Dr"Abokar Ahmed - Macruuf

01/02/2021

30/01/2021

TAXANAHA CAAFIMAADKA.

Waa Maxay Faa’iidooyinka Caafimaad ee Laga Helo Timirta?

Geedka timirtu waa geed ka baxa dhulalka kulaylaha gaar ahaan dhulka aysan ka baxayn badiba dalagyada kale ee la quutaa, timirtu waa midho macaan waana midhaha geedka timireedka sidoo kale timirtu waxay cunto sugan u ahayd umada ku nool bariga dhexe kumanaan sano.

Faa'iidooyinka caafimaad ee timirta ay leedahay.

Timirta waxaa laga helaa faaiidooyin caafimaad oo aad u tiro badan waxayna waxtar u leedahay qaybo badan oo kamida jidhka bini aadamka hadaba faaiidooyinka iyo mucjisooyinka alle ku abuuray midhaha timirta iyo waxyaabha ugu caansan ee laga dhaxlo cunista timirta ayaan halkan kugula wadaagaayaa.

Waxtarka timirta.

Maadaama timirtu leedahay faaiidooyin aad u tiro badan waxaa muhiim ah inaad si degan u akhrisato qormadan xiisaha badan ee ku saabsan waxtarka timirtu inoo leedahay.

1.Timirta waxaa laga helaa tamar:
Timirta waxaa ku jirta oo laga helaa sonkor dabiici ah sida glucose fructose iyo surcose sida daraadeed tamarta sare ee ku jirta timirta waxaa loo aanayn karaa sonkorta dabiiciga ah ee laga helo timirta.

Dad badan oo aduunka ku nool waxay wakhti ka mida maalintooda cunaan timirta dabiiciga ah iyagoo u cunaaya cunto fudud oo galabnimo ah waa markay dareemaan deganaan la'aan iyo caajisnimo si ay uga soo kabtaaan heerka tamartooda oo hoos u dhacay.

Had iyo jeer markaad jimicsi samaysid ama aad u baxdo magaalada waxaad dareemaysaa daal. sidaa darteed daraasad lagu daabacay joornaalka caalamiga ah ee cilmiga cuntada iyo nafaqada ayaa sheegtay in timirta laga helo nafaqooyin lagama maarmaan ah isla markaana qofka cunaaya ay ka caawiso sidii qofku u soo ceshan lahaa tamartiisa .

Sidaa darteed dadka muslimiinta ah wakhtiga soonka waxay ku afuraan oo sunada nabigeena muxamed naxariis iyo nabadgelyo korkiisha ha ahaatee ka mid in qofku waxa ugu h**eeya ee uu afka geliyo ay tahay timirta.

2.Timirta iyo maskaxda:
Daraasad uu hogaaminayo mustafa mohammed essa oo haysta Ph.D waxay soo jeedisay in timirtu ay ka hortagto culayska sunta ah ee maskaxda sidaa darteed sida lagu xusay daraasada midhaha timirtu waa il wanaagsan oo laga helo fiberka cuntada waxayna ka hortagtaa cudurada maskaxda ku dhaca sida alzheimers iyo kuwa waalida keena.

3.Timirta iyo Dheefshiidka:
Daawo dhaqameedka reer tunisia timirta waxaa loo isticmaalaa in lagu daaweeyo xanuunada caloosha ku dhaca , sida lagu xusay daraasad ku saabsan saameynta fiberka cuntada ee laga helo timirta waxay muhiim u tahay dheefshiika iyo dhaqdhaqaaqa saxarada, sidaas darteedna daraasad kale oo lagu daabacay joornaalka cilmiga beeraha iyo cuntada ayaa lagu sheegay in timirtu leedahay fiber aad u wanaagsan oo la dagaalama calool fadhiga ama calool istaaga.

4.Timirta iyo dhiig yaraanta:
Timirtu waa il wanaagsan oo nafaqooyin badan laga helo waxaana laga helaa birta dhiiga hadaba markii laga hadlaayo dhiig yarida timirtu Birta oo ayaan gacan ka gaysan karta dhiig yaraanta sidaa darteed hadii qofka dhiigu ku yar yahay waxaa lagu gartaa.

•Daal
•Dawakhaad
•Neefsashada oo gaaban
•Cidiyaha oo jilicsan

Nasiib wanaag inaad cunto cuntooyinka hodanka ku ah Birta sida timirta waxay gacan ka gaystaan in qofku ka soo raysto dhiig yarida sidaa oo ay tahay waxaa lagula taliyaa dadka ka cabaanaaya dhiig yari inay ku dadaalaan cunista timirta.

5.Timirta iyo kansarka:
Timirtu waxay la dagaalantaa cudurka kansarka illaahay ha inaga hayee intuu ku dhacayna haka shaafiyee, timirta waxaa ku jirta maadada loo yaqaano selenium oo ka hortag u ah cudurka kansarka sidaas darteed dadka beerta timirta waa sababta aysan u aqoon cudurka kansarka , hadaba waxaa muhiim ah ina lagu dadaalo cunista timirta maadaama illaahay uu awood u siiyay inay ka hortagto cudurka kansarka.

6.Timirta iyo galmada:
Timirta waxay kaloo faaiidooyin badan u leedahay raga laakiin marka laga hadlaayo waxtarka dhinaca galmada taasi waa mida ugu muhiimsan waxtarka timirta sidaas darteed timirtu waxay hodan ku tahay maadooyinka loo yaqaano amino acids kuwaas oo la ogyahay inay kordhiyaan adkaysiga galmada ama sii wadida galmada sidaa awgeed daraasadaha qaar waxay ku talinaayaan in raga iyo dumarka labaduba joogteeyaan cunista timirta si ay u sii wadaan galmada.

7.Timirta iyo uurka:
Timirtu waxay u wanaagsan tahay hooyada uurka leh gaar ahaan waxay fududaysaa marxalada foosha iyo dhalmada iyo dhiiga ka dambeeya waayo waxay saameyn togan ku leedahay dhiig baxa umusha ka dib.

8.Timirta iyo gaaska:
Gaasku waa caabuq ama barar caloosha dhexdeeda ah waxayna mararka qaar noqotaa xaalad xanuun badan oo keenta infakshan hadaba timirtu waxay gaaska iyo aysiidha caloosha ka ilaalisaa inay dhaawac gaadhsiiso dahaadhka caloosha sidaa darteed waxaa wanaagsan in lagu dadaalo in timirta lagu afuro iyadoo la raacaayo sunada nabigeena suuban maxamed scw.

9.Timirta iyo cayilka:
Cuntada iyo jimicsiga labaduba waa qayb muhiim ah oo aan laga maarmi karin marka laga hadlaayo miisaan dhimista sidaas oo ay tahay hadana labadooda oo kaliya kuma siin doonaan awood aad miisaanka ku dhinto laakiin waxaa muhiima inaad ogaato in cuntada aad cunaysaa ay qayb ka tahay dadaalka dheer qofku ugu jiro inuu dhimo miisaanka iyo culayska jidhka sidaa darteedna cuntada aad cunaysaa waa inay noqotaa mid nafaqo leh isla markaan laga heli karo fiber sidoo kale waa in laga helaayo xadi aad u hooseeya o calories ah hadaba timirta maadaama ay tahay midho faaiidooyin caafimaad oo badan laga helo waxaa la xaqiijiyay inay hoos u dhigto miisaanka qofka, sidaa daraadeed hadii aad rabto sida loo dhimo miisaanka ku dadaal cunista timirta.

10.Timirta iyo cudurka macaanka:
Cudurka macaanka siyaabo badan ayuu ku yimaadaa sida dhaxal ahaan iwm sidaas darteed ilaa hada la iskuma waafaqsana in sonkorta nooca ay doontaba ha ahaatee laga qaadi karo sonkorowga.

11.Timirta iyo wajiga:
Timirta marka wajiga la marsado waxaa laga helaa wajiga oo iftiima iyo shacni waayo timirta waxaa ku jirta maadada loo yaqaano pantothenic acid oo sidoo kale loo yaqaano vitamin B5 taas oo ka dhigaysa timirta mid waxtar u leh wajiga sidoo kale waxay gacan ka gaysataa yaraynta hanaanka gabowga maqaarka sidaa daraadeed inaad timirta u isticmaasho wajiga waxaad xaqiiqdii arki doontaa farqi aad u wanaagsan oo u dhexeeya markii h**e iyo hada.

12.Timirta iyo timaha:
ilaalinta iyo daryeelka timaha waxaa kaa xiga inaad cunto maalintii 2 ilaa 3 xabo oo timir ah waayo timirta waxay daawaysaa daadashada timaha sido kale waxay nafaqaysaa tinta.

⚫️Ugu dambayn:
Timirtu waa midho laga helo faaiidooyin iyo waxtar caafimaad sidoo kale waxy jidhka siisaa nafaqooyin aad u tiro badan waxayna aad ugu fiican tahay inay shaqada dheefshiidka wanaajiso sidoo kale waxay ka hortag u tahay cudurada halista ah.

Timirta waxaa loo isticmaali karaa cabitaan ahaan iyo cunto ahaan labadaba waayo waa qaababka ugu caansan dunida ee loo isticmaalo maadaama ay tahay cunto diyaarsan isla markaan meel kasta laga heli karo.

Qodobkee Darenkaaga Si Gaar Ah Usoo Jiitay?

Akhriste ugu yaraan hadaad akhrisatay qormadan caafimaad fadlan saar si ay walaalaha kale ee boggan ku xiran usii gaarto, haddi aad sii garaysid-na kaba sii fiican oo walaalaha iyo saaxiibadaada ayaa waxaad faa'iiday lasii wadaagtay, anigana dhiirigelin bay ii tahay mahadsanidiin.

Hadaad tahay walaal ku cusub boggan, nagula soo biir si aad ula socoto qormooyin iyo muuqaalo xiiso badan.

11/01/2021

04/12/2020

‏﷽
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝

اللهم صلِ على محمد وعلى آل محمد، كما صليت على آل
إبراهيم إنك حميد مجيد

اللهم بارك على محمد وعلى آل محمد كما باركت على آل إبراهيم إنك حميد مجيد💚

03/11/2020

Malakul Mowt ayaa u soo galay Nabi Daa'uud, kor ayuuna u kacay CS.

Wuxuuna ku yiri Soo dhawaaw Walaalkeygiyow iyo Xabiibkii Malakul Mowt ahaayow, ma waxaad iigu timid in aad Nafta iga qaado ama waad i soo booqatay.

Wuxuu yiri may, waxaan kugu imid inaan ku ogeysiiyo arrinta Wiilkaan ee Xertaada ka mid ah , Noloshiisa waxaa ka hartay 10 Maalmood.

Wiilkuna xilligaas waa 20 Jir la fariisto Nabigii Alle?

Markaasuu murugooday Nabi 'Daa'uud wuxuuna billaabay in uu sheeda kala socdo, waxaa dhamaatay Tobankii maalmood, mana uusan dhiman Wiilkii.

Maalmo kadib waxaa u soo galay malakul Mowt Nabi Daa'uud.

Wuxuu yiri soo dhawaaw Walaalkeey aan jeclaayow ee Malakul Mowt ma waxaad igu timid inaad nafta iga qaado mise waad i soo booqatay?.

Malakul Mowt ayaa yiri:

May waxaan u imid inaan warbixin kaasiiyo arrinta Wiilka dhalinyarada ah ee xertaada ka mid ah.

Nabi Daa'uud ayaa yiri: waxaad igu tiri 10 Maalmood , maanta 16 maalmood ayaa laga joogaa.

Wuxuu yiri: Rabigeyga ayaa i amray inaan Nafta ka soo qaado , kadib markii uu cuno islamarkaana uu cabo qiyaas biyo ah oo uu u qalmo, Bari iyo Galbeed ayaana tagay waan ka soo waayay wax u qalma.

Iyadoo ay u hartay Neefsasho kooban , isaguna uu socdo anna dhinaciisa aan socdo ayaa waxaa wadada soo maray Nin Sabool ah , wuxuuna ku yiri ilaahey ayaan kugu dhaarshee wax i sii..

Jeebkiisa ayuuna gacanta galiyay wuxuu ka soo bixiyay 6 Diinaar wuxuuna siiyay Ninkii faqiirka ahaa.

Faqiirkii ayaa yiri : Ilaahey Cumrigaada ha dheereeyo, hana kaa dhigo mid Jannada Rafiiq kula noqda Daa'uud.

Durba waxaa ii yeeray Rabul Cizzah iguna yiri Kaalay Malakul Mowtow , haka qaadin Nafta?

Malakul Mowt ayaa yiri: Rabiyow raashiin iyo biyo intee la eg ayaa u harsan si nafta aan uga soo qaado , neefsasho tirsanta baa u dhimane.

Alle ayaa yiri: miyaadan arkeynin waxa uu siiyay Ninka Faqiirka ah?.

Malakul Mowt Wuxuu yiri haa?

Alle: Miyaadan maqleynin Ducada Faqiirka?.

Malakula Muwt wuxuu yiri Haa:

Markaasuu Alle ku yiri u tag Nabi Daa'uud kuna dheh Nabad gelyo ugu Akhri duruusta una sheeg in Alle 6 Diinaar uu ugu bedelay 60 Sano.

Mana dhimanayo isagoò aan gaarin 80 Sano wuxuuna Rafiiq kugula noqon doonaa Jannada.

Haddaad dhameysatay soo qor:
🤲يارب
Maadaama aan nahay Adoomadiisa u baahan Naxariistiisa 😭😥.

Fadlan nagusoo biir 👍like saar page ka



✍ Mohamed Ahmed Jimale

01/11/2020

Waxaa baraha bulshada maalmahaan ku soo batay sheekooyin la leeyahay dad ayaa kilyaha lagala baxay ama lagala bixi rabay, waxaan idin la wadaagayaa dhowr xaqiiqood oo sheekooyinkaan ka dhigi kara mid aan suura gal ahayn:

1- Xubnaha jirka ku jiro ee muhiimka ah sida kilyaha, beerka, wadnaha IWM waxaa qasab ah in lagu bixiyo saalada qalliinka, uuna qalliinkaasi fuliyo dhakhtar aqoon u leh ee ma ahan farsamo guri ama xaafad lagu samayn karo.

2- Xubnaha markii qofka laga saaro, kuma noolaan karaan jirka banaankiisa, waana in lagu xifdiyaa qalab dareere wata oo heerkulka kontarooli kara saacado kooban inta lagu tallaalayo qofka loo wado, sidaa awgeed qofka laga saarayo iyo qofka loo galinayo waa in isla meel lagu sameeyaa qalliinkaas ee ma ahan in dibad loo dhoofinayo ama suuqa madaw lagu kala gadanaayo.

3- Qalliimada jirka lagu tallaalayo xubno kale ma ahan wax fudud, waxyaabo badan oo baaritaano ah ayaa ka horreeya qalliinka, kana dambeeya si loo xaqiijiyo in xubintaasi ay qofka u sii shaqeyso, waana sababta dadka isla dhashay ama is dhalay kaliya badanaa loogu kala tallaalo.

4- Soomaaliya ma joogto heer qalliin "Transplant" lagu samayn karo.

Intaas iyo in ka badanba markii laga fiiriyo waxaa muuqata in sheekooyinkaan baraha bulshada la isla dhex marayo ay tahay "HUUHAA" iyo wax k**a jiraan, hadafkeeduna yahay in bulsahda lagu abuuro argagax iyo cabsi aan jirin. .

Somalidoc

29/04/2020

23/03/2020

Some good news about Corona