01/12/2025
Maanta oo ah 1da December waxaa sannad walba la xusaa maalinta AIDS ka adduunka, iyada oo kor loo qaado wacyigelinta ku saabsan cudurkaas. HIV waa fayras weerara habka difaaca jidhka. Waxa uu wiiqaa awoodda jidhka ee la dagaalanka caabuqyada iyo cudurrada. Haddii aan la daaweyn, HIV wuxuu u gudbi karaa AIDS, kaas oo horseedi kara halis dhimasho. Ka-hortagga HIV waxa uu ku xidhan yahay in la yareeyo fursadaha uu fayrasku ugu gudbi karo qof kale. Cusbitaalka SOMALI HIGHER HOSPITAL waxa uu bulshada kula talinayaa in ay ka taxaddaraan caafimaadkooda isna baadhaan si ay nafahooda u bedbaadiyaan una yareeyaa fursadaha uu cidkale ugu sii gudbi karo. Sida oo kale bulshada la nool xanuunnkani waa qayb inaga mid ah oo aan mudnayn takoor iyo in la fogeeyo, aan daryeelno oo la dagaallano cudurka haleelay.
Wacyigelinteennu naf ayaa ay bedbaadin kartaa ee aan joogtayno wacyigelinta ku aaddan xanuunkan.
Cusbitaalka Somali Higher Hospital isaga oo kaashanaya hay'adda la dagaallanka Aidska ee waqooyibari iyo wasaaradda caafimaadka dawladdaas waxa uu ka qaybqaatay xuska maalintan oo ka dhacay Laascaanood. Waxa ayna si wadajir ah u soo saareen warbixin caafimaad oo ku aaddan prevalence ga Aidska Laascaanood ee shantii sanee ugu danbaysay. Taas oo noqotay in 100,000 kii kun ee qofba ay ku jiraan laba qof oo xanuunkaas la daaladhacaysa, iyada oo boqollay ahaanna noqonaysa 0.0024%.
