين والغازات المخدرة أثناء التخدير العام وكمان ممكن الافرازات دي تقفل القصبة الهوائية وال ETT وم يلحقو يشفطوها ليك داخل العملية لانو كميتها كتيييييرة وأنت يااااحليلك تروح فيها ويقولو برضو موتو بتاع التخدير اداه جرعة زايدة 😅
وال cilia دي محتاجة 8أسابيع عشان نشاطها يرجع يعنى لو عندك عملية محتاجة توقف سجاير يا عزيزي قبل 8 أسابيع من العملية.
اما لو جيت في الطواريء وعمليتك م مستعجلة وانت كنت نصيح وبتاع البنج سألك بتسجر؟!!!!!!!! اي
بتسف؟اي
عندك قروش؟لالا
م مشكله كلنا م عندنا.
اوووووووووووووعك تكذب عليه
وأهل العيان لو عيانكم م كان بقدر يتكلم وكان بسجر كلمو المخدرين اشان يلحقو يتصرفو .
وكمان السجائر فيها مادة إسمها النيكوتبن بتعمل عدم انتظام ضربات القلب وبتاثر علي عضلة القلب.
ان شاءالله م تدخلو عمليات نهائي يا رب لكن احسسن تخلوها نهائي 🙃❤️

11/09/2023

م نكون إتاخرنا عليكم🤓
نواصل ما انقطع من حديث🔥

بعداك ظهر الوخز بالإبر عند الفراعنة بعد دراسة شراين وأوردة الجسم ومواضع النبض وما ننسى دور الأطباء المسلمين اللاشتغلو بتقطير الكحول ❤️

وحبة حبة نكون أجمل واجمل أحبة ويمشي الحال تمشي حبة وافوت انا وأملاك محبة وازيدك فال معليش اندمجنا 🤣❤️وحبةحبة التخدير ماشي في تطور أكتر اكتشفوا الليدوكاين كمخدر موضعي و الإيثر والهالوثان كمخدرات إستنشاقية واكشفو أدوية التخدير بالوريد (في منها ادوية مستخدمة حاليا زي الكيتامين والبروبوفول وغيرهم كتييير) والفرنسيين اتوصلو لي تقنية حقن مخدر ضمن سائل الدماغ الشوكي رهيبين ديل 🔥والطريقة دي اتقدمت شديد اسي واستفادو منها في التخدير الحديث.

يلااااا يخوانا ننقل المشهد لي غرفه جراحة حديثة اتخيل غرفة تحتوي على أدوية واجهزة دعم ومراقبة المريض أثناء التخدير لمنع الألم والقلق والتغيرات الفسيولوجية المصاحبة للتخدير والعمليات الجراحية.

لإجراءعملية جراحية في الوقت الحالي يجب إخضاع المريض ل التخدير عن طريق طبيب تخدير مختص يقدم له الرعاية والراحة قبل وبعد وأثناء العملية ومراقبة حالة المريض باستخدام تقنيات ومعدات تخدير حديثة لضماااان سلامة المريض❤️.

11/09/2023

نواصل رحلتنا ؟
نواصل 🔥
يلا بسم الله نبدأ
كان يا مكان في قديم الزمان :
تخيل مشهد حي لطبيب يقوم بجراحة ل المريض, والمشهد الذي أمامك سيكون اما جراحة سطحية أو بتر أطراف أو ربما عمليه قيصرية إستئصال عضو أو إزالة حصوي في الكلي........ الخ
المريض تظهر علي وجه ملامح الخوف والقلق والألم ،ف الجراحة هي الخيار الوحيد ولااااااا وجود للتخدير .

الأطباء كانو بربطو العضو العايزين يعملو عليه الجراحة لمنع وصول الدم أو وضع كميه من الثلج المجروش "المكسر صغار يعني "لمنع الإحساس بالألم لفترة قصيره أو ضرب المريض بمطرقة في الجمجمة اي ضربة في راسو عديل كدا تخيل يا إنسان !🙄 ممكن المريض يفقد الوعى لفترة طويله شديد أو يروح فيها عادي.

بعدين اكتشفوا النباتات زي نبات اسمو الخشخاش عندو رائحة لطيفة والكوكاين وغيرها وشوية شوية ماشين في تطور فاكتشفو الغازات زي الإثير وكان غاز قابل للاشتعال🔥 حاجة مؤسفة والله العيان بي الدكاترة المعاه يولعو عادي، بعدها الكلوروفورم لتخفيف ألم الولادة كان بكبو في اسفنجة ساي ويخلو المريض يستنشقو خطير شديد لانو محتاج ضبط جرعة ومهارة عاليه وبسبب قِلة الخبرة ماتو بيه كتيرين ,لكن استخدمته الملكة فكتوريا أثناء الولاده والملكة إليزابيث برضو وديل الله سترهم ومرقو منها 🤣🤣

نواصل البوست الجاي🔥
م تمشو بعييد😎🔥🔥

جرعة زايدة

27/12/2025

30/10/2025

16/10/2025

16/10/2025

20/11/2023

01/11/2023

31/10/2023

16/10/2023

01/10/2023

25/09/2023

11/09/2023

11/09/2023

Address

Website

Alerts

Shortcuts

Share

Category