26/09/2024
💔💔
كتار منّا بيعاني من حب الشباب بأنواعه المختلفة والاغلب عندو ياها مشكلة بتسببلو احراج وفقدان الثقة بالذات😦
◽خلينا نعرف شو هو #حب الشباب ونشوف كيف فينا نحل هالمشكلة اللي بتواجهنا بأعمار مختلفة
◽حب الشباب
✨ حالة #جلدية تحدث عندما تنسدّ بصيلات الشعر بالزيت وخلايا الجلد الميتة.
✨ممكن نشوفو ع شكل رؤوس بيضاء او رؤوس سوداء وبثور.
✨يعتبر # حب_الشباب الأكثر شيوعاً بين المراهقين ويصيب جميع الأعمار.
✨يظهر حب الشباب على وجهك وجبينك وصدرك وأعلى ظهرك وكتفيك لأن هذه المناطق من الجلد تحتوي على معظم الغدد الدهنية.
◽طيب شو #أسباب ظهور حب الشباب⁉️
✨الحساسية تجاه الهرمونات مثل هرمونات الأندروجين،والتي عادة ما تنشط خلال سنوات المراهقة والشباب.
✨تقلب مستويات الهرمون في وقت قريب من الدورة الشهرية للمرأة.
✨تلوث الهواء وبعض الظروف الجوية وخاصة الرطوبة العالية.
✨استخدام منتجات العناية الشخصية الزيتية أو الدهنية
✨الإجهاد ؛ الذي يزيد من هرمون #الكورتيزول ، ويمكن أن يتسبب في اشتعال حب الشباب.
✨بعض الأدوية.
✨تاريخ العائلة( بالوراثة).
◽طيب شو #الحلول يلي ممكن تساعدنا بعلاج وتخفيف حب الشباب⁉️
✨يساعد اتّباع نظام غذائي متوازن ومغذّي مع الكثير من الفواكه والخضراوات الطازجة خاصة الغنية و في تقليل حب الشباب
✨وهناك دراسات بتقول انو تناول السمك ممكن يساعد لانو غني بالزنك والفيتامينات
✨و أهمّ شي هو شرب الماء لانو جفاف البشرة ممكن يحفّز ظهور حب الشباب.
✨يجب غسل البشرة وتعقيمها بمستحضرات صيدلانية طبيّة وتناسب بشرتك (اسأل الصيدلاني👩⚕️👨⚕️لتعرف شو نوع بشرتك وشو اللي بناسبها) .
,✨يجب ترطيب بشرتك بشكل مستمر وبمنتجات خالية من الزيوت لأن الزيوت رح تزيد مشكلة حب الشباب.
✨الابتعاد التام عن تطبيق الفازلين على بشرة وجهك خاصة اذا كنت تعاني من حب الشباب لأنو رح يزيد بسبب كميّة الزيت اللي بيحتويها😟.
✨الابتعاد عن تطبيق الكحول على البشرة لأنو بشرة الوجه حساسة جداً لأي منتج كحولي خاصة اذا كانت متهيجة وتعاني من حب الشباب.
✨مهما كان بنفسك تتخلص من الحبة لا تقرب عليها لانو رح تترك أثر و رح تزيد الحبوب وممكن تسبب بكتيريا بالأوردة وهالشي خطير وممكن ينتقل القيح للدماغ ويسبب التهاب سحايا ( يعني فيكن تتخيلوا اديه خطير انو تلمسوا الحبة وتحاولوا التخلّص منها💁🏻♀️).
✨إيدينا معرّضة للجراثيم والبكتيريا وما بتكون معقمة ف مشان هيك ممنوع 🚫 تلمس بشرتك.
✨زيت شجرة الشاي والكتان والالوفيرا بفيدوا في تحسين البشرة
✨مراجعة الطبيب لمعرفة سبب حب الشباب ونوعها شيء أساسي.
بالنهاية ما في حدا بينكر إنو حب الشباب يسبب في الضيق العاطفي ويمكن أن تؤثر ندبات حب الشباب على وجهك في تقليل احترامك لذاتك وانعدام الثقة بنفسك ، وتسبب مشاعر القلق والاكتئاب غالباً.
بس لازم تحط ببالك انو حب الشباب بيتعالج ولو استمر ل أشهر أو سنوات بالنهاية رح تتخلص منّو بالإرادة والثقة بالنفس.
تذكّروا انو لازم نحبّ حالنا متل ما نحنا❤️🔥
تبقوا بخير دائماً❤️❤️
#كوزما #كوزينس
