Jsai Harn Cropsman

11/11/2023

သူပ်းတေႉလၢတ်ႈဝႃႈ ႁဝ်းသၢၼ်ႈၶတ်းပုၼ်ႈၵူၼ်းမိူင်း
ၼႆႁိုဝ်ႉၼႂ်းDVBၼၼ်ႉ ၵူၺ်း
သမ်ႉဢမ်ႇၵႅတ်ႇၶႄ။

10/05/2023

photo-crd

08/10/2021

တၢင်းပဵၼ်တၢႆၽၢၵ်ႇ

တၢင်းပဵၼ်တၢႆၽၢၵ်ႇ ဢမ်ႇၼၼ် တၢင်းပဵၼ်သဵၼ်ႈလိူတ်ႈၼႂ်းဢွၵ်းဢေႃၼႆႉ ပဵၼ်ယွၼ်ႉလိူတ်ႈၵႂႃႇလဵင်ႉ ဢွၵ်းဢေႃဢမ်ႇၵုမ်ႇထူၼ်ႈလႄႈ ႁဵတ်းႁႂ်ႈၼႂ်းဢွၵ်းဢေႃႁဝ်းၼၼ်ႉ လိူတ်ႈဢေႇမႃးသေ ၶူင်ႉသၢင်ႈဢွၵ်းဢေႃၵေႃႈ ႁဵတ်းၵၢၼ်ပႅၵ်ႇပိူင်ႈ ဢမ်ႇမိူၼ်ၵဝ်ႇမႃးၼၼ်ႉယဝ်ႉ။

ၽၢင်ႁၢင်ႈတၢင်းပဵၼ်သဵၼ်ႈလိူတ်ႈၼႂ်းဢွၵ်းဢေႃၼႆႉ ဢိင်ၼိူဝ်ငဝ်းလၢႆးတၢင်းပဵၼ် လႄႈ ၶၢဝ်းယၢမ်း ပဵၼ်တၢင်းပဵၼ်ၼႆသေ တေမီးယူႇ 3 ၶၵ်ႉတွၼ်ႈ။

1. ၶၵ်ႉတွၼ်ႈ ဢမ်ႇႁၢႆႉႁႅင်း။
ၶၵ်ႉတွၼ်ႈၼႆႉ ၸွမ်းလူၺ်ႈ သႄးလ် (Cell) ၼႂ်းဢွၵ်းဢေႃ ပႆႇလႆႈၶၢမ်ႇယႃႉလုလႄႈ တေပဵၼ် ၵၢမ်ႈၼိူဝ်ႉဢူၼ်ႈဢွၼ်ႇ (ၵၢမ်ႈၼိူဝ်ႉဢမ်ႇမီးႁႅင်း) တီႈလႂ်တီႈၼိုင်ႈ မိူၼ်ၼင်ႇ ဢမ်ႇမီးႁႅင်း တီႈၶႅၼ်တီႈလဵဝ်/ၶႃတီႈလဵဝ်ၵူၺ်း လိူဝ်သေၼၼ်ႉ ယင်းႁဵတ်းႁႂ်ႈလွင်ႈတူင်ႉၼိုင်ထိူင်း၊ သီႇသူပ်းတႅၵ်ႇ၊ ၶီႈလိုမ်းပဵၼ်မိူဝ်ႈပဵၼ်ပွၵ်ႈ၊ လၢတ်ႈၵႂၢမ်းဢမ်ႇၸႅင်ႈလႅင်း ၸိူဝ်းၼႆႉ။

2. ၶၵ်ႉတွၼ်ႈ ပဵၼ်ၵုၵ်ႈပဵၼ်ၶႅင်။
သင်ဝႃႈ ပဵၼ်ၼႃႇမႃးပၢၼ်ၵၢင်ၼႆႉ သႄးလ် (Cell) ၼႂ်းဢွၵ်းဢေႃ ထုၵ်ႇယႃႉလူႉပႅတ်ႈၵမ်ႈၽွင်ႈ ယဝ်ႉလႄႈ တႃတေမူဝ်းမႃး၊ လွင်ႈမၢႆတွင်း ဢမ်ႇလီ (ၶီႈလိုမ်း)၊ ၸႂ်ပိတ်းၸႂ်ပွတ်းငၢႆႈ၊ ၵၢၼ်တႅပ်း တတ်းၼႂ်းၸႂ်ၵေႃႈ ၸိူင်ႉထိူင်းမႃး ၸိူဝ်းၼႆႉယဝ်ႉ။

3. ၶၵ်ႉတွၼ်ႈ ပဵၼ်တၢႆၽၢၵ်ႇ။
ၶၵ်ႉတွၼ်ႈၼႆႉ ႁၢႆႉႁႅင်းသုတ်း ၵွပ်ႈဝႃႈ သႄးလ် (Cell) ၼႂ်းဢွၵ်းဢေႃ လူႉလႅဝ်ၵႂႃႇမူတ်းယဝ်ႉ လႄႈ ၵူၼ်းပဵၼ် တေပဵၼ်ၶႅၼ်ၶႃဢူၼ်ႈဢွၼ်ႇ (ဢမ်ႇမီးႁႅင်း)၊ ဢမ်ႇၸၢင်ႈတူင်ႉၼိုင်လႆႈ၊ ဢမ်ႇလၢတ်ႈၵႂၢမ်းလႆႈ၊ ၵၢမ်ႈၼိူဝ်ႉတီႈၼႃႈ ႁဵတ်းၵၢၼ်ဢမ်ႇၽဵင်ႇၵၼ်လႄႈ လွင်ႈတုမ်ႉတွပ်ႇ ၸင်ႇလႆႈၸိူင်ႉထိူင်းမႃးၸိူဝ်းၼႆႉယဝ်ႉ။

မိူဝ်ႈမီးၽၢင်ႁၢင်ႈ “တၢင်းပဵၼ်တၢႆၽၢၵ်ႇ” မႃးၼႆၸိုင် ထုၵ်ႇလီၵႂႃႇႁႃမေႃယႃသေ မေႃယႃတေလႆႈ ထတ်းသၢင်တူၺ်း ၽၢင်ႁၢင်ႈတၢင်းပဵၼ်လႄႈ လွင်ႈတၢင်းဢၼ်ႁဵတ်းႁႂ်ႈပဵၼ်မႃးၸိူဝ်းၼႆႉယူႇယဝ်ႉ။ သင်ဝႃႈ ၵူၼ်းပဵၼ် တၢႆၽၢၵ်ႇၵႂႃႇတႄႉတႄႉယဝ်ႉၼႆၸိုင် တေဢမ်ႇၸၢင်ႈယူတ်းယႃလႆႈ ၵူၺ်းၵႃႈ တေလႆႈဝႆႉလွင်ႈလုမ်းလႃးၵူၼ်းပဵၼ် ႁႂ်ႈၸႂ်ႉၸၢတ်ႈပၢၼ်ၵႂႃႇၸွမ်းတၢင်းပဵၼ်ၼၼ်ႉႁႂ်ႈလႆႈၵူၺ်းယဝ်ႉ။

ၵ၊ၼ်ယူတ်းယႃတၢင်းပဵၼ်တၢႆၽၢၵ်ႇ မီးၸိူင်ႉႁိုဝ်

• ၽႃႇတတ်း − ယူႇတီႈၵူၼ်းပဵၼ် ပဵၼ်ႁၢႆႉႁႅင်းမွၵ်ႈၵႃႈႁိုဝ် လႄႈ လွင်ႈတၢင်းဢၼ်ပဵၼ်ၼၼ်ႉ တေပဵၼ်မႃးယွၼ်ႉသင် ၸိူဝ်းၼႆႉ။

• ၽိုၵ်းတူင်ႉၼိုင်တူဝ်ၶိင်း ၸွမ်းၼင်ႇလွၵ်းလၢႆးလုမ်းလႃး ၵူၼ်းပဵၼ်ၶႅင် ပဵၼ်တၢႆၽၢၵ်ႇ ႁႂ်ႈထုၵ်ႇ မႅၼ်ႈပိူင်ၽဵၼ်ႈၽဵၼ်ႈ တေၸွႆႈႁႂ်ႈဢွၵ်းဢေႃ၊ ၵၢမ်ႈၼိူဝ်ႉ ၶိုၼ်းႁဵတ်းၵၢၼ်လႆႈမိူၼ်ၵဝ်ႇ လႄႈ ၸွႆႈႁႄႉၵင်ႈပၼ် လွင်ႈမၢတ်ႇၸဵပ်း၊ ၼင်ႇႁိုဝ်ပေႃးတေတူင်ႉၼိုင်လႆႈမႃးၶိုၼ်းၼၼ်ႉသမ်ႉ ယူႇတီႈမေႃယႃ တေသင်ႇႁႂ်ႈယူတ်းယႃယူႇတီႈႁူင်းယႃ ဢမ်ႇၼၼ် ယူႇတီႈႁိူၼ်းသေယူတ်းယႃ ၸွမ်းၼင်ႇၶေႃႈၼႄႉၼမ်းမေႃယႃၶဝ်ၼၼ်ႉယဝ်ႉ။

• ၽိုၵ်းပၼ်ႁႂ်ႈၵူၼ်းပဵၼ် ပိုင်ႈဢိင်တူဝ်ၵဝ်ႇလႆႈ မိူၼ်ၼင်ႇ လၢႆႈသိူဝ်ႈၶူဝ်းႁင်းၵူၺ်း၊ ၵႂႃႇသိုဝ်ႉ ၶူဝ်းၶွင်ႁင်းၵူၺ်း ၸိူဝ်းၼႆႉ ႁၢင်ႈႁႅၼ်းပၼ်ၶူဝ်းၸႂ်ႉတိုဝ်း တွၼ်ႈတႃႇၵူၼ်းပဵၼ် ႁဵတ်းငၢႆႈ ၼၼ်ႉယဝ်ႉ။

• ၸႂ်ႉၶိူင်ႈၵမ်ႉၵႅမ်ၸွႆႈတူင်ႉၼိုင် မိူၼ်ၼင်ႇ လေႃႉထူဝ်း၊ ၶွၼ်ႉတဝ်ႉ ၸိူဝ်းၼႆႉ။

တၢင်းပဵၼ်တၢႆၽၢၵ်ႇၼႆႉ ၵမ်ႈၼမ် ၸၢင်ႈပဵၼ်လႆႈ ၸဵမ်မိူဝ်ႈ ဢႃႇယု 45 ပီႊၶိုၼ်ႈ ၸွမ်းလူၺ်ႈ ၵူၼ်းဢၼ်မီးတၢင်းယၢမ်ႈ လုတ်ႇလႅၼ်းယႃႈ၊ ၵိၼ်လဝ်ႈ ၶၢဝ်းႁိုင် ဢိၵ်ႇတင်း ၵူၼ်းၸိူဝ်းဢၼ် မီးတၢင်းပဵၼ်ၵိုၵ်းတူဝ် မိူၼ်ၼင်ႇ တၢင်းပဵၼ်ယဵဝ်ႈဝၢၼ် လႄႈ လိူတ်ႈသုင် ၸိူဝ်းၼႆႉ။ ၵူၼ်းဢၼ်မီး လိူတ်ႈသုင် ၸၢင်ႈႁဵတ်းႁႂ်ႈပဵၼ် တၢင်းပဵၼ်သဵၼ်ႈလိူတ်ႈဢွၵ်းဢေႃတိပ်ႇလႄႈ သဵၼ်ႈလိူတ်ႈဢွၵ်းဢေႃ တႅၵ်ႇ ယူႇယဝ်ႉ။

ၼင်ႇႁိုဝ်တေဢမ်ႇပဵၼ်မႃး တၢင်းပဵၼ်တၢႆၽၢၵ်ႇၼႆႉၵေႃႈ ထုၵ်ႇလီႁႄႉၵင်ႈၸဵမ်မိူဝ်ႈပႆႇပဵၼ် ၼၼ်ႉယဝ်ႉ။ မိူၼ်ၼင်ႇ-

• တိုတ်းလဝ်ႈ လႄႈ လႅၼ်းယႃႈ။
• ဢွၵ်ႇဢဵၼ်ႁႅင်း တွၼ်ႈတႃႇၵုမ်းထိင်းပၼ် ၼမ်ႉၼၵ်းၼႂ်းတူဝ်ႁဝ်း ႁႂ်ႈလီယူႇတႃႇသေႇ။
• ပေႃးမီးတၢင်းပဵၼ်ၵိုၵ်းတူဝ် မိူၼ်ၼင်ႇ လိူတ်ႈသုင် ယဵဝ်ႈဝၢၼ် ၸိူဝ်းၼႆႉၸိုင် ႁႂ်ႈၵုမ်းထိင်းပၼ် ၵိူဝ်ဝၢၼ်ၼႂ်းသဵၼ်ႈလိူတ်ႈလႄႈ လိူတ်ႈၼၼ်ႉႁႂ်ႈမၼ်းပေႃးမိူၼ်ၵဝ်ႇယူႇတႃႇသေႇ။
• ၵိၼ်ပၼ်ဢႁႃႇရ ႁႂ်ႈၸေး 5 မဵဝ်း။
• ၸႅတ်ႈတူၺ်းပၢႆးယူႇလီတူဝ်ၶိင်းယူႇတႃႇသေႇ တွၼ်ႈတႃႇတေႁႄႉၵင်ႈတၢင်းပဵၼ် လႆႈၶိုတ်းတၼ်း။

ၼင်ႇႁိူဝ်တေဢမ်ႇပဵၼ်တၢင်းပဵၼ်တၢႆၽၢၵ်ႇလႄႈ မိူဝ်ႈပဵၼ်တၢႆၽၢၵ်ႇႁၢႆၶႅၼ်းမႃးယဝ်ႉသေ ၼင်ႇႁိုဝ် တေဢမ်ႇပဵၼ်ၶိုၼ်းၼၼ်ႉ လွင်ႈဢရႃႇရၵေႃႈ လမ်ႇလွင်ႈတေႉတေႉ။ လွင်ႈတူဝ်ၶိင်းၵႅၼ်ႇၶႅင်ၼႆႉ ၵဵဝ်ႇၵပ်းလူၺ်ႈ လွင်ႈၵိၼ်ဢႁႃႇရၵေႃႈပႃးယဝ်ႉ လိူဝ်သေၼၼ်ႉ ပေႃးမေႃၵိၼ်ဢႁႃႇရၼႆ ယင်းၸွႆႈ လူတ်းယွမ်းပၼ်လႆႈတၢင်းပဵၼ် ဢၼ်တေၸၢင်ႈတုမ်ႉတိူဝ်ႉတေႃႇပၢႆးယူႇလီႁဝ်းမႃး ၸိူဝ်းၼႆႉပႃး။

ၵူၼ်းၸိူဝ်းလႂ် ၸၢင်ႈပဵၼ်လႆႈတၢင်းပဵၼ်တၢႆၽၢၵ်ႇ လႄႈ ဢႁႃႇရ တၢင်းၵိၼ် ဢၼ်တေလႆႈငိူင်ႉဝႄႈ

• ၵူၼ်းဢၼ်မီးတၢင်းပဵၼ်လိူတ်ႈသုင်ၼၼ်ႉ ထုၵ်ႇလီငိူင်ႉဝႄႈ တၢင်းၵိၼ်ဢၼ်မီး ထၢတ်ႈၵိူဝ်ၼမ် မိူၼ်ၼင်ႇ ၵိူဝ်၊ ၼမ်ႉပႃ၊ ၽွင်ဝၢၼ်၊ တၢင်းၵိၼ်ဢၼ်မွင်ဢၼ်ယႅၼ်ႈ ၸိူဝ်းၼႆႉ။

• ၵူၼ်းမီးတၢင်းပဵၼ်ၶႆမၼ်းၼႂ်းလိူတ်ႈသုင် ထုၵ်ႇလီငိူင်ႉဝႄႈ တၢင်းၵိၼ်ဢၼ်မီးၶႆမၼ်းၼမ် မိူၼ်ၼင်ႇ ၼမ်ႉမၼ်းသတ်း၊ ၼိူဝ်ႉဢၼ်မီးမၼ်းၼမ်၊ တၢင်းၵိၼ်ပၢင်ႇလၢႆႇ၊ ၶူင်းၼႂ်းသတ်း ၸိူဝ်းၼႆႉလႄႈ မိူဝ်ႈႁုင်ၶဝ်ႈၽၵ်း လူတ်းယွမ်း ၼမ်ႉမၼ်း ၊ တၢင်းၵိၼ်ၶူဝ်ႈ သေ လိူၵ်ႈၸႂ်ႉတိုဝ်း ၼမ်ႉမၼ်းၽၵ်းၶဵဝ် မိူၼ်ၼင်ႇ ၼမ်ႉမၼ်းထူဝ်ႇၸိူဝ်းၼႆႉ တႅၼ်းတၢင် ၼမ်ႉမၼ်းသတ်း။ ႁႂ်ႈၵိၼ်ပၼ်တၢင်းၵိၼ်ဢၼ်မီးၶႆမၼ်းဢေႇ မိူၼ်ၼင်ႇ ၼိူဝ်ႉပႃ၊ ၼိူဝ်ႉၵႆႇ ၸိူဝ်းၼႆႉ။

• ၵူၼ်းပဵၼ်ဢၼ်မီးထၢတ်ႈၵိူဝ်ဝၢၼ်ၼႂ်းလိူတ်ႈၼမ် ဢမ်ႇၼၼ် ယဵဝ်ႈဝၢၼ် ၸိူဝ်းၼႆႉ ထုၵ်ႇလီ လူတ်းယွမ်းတၢင်းၵိၼ်ဢၼ်မီးပႅင်ႈၶဝ်ႈ လႄႈ ၵိူဝ်ဝၢၼ်သေ သင်တေႁဵတ်းၵိၼ် ၶဝ်ႈမုၼ်း ၶဝ်ႈပွင်းၸိုင် ထုၵ်ႇလိူၵ်ႈၸႂ်ႉ ၽွင်ၶဝ်ႈ ဢၼ်ဢဝ်မိုဝ်းသေတမ်ဢဝ်ႁင်းၵူၺ်း လႄႈ ၵိူဝ်ဝၢၼ် ၼႆႉ ၼႂ်းၼိုင်ႈဝၼ်း ဢမ်ႇလီၵိၼ်ၼမ်ပူၼ်ႉ 6 ၸေႃႉဢွၼ်ႇ၊ ငိူင်ႉဝႄႈ တၢင်းၵိၼ် ဢၼ်ဝၢၼ် ဢၼ်ၸဵမ်း ၵူႈပိူင် လႄႈ မၢၵ်ႇမႆႉဢၼ်ၸဵမ်းဝၢၼ်ႁႅင်းႁႅင်း ၸိူဝ်းၼႆႉ။

တၢင်းပဵၼ်တၢႆၽၢၵ်ႇၼႆႉ မၢင်မဵဝ်းတေယူတ်းယႃလႆႈသေတႃႉ မၢင်မဵဝ်းၵေႃႈယူတ်းယႃယဝ်ႉ ဢမ်ႇၶႅၼ်းမႃးမိူၼ်ၵဝ်ႇလႆႈၶိုၼ်းၵေႃႈမီး လိူဝ်သေၼၼ်ႉ ယင်းၸၢင်ႈႁၢႆႉႁႅင်းထိုင်တီႈ လူႉသဵင်ႈတၢႆ လူးၵွၼ်ႇ ယွၼ်ႉၼၼ် ၼင်ႇႁိုဝ်တၢင်းပဵၼ် ပေႃးဢမ်ႇမႃးထိုင်တူဝ်ႁဝ်းလႆႈၼၼ်ႉ ၵၢၼ်လုမ်းလႃး ပၢႆးယူႇလီတူဝ်ၶိင်း တႄႇၸဵမ် လွင်ႈၵိၼ်ယႅမ်ႉ လွင်ႈတူင်ႉၼိုင်ယူႇသဝ်းႁဝ်း ၸိူဝ်းၼႆႉ ထုၵ်ႇလီဝႆႉၵႃႈၶၼ်ယူႇတႃႇသေႇယဝ်ႉ။

ပၢႆးၸႂ်ၵေႃႈ မီးၽွၼ်းတုမ်ႉတိူဝ်ႉ ဢၼ်ၸၢင်ႈပဵၼ်မႃးတၢင်းပဵၼ် တၢႆၽၢၵ်ႇ၊ တၢင်းပဵၼ်ၶႅင် ဢမ်ႇၼၼ် တၢင်းပဵၼ်ဢၼ်ၵဵဝ်ႇၵပ်း သဵၼ်ႈဢႃႇယူင်ႇဢွၵ်းဢေႃၵူႈပိူင်ပိူင် ယူႇလႄႈ ၵူၼ်းႁဝ်း လူဝ်ႇမေႃ ဝႆႉၸႂ်ၵျေႃႇၵျေႃႇ ဢမ်ႇဝူၼ်ႉၼမ်ယူႇတႃႇသေႇ၊ ပွႆႇဝၢင်းပႅတ်ႈၸႂ်သုၵ်ႉသၵ်ႉတင်းသဵင်ႈသေ လိုဝ်ႈဢွၵ်းဢေႃ ၊ လိုဝ်ႈၸႂ်ႁဝ်း ႁႂ်ႈမၼ်းယူႇလီယူႇတႃႇသေႇၼၼ်ႉယဝ်ႉ။

တႅမ်ႈ - ထိူၼ်ႇလိုၵ်ႉ

ဢၢင်ႈဢိင်မႃးတီႈ
https://www.petcharavejhospital.com
https://siamrath.co.th
https://www.pobpad.com

တႆးလွတ်ႈလႅဝ်း

https://taifreedom.com/%e1%80%90%e1%81%a2%e1%80%84%e1%80%ba%e1%80%b8%e1%80%95%e1%80%b5%e1%81%bc%e1%80%ba%e1%80%90%e1%81%a2%e1%82%86%e1%81%bd%e1%81%a2%e1%81%b5%e1%80%ba%e1%82%87/

15/06/2020

ပီႊ96 ပီႊ97 ပီႊငရၢႆးလူင်

#သူႁဝ်းဢမ်ႇထုၵ်ႇလီလူင်လိုမ်း
#ပိုၼ်းငရၢႆးလူင် တႅပ်း 4 တႅပ်း

June 16 ႁဝ်းထုၵ်ႇလႆႈမီးသုၼ်ႇထၢင်ႇႁၢင်ႈလွတ်ႈလႅဝ်းယဝ်ႉ
———————————————————

ၶူၼ်ႉၶိုၼ်းငဝ်းတူင်ႉ တႅပ်း 4 တႅပ်း ပိူင်း ၼႄလွင်ႈ မိူၵ်ႈမႂ်ႈၸုမ်းသိုၵ်းလူင်ပွင်ၸိုင်ႈမၢၼ်ႈ ၽွင်းပိုတ်ႇၼႃႈသိုၵ်း ၽဵဝ်ႈလၢင်ႉပိုၼ်ႉတီႈ ၼႂ်းမိူင်းတႆးမိူဝ်ႈၽွင်းပီ 1996 – 1999။

လွင်ႈဢၼ်သိုၵ်းမၢၼ်ႈႁဵတ်းၼိူဝ်ၶိူဝ်းႁဝ်းၼႆႉ မၼ်းဢမ်ႇၸႂ်ႈၵၢၼ်ၵူၼ်း၊ မၼ်းပဵၼ်ၵၢၼ်ပူၼ်ႉပႅၼ်သေဢမ်ႇၵႃး မၼ်းပဵၼ် ၵၢၼ်ၽဵဝ်ႈမူၺ်ႉ၊ ဢၼ်ၶဝ်ၽဵဝ်ႈမူၺ်ႉၶိူဝ်းႁဝ်းၼႆႉ မၼ်းၼႃႇလိူဝ်သတ်း။ ဢၼ်ႁဵတ်းႁႂ်ႈၵူၼ်းမိူင်းတႆး လႆႈတၢႆ၊ ႁၢႆ ပၢႆႈယၢၼ်ႁိူၼ်းယေးၸဝ်ႈၵဝ်ႇ။

သိုၵ်းမၢၼ်ႈပေႃႉထုပ်ႉ၊ ၶႃၸႂ် လႄႈၽူႈၸိူဝ်း ယၢမ်ႈႁၼ် တၢမ်တႃၶဝ် ၶိုၼ်းၶႆႈၼႄပိူင်ပဵၼ်ၽွင်းၺႃးသိုၵ်းလူင်ပွင်ၸိုင်ႈမၢၼ်ႈ ႁဵတ်းႁၢႆႉ မိူၵ်ႈလိူင်းတေႃႇမိူဝ်ႈၽွင်းၼၼ်ႉ ဢၼ်ႁဵတ်းႁႂ်ႈမီးလွင်ႈ တဵၵ်းလိုပ်ႈႁေႃႈ ၵူၼ်းမိူင်းၶၢႆႉပၢႆႈ 1,800 ဝၢၼ်ႈ၊ ၼႂ်း 15 ၸႄႈဝဵင်း ႁူဝ်ၵူၼ်းမွၵ်ႈ 400,000 ၼႂ်းၸိုင်ႈတႆးပွတ်းၵၢင်လႄႈ ပွတ်းၸၢၼ်း။ မိူဝ်ႈၽွင်းပီ 1996 လႄႈ 1998 ၼၼ်ႉ ၵူၼ်းမိူင်းတႆး 1,000 ပၢႆၺႃးၶႃႈတၢႆလႄႈတီႈဢေႇသုတ်း ၼၢင်းယိင်း 625 ၵေႃႉ ၺႃးသိုၵ်းလူင်ပွင်ၸိုင်ႈမၢၼ်ႈ ၵၼ်ႉၸၼ်လူလၢႆ ဢဝ်တၢႆ။

ၵူၼ်းပၢႆႈၽေးၸဵမ်မိူဝ်ႈပူၼ်ႉမႃး 20 ပီပၢႆၼၼ်ႉ ယင်းပႆႇႁတ်းပွၵ်ႈၶိုၼ်း ဝၢၼ်ႈၵိူတ်ႇမိူင်းၼွၼ်းလႄႈ လႆႈယဵၼ်းပဵၼ်ႁႅင်း ၵၢၼ် ယၢၼ်မိူင်း တေႃႇသူႈႁဵတ်းၵၢၼ် ႁႃလဵင်ႉတွင်ႉယူႇၼႂ်းမိူင်းထႆးထိုင်ယၢမ်းလဵဝ် ဝႃႈၼႆ။

“ ၶႂ်ႈႁႂ်ႈၵူၼ်းမိူင်းတႆး မေႃႁူႉတူဝ် ဢမ်ႇ ႁူတ်းႁူဝ်ပၼ်ပိူၼ်ႈႁဵတ်းႁၢႆႉမိူၵ်ႈလိူင်း ပေႉၵိၼ်ထႅင်ႈ ႁႂ်ႈႁဝ်းမေႃႁူႉၶိုၼ်းသုၼ်ႇလႆႈသုၼ်ႇပဵၼ်ၶွင်ႁဝ်း ၸိူဝ်းၼႆႉ” ။

သိုၵ်းမၢၼ်ႈၼႆႉ ဢၢင်ႈလွင်ႈၶႄႇၽိူၵ်ႇသေ တႄႇၶဝ်ႈမႃးၼႂ်းမိူင်းတႆး ၸဵမ်မိူဝ်ႈပီ 1952 ။ ဝၢႆးသေ သိုၵ်းၶႄႇၽိူၵ်ႇ ထွၼ်ဢွၵ်ႇ မိူဝ်းမူတ်းယဝ်ႉ တေႃႇထိုင်ယၢမ်းလဵဝ် သိုၵ်းလူင်ပွင်ၸိုင်ႈမၢၼ်ႈ ပႆႇထွၼ်/ ထွႆ ယင်းပၢႆၽိူမ်ႉႁႅင်း သိုၵ်း ၶဝ်ႈၼႂ်းမိူင်းတႆးထႅင်ႈ တင်းၼမ်။
https://shannews.org/archives/18075

ငဝ်းတူင်ႉ

တႅပ်း 4 တႅပ်း- တၢင်းမိူၵ်ႈမႂ်ႈသိုၵ်းမၢၼ်ႈ “ၽွင်းၽဵဝ်ႈလၢင်ႉပိုၼ်ႉတီႈ” ၼႂ်းမိူင်းတႆး
http://www.shan.shanhumanrights.org/index.php/379-4-2

တိုၵ်ႉပႂ်ႉလွင်ႈပဵၼ်ထမ်းတြႃး တၢတ်ႇၾႃႉႁူဝ်ႈ
https://m.facebook.com/story.php?story_fbid=3832797076790890&id=100001819073050

———————————————
#ငဝ်းႁၢင်ႈတဵၵ်းတဵင်ႁေႃလိုပ်ႈၵူၼ်းဝၢၼ်ႈ https://www.facebook.com/HappyHkurHseng/videos/234320543654181/
———————————————
ငဝ်းႁၢင်ႈ တႅပ်း 4 တႅပ်း
https://www.facebook.com/shannews/videos/597194117680616/
———————————————
ငဝ်းတူင်ႉဢၼ်ၵဝ်ႇ
https://www.facebook.com/100716674933153/videos/256705395516403/
—————————————————

#လိၵ်ႈၶေႃႈပိုၼ်ၽၢဝ်ႇ CSSU ၵဵဝ်ႇလူၺ်ႈ ဝၼ်းသုၼ်ႇလႆႈ ၸိူဝ်ႉၸၢတ်ႈတႆႈ
https://m.facebook.com/story.php?story_fbid=715518839285096&id=382785502558433
—————————————————

ပပ်ႉလိၵ်ႈ

#ထၢင်ႇႁၢင်ႈၵၼ်ႉၸၼ်
TO R**E

ပပ်ႉလၢႆးငၢၼ်းဢၼ် ၵဵပ်းၶေႃႈ မုၼ်းဝႆႉ လွင်ႈသိုၵ်းမၢၼ်ႈၵၼ်ႉၸၼ်လူလၢႆၼၢင်းယိင်းလႄႈ လုၵ်ႈဢွၼ်ႇယိင်းတႆး ဢၼ်မီးပႃးႁူဝ်ယွႆႈ 173 လွင်ႈလႄႈ ပေႉၵိၼ်လူလၢႆ တင်းၵႃႇမႃႉ။ တင်းမူတ်းႁူမ်ႈပႃးၼၢင်းယိင်း လႄႈ လုၵ်ႈဢွၼ်ႇ 625ၵေႃႉ ၼႂ်းပီ 1996 ထိုင် 2001။ လၢႆး ငၢၼ်းဢၼ် ၼႆႉပဵၼ်သၢၵ်ႈသေႇ ၼေၸႅင်ႈလႅင်းဝႃႈ သိုၵ်းမၢၼ်ႈၸႂ်ႉတိုဝ်း လွင်ႈပေႉၵိၼ်လူလၢႆ ၼၢင်းယိင်းပဵၼ် “ၶိူင်ႈမိုဝ်းပၢင်တိုၵ်း”သေ ဢဝ်ပေႉၵူၼ်းမိူင်းတႆး။ လိူဝ်းသေၼၼ်ႉ လၢႆးငၢၼ်းဢၼ်ၼႆႉလၢတ်ႈၼေပႃးလွင်ႈ ၼၢင်းယိင်းဢၼ်ၺႃးၵၼ်ႉၸၼ်ၼၼ်ႉ လႆႈတူမ်ႉတိုဝ်ႉပၢႆးတူဝ်၊ ပၢႆးၸႂ် ၵွပ်ႈဢမ်ႇမီး ပၵ်းပိူင်မၢႆမီႈတႃႇတၢင်ႇဢမူႉၼၼ်ႉသေ ဢမ်ႇၵႃး ဢမ်ႇမီးလွင်ႈၵမ်ႉၸွႆႈတၢင်းလူဝ်ႇ ၶိုၵ်ႉၶၵ်ႉတႃႇၶဝ် ၸိူဝ်းၼၼ်ႉပႃး။

ဢဝ်ၽိုၼ်လိၵ်ႈလၢႆးငၢၼ်း PDF file လႆႈပႃႈတႂ်ႈတီႈLinke-
ဢၢင်းၵိတ်ႉ|တႆး|မၢၼ်ႈ|ၶႄႇ|ၾရႅၼ်ႉ|ၵျႃႇမၼ်ႇ| ႁိၼ်ႇတီႇ|

#ပပ်ႉၽႃႇသႃႇဢၢင်းၵိတ်ႉ (English)
https://www.shanwomen.org/tai/images/reports/licensetorape/Licence_Rape_english.pdf
———————————————
#ပပ်ႉၽႃႇသႃႇတႆး(Shan)
https://www.shanwomen.org/tai/images/reports/licensetorape/LTR-Shan.pdf
———————————————
#ပပ်ႉၽႃႇသႃႇမၢၼ်ႊ(Burmese)
https://www.shanwomen.org/tai/images/reports/licensetorape/LTR_in_Burmese.pdf
———————————————
#ပပ်ႉၽႃႇသႃႇၶႄႇ(Chinese)
https://www.shanwomen.org/tai/images/reports/licensetorape/LTR_Chinese.pdf
———————————————
#ပပ်ႉၽႃႇသႃႇၾရႅၼ်ႉ(French)
https://www.shanwomen.org/tai/images/reports/licensetorape/licence_to_rape_french_1.pdf
———————————————
#ပပ်ႉၽႃႇသႃႇၵျႃႇမၢၼ်ႇ(German)
https://www.shanwomen.org/tai/images/reports/licensetorape/license-to-rape_in_german.pdf
———————————————
#ပပ်ႉၽႃႇသႃႇႁိၼ်ႇတီႇ(Hindi)
https://www.shanwomen.org/tai/images/reports/licensetorape/LTR-Hindi.pdf
———————————————

လွင်ႈၸိူဝ်းၼႆႉၶႂ်ႈသင်ႇ တေႃႇလုၵ်ႈပၢၼ်လၢၼ်ဝၼ်းမိူဝ်းၼႃႈ
ပေယွမ်းၵၢၼ်ႉပၼ်သုမ်း လွင်ႈၸဵပ်းသႅပ်ႇဢၼ်ၸူၵ်ႉလူၺ်ႈလွင်ႈမိူၵ်ႈမႂ်ႈႁၢႆႉၸႃႉဢၢၼ်းၽဵဝ်ႈမူၺ်ႉၶိူဝ်းႁဝ်းၼင်ႇၼႆ ပေလူင်လိုမ်း လိူတ်ႈတႆးပေပၼ်ယဵၼ် ႁႂ်ႈဢဝ်ပဵၼ်းႁႅင်းၸႂ် တႃႇတေႃႇသူႈ
ၵၢၼ်ၵူႈပၢႆးၵႂႃႇလႄႈ ၽူႈၵူၼ်းလီႁၵ်ႉၸိူဝ်ႉၸၢတ်ႈႁဝ်းၶဝ်ၵူႈၵေႃႉ။

ယုမ်ႇယမ်ဝႃႈတႆးၵေႃႉသူင်လူလိၵ်ႈႁၵ်ႉလိၵ်ႈတႆးႁဝ်းယဝ်ႉ
တိုၼ်းတေမေႃႁၵ်ႉၶိူဝ်းၸဝ်ႈၵဝ်ႇယူႇၼႆ သင်ဝႃႈႁၵ်ႉၶိူဝ်း
ၸဝ်ႈၵဝ်ႇၸိုင် ဝၼ်းတႆးထုၵ်ႇလီမီးလွင်ႈထၢင်ႇႁၢင်ႈၼင်ႇၼႆၼႆႉ
ႁႂ်ႈပေႃးၼႄလႆႈဝႃႈၸဝ်ႈၵဝ်ႇၵေႃႉတိုၼ်းလူဝ်လႆႈမီးသုၼ်ႇၼႆ
ဢဝ်ၶႅပ်းႁၢင်ႈဢၼ်ပၼ်ဝႆႉၼႆႉ လၢႆႈ Profile ၸဝ်ႈၵဝ်ႇႁတ်း"
ႁၢၼ်"ၵႂႃႇလႄႈ ယဝ်ႉသိုပ်ႇလၢတ်ႈၼႄၵူၼ်းၶိူဝ်းပီႈၼွင်ႉသူၶဝ်
တႃႉ။

———————————————
#ၶႅပ်းႁၢင်ႈတႃႇလၢႆႈ Profile တဵၵ်းဢဝ်တီႈၼႆႈ>>>>
https://m.facebook.com/story.php?story_fbid=2618120471849037&substory_index=0&id=100009533301756

#လူတၢင်းႁူႉလွၼ်ႉမွၼ်းလႆႈ🔰
shan-books.blogspot.com
🔹တဵၵ်းလိၵ်ႈၼႆႉတူၺ်းလူး👇
#ပိၼ်ႇ #တႅမ်ႈ #ပပ်ႉလိၵ်ႈတႆး #ၶႃႈႁဝ်း
#စာအုပ်များ #ၸုမ်းၼၢင်းယိင်း #ၸိုင်ႈတႆး #လူလၢႆ #ၼၢင်းယိင်း #တပ်ႉသိုၵ်းမၢၼ်ႊ

25/01/2020

ၽၢင်ႉထိုင်ပီႈၼွင်ႉတႆး လွင်ႈဝၢႆးရၢတ်ႉၶူဝ်ရူဝ်ၼႃႉ
===============

လုမ်းလႃးတူၺ်းထိုင် ပၢႆးယူႇလီၽႂ်မၼ်းတ မိူဝ်ႈလဵဝ် ၸိူဝ်ႉမႅင်းၶူဝ်ရူဝ်ၼႃႉ ဢၼ်တႄႇ​​ပေႃႇမႃး တီႈဝဵင်းဝူးႁၢၼ် မိူင်းၶႄႇ(ပွတ်းၵၢင်)ၼၼ်ႉ လမ်းႁွတ်ႈၸွတ်ႇထိုင် မိူင်းၸိူဝ်းယူႇႁိမ်းႁွမ်း လႄႈ မိူင်းဝၼ်းတူၵ်းယူႇယဝ်ႉ မိူဝ်ႈလဵဝ် မိူင်းၸိူဝ်းဢၼ်ၸပ်းတၢင်းပဵၼ်ယွၼ်ႉမႅင်းႁုၵ်ႉႁၢႆႉဢၼ်ၼႆႉ ၼမ်လိူဝ်မႃးၵူႈတီႈၵူႈတၢင်းယဝ်ႉၼႆၶႃႈ​​ဢေႃႈ

မိူင်းဢၼ်​​မေႃယႃၶဝ် ၸႅတ်ႈႁၼ်မႅၼ်ႈၺႃးၸိူဝ်ႉမႅင်းဝၢႆးရၢတ်ႉ ၼႂ်းတူဝ်ၵူၼ်းပဵၼ်ယၢမ်းလဵဝ်ၼႆႉသမ်ႉ

#မိူင်းၶႄႇ
ၸပ်းတၢင်းပဵၼ် (1,320) ၵေႃႉ တၢႆယွၼ်ႉ (41)ၵေႃႉ

#မိူင်းၵူဝ်းရီးယႃးၸၢၼ်း
ၸပ်းတၢင်းပဵၼ် (2) ​​ၵေႃႉ

#မိူင်းၵျႃႇပၢၼ်ႇ
ၸပ်းတၢင်းပဵၼ် (2) ​​ၵေႃႉ

#မိူင်းတႆးဝၼ်း
ၸပ်းတၢင်းပဵၼ် (3) ​​ၵေႃႉ

#မိူင်းႁွင်ႇၵွင်ႇ
ၸပ်းတၢင်းပဵၼ် (5) ​​ၵေႃႉ

#မိူင်းမႃႉၵဝ်း
ၸပ်းတၢင်းပဵၼ် (2) ​​ၵေႃႉ

#မိူင်း​​ဢေႃးၸ​​တေးရီးယႃး
ၸပ်းတၢင်းပဵၼ် (1) ​​ၵေႃႉ

#မိူင်းဝႅတ်ႉၼမ်း
ၸပ်းတၢင်းပဵၼ် (2)​​ၵေႃႉ

#မိူင်းၸိင်ႇၵႃႇပူႇ
ၸပ်းတၢင်းပဵၼ် (3) ​​ၵေႃႉ

#မိူင်းမ​​လေးသျႃး
ၸပ်းတၢင်းပဵၼ် (3) ​​ၵေႃႉ

#မိူင်းထႆး
ၸပ်းတၢင်းပဵၼ် (5) ​​ၵေႃႉ

#မိူင်းၼီႇ​​ပေႃး
ၸပ်းတၢင်းပဵၼ် (1) ​​ၵေႃႉ

#မိူင်းၾရင်ႇသဵတ်ႇ
ၸပ်းတၢင်းပဵၼ် (3) ​​ၵေႃႉ

#မိူင်းဢ​​မေႇရိၵၢၼ်ႇ
ၸပ်းတၢင်းပဵၼ် (2) ​​ၵေႃႉ

သင်ႁဝ်းမႃးတူၺ်းၶိုၼ်း သဵၼ်ႈမၢႆၵူၼ်း လႄႈ မိူင်းၸိူဝ်းဢၼ်ၸပ်းတၢင်းပဵၼ် ယွၼ်ႉမႅင်းဝၢႆးရၢတ်ႉ ၶူဝ်ရူဝ်ၼႃႉၼႆၸိုင် ပွင်ႇဝႃႈ ၸိူဝ်းမႅင်းတၢင်းပဵၼ်ဢၼ်ၼႆႉ ၵိူတ်ႇဝႆးလႄႈၸပ်းၵၼ်ငၢႆႈတႄႉတႄႉၵူၺ်းဢမ်ႇၵႃး ​​မေႃၶဝ်ဢွၵ်ႇမႃးယိုၼ်ယၢၼ်လၢတ်ႈဝႃႈ ယႃႈယႃ တႃႇၶႃႈႁႅမ်ၸိူဝ်ႉမႅင်းႁုၵ်းႁၢႆႉ ၶူဝ်ရူဝ်ၼႃႉဝၢႆးရၢတ်ႉၼႆႉ ပႆႇမီးၼႆယဝ်ႉ

ၵွပ်ႈၼႆလႄႈ ၼင်ႇႁိုဝ်ပီႈၼွင်ႉႁဝ်းၶဝ် ​​တေဢမ်ႇၸပ်းမႅၼ်ႈၼၼ်ႉ ပီႈၼွင်ႉတႆးႁဝ်း​​တေလႆႈႁႄႉၵၢင်ႈဝႆႉ ၸဝ်ႉၸဝ်ႉၸဵဝ်းၸဵဝ်းယဝ်ႉ

ၽၢင်ႁၢင်ႈ(လၵ်ႉၶၼႃႇ)ၵူၼ်းၸပ်းတၢင်းပဵၼ်
---------
1. ၼႃႈၽၢၵ်ႇမႆႈ ဢမ်ႇၼၼ် ၼိူဝ်ႉလိူတ်ႇမႆႈႁႅင်း
2. ​​ၶေႃးၸဵပ်း
3. ဢႆႁႅင်း
4. ထူၺ်ႈၸႂ်ၵၢပ်ႉ ဢမ်ႇၼၼ် ထူၺ်ႈၸႂ်ယၢပ်ႇ

လၢႆးႁႄႉၵၢင်ႈ
>>>>>>>>
1. ​​တေၵိၼ်သင်​​ၵေႃႈ ႁႂ်ႈသုၵ်ႈမိုဝ်း လၢင်ႉမိုဝ်းႁႂ်ႈမူတ်းသႂ်ယဝ်ႉ ၸင်ႇၵိၼ်
2. ႁႂ်ႈၵႆႉသုၵ်ႈမိုဝ်းပၼ်တႃႇ​​သေႇ ဝၢႆးၶဝ်ႈႁွင်ႈၼမ်ႉ ႁွင်ႈသူမ်ႈ
3. ယူႇႁႂ်ႈမူတ်းသႂ် လႄႈ လိူၵ်ႈၵိၼ်တင်းၵိၼ် ဢၼ်သုၵ်းဢၼ်မူတ်းသႂ်
4. ငိူင်ႉဝႄႈၵူၼ်းမီးတင်းပဵၼ် လႄႈ ၵူၼ်းၵႆႉဢႆ ၶွၵ်ႉၶွၵ်ႉၶႅၵ်ႉၶႅၵ်ႉ
5. ႁၢမ်ႈတိူဝ်ႉၼိူဝ်ႉတိူဝ်ႉၼင်ၵၼ်တင်း ၵူၼ်းဢမ်ႇယူႇလီလႄႈ ႁၢမ်ႈၸႂ်ႉတဝ်ႈၼမ်ႉ ၵွၵ်းၼမ်ႉ ​​ၸေႃႉ ဝၢၼ်ႇ ဢၼ်လဵဝ်ၵၼ်
6. ​​တေၵႂႃႇလႂ် ႁႂ်ႈပူၵ်ႉသူပ်းပူၵ်ႉပၢၵ်ႇဝႆႉၵူႈၶၢဝ်း လႄႈ ငိူင်ႉဝႄႈ တီႈၵူၼ်းၶဝ်ႈဢွၵ်ႇၼမ် ဢမ်ႇၼၼ် ၽုင်ၵူၼ်းၼမ်

12/08/2019

ပိုꨓ္းꨟူꨵပꨤꨯးယူꨲလီတြꨓ္ꨳ -တꨤင္းပꨱꨓ္ꨓꨤဝ္ꨓူꨀ္ꨵ

28/06/2019

Health #ပꨤꨯးယူꨲလီ

20/06/2019

ပိုꨓ္းꨟူꨵပꨤꨯးယူꨲလီတြꨓ္ꨳ ꨓꨤဝ္ဝတ္းမူH1N1

Crd - Dr.Lazy

17/06/2019

ပိုꨓ္းꨟူꨵပꨤꨯးယူꨲလီ ꨡိတ္းꨡြတ္း