كلام في العظم / د.أنس بكداش أخصائي جراحة العظام والمفاصل

25/03/2026

من اليوم نستقبل مرضانا في العيادة
من الواحدة ظهرًا وحتى السادسة مساءً
الموكامبو . مقابل مشفى الأندلس
كل عام وانتم بخير

19/02/2026

العيادة : حلب - الموكامبو- مقابل مشفى الأندلس . يوميا عدا الجمعة من الساعة ٣-٥ مساءً.

24/07/2025

🧠 سألت حالك شي مرة ليش اسمه "عرق النَّسا"؟
مع إنه بيوجع "الرجال" كمان؟! 😅

🔹 التسمية ما إلها علاقة بالنساء 👩‍🦰
بل هي جاية من كلمة "النَّسأ" — ومعناها في اللغة: الشي اللي ألمه يُنسي ما سواه من الألم .

يعني لما يوجعك عرق النسا... الألم بيكون شديد لدرجة إنه "ينسيك كل شي تاني"! 😩🔥
وبيمتد من أسفل الظهر إلى الورك والفخذ، وأحيانًا للساق أو القدم.

🔍 السبب؟
غالبًا انضغاط أو تهيّج بالعصب الوركي
(sciatic nerve)
نتيجة انضغاط بمستوى معين بالعمود الفقري وأسباب تانية وحسب العمر طبعا .

نصيحة كلام في العظم:
إذا كان عندك ألم بأسفل الظهر ممتد للرجل وبيزيد مع الحركة أو الجلوس الطويل... لا تتأخر بمراجعة طبيب العظام .

📍العيادة: [حلب - الموكامبو - مقابل مشفى الأندلس]
📞 للتواصل: [0966190422]

#جراحةالعظام


ّط

#حلب

23/07/2025

🎈دكتور ابني كان عم يلعب، وفجأة بطل يحرك إيده و ماسكها وعبيبكي ؟

🤚 اش اللي صار ؟
أحيانًا لما نمسك الطفل من ايده ونشده فجأة ( مثلاً نرفعه عن الأرض أو نرجعه بسرعة وأحيانا ازا الام عبتقطع الشارع مع ابنها وحاول يهرب منها بسرعة فشدته من ايديه )، ممكن ينفصل رأس عظمة الكعبرة مؤقتًا من مكانها بالمرفق .
هاد الشي منسميه خلع رأس الكعبرة وهي إصابة شائعة عند الأطفال بعمر اصغر من ٥ سنوات !

🔍 الأعراض:
• الطفل بصير يبكي فجأة
• ما بيقدر يحرك إيده
• بيضل ماسكها جنبه وما بيرضى حدا يلمسها حتى !
• ما في تورم أو كدمات واضحة

⚠️ شو لازم تعمل؟
لا تحاول ترجع المفصل بنفسك! الأفضل تراجع طبيب العظام فورًا.بفحص بسيط، وتقنية معينة ، بيرجع المفصل لمكانه خلال ثواني… والطفل بيرجع يلعب كأنو ما صار شي 🙏

🧸 هلأ الأهم من العلاج هو تجنب الإصابة:
✅لا ترفع الطفل من ذراعيه
✅ شيله من تحت الإبطين بدل من المعصم
✅ علم اللي حواليك (أقارب، حضانة، إخوة كبار) هالشي

وتذكر دائماً : انك تركد على ولادك احسن بكتير من انك تركد فيهن!
الضنى غالي ؛ والله يحمي الجميع

ولاتنسى تشارك المعلومة مع معارفك يلي عندهن أطفال بهالعمر.

📍العيادة: [حلب - الموكامبو - مقابل مشفى الأندلس]
📞 للتواصل: [0966190422]





ّط

#حلب

22/07/2025

☀️ نصيحة صيفية من "كلام في العظم" 🦴

بتعرف انه ارتفاع درجات الحرارة بالصيف ممكن يسببلك مشاكل في المفاصل والعضلات، و خاصة إذا كنت بتتعرض للشمس لفترات طويلة بدون ترطيب كافي ؟

💧 نصيحتنا اليوم: اشرب كميات منيحة من الماء ، حتى لو ما كنت عطشان !

الجفاف رح يقلل مرونة مفاصلك و يزيد شد العضلات .

🏃‍♂️ وإذا كنت من جماعة الرياضة والتمارين بالنادي او برا النادي ، حاول تختار الأوقات الصباحية قبل ما يشد الطقس أو ممكن بعد غياب الشمس، و بلاها التمارين وقت الذروة !

🦵 مفاصلك بتشكرك 😊

📍العيادة: [حلب - الموكامبو - مقابل مشفى الأندلس]
📞 للتواصل: [0966190422]





ّط

#حلب

20/07/2025

هالمرة "كلام في العظم" بيهم الصبايا !

👣 إبهام القدم رايح لجهة الأصابع ؟
كتير من الصبايا بيعانوا من انحراف إصبع القدم الكبير ( الإبهام ) باتجاه الأصابع التانية، وبيظهر بروز عظمي مزعج على طرف القدم الداخلي … هادا اللي بنسميه "إبهام القدم الأفحج ".

🌸 طب ليش بيصير؟
الاسباب ممكن تكون التالية
• ارتداء أحذية ضيقة أو بكعب عالي لفترات طويلة
• بعض الحالات بتزيد بعد سن الأربعين
• تسطّح القدم أو مشاكل ميكانيكية فيها
• و طبعا الوراثة الها دور !

⚠️ الأعراض ؟
• ألم أو انتفاخ بجانب الإبهام .
• صعوبة بلبس الأحذية .
• انحراف واضح بإصبع القدم الكبير
• احتكاك وتقرحات على الجهة الجانبية الداخلية للقدم

💡 طب في حلول ؟
طبعا, الحلول عادة حسب عمر المريض وحسب درجة الانحراف يلي صايرة
• أحذية طبية مريحة وذات مقدمة واسعة
• فواصل بين الأصابع أو مبعدات خاصة للإصبع
• وإذا زاد الانحراف والألم، ممكن نلجأ لعملية جراحية بسيطة لتصحيح الوضع

🦶 نصيحة : إذا الإبهام بلش ينحرف ويأثر على مشيتِك أو يسببلك ألم، لا تهملي الموضوع !
كل ما تعالجتي أبكر، كان العلاج أسهل .

واذا بتعرفي حدا بيعاني من هالمشكلة شاركي البوست معه .


📍العيادة: [حلب - الموكامبو - مقابل مشفى الأندلس]
📞 للتواصل: [0966190422]





ّط

#حلب

10/07/2025

🔹 ألم أسفل الظهر.. مشكلة العصر 🔹

! عبتحس بألم أسفل ظهرك؟ عفكرة .. مو بس إنت

كثير ناس بعانو من هالشي، والسبب ممكن يكون بسيط مثل الجلوس لفترات طويلة بطريقة غلط، أو ممكن يكون شيء أعمق مثل مشكلة في الفقرات أو الغضاريف.

💡 الألم هذا لازم ما نهمله، خصوصًا اذا استمر أكثر من كم يوم، أو إذا كان معه أعراض ثانية مثل التنميل، ضعف في الرجلين او احدهما ، أو حتى صعوبة بالحركة.

⚠️ طيب ايمتا لازم تزور الطبيب؟

إذا استمر الألم أكثر من أسبوع وما خف
إذا الألم عبزيد وما عبينقص مع الوقت
إذا حسّيت بخدر أو ضعف
أو إذا الألم صار معك بعد سقوط أو إصابة

📌 التشخيص والعلاج المبكر بيفرق معك كثير، وبريّحك قبل لا تزيد المشكلة.

زور العيادة لتضلك متطمن

واذا بتعرف حدا بيعاني من هالمشكلة شارك البوست معه ؛ رح يتشكرك يومًا ما .

📍العيادة: [حلب - الموكامبو - مقابل مشفى الأندلس]
📞 للتواصل: [0966190422]





ّط
�
#حلب

30/06/2025

👋 مرحبًا بكم في صفحتي
“كلام في العظم – د. أنس بكداش | أخصائي جراحة العظام والمفاصل”

هذه الصفحة وُجِدت لتكون جسرًا بين الطب والتوعية، وبين المعلومة الموثوقة والأسلوب البسيط.

🦴 ستجدون هنا:
• تبسيط لأمراض ومشاكل العظام والمفاصل
• تصحيح المفاهيم الطبية الخاطئة
• نصائح للوقاية والعلاج
• معلومات عن الإصابات الرياضية، هشاشة العظام، الانزلاقات الغضروفية، وغيرها
• تحديثات من عملي الطبي (بدون خرق للخصوصية طبعًا)

🎯 هدفي:
أن تصل المعلومة الطبية بشكل مبسط، واضح، وصحيح، وأن يكون لكل متابع هنا فرصة ليهتم بصحة عظامه قبل أن يحتاج إلى علاجها.

📍 لمن يهمه الأمر:
أنا د. أنس بكداش، أخصائي في الجراحة العظمية
أستقبلكم في عيادتي الخاصة بمدينة حلب - الموكامبو - مقابل مشفى الأندلس.
📞 الاستفسار: [ 0966190422 ]

🔁 تابعوا الصفحة، شاركوا المنشورات مع من يهمه الأمر، واسألوا بأريحية (لكن دون انتظار تشخيص فردي – الاستشارة وجهًا لوجه لا بديل عنها 😉).





ّط

Call now to connect with business.