22/10/2025
Evil eye အဆောင်က တကယ်ရောအန္တရာယ်ကင်းရဲ့လား?
အရင်ဆုံးဘာမှမပြောခင် သမိုင်းကြောင်းလေးနဲ့စလိုက်ကြရအောင်။
Evil eye အဆောင်ကို မက်ဆိုပိုတေးမီးယားခေတ်ကာလကတည်းစတင်ခဲ့ကြတယ်လို့ဆိုကြတယ်။ အခုခေတ် အီရတ် မှာအစောဆုံးတွေ့ခဲ့ရတယ်။ Evil eye ဆိုတာနဲ့ ဘာလို့အပြာရောင်မျက်လုံးပြေးမြင်ကြတာလဲဆိုတော့ အပြာရောင်က မကောင်းဆိုးဝါးတွေနဲ့ မကောင်းတဲ့ဝိညာဉ်တွေကို ကာကွယ်နိုင်တယ်လို့ရှေးက ယုံကြည်ခဲ့ကြတယ် ဒါကြောင့်လဲ အပြာရောင်ရှိတဲ့ gam stone တွေပေါ်မှာထွင်းထုတာ အပြာရောင်ရှိတဲ့ကျောက် Lapis lazuli ကျောက်ရဲ့အမှုန့်နဲ့ ဆေးချယ်ပြီးသူံးခဲ့ကြတယ်။ အဲ့နောက်ပိုင်းမှာတော့ အီဂျစ်မှာ တွင်ကျယ်ခဲ့ပြီး Horus eyes အနေနဲ့မြင်ရတတ်ပါတယ်။ Egypt mythology မှာ Horus ဟာ Setနဲ့တိုက်ခိုက်ရင်းဘယ်ဘက်မျက်လုံးထိခိုက်ခဲ့ရတယ်။ ဒါကို Thoth နတ်ဘုရားကုသပေးခဲ့ပြီး Healing, protection, restoration စတာတွေရဲ့ symbol ဖြစ်လာခဲ့ပါတယ်။ 1800BCရောက်လာတဲ့အခါမှာတော့ စွန့်စားရှာဖွေတာတွေ ကုန်သွယ်ရေးတွေခေတ်စားနေပြီး အဲ့အချိန်မှာ ရေလမ်းခရီးအန္တရာယ်ကင်းအောင် ရေသတ္တဝါဆိုးတွေအန္တရာယ်တွေကနေ ကင်းအောင် သင်္ဘောတွေမှာဆွဲတာ အဆောင်အနေနဲ့ ယူဆောင်ကြတာတွေကနေ ကမ္ဘာအနှံ့ပျံ့နှံလာခဲ့ပါတယ်။ရောမတွေ ဂရိတွေအထိပျံ့နှံ့လာပြီး ကလေးတွေကို အန္တရာယ် ဘေးဥပတ်တွေမကျအောင်ကာကွယ်ပေးတဲ့အဆောင်အနေနဲ့ယုံကြည်ခဲ့ကြတယ်
အော်တိုမန်အင်ပါယာခေတ်ရောက်လာတဲ့အခါ တူရကီ ဆီးရီးယား အီရန် တွေမှာအတော်လေးခေတ်စားလာခဲ့ပါတယ်။တူရကီ Anatoliaမှာရှိတဲ့ ဖန်ထည်ပြုလုပ်သူက သူ့ရဲ့ကျွမ်းကျင်မှုတွေနဲ့အတူပေါင်းစပ်ပြီး အပြာရောင်ဖန်ထည်မှာ အဖြူရောင်နဲ့မျက်လုံးကို ဖန်တီးခဲ့ပါတယ်။ဒါက အခုမြင်နေရတဲ့ Evil eye အဆောင်ဖြစ်လာပါတယ်။ Evil eye ကို သုံးမဲ့ ရည်ရွယ်ချက်အပေါ်လိုက်ပြီး ပန်းရောင် အနီရောင် စသဖြင့် အရောင်မျိုးစုံနဲ့တွေ့မြင်ရမှာဖြစ်ပါတယ်။ တွင်ကျယ်ခဲ့တဲ့ နိုင်ငံအများစုက Islamic နိုင်ငံတွေဖြစ်နေတော့ Islam တွေရဲ့ယုံကြည်မှုကိုပါတွဲပြီးပြောပြပေးပါမယ်။
Islamယုံကြည်မှုမှာတော့ Evil eye ကို တစ်နည်း eye of Nazar လို့ခေါ်ကြပြိး ဆောင်ယူတာက Harmအနေနဲ့ တားမြစ်ထားပါတယ်။
Evil eye က Jinnတွေနဲ့ပတ်သက်သလား?
Evil eye ကို အပြာရောင်ရှိတဲ့ ဂျင်န် Jinn ရဲ့မျက်လုံးလို့ ပြောကြပင်မဲ့လဲ တိကျတဲ့ အထောက်အထားတော့မရှိပါဘူး။ Jinnနဲ့ တိုက်ရိုက်ပတ်သက်တာမျိုးတော့မဟုတ်ပါဘူး။
Evil eye နဲ့ ကျွန်တော်၏ကိုယ်တွေ့
ဒီအပိုင်းကတော့ ကျွန်တော်ကြုံခဲ့ရတဲ့ဟာတွေနဲ့ နားလည်လာတဲ့အရာတွေကိုဖော်ပြမှာဖြစ်ပါတယ်။ဒါကြောင့် လိုင်းပေါ်မှာတွေ့နေမြင်နေကျနဲ့ မတူပဲကွဲပြာူနေနိုင်ပါတယ်။
Evil eye က တကယ်ကာကွယ်ရဲ့လား?
ဒီအတွက်ကတော့ Evil eye အဆောင် တကယ် ကာကွယ်ပေးပြီး ဝတ်ဆင်ထားသူရဲ့ အရှေ့ဘက်မှာပိုပြီးအားကောင်းတဲ့ energy တစ်မျိုးနဲ့ ကာကွယ်ထားပါတယ်။ ကာကွယ်တာကတော့ ပတ်ပတ်လည်ဆိုပင်မဲ့အရှေ့ဘက်ကပိုအားများတယ်။ ကာကွယ်တယ်ဆိုပင်မဲ့ သူက Shield ပုံစံထက် တွန်းကန်တဲ့ပုံစံမျိုးနဲ့ပိုပြီးတူပါတယ်။ ဝတ်ဆင်တဲ့သူ အဆောင်ကို ပြုပြင်တာတွေအပေါ်မူတည်ပြိး ဝတ်ဆင်သူရဲ့ ၃ကိုက်ကနေ ၁မီတာ ပတ်လည်လောက်အထိ သက်ရောက်နိုင်ပါတယ်။ဒီထက်လဲ ပိုနိုင်ပါတယ်။
Evil eye အဆောင်က လူတိုင်းဆောင်လို့ရလား?
ဒိအပိုင်းကတော့နည်းနည်းပြောစရာရှိပါတယ်။ ဒီအဆောင်ကတော့ လူတိုင်းဆောင်လို့မရပါဘူး။ အထူးသဖြင့် လိပ်ပြာလှတဲ့ လိပ်ပြာသန့်တဲ့သူ spiritual အားနည်းတဲ့သူ ဒီလိုလူတွေဆောင်တဲ့အခါ ရက်ပိုင်းအတွင်း နေမကောင်းဖြစ်တာ အပြင် spiritual attack နဲ့တူတဲ့ လက္ခဏာတွေပြတတ်ပါတယ်။
အဆောင်ရဲ့ အလုပ်လုပ်ပုံ
မှော်ပညာက လက်ဆောင်မဟုတ်ပါဘူး။ အပေးအယူတစ်မျိုးပါ။ အလကားဆိုတာမရှိပါဘူး။ အဆောင်လကဘာမှမဟုတ်ဘူးထင်ရပင်မဲ့ ကိုယ်က negative influence တွေရှိနေတာ တွေအခြားသူတွေ ဥပတ်ဒါန်ခံနေရတဲ့သူတွေရဲ့ မကောင်းတဲ့ energy ကိုစားသုံးတဲ့အပြင် ကာကွယ်ပေးပါတယ်။
အဲ့ဒါဆို ဆိုးကျိုးမရှိဘူးလား?
Evil eye က ဝတ်ဆင်တဲ့သူရဲ့ spiritual energy ကိုစားသုံးပြီးမှ ကာကွယ်ပေးတဲ့ ကပ်ပါးကောင်နဲ့ပိုတူပါတယ်။ spiritual အားကောင်းသူအနေနဲ့ ရေရှည်ဝတ်ဆင်မယ်ဆိုရင်တော့ လုံးပါးပါးလာတတ်ပါတယ်။ ဒါကြောင့် ရေရှည်ဝတ်တာမျိုး မလုပ်သင့်ပါဘူး။ နောက်တစ်ခုက ဘာမှမဖြစ်ပဲ ဝတ်တဲ့သူတွေအနေနဲ့ မဝတ်ဆင်သင့်ပါဘူး။ negative energy ကိုစားသုံးပြိးကာကွယ်ပေးတာမလို့ အစမှာတော့ ပြေလည်ပင်မဲ့ နောက်ပိုင်း Auraတွေ မှေးမှိန်တာ ကံတွေညံ့လာတ အပူတွေသောကတွေဝင်လာအောင်လုပ်ပြီး စားသုံးတတ်ပါတယ်။ ကြာရှည်စွာဝတ်ဆင်တဲ့သူတွေအနေနဲ့ အဲ့အရာက ကပ်ပါးကောင်နဲ့ဆင်တူတာမလို့ ကြာလာတာနဲ့အမျှ ဝါးမျိုလာတတ်ပြိး ကံတွေဆိုးပြိးရင်းဆိုးလာတာ နောက်ပိုင်း ဒီအဆောင်ကိုချွတ်ရင် ပိုပြိးဆိုးတာကြုံရမှာလိုလို ထင်ယောင်ထင်မှားဖြစ်လာစေပါတယ်။ အိမ်တွေ အလုပ်တွေမှာချိတ်ဆွဲထားတတ်တဲ့သူတွေအနေနဲ့ တဖြေးဖြေး အိမ်တွေအလုပ်တွေမှာအဆင်မပြေတာတွေကြုံရတတ်ပါတယ်။
ဝတ်ဆင်တဲ့သူက အကြောက်အလန့်ကြိးတဲ့သူ စိတ်ပျော့တဲ့သူဆိုရင်တော့ လွယ်လွယ်နဲ့ ဝါးမျိုးတတ်ပြိး အိမ်မက်ဆိုးတွေမက်တာ ထင်ယောင်ထင်မှားတွေမြင်လာရတာတွေကြုံရတဲ့အထိဆိုးလာတတ်ပါတယ်။
အဲ့လိုအချိန်ရောက်လာတဲ့အခါ မကောင်းဝိညာဉ်တွေကို ကာကွယ်တာမျိုးမလုပ်ပဲ သူတို့အတွက် တံခါးပေါက်တစ်ခုလိုဖြစ်သွားတတ်ပါတယ်။
အဲ့ဒါဆို ဝတ်ဆင်သင့်ရဲ့လား?
ဖြစ်နိုင်ရင် မဝတ်လေကောင်းလေပါပဲ။ ဒါပင်မဲ့ ကိုယ်က အတိုက်အခိုက်ကြုံနေရတာ မြန်မာနိုင်ငံထဲနေတဲ့သူတွေကတော့ ဝတ်ချင်တယ်ဆိုရင်ဝတ်နိုင်ပါတယ်။ ဒါပင်မဲ့ အမြဲ ဝတ်ဆင်ထားမျိုးမလုပ်ပဲ အပြင်သွားမှဝတ်တာ လိုအပ်မှဝတ်တာမျိုးလူပ်သင့်ပါတယ်။ တစ်နေကုန်မဆွဲထားပဲ ရေမန်း လိုမျိုး ရေထဲမှာ သုံးပြီးတိုင်းစိမ်ထားသင့်ပါတယ်။ဒါမှလဲ ကိုယ့်အတွက် အထိအခိုက်နည်းစေမှာပါ။ နောက်တစ်ခုက ဖျားနာနေတဲ့အချိန်မျိုးတွေမှာ မဝတ်မိဖို့လိုပါတယ်။ အဲ့အချိန်တွေက အားနည်းနေတဲ့အချိန်မလို့ မဝတ်ထားတာက ပိုကောင်းပါတယ်။
ဝတ်ဆင်တဲ့သူတွေဝတ်ပြီးတာနဲ့ တစ်ခုခုမကောင်းတဲ့ခံစားချက်ရပါက ချွတ်ပြီး ရေစပ်မှာလွင့်ပစ်လိုက်ပါ။ ဆောင်ထားတဲ့သူတွေ အိမ်မှာဖြစ်ဖြစ် အပူတွေကြုံရတာ အဆင်မပြေတာတွေကြုံရပြီဆိုရင်တော့ ရေနဲ့မျှောလိုက်တာမျိုးလုပ်သင့်ပါတယ်။ အဲ့လိုမဟုတ်ပဲ သိမ်းမယ်ဆိုရင် အဝတ်စအမဲနဲ့ ပတ်ပြီး သီးသန့်အလုံပိတ်သိမ်းဆည်းသင့်ပါတယ်။
ဒါတွေက ကျွန်တော်ကြုံခဲ့သမျှတွေကို ပြန်ပြီး Sharing လုပ်ပေးတာသာဖြစ်ပါတယ်
