27/03/2026
Maanta waxaan la hadlayaa laba awood oo hal ummad wada leh — Dowlad Goboleedka Konfur Galbeed iyo Dowladda Federaalka.
Ma aha hadal eedeyn ah, waa hadal xasuusin ah
Kursiga la isku hayo ma dhaafo xilligiisa, balse dhaawaca ummaddu wuu sii jiraa.
Go’aannadiinna maanta ma saameynayaan idinka oo kaliya — waxay go’aaminayaan jiilal aan wali dhalan.
War hoos u fiiriya: dadka idin hoos jooga ma aha tiro, waa naf, waa rajo, waa carruur mustaqbal sugaysa.
Haddii aad isku aragtaan laba dhinac oo kala fog, xasuusta inaad weligiin ku kulmaysaan hal magac — Soomaali.
Is qabashada maanta jirta ma aha mid qaran dhiseysa, waa mid kalsooni dumineysa.
Haddii aad rabtaan in la idin xusuusto, ha noqotaan kuwii damiyay colaadda — ee ha noqonina kuwii sii huriyay.
Culimada way hadleen. Dadweynaha way qaylinayaan. Taariikhduna way qoreysaa.
Su’aashu waa:
Ma noqon doontaan kuwii dhegeystay… mise kuwii la xusay markay wax walba burbureen?
Soomaaliyeey, aan dooranno midnimo — maxaa yeelay kala taggu ma dhalin guul.
Nabaddu ma aha doorasho daciifnimo, waa go’aan geesinimo.
Nabad waa jidka keliya ee aan wada leenahay
Wabillahi toowfiiiq. Rusheeye Yare
