01/11/2025
و يارا بنوتة ذكية و لطيفة و مبدعة انا و ياها عم نتعلم بسلسلة جلسات مهارات الحياة عن طريق ال on line و حبت تساعد أطفال و مراهقين تانيين بهالشرح البسيط يلي ممكن تستخدمو .sadaki شكراً يارا 🤍
معرفتنا بدائرة التحكم
"Circle of Control ء"
معرفة الأشياء اللي بنقدر نغيرها و الأشياء اللي أبداً مافينا نتحكم فيها كتير ضرورية مو للكبار للأطفال و المراهقين كمان لأنه هي وحدة من أهم الأشياء يلي بتبني مهارات حياة و بتساعدهم ليكون عندهم صحة نفسية افضل و ببساطة أهم الأسباب ليش مهم يفهموها:
1. يعزّز الثقة بالنفس: بيعرفوا إنو في شغلات هن قادرين يغيّروها، مثل اجتهادهم بالدراسة، أو طريقة تعاملهم مع أصحابهم.
2. بيقلّل الغضب والإحباط: الطفل أو المراهق لما يعرف إنو ما بيقدر يغيّر رأي غيره، بس بيقدر يغيّر ردّة فعله، بيصير أهدى وأكتر وعي.
3. يساعدهم بحل المشاكل: بدل ما يحسّوا إنو كل شي “ضدّهم”، بيتعلّموا يشوفوا وين ممكن يشتغلوا ويغيّروا الوضع لصالحهم.
4. بيطوّر مهارات حياتية: مثل المسؤولية، اتخاذ القرار، وضبط النفس.
ممكن نشرح للأطفال مثلًا باستخدام 3 دوائر:
• دوائر صغيرة: الأشياء اللي بقدر أتحكّم فيها (مثل: شو بلبس، كيف بتعامل مع أصدقائي، كيف بدرس).
• دوائر أكبر: الأشياء اللي بقدر أؤثّر عليها بس مش كلّها بيدي (مثل: اللعبة المشتركة مع إخواتي، نوع الأكل بالبيت).
• دوائر خارجية: الأشياء اللي ما بقدر أغيّرها (مثل: الطقس، سلوك الآخرين، قوانين المدرسة)
