25/11/2025
Omar Abdulkadir Artan, 𝐆𝐚𝐫𝐬𝐨𝐨𝐫𝐚𝐡𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝 𝐨𝐨 𝐤𝐮 𝐠𝐮𝐮𝐥𝐞𝐲𝐬𝐭𝐚𝐲 𝐀𝐛𝐚𝐚𝐥𝐦𝐚𝐫𝐢𝐧𝐭𝐚 “𝐀𝐟𝐫𝐢𝐜𝐚𝐧 𝐑𝐞𝐟𝐞𝐫𝐞𝐞 𝐨𝐟 𝐭𝐡𝐞 𝐘𝐞𝐚𝐫 𝟐𝟎𝟐𝟓”, 𝐚𝐲𝐚𝐚 𝐦𝐚𝐚𝐧𝐭𝐚 𝐛𝐨𝐨𝐪𝐝𝐚𝐲 𝐈𝐬𝐛𝐢𝐭𝐚𝐚𝐥𝐤𝐚 𝐇𝐨𝐝𝐚𝐧
Maamulka Isbitaalka Hodan ayaa maanta si diirran u soo dhaweeyay Omar Abdilkhadir Artan, oo ku guuleystay abaalmarinta muhiimka ah ee “𝗔𝗳𝗿𝗶𝗰𝗮𝗻 𝗥𝗲𝗳𝗲𝗿𝗲𝗲 𝗼𝗳 𝘁𝗵𝗲 𝗬𝗲𝗮𝗿 𝟮𝟬𝟮𝟱”, una aqoonsatay ururka kubadda cagta ee Africa (CAF) in uu yahay garsoorihii ugu wanaagsanaa ee qaaradda sannadkan.
Intii uu joogay isbitaalka, maamulka Isbitaalka Hodan ayaa si rasmi ah ugu guddoonsiiyay 𝐕𝐈𝐏 𝐇𝐞𝐚𝐥𝐭𝐡𝐜𝐚𝐫𝐞 𝐂𝐚𝐫𝐝, taas oo siinaysa adeeg caafimaad oo mudnaan gaar ah (Priority Medical Access), isla markaana noqoneysa bilowga ka mid noqoshadiisa “Family VIP Members” ee Isbitaalka Hodan laga bilaabo maanta.
Agaasimaha guud Dr. Mohamed Isaq ayaa sheegay in soo dhaweyntu ay muujineyso qadarin uu isbitaalku u hayo shaqsiyaadka horyaalka u ah magaca Soomaaliya, gaar ahaan kuwa ka dhiga dalka astaan sharaf iyo sumcad sare oo caalami ah.
"Omar Abdilkhadir Artan waa geesi Soomaaliyeed oo kor u qaaday magaca dalka. Sharaf weyn ayey noo tahay inaan maanta marti gelinno oo aan guddoonsiino VIP Healthcare Card,".
Mr. Artan ayaa dhankiisa uga mahadceliyay maamulka soo dhaweyntooda, isaga oo tilmaamay in Isbitaalka Hodan uu yahay xarun caafimaad oo casri ah oo mudan ammaan iyo kalsooni.
Isbitaalka Hodan wuxuu u rajeeyay guulo dheeraad ah, isagoona ku amaanay shaqada wanaagsan ee uu ka qabto garsoorista heer gobol, heer qaran, iyo heer caalami.
