https://www.facebook.com/103561501865349/

SNU Health Science Students Association, Vina Uta Street, 252 Mogadishu, Mogadishu (2026)

16/02/2026

𝟏𝟔-𝐤𝐚 𝐅𝐞𝐛𝐫𝐚𝐚𝐲𝐨 𝟐𝟎𝟐𝟔

waxaa shir muhiim ah oo ay iskugu yimaadeen dhammaan guddoomiyeyaasha kulliyadaha Caafimaadka ee jaamacadaha Gobolka Banaadir lagu qabtay xarunta Jaamacadda SIMAD.

Shirkan ayaa diiradda lagu saaray xoojinta midnimada ardayda barata culuumta caafimaadka, iyo sidii loo abuuri lahaa iskaashi rasmi ah oo dhex mara kulliyadaha caafimaadka ee jaamacadaha Gobolka Banaadir.

Ujeeddada kulanka ayaa ahayd in la dhiso midow ay ku mideysan yihiin guddoomiyeyaasha kulliyadaha caafimaadka, si ay uga wada shaqeeyaan horumarinta adeegyada bulshada iyo kobcinta xirfadaha ardayda.

Guddoomiyaha Midowga Ardayda Kulliyadda Health ee Jaamacadda Ummadda Soomaaliyeed, Mudane Abdinasir Islow, ayaa ka qeyb galay shirkaas, isaga oo muujiyay muhiimadda ay leedahay in ardayda caafimaadka ay yeeshaan iskaashi mideysan oo wax ku ool ah.

Kulanka waxaa lagu falanqeeyay qodobbo ay ka mid ahaayeen:

In la sameeyo madal mideysa guddoomiyeyaasha kulliyadaha caafimaadka.
In si wadajir ah looga shaqeeyo wacyigelinno caafimaad iyo baaritaanno caafimaad oo loo fidiyo bulshada.
In la hirgeliyo is-weydaarsi aqoon iyo xirfad oo u dhexeeya ardayda caafimaadka, si loo kordhiyo waayo-aragnimada iyo tayada waxbarasho.

Shirkan ayaa lagu tilmaamay mid taariikhi ah oo horseedi kara iskaashi waara iyo mideyn ardayeed oo wax ku ool ah, taasoo sare u qaadi karta doorka ardayda caafimaadka ee u adeegidda bulshada iyo horumarinta caafimaadka guud ee Gobolka Banaadir.

Madaxa warbaahinta Nasra Abdifitah Elmi

DHAMMAAD

Wixii faahfaahin ah, fadlan kala xiriir;
Midowga kulliyada HSSA ee JUS
E-mail:
snuhssa@student.snu.edu.so

15/02/2026

Sawirada qeebta 2aad ee
Tobabarka CBR

15/02/2026

15/02/2026

Maanta oo ay taariikhdu tahay 15-ka bisha 2-aad 2026, Midowga Ardyda Kulliyadda Culuumta Caafimaadka ayaa soo agaasimay tababar muhiim ah oo ku saabsan gargaarka degdegga ah ee qofka neeftu ku dhagto (CBR) gaar ahaan sida saxda ah ee neefta looga soo saaro marka ay ku xirmato bukaanka.

Tababarkan oo ahaa mid aqoon iyo xirfad kororsi ah, waxaa si gaar ah loogu talagalay ardyda barata Kulliyadda Health Science, gaar ahaan waaxyaha Nursing iyo Laboratory, si ay u helaan xirfado naf-badbaadin ah oo ay ugu adeegaan bulshada marka ay la kulmaan xaalado degdeg ah.

Intii uu socday tababarka, waxaa si faahfaahsan loo baray ardyda tallaabooyinka la qaado marka qof neeftu ku dhagto, sida loo qiimeeyo xaaladda bukaanka, iyo sida loo adeegsado cadaadiska feeraha si neefta loo furo.

Tababarka waxaa bixinayay Dr. Ustaad Nuurdiin Cabdullaahi Rashiid oo ka mid ah macalimiinta Jaamacadda, kanaalinayay aqoon iyo waayo-aragnimo la xiriirta gargaarka degdegga ah.

Midowga Ardyda Kulliyadda ayaa mar kale muujiyay dadaalkooda ku aaddan kor u qaadista xirfadaha iyo aqoonta ardyda, iyagoo sii wadi doona qabashada tababaro la xiriira badbaadinta nafaha iyo adeegga bulshada.

15/02/2026

Hoggaanka Midowga Ardyda Kulliyadda Health Science, oo ay hormuud ka ahayd Guddoomiye Ku-xigeenka Midowga Ardyda Marwo Farhiya Sheikh Cilmi, ayaa si rasmi ah uga hadlay munaasabaddii lagu soo xirayay barnaamijkii barashada Basic Computer ee ka socday kulliyadda.

Sidoo kale, Abdinoor Mohamed Ahmed, oo ka mid ah Hoggaanka Midowga Ardyda isla markaana ahaa qaban-qaabiyaha barnaamijka, ayaa isaguna ka hadlay munaasabadda soo xiritaanka barnaamijka.

Intaas kadib, waxaa madasha ka hadashay mid ka mid ah ardaydii ka faa’iideysatay barnaamijka, iyadoo iyaduna ka qayb qaadatay munaasabadda soo xiritaanka barnaamijka.

15/02/2026

14-02-2026

Shalay oo ku beegnayd Axad, taariikhdu markay ahayd 14-ka bisha 2aad 2026, Guddoomiyaha, Guddoomiye Ku-xigeenka iyo Xoghayaha Midowga Ardayda Kulliyadda Health Science ayaa si rasmi ah u soo gabagabeeyay barnaamij tababar oo socday muddo saddex isbuuc ah, kaas oo loo qabtay ardayda Foundation-ka intii lagu guda jiray fasaxa.

Barnaamijkan oo diiradda lagu saaray horumarinta xirfadaha kombiyuutarka (Basic Computer Skills), ayaa ardayda lagu baray aqoonta aasaasiga ah ee ku saabsan isticmaalka Microsoft Windows, Microsoft Word iyo Microsoft PowerPoint.

Casharradan ayaa ahaa kuwo si gaar ah muhiim ugu ah safarkooda waxbarasho ee jaamacadeed, maadaama ardayda laga rabo inay yeeshaan awood buuxda oo ay ku diyaarin karaan kuna soo bandhigi karaan (presentation) cilmiyeed ay u gudbiyaan macallimiintooda.

Barnaamijkan waxaa soo agaasimay, isla markaana hormuud ka ahaa Cabdinoor Maxamed Axmed, oo ka mid ah hoggaanka Midowga Ardayda Kulliyadda Health Science.

Guddoomiyaha iyo dhammaan xubnaha hoggaanka Midowga Ardayda waxay si gaar ah ugu mahadcelinayaan dadaalka, kartida iyo aqoonta ay ardayda la wadaageen aqyaarta kala ah: Cabdinoor Maxamed, Cabdifitaax Maxamed, Caasha Anshuur, Cali Nuur, Saalax iyo Maslax Maxamed Isxaaq, kuwaas oo si hufan oo daacadnimo leh waqtigooda iyo xirfaddooda ugu huray horumarinta ardayda.

Ugu dambeyn, Midowga Ardayda Kulliyadda Health Science wuxuu mar walba u taagan yahay kor u qaadista aqoonta, xirfadaha iyo tayada waxbarasho ee ardayda, si ay u noqdaan kuwo si buuxda ugu diyaarsan mustaqbalkooda tacliineed iyo midka shaqo.

Madaxa warbaahinta Nasra Abdifitah Elmi

DHAMMAAD

Wixii faahfaahin ah, fadlan kala xiriir;
Midowga kulliyada HSSA ee JUS
E-mail:
snuhssa@student.snu.edu.so

15/02/2026

Mid kamid ah Kape Class-yada fasallada Kulliyadda Health Science ayaa ka hadlay munaasabadda xarig-jarka iyo muhiimada ay u leedahay ardayda.

15/02/2026

Madaxa gargaarka degeg ah ee midowga Ardyda kulliyadda health sciecene Abdifitaah Mohamed

15/02/2026

HABRAACA MARKA ARDAYGA U BAAHDO DAAWaDa🩹

14/02/2026

Hadal-jeedintii Guddoomiyaha Kulliyadda Health Science, Mudane Abdinasir Islow, ee munaasabadda xarig-jarka santuuqa daawooyinka ayaa ahayd mid muujinaysa hoggaan, masuuliyad iyo aragti fog.

Ugu horreyn, Guddoomiyuhu wuxuu si kal iyo laab ah ugu mahadceliyay dhammaan Kape Class-yada fasallada iyo cid kasta oo ka qayb qaadatay hirgelinta barnaamijkan muhiimka ah, isaga oo ku tilmaamay dadaalkooda mid horseeday in ardayda loo abuuro adeeg caafimaad oo degdeg ah oo baahi weyn loo qabay.

Sidoo kale, Guddoomiyuhu wuxuu xusay in shaqadan iyo kuwo kale oo badan ay ka mid yihiin ajandayaasha u degsan hoggaanka Midowga Ardayda Kulliyadda, kuwaas oo diiradda saaraya horumarinta daryeelka, badbaadada iyo fayo-qabka ardayda.
Wuxuu caddeeyay in hoggaanku ka go’an tahay sii wadista barnaamijyada wax-ku-oolka ah ee wax ka beddelaya nolosha ardayda.

Dhanka kale, wuxuu sheegay in cid kasta oo u baahata furaha santuuqan ay ka heli karto Kape Class-keeda iyo ku-xigeenkiisa, si loo hubiyo in adeeggu si nidaamsan u socdo.

Waxa kale oo uu si gaar ah u tilmaamay in ardayda qaba neefta (asthma) loo fududeyn doono helitaanka furaha santuuqa, si ay si degdeg ah ugu helaan adeegooda marka ay timaaddo xaalad degdeg ah.

Ugu dambeyn, Guddoomiyuhu wuxuu ku boorriyay ardayda inay si wadajir ah u ilaashadaan hantidan caafimaad ee loo sameeyay, isla markaana ay ka faa’iideystaan si mas’uuliyad leh.

14/02/2026

Hadalkii uu jeediyay Dean-ka Kulliyadda intii lagu guda jiray xarig-jarka santuuqa daawooyinka ayaa ahaa mid dhiirrigelin iyo bogaadin xambaarsan.

Kadib markii uu si rasmi ah xarigga u jaray Dean-ka Kulliyadda Health Science, Ustaad Omar Adan, wuxuu sheegay in hadda lagu kalsoonaan karo caafimaadka ardayda kulliyadda, maadaama la helay adeeg caafimaad oo si gaar ah loogu talagalay xaaladaha degdegga ah, isla markaana daboolaya baahi weyn oo h**e u jirtay.

Sidoo kale, Dean-ku wuxuu si gaar ah u dhiirrigeliyay oo u bogaadiyay hoggaanka kulliyadda iyo Kape Class-yada dadaalka iyo shaqada wanaagsan ee ay qabteen, isaga oo ku tilmaamay tallaabo horumarineed oo taariikhi ah. Wuxuu xusay in tani ay tahay markii ugu horreysay ee barnaamij noocan oo kale ah laga hirgeliyo kulliyadda Health Science, taas oo muujinaysa isbeddel iyo horumar muuqda.

Ugu dambeyn, Dean-ku wuxuu tilmaamay in guddoomiyeyaasha iyo maamulayaasha mustaqbalka imaan doona ay si gaar ah mas’uuliyad uga saaran tahay sii wadista iyo horumarinta howlaha noocan ah, si loo ilaaliyo loona xoojiyo adeegyada caafimaad ee ardayda loo sameeyay.

14/02/2026

𝐌𝐮𝐧𝐚𝐚𝐬𝐚𝐛𝐚𝐝𝐝𝐚 𝐗𝐚𝐫𝐢𝐠-𝐉𝐚𝐫𝐤𝐚 𝐊𝐚𝐝𝐢𝐛, dhammaan Kape Class-yada fasallada ayaa la siiyay tababar ku saabsan sida ay ugu adeegayaan ardayda marka ay u baahdaan daawooyin ama gargaar degdeg ah.

𝐓𝐚𝐛𝐚𝐛𝐚𝐫𝐤𝐚𝐚𝐧 waxaa si gaar ah diiradda loogu saaray:
• 𝐒𝐢𝐝𝐚 𝐬𝐚𝐱𝐝𝐚 𝐚𝐡 𝐞𝐞 𝐥𝐨𝐨 𝐢𝐬𝐭𝐢𝐜𝐦𝐚𝐚𝐥𝐨 𝐪𝐚𝐥𝐚𝐛𝐤𝐚 𝐤𝐮 𝐣𝐢𝐫𝐚 𝐬𝐚𝐧𝐭𝐮𝐮𝐪𝐚 𝐝𝐚𝐚𝐰𝐨𝐨𝐲𝐢𝐧𝐤𝐚.
• 𝐇𝐚𝐛𝐤𝐚 𝐥𝐨𝐨 𝐪𝐢𝐢𝐦𝐞𝐞𝐲𝐨 𝐱𝐚𝐚𝐥𝐚𝐝𝐝𝐚 𝐝𝐞𝐠𝐝𝐞𝐠𝐠𝐚 𝐚𝐡.
• 𝐒𝐢𝐝𝐚 𝐥𝐨𝐨 𝐢𝐬𝐭𝐢𝐜𝐦𝐚𝐚𝐥𝐨 𝐦𝐚𝐬𝐡𝐢𝐢𝐧𝐤𝐚 𝐧𝐞𝐞𝐟𝐬𝐚𝐬𝐡𝐚𝐝𝐚 𝐞𝐞 𝐍𝐞𝐛𝐮𝐥𝐢𝐳𝐞𝐫 𝐎𝐱𝐲𝐠𝐞𝐧, si hadii arday uu ku yimaado xaalad neef-qabatin ama xaalad kale oo degdeg ah, si degdeg ah loogu gurmado.

𝐆𝐮𝐝𝐝𝐨𝐨𝐦𝐢𝐲𝐚𝐡𝐚 ayaa munaasabadda ka jeediyay dardaaran qiimo leh, isagoo ku booriyay Kape Class-yada in ay ardayda ugu adeegaan si hufan, daacadnimo iyo karti ku dheehan tahay, ayna mas’uuliyaddaas u gutaan si xilkasnimo leh

𝐔𝐣𝐞𝐞𝐝𝐝𝐚𝐝𝐚 𝐛𝐚𝐫𝐧𝐚𝐚𝐦𝐢𝐣𝐤𝐚𝐧 ayaa ah in kor loo qaado badbaadada ardayda, lana hubiyo in kulliyadda ay mar walba diyaar u tahay ka hortagga iyo wax ka qabashada xaaladaha degdegga ah ee caafimaad.

Madaxa Warbaahinta Nasra Abdifitah Elmi

DHAMMAAD

Wixii faahfaahin ah, fadlan kala xiriir;
Midowga kulliyada HSSA ee JUS
E-mail:
snuhssa@student.snu.edu.so

14/02/2026

𝟏𝟒/𝟐/𝟐𝟎𝟐𝟔

Maanta oo ay taariikhdu tahay 14-2-2026 waxaa si rasmi ah xarigga looga jaray santuuqa daawooyinka degdegga ah (First Aid Box) ee loogu talagalay ardayda Kulliyadda Culuumta Caafimaadka.

Santuuqan ayaa ah mid si gaar ah loogu diyaariyay in lagu caawiyo ardayda haddii ay soo wajahdo xaalad caafimaad oo degdeg ah. Waxaa ku jira dhammaan agabka muhiimka ah ee gargaarka degdegga ah (First Aid), sida qalabka lagu daaweeyo dhaawacyada kediska ah, adeegga qofka neefta qaba (Asthma), iyo sidoo kale xaaladaha qandhada degdegga ah, si ardaydu u helaan daryeel degdeg ah inta aan la gaarin xarun caafimaad.

Hirgelinta santuuqan waxa ay ka mid ahayd ballan-qaadyadii uu h**e u sameeyay Guddoomiyaha Midowga Ardayda Kulliyadda Culuumta Caafimaadka, si loo daboolo baahi weyn oo ay ardaydu qabeen.

Xarig-jarista santuuqa daawada waxaa sameeyay Dean-ka Kulliyadda, Dr Ustaad Omar Adan Sheikh Nuur, iyadoo ay goob-joog ka ahaayeen kape classyada fasallada. Dean-ka ayaa ku bogaadiyay Midowga Ardayda Kulliyadda Health Science shaqada wanaagsan ee ay qabteen, isla markaana tilmaamay in tani ay tahay tallaabo muhiim ah oo kor u qaadaysa badbaadada iyo daryeelka ardayda.

Guddoomiyaha Midowga Ardayda ayaa u mahadcelinaya dhammaan cid kasta oo ka qayb qaadatay hirgelinta adeeggan muhiimka ah, gaar ahaan kape classyada fasallada iyo dhammaan ardayda kaalintooda ka qaatay.

Ugu dambayn, furaha santuuqan daawada waxa laga heli karaa kape classyada fasalada iyo ku-xigeenkiisa, si mar kasta oo baahi timaaddo loo helo adeeg degdeg ah.

Madaxa Warbaahinta Nasra Abdifitah Elmi

DHAMMAAD

Wixii faahfaahin ah, fadlan kala xiriir;
Midowga kulliyada HSSA ee JUS
E-mail:
snuhssa@student.snu.edu.so

SNU Health Science Students Association

16/02/2026

15/02/2026

15/02/2026

15/02/2026

15/02/2026

15/02/2026

15/02/2026

15/02/2026

14/02/2026

14/02/2026

14/02/2026

14/02/2026

Address

Website

Alerts

Shortcuts

Share

Category