Thonburi Bamrungmuang - Myanmar

"ကျန်းမာရေးအတွက် အပြည့်အဝအားထားရာ — ထွန်ဘူရီ ဘမ်ရွန်မွမ် ဆေးရုံကြီးပါ "

ထွန်ဘူရီဘမ်ရွန်မွမ်တွင် ခေတ်မီအဆင်မြင့် တစ်ဦးချင်းစီအတွက် ကုသမှုများကိုရရှိနိုင်ပါတယ်။ နိုင်ငံတကာထွန်ဘူရီဆေးရုံအုပ်စုကြီးတွင် ထွန်ဘူရီဘမ်ရွန်မွမ်ဆေးရုံ အပါအဝင်ထိုင်းနိုင်ငံရှိဆေးရုံ အခွဲ ၁၀ ရုံရှိပြီးတော့ မြန်မာနိုင်ငံတွင်လည်းအာယုဆေးရုံကြီးနှင့်ညီအမ ဆေးရုံဖြစ်ပါတယ်။ နှစ်ပေါင်း ၄၀ ကျော်အတွေ့အကြုံရှိသော ဆေးရုံကြီးတွင် ၉၆၃ ကုတင်နှင့် ပြင်ပလူနာ ၅၈၀၀ ကို ထွန်ဘူရီဆေးရုံ၊ထွန်ဘူရီ ၂ ဆေးရုံ၊ထွန်ဘူရီဘမ်ရွန်မွမ်ဆေးရုံ၊အူဘွန်ရပ်ထွန်ဘူရီဆေးရုံ၊စီရီဝေ့ဆေးရုံချနိထဘူရီ၊ ထွန်ဘူရီထူဆွမ်ဆေးရုံ၊လရင်ဒီဆေးရုံတို့ဘဲ့ဖြစ်ပါတယ်။
ထွန်ဘူရီဘမ်ရွန်မွမ်ရဲ့ အဓိကစင်တာတွေကတော့
အဆင့်မြင့်ဆီးချိုအနာကုသခြင်းစင်တာ
IVF စင်တာ- ဖန်ပြွန်သန္ဓေသားနည်းပညာ
Digital သွားဘက်ဆိုင်ရာအဆင့်မြင့်သွားကုသခြင်းနှင့်သွားအလှအပစင်တာ
နှလုံး အထူးကုသမှုစင်တာ
အရိုး အထူးကုသမှုစင်တာ
အစာအိမ်အူလမ်းကြောင်းနှင့်အသည်းစင်တာ
အထွေထွေ ရောဂါခွဲစိတ်စင်တာ
ကင်ဆာကီမိုဆေးသွင်းကုသစင်တာ
လေဆာနှင့်မျက်လုံးအထူးကုစင်တာ
ကျန်းမာရေးစစ်ဆေးခြင်းစင်တာ
ကလေးရောဂါအထူးကုစင်တာ

07/12/2025

💡 သိပြီးကြပြီလား?
သင့်မသိဘဲ့ သင့်သွားတွေကို ထိခိုက်စေနိုင်တဲ့ အစားအစာ (၆) မျိုး 🦷
အောက်ပါအစားအစာတွေကို မကြာခဏ စားသုံးခြင်းဟာ သင့်သွားတွေကို ထိခိုက်ပျက်စီးစေနိုင်ပါတယ်။

🍻 အရက်ယမကာများ
အရက်ဟာ ပါးစပ်ထဲက ကောင်းတဲ့ ဘက်တီးရီးယား ပမာဏကို လျော့ကျစေပြီး ဆိုးတဲ့ ဘက်တီးရီးယားတွေကို ပိုမိုများပြားစေနိုင်ပါတယ်။ ဒါဟာ နောက်ဆုံးမှာ ပါးစပ်ရဲ့ microbiome (ဘက်တီးရီးယားစနစ်) ကို ပြောင်းလဲစေနိုင်ပြီး တံတွေးစီးဆင်းမှုနှုန်း လျော့ကျခြင်း သို့မဟုတ် ပါးစပ်ခြောက်သွေ့ခြင်းကို ဖြစ်ပေါ်စေပါတယ်။

🍰 အချိုပွဲများ
စေးကပ်ပြီး ဝါးရတဲ့ အချိုများကို ရှောင်ပါ။ အချို့သော အချိုပွဲများဟာ သင့်သွားအတွက် အခြားအချိုပွဲများထက် ပိုဆိုးပါတယ်။ အဲဒီအချိုဓာတ်တွေဟာ သွားတွေကြားထဲမှာ စွဲကပ်နေနိုင်တာကြောင့် ဘက်တီးရီးယားတွေဟာ အဲဒါတွေကို အချိန်ပိုယူပြီး စားသုံးနိုင်ပါတယ်။

🥤 အချိုရည်များ
သွားတွေကြားနဲ့ ပတ်ဝန်းကျင်မှာ နေထိုင်တဲ့ ဘက်တီးရီးယားတွေဟာ အချိုရည်ထဲက သကြားဓာတ်နဲ့ ထိတွေ့တဲ့အခါ သွားရဲ့ကြွေလွှာ (enamel) ကို ထိခိုက်စေတဲ့ အက်ဆစ်တစ်မျိုးကို ထုတ်လုပ်ပြီး နောက်ဆုံးမှာ သွားပိုးစားခြင်းနဲ့ သွားပေါက်ခြင်းကို ဖြစ်ပေါ်စေပါတယ်။

🍞 ပေါင်မုန့်
ပေါင်မုန့်၊ အထူးသဖြင့် ဖြူဖွေးတဲ့ ပေါင်မုန့်ဖြူဟာ အမြန်ဆုံး သကြားအဖြစ် ပြောင်းလဲသွားပြီး သွားတွေကြားထဲမှာ အလွယ်တကူ ကပ်ငြိနေတာကြောင့် သွားပိုးစားခြင်းကို ဖြစ်ပေါ်စေနိုင်ပါတယ်။ ဒါ့အပြင် ပါးစပ်ထဲမှာ သဘာဝအတိုင်းရှိနေတဲ့ ဘက်တီးရီးယားတွေဟာ ရိုးရှင်းတဲ့ သကြားဓာတ်တွေကို စားသုံးတဲ့အခါ အက်ဆစ်တွေ ထွက်လာပါတယ်။

☕ ကော်ဖီနဲ့ လက်ဖက်ရည်
ကော်ဖီနဲ့ လက်ဖက်ရည်ဟာ သင့်သွားကျန်းမာရေးကိုသာ ထိခိုက်စေတာ မဟုတ်ဘဲ သွားရဲ့အသွင်အပြင်ကိုပါ ပိုဆိုးစေနိုင်ပါတယ်။ ရေကလွဲပြီး တခြားအရာတွေကို သောက်သုံးတဲ့အခါ သင့်ပါးစပ်ထဲက သဘာဝဘက်တီးရီးယားတွေဟာ သွားရဲ့ကြွေလွှာကို တဖြည်းဖြည်း စားသွားနိုင်တဲ့ အက်ဆစ်တွေကို ဖန်တီးပါတယ်။ ဒီလိုဖြစ်တဲ့အခါ သွားတွေဟာ ပါးလွှာပြီး ကြွပ်ဆတ်ဆတ် ခံစားရနိုင်ပါတယ်။

🥒 အချဉ်တည်ထားသော ဟင်းသီးဟင်းရွက်များ (ဥပမာ - သနပ်၊ မုန်လာဥချဉ်)
သနပ်တွေဟာ စားလို့ကောင်းပေမယ့် သွားအတွက်တော့ အကျိုးမရှိပါဘူး။ ဟင်းသီးဟင်းရွက်တွေနဲ့ လုပ်ထားတာ ဖြစ်ပေမယ့် ရှာလကာရည်နဲ့ စိမ်ထားတဲ့အတွက် အလွန်အမင်း အက်ဆစ်ဓာတ်ပါဝင်ပါတယ်။ သနပ်တွေကို မကြာခဏ စားသုံးခြင်းဟာ သွားရဲ့ကြွေလွှာကို တိုက်စားစေနိုင်ပြီး အရောင်ပြောင်းလဲခြင်းနဲ့ သွားအပူအအေးထိမခံနိုင်ခြင်း (sensitive teeth) ကို ဖြစ်ပေါ်စေနိုင်ပါတယ်။

ကျန်းမာတဲ့ သွားနဲ့ သွားဖုံးတွေကို ရရှိစေဖို့အတွက် အစားအစာအုပ်စုအားလုံးမှ အာဟာရဓာတ် ကြွယ်ဝတဲ့ အစားအစာမျိုးစုံကို စားသုံးပါ။ ဒါကတော့ ကျန်းမာတဲ့ ခန္ဓာကိုယ်နဲ့အတူ ကျန်းမာတဲ့ အပြုံးကိုပါ ပိုင်ဆိုင်ဖို့အတွက် သစ်သီးဝလံ၊ ဟင်းသီးဟင်းရွက်၊ ပရိုတင်းဓာတ်ပါဝင်တဲ့ အစားအစာများ၊ ကယ်လ်စီယမ်ဓာတ် ကြွယ်ဝတဲ့ အစားအစာများနဲ့ ဂျုံစပါးတို့ရဲ့ မျှတတဲ့ အစားအသောက်ပုံစံကို ထိန်းသိမ်းဖို့ လိုအပ်ပါတယ်။

01/12/2025

ကမ္ဘာ့ကျန်းမာရေးအဖွဲ့ (WHO) နှင့် UNAIDS တို့၏ သတင်းထုတ်ပြန်ချက်များအရ ၂၀၂၅ ခုနှစ်၊ ကမ္ဘာ့ HIV/AIDS တိုက်ဖျက်ရေးနေ့၏ အဓိကဆောင်ပုဒ်မှာ-

"စိန်ခေါ်မှုများကို ကျော်လွှားပြီး AIDS တိုက်ဖျက်ရေး တုံ့ပြန်ဆောင်ရွက်မှုများကို အသွင်ပြောင်းလဲခြင်း" (“Overcoming disruption, transforming the AIDS response”)
HIV သည် ဗိုင်းရပ်စ်ပိုး၏ အမည်ဖြစ်သည်။ AIDS သည် ဗိုင်းရပ်စ်ပိုးကြောင့် ကိုယ်ခံစွမ်းအား ကျဆင်းပြီးနောက် ဖြစ်ပေါ်လာသော ရောဂါအစုအဝေး (နောက်ဆုံးအဆင့်) ကို ခေါ်ဆိုခြင်းဖြစ်သည်။ ထိရောက်သော ART ကုသမှုဖြင့် HIV ပိုးရှိသူ အများစုသည် AIDS အဆင့်သို့ လုံးဝမရောက်ရှိအောင် ကာကွယ်နိုင်သည်။ခေတ်မီသော HIV ကုသမှု (Antiretroviral Therapy - ART) ကို စဉ်ဆက်မပြတ် သောက်သုံးပါက ရောဂါပိုးရှိသူများသည် ပုံမှန် သက်တမ်းစေ့ ကျန်းကျန်းမာမာ နေထိုင်နိုင်ပါသည်။
များသောအားဖြင့် HIV ရောဂါကူးစက်ခံရသူတွေအတွက် ရောဂါထက်စာရင် ရောဂါနဲ့ပတ်သက်တဲ့ အများအမြင်၊ နှိမ့်ချဆက်ဆံခံရခြင်းတွေဟာ ပိုပြီးခက်ခဲပါတယ်။ မှားယွင်းတဲ့ထင်မြင်ယူဆချက်များ၊ ခွဲခြားဆက်ဆံခြင်းများကို တွန်းလှန်ပြီး ရောဂါကူးစက်ခံရသူတွေရဲ့ အခွင့်အရေးကို ကာကွယ်ခြင်းဟာလည်း HIV/AIDS ရောဂါ ကာကွယ်ကုသခြင်းကို လူတိုင်းရရှိနိုင်ဖို့ ခြေလှမ်းတစ်ခုဖြစ်ပါတယ်။

28/11/2025

❄️ ဆောင်းရာသီ ရောက်ပြီ — အအေးမိတုပ်ကွေးရောဂါတွေကာကွယ်ဖို့ ကိုယ်ခံအားကောင်းအောင် ဘယ်လိုမျိုးစားသောက်နေထိုင်သင့်လဲ! 💪

ရာသီဥတု ပြောင်းလဲခြင်းကြောင့် သင့်ခန္ဓာကိုယ်၏ ခုခံအားစနစ် အနည်းငယ် အားနည်းလာနိုင်ပါသည်။ သို့သော် သင့်တော်သည့် အစားအစာများကို စားသုံးခြင်းဖြင့် အအေးမိခြင်းနှင့် အခြားကူးစက်ရောဂါများကို တိုက်ထုတ်ရန် သင့်ခန္ဓာကိုယ်ကို အထောက်အကူပြုနိုင်ပါသည်။
ဆောင်းရာသီတွင် ကိုယ်ခံစွမ်းအားကို မြှင့်တင်ပေးမည့် အဓိက အစားအစာများကို နေ့စဉ် စားသောက်မှုပုံစံတွင် ထည့်သွင်းစားသုံးရန် အကြံပြုအပ်ပါသည်။

✅ ကိုယ်ခံအား မြှင့်တင်ပေးသည့် ထိပ်တန်း အစားအစာများ
• ဗီတာမင် C ကြွယ်ဝသော သစ်သီးများ
• ဓာတ်တိုးဆန့်ကျင်ပစ္စည်း (Antioxidant) များကြွယ်ဝသည့် ဘယ်ရီသီးများ
• သဘာဝအတိုင်းရောဂါပိုး ကာကွယ်မှုပေးနိုင်သော ကြက်သွန်ဖြူနှင့် ဂျင်း
• မရှိမဖြစ် ဗီတာမင်များပါဝင်သည့် ဟင်းရွက်စိမ်း
• လက်ဖက်ရည် (Herbal Teas)
• ကိုယ်ခံစွမ်းအားကို မြှင့်တင်ပေးသည့် မှိုများ
• Omega-3 ဖက်တီးအက်ဆစ်များ ပါဝင်သော အစားအစာများ
• အူလမ်းကြောင်းကျန်းမာရေးအတွက် Probiotics ပါဝင်သော အစားအစာများ
• ဗီတာမင် A ပါဝင်သည့် ဟင်းသီးဟင်းရွက်များ
ကိုယ်ခံအားကောင်းစေသည့် အစားအစာများအပြင်၊ ဆောင်းရာသီတွင် ကျန်းမာရေး ပိုမိုကောင်းမွန်စေရန်အတွက် အောက်ပါအချက်များကိုလည်း လိုက်နာဆောင်ရွက်သင့်ပါသည်။

✔️ အိပ်ရေးဝဝ အိပ်ပါ 😴လုံလောက်သော အိပ်ချိန်ရရှိခြင်းသည် ကိုယ်ခံအားစနစ်အတွက် အရေးကြီးဆုံးဖြစ်ပါသည်။
✔️ ပုံမှန် လေ့ကျင့်ခန်းလုပ်ပါ 🏃‍♀️ပုံမှန် ကိုယ်လက်လှုပ်ရှားမှု ပြုလုပ်ခြင်းဖြင့် ခန္ဓာကိုယ်၏ ခုခံအားစနစ်ကို သန်မာစေပါသည်။
✔️ လက်ကို မကြာခဏ ဆေးပါ 🧼လက်ကို ပုံမှန်ဆေးကြောခြင်းဖြင့် ရောဂါပိုးများ ကူးစက်ပြန့်ပွားမှုကို လျှော့ချနိုင်ပါသည်။
✔️ နွေးထွေးအောင်နေပြီး စိတ်ဖိစီးမှု ထိန်းချုပ်ပါ 🧣ခန္ဓာကိုယ် အပူချိန် မကျဆင်းအောင် နွေးနွေးထွေးထွေး ဝတ်ဆင်ပါ၊ စိတ်ဖိစီးမှုများကို စီမံခန့်ခွဲ လျှော့ချပါ။ ဆောင်းရာသီတွင် သင့်ရဲ့ ကိုယ်ခံစွမ်းအားကို မြင့်တင်၍ အအေးမိတုပ်ကွေးဖြစ်ခြင်း ကို ကြိုတင် ကာကွယ်ပါ။

26/11/2025

ကွန်ပျူတာရှေ့ထိုင်ပြီး တစ်နေ့ကုန်အလုပ်လုပ်ရသောရုံးဝန်ထမ်းများ office syndrome ‌မဖြစ်အောင် မိမိတို့ကိုယ်တိုင် ဘယ်လိုဂရုစိုက်ရမလဲ? 📌

သင့်တင့်သော ကိုယ်လက်လှုပ်ရှားမှု (သို့မဟုတ် အကြောဆန့်ခြင်း) ကို ပြုလုပ်ပေးခြင်းဖြင့် ဖြစ်တတ်သော ဇက်ကြောတက်ခြင်း၊ ခါး သို့မဟုတ် နောက်ကျောအောင့်ခြင်း စသည့် ဝေဒနာများကို လျှော့ချပေးနိုင်ပါသည်။ 🌿

💡 Office Syndrome ကာကွယ်ရန် ကိုယ်တိုင်ဂရုစိုက်ရမည့် နည်းလမ်းများ

1️⃣ အလုပ်လုပ်သည့် အလေ့အကျင့်ကို ပြောင်းလဲပါ တစ်နာရီလျှင် တစ်ကြိမ်ခန့် မတ်မတ်ထိုင်နေရာမှ ထ၍ ခဏလမ်းလျှောက်ပေးခြင်း၊ ထိုင်ပုံထိုင်နည်း အနေအထား ပြောင်းလဲပေးခြင်း သို့မဟုတ် ကြွက်သားများကို ဖြည်းညှင်းစွာ ဆန့်ထုတ်ပေးခြင်းဖြင့် ကြွက်သားများ တောင့်တင်းမှုကို ဖြေလျှော့ပေးပါ။

2️⃣ သင့်တော်သည့် အလုပ်ခွင် ပတ်ဝန်းကျင် ဖန်တီးပါ အလုပ်လုပ်ရာတွင် သက်တောင့်သက်သာရှိစေရန် သင့်လျော်မည့် အလုပ်ခွင်နှင့် နေသားတကျဖြစ်အောင် ချိန်ညှိပါ။ အလုပ်စားပွဲနှင့် ကုလားထိုင် အမြင့်ကို စနစ်တကျ ချိန်ညှိပါ။ *ကွန်ပျူတာ ဖန်သားပြင် (Screen) ကို မျက်စိနှင့် တစ်တန်းတည်းရှိနေအောင် ထားရှိပါ။

3️⃣ ပုံမှန် ကိုယ်လက်လေ့ကျင့်ခန်း ပြုလုပ်ပါ နေ့စဉ် ပုံမှန် ကိုယ်လက်လေ့ကျင့်ခန်း လုပ်ခြင်းသည် ခန္ဓာကိုယ် ကြံ့ခိုင်မှုကို တိုးတက်စေပြီး Office Syndrome ဖြစ်ပွားနိုင်ခြေကို လျှော့ချပေးသည်။

👉 အကြံပြုချက်: ရုံးတွင်း ကိုယ်လက်လှုပ်ရှားမှု လေ့ကျင့်ခန်းပုံစံများကို (ပုံတွင် ပြထားသည့်အတိုင်း) လုပ်ဆောင်ပေးနိုင်ပါသည်။ ✨

24/11/2025

ဖန်ပြွန်သန္ဓေသား 𝗜𝗩𝗙 နည်းဖြင့်ကလေးယူခြင်း 🧪🧬

1️⃣ အဆင့် ၁ - ဆရာဝန်နှင့်တိုင်ပင်ဆွေးနွေးခြင်းနှင့် မျိုးပွားနိုင်မှုစွမ်းရည်စစ်ဆေးခြင်း ပက်ကေ့

‍👩‍🦰 အမျိုးသမီး- သွေးစစ်ဆေးမှု- (HBs-Ag၊ Anti-HBs၊ Anti-HIV၊ VDRL၊ Rubella၊ CBC၊ သွေးအုပ်စုအမျိုးစားစစ်ဆေးခြင်း၊ သွေးနီဥအမျိုးစားစစ်ဆေးခြင်း၊ ဟော်မုန်းစစ်ဆေးခြင်း (AMH၊ FSH၊ E2၊ LH၊ Progesterone) / Transvaginal ultrasound သားအိမ်အာထရာဆောင်း

👨 အမျိုးသား- သွေးစစ်ဆေးမှု- (HBs-Ag၊ Anti-HBs၊ Anti-HIV၊ VDRL၊ CBC၊ သွေးအုပ်စုအမျိုးစားစစ်ဆေးခြင်း၊ သွေးနီဥအမျိုးစားစစ်ဆေးခြင်း၊ Computerized Semen Analysis သုတ်ပိုးကွန်ပျူတာဖြင့်စစ်ဆေးခြင်း

2️⃣ အဆင့် ၂ - သားအိမ်နှိုးဆွခြင်း- (E2၊ LH ဓာတ်ခွဲခန်းစမ်းသပ်မှုနှင့် သားအိမ် အာထရာဆောင်း TVS စောင့်ကြည့်မှု 3 ကြိမ်ပါဝင်သည်) ဆေး 3,000 ယူနစ်/ 1 cycle

3️⃣ အဆင့် ၃ - ပက်ကေ့- မမျိုးဥယူခြင်း O**m pick-up (OPU) + သုတ်ပိုးရွေးချယ်ခြင်း + ICSI နည်းပညာ + Embryo Culture

- Oocyte retrieval မမျိုးဥကောက်ခြင်း + သုတ်ပိုးပြင်ဆင်ခြင်း။
- ICSI/TV-OPU အတွက်ဓာတ်ခွဲခန်းတွင်ပြင်ဆင်ခြင်း
- သန္ဓေသားလွှဲပြောင်းမှုအတွက် သားအိမ်တွင်းနှင့် သားအိမ်ပြင်ဆင်မှု (Endometrium ပြင်ဆင်ခြင်း၊ ဓာတ်ခွဲခန်း E2/P4/TVS တို့ 2 ကြိမ် ပါဝင်သည်)

- ပက်ကေ့ချ် - Frozen Thawed & Embryo Transfer (FET) အေးခဲသန္ဓေသားကို ကိုယ်တွင်းအပူချိန်ဖြစ်အောင်ပြင်ဆင်ခြင်း နှင့် သန္ဓေသားလွှဲပြောင်းခြင်း

- သန္ဓေသားလွှဲပြောင်းခြင်း။ (ဆရာဝန်ခ၊ သန္ဓေသားလောင်း specialist ၀န်ဆောင်ခ၊ Thawing, ET procedure ခများအပါအဝင်)
- Beta HCG နှင့် Progesterone ကို 1 ကြိမ် follow up

4️⃣ အဆင့် ၄ - သန္ဓေသားလောင်းကို အေးခဲထားခြင်း (1-8 သန္ဓေသား /တစ်နှစ်) ပထမနှစ်စာ (နောက်ထပ်အေးခဲပြီးသိမ်းလိုပါက သန္ဓေသားလောင်း တစ်ခုကို ဘတ်ငွေ 6,000/ ဒုတိယနှစ်အတွက် ထပ်သိမ်းလိုပါက သန္ဓေသားလောင်းတစ်ခုကို ဘတ် 5,000 သို့မဟုတ် သန္ဓေသား 8 ကောင်အတွက် 20,000 ဘတ်)

5️⃣ အဆင့် ၅ - NGS Technique မျိုးရိုးဗီဇစစ်ဆေးခြင်းဖြင့် (သန္ဓေသားလောင်း 1-8 ခု) ကြိုတင်ထည့်သွင်းစမ်းသပ်ခြင်း

*𝗜𝗖𝗦𝗜* 𝗜𝗻𝘁𝗿𝗮𝗰𝘆𝘁𝗼𝗽𝗹𝗮𝘀𝗺𝗶𝗰 𝘀𝗽𝗲𝗿𝗺 𝗶𝗻𝗷𝗲𝗰𝘁𝗶𝗼𝗻 မမျိုးဥအတွင်းသို့သုတ်ပိုးတိုက်ရိုက်ထည့်သွင်းခြင်း
*𝗧𝗩𝗦* 𝗧𝗿𝗮𝗻𝘀𝘃𝗮𝗴𝗶𝗻𝗮𝗹 𝘂𝗹𝘁𝗿𝗮𝘀𝗼𝘂𝗻𝗱 သားအိမ်အာထရာဆောင်း
*𝗢𝗣𝗨* 𝗢𝘃𝘂𝗺 𝗽𝗶𝗰𝗸-𝘂𝗽 မမျိုးဥယူခြင်း
*𝗙𝗘𝗧* 𝗘𝗺𝗯𝗿𝘆𝗼 𝗧𝗿𝗮𝗻𝘀𝗳𝗲𝗿 သန္ဓေသားလွှဲပြောင်းခြင်း
*𝗡𝗚𝗦* 𝗡𝗲𝘅𝘁-𝗴𝗲𝗻𝗲𝗿𝗮𝘁𝗶𝗼𝗻 𝘀𝗲𝗾𝘂𝗲𝗻𝗰𝗶𝗻𝗴 မျိုးရိုးဗီဇစစ်ဆေးခြင်း

👨‍👩‍👧‍👦 အဆင့်အားလုံးအတွက် 458,900 ဘတ် သာ

ဆရာဝန်ရက်ချိန်းယူရန်အတွက် အသေးစိတ်မေးမြန်းလိုပါက Facebook messenger ကနေဖြစ်စေ Viber +66 (094-213-0830) မှ တစ်ဆင့် ဆက်သွယ်မေးမြန်းစုံစမ်းနိုင်ပါတယ်။

📍 : 611 Bamrung Mueang Rd, Khlong Maha Nak, Pom Prap Sattru Phai, Bangkok 10100
🌐 https://www.thonburibamrungmuang.com/

🙏"ရောဂါအနာဘယတွေကင်းဝေးကာ ကျန်းမာပျော်ရွှင်ဖွယ်ရာနေ့ရက်များကို အစဉ်ပိုင်ဆိုင်နိုင်ကြပါစေ" 🙏

#โรงพยาบาลธนบุรีบำรุงเมือง

21/11/2025

🤰ထွန်ဘူရီဘမ်ရွန်မွမ်ဆေးရုံကြီးသည် ဖန်ပြွန်သန္ဓေသားနည်းပညာဖြင့် အောင်မြင်စွာကိုယ်ဝန်ရရှိရန် ရွေးချယ်စရာနည်းလမ်းများစွာဖြင့် ကုသမှုပေးနေပါတယ်။ (Next Generation Sequencing) နည်းဖြင့် တိကျသောမျိုးရိုးဗီဇရွေးချယ်ခြင်း နှင့် (Intracytoplasmic S***m Injection) အထူးဂရုစိုက်ရွေးချယ်ထားသည့် ကျန်းမာသောသုတ်ပိုးကောင်များကို မမျိုးဥ တွင် ထိုးသွင်းပေးခြင်းနည်းပညာတို့ဖြင့် ကိုယ်ဝန်ဆောင်အောင်မြင်မှုရာခိုင်နှုန်းကို ပိုမိုမြင့်တက်အောင် လုပ်ဆောင်ပေးနိုင်ပါသည်။

👉ဆေးပညာအကူညီဖြင့် ဖန်ပြွန် သန္ဓေ သား၊ ကိုယ်ဝန်ဆောင်နိုင်ရန် လုပ်ဆောင်ရမည့် အချက်များ

၁။ ဆရာဝန်နှင့်ဆွေးနွေးတိုင်ပင်ခြင်း
၂။ သားဥအိမ်လှုံ့ဆော်ခြင်းနှင့် အာထရာဆောင်းဖြင့်စောင့်ကြည့်ခြင်း
၃။ သားဥထုတ်ယူစုဆောင်းခြင်း၊ သုတ်ပိုးစုဆောင်းခြင်း
၄။ သန္ဓေသားလောင်းမွေးမြူခြင်း နှင့် မျိုးဗီဇခရိုမိုဆုမ်းစစ်ဆေးခြင်း
၅။ သန္ဓေသားလောင်း လွှဲပြောင်းလက်ခံနိုင်ရန်အတွက် သားအိမ်နှင့်သားအိမ်အတွင်းမြှေးကို ပြင်ဆင်ခြင်း
၆။ သန္ဓေသားလောင်း လွှဲပြောင်းခြင်း
၇။ ကိုယ်ဝန်ရှိ၊ မရှိစစ်ဆေးခြင်း

📲 IVF package ဖန်ပြွန် သန္ဓေသား ကိုယ်ဝန်ဆောင်ခြင်း၊နဲ့ပက်သက်ပြီးမေးမြန်းလိုပါက Page messenger မှတဆင့် ဆက်သွယ်မေးမြန်းနိုင်သလို အောက်ပါ ဖုန်းနံပါတ်ကနေလည်း ဆက်သွယ်နိုင်ပါသည်။
မြန်မာလူနာစောင့်ရှောက်ရေးအသင်း ဖုန်း 094-213-0830 (Viber, WhatsApp)
🌐https://www.thonburibamrungmuang.com/မေးမြန်းနိုင်ပါသည်။

📍 ဆေးရုံ၏တည်နေရာ : 611 Bamrung Mueang Rd, Khlong Maha Nak, Pom Prap Sattru Phai, Bangkok 10100
🙏"ရောဂါအနာဘယတွေကင်းဝေးကာ ကျန်းမာပျော်ရွှင်ဖွယ်ရာနေ့ရက်များကို အစဉ်ပိုင်ဆိုင်နိုင်ကြပါစေ"🙏

#โรงพยาบาลธนบุรีบำรุงเมือง

20/11/2025

👴👵 ဒူးဆစ်အလုံးစုံခွဲစိတ်အစားထိုးပြီးနောက် မိမိကိုယ်ကိုဂရုစိုက်ရမည့်အချက်များ 💢

✔ လမ်းလျှောက်အထောက်အကူကိရိယာအသုံးပြု၍၊ အကွာအဝေးအနည်းငယ်ကိုသာ သတိထားပြီးလျှောက်ပါ။
✔ လှေကား အတက်၊ အဆင်း ပြုလုပ်ခြင်းကို ရှောင်ကျဉ်ပါ။
✔ အနာကို ရေမစိုပါစေနှင့်။
✔ အာရုံကြောများကို မဖိမိစေရန်အတွက် ခြေထောက်ပေါ်တွင် အလေးအပင်ပစ္စည်းများ မတင်ပါနှင့်။
✔ ခြေထောက်ရောင်ရမ်းမှု လျှော့နည်းစေရန်အတွက် ခေါင်းအုံး တစ်လုံး (သို့) နှစ်လုံးဆင့် အမြင့်ပေါ် ခြေထောက်တင်၍၊ ခြေထောက်ရောင်ရမ်းမှု လျှော့နည်းစေပါ။
✔ ခြေထောက်နာခြင်း၊ ရောင်ရမ်းခြင်း၊ နီရဲခြင်းတို့ခံစားရပါက ဆရာဝန်နှင့်ဆွေးနွေးတိုင်ပင်ပါ။

💬 လူကြီးမင်းတို့၏ ကျန်းမာရေးကို THB မှ စောင့်ရှောက်ပေးနေတာကြောင့် မိမိတို့၏ကျန်းမာရေးအတွက်ဖြစ်စေ မိမိတို့၏မိတ်ဆွေများအတွက်ဖြစ်စေ မေးမြန်းလိုပါက ချက်ဘောက်စ်မှတဆင့် မေးမြန်းနိုင်ပါတယ်။

🦵 အရိုးနဲ့ပက်သက်ပြီး လာရောက်ဆေးကုသလိုသည်ဖြစ်စေ၊ ဆက်သွယ်မေးမြန်းလိုပါက Page messenger မှ တဆင့် ဆက်သွယ်မေးမြန်းနိုင်သလို အောက်ပါ ဖုန်းနံပါတ်ကနေလည်း ဆက်သွယ်နိုင်ပါသည်။

📲 ဆက်သွယ်မေးမြန်းရန်
Myanmar လူနာစောင့်ရှောက်ရေးအသင်း ဖုန်း 094-213-0830 (Viber, WhatsApp)
🌐https://www.thonburibamrungmuang.com/
📍 တည်နေရာ : 611 Bamrung Mueang Rd, Khlong Maha Nak, Pom Prap Sattru Phai, Bangkok 10100

#โรงพยาบาลธนบุรีบำรุงเมือง

14/11/2025

ထွန်ဘူရီဘမ်ရွန်မွန်ဆေးရုံကြီးသည် အာရှ-ပစိဖိတ်တွင် ဆေးရုံပေါင်း ၈ ခုထဲမှ အမြင့်ဆုံး 𝗔𝗔𝗖𝗜 𝗔𝗰𝗰𝗿𝗲𝗱𝗶𝘁𝗮𝘁𝗶𝗼𝗻 - 𝗔𝗺𝗲𝗿𝗶𝗰𝗮𝗻 𝗔𝗰𝗰𝗿𝗲𝗱𝗶𝘁𝗮𝘁𝗶𝗼𝗻 𝗖𝗼𝗺𝗺𝗶𝘀𝘀𝗶𝗼𝗻 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 ကို ထိုက်တန်စွာ ရရှိခဲ့တဲ့အတွက် ဝမ်းမြောက်ဂုဏ်ယူမိပါတယ်။ 🌟
ကျွန်ုပ်တို့ဆေးရုံကြီးဟာဆိုရင် နိုင်ငံတကာစံနှုန်း ၅ မျိုးကို ပြည့်မီတဲ့အတွက် AACI ရုံးချုပ် ကနေ အသိအမှတ်ပြု မှူလက်မှတ်တွေကို အခုလိုဘဲ့ရရှိဂုဏ်ပြုခံခဲ့ရပါတယ်။
• 🏆 AACI Accreditation (အသိအမှတ်ပြုလက်မှတ်)
• 🏆 ISO 9001:2015
• 🏆 ISO 7101:2023
• 🏆 Clinical Excellence in Endoscopy Services (မှန်ပြောင်းကြည့်ရှုကုသရာတွင် စံနှုန်းပြည့်ဆေးကုသနိုင်မှု)
• 🏆 Dental Organization International Accreditation (နိုင်ငံတကာ သွားဘက်ဆိုင်ရာ စံနှုန်းပြည့်အသိအမှတ်ပြုမှု)
ဒါ့အပြင် — ✨ ကျွန်ုပ်တို့ ဆေးရုံကြီးဟာ Excellence Award (Level 1 Star) ကို ချီးမြှင့်ခံခဲ့ရလို့ ကျွန်တော်တို့ဟာ စုစုပေါင်း ဂုဏ်ပြုချီးမြှင့်မှု ၆ ခု ရရှိထားပြီးဖြစ်ကြောင်း ဝမ်းမြောက်ဂုဏ်ယူစွာ မျှဝေလိုက်ရပါတယ်။ 🌍💙

14/11/2025

💙 𝗪𝗼𝗿𝗹𝗱 𝗗𝗶𝗮𝗯𝗲𝘁𝗲𝘀 𝗗𝗮𝘆 (𝟮𝟬𝟮𝟱) ကမ္ဘာ့ဆီးချိုသွေးချိုရောဂါ ကာကွယ်ထိန်းသိမ်းရေးနေ့ | ၂၀၂၅ ခုနှစ်၊ နိုဝင်ဘာလ ၁၄ ရက် 💉

ကမ္ဘာ့ဆီးချိုသွေးချိုရောဂါ ကာကွယ်ထိန်းသိမ်းရေးနေ့ကို နှစ်စဉ်နှစ်တိုင်း နိုဝင်ဘာလ ၁၄ ရက်နေ့တွင် ကျင်းပကြပါသည်။ ကမ္ဘာတစ်ဝန်း လူသန်းပေါင်းများစွာ နေ့စဥ် ရင်ဆိုင်နေရသောဆီးချိုရောဂါကို သတိပြုအလေးထားမှု မြှင့်တင်လို၍ ဖြစ်ပါသည်။ 🌍

ဆီးချိုသွေးချိုကို ကြိုတင်ကာကွယ်နိုင်ရန် အောက်ပါလူနေမှုပုံစံအတိုင်းပြောင်းလဲလိုက်နာခြင်းဖြင့် စတင်ပါ။

1. ကျန်းမာရေးနှင့်ညီညွတ်သော ကိုယ်အလေးချိန်ကို ထိန်းသိမ်းပါ
ကိုယ်အလေးချိန်များနေပါက သို့မဟုတ် အဝလွန်နေပါက ကိုယ်အလေးချိန် အနည်းငယ် လျှော့ချခြင်းသည်ပင် ဆီးချို ဖြစ်နိုင်ခြေကို သိသိသာသာ လျှော့ချနိုင်ပါသည်။
2. ပုံမှန် ကိုယ်လက်လှုပ်ရှားမှု ပြုလုပ်ပါ
တစ်ပတ်လျှင် အနည်းဆုံး မိနစ် ၁၅၀ ခန့် ကိုယ်လက်လှုပ်ရှားမှု ပြုလုပ်ရန် အချိန်ပေးပါ။ လမ်းမြန်မြန်လျှောက်ခြင်း၊ ရေကူးခြင်း သို့မဟုတ် စက်ဘီးစီးခြင်းတို့ ပါဝင်နိုင်သည်။
3. ကျန်းမာရေးနှင့်ညီညွတ်သော အစားအသောက် စားသုံးပါ
အသီးအနှံ၊ ဟင်းသီးဟင်းရွက် နှင့် ကျန်းမာရေးနှင့်ညီညွတ်သော အဆီများ (ဥပမာ- အစေ့အဆန်နှင့် သံလွင်ဆီ) ကဲ့သို့သော သဘာဝ အစားအစာ များကို ရွေးချယ်ပါ။ သကြားပါသော အချိုရည်များနှင့် အလွန်အကျွံ ပြုပြင်ထားသော ကာဗိုဟိုက်ဒရိတ်များကို လျှော့ချပါ သို့မဟုတ် ရှောင်ကြဉ်ပါ။ ကယ်လိုရီ စားသုံးမှုကို လျှော့ချရန် အစာပမာဏ အနည်းငယ်သာ စားသုံးပါ။
4. ဆေးလိပ်ဖြတ်ပါ
5. အရက်ကို ကန့်သတ်ပါ

ဆီးချိုသွေးချိုရောဂါ နှင့်ဆိုင်သော ကျန်းမာရေးအသိပညာပေးခြင်းဖြင့်၊ အားလုံးအတူတကွ ကျန်းမာတဲ့ဘဝနေထိုင်မှုကို မြှင့်တင်ကြပါစို့။ 💪✨
_________________

12/11/2025

🩺✨ တစ်နှစ်တစ်ကြိမ် ကျန်းမာရေး စစ်ဆေးချိန်ရောက်ပါပြီ!
PRECIOUS PLUS Check-Up Program မှာ သွေးစစ်၊ ဟော်မုန်းစစ်၊ ကင်ဆာအညွှန်းကိန်းစစ်၊နှလုံးစစ်၊ ဝမ်းဗိုက်အာထရာဆောင်း၊ ရင်ဘတ် ဓာတ်မှန် အစရှိသဖြင့် စုံလင်စွာ ပါဝင်ပါတယ်။ ကျန်းမာရေးစစ်ဆေးခြင်းပြုလုပ်ခြင်းဖြင့် လူကြီးမင်းတို့တွင်ဖြစ်လာနိုင်သော ရောဂါအခြေအနေများကို စောလျင်စွာသိရှိနိုင်ပြီး ထိရောက်သော ကုသမှုများကို အချိန်မီ ခံယူနိုင်မည်ဖြစ်ပါသည်။

🎁 𝟏 ဦး ဝယ် 𝟏 ဦး ဖရီး
💙 အမျိုးသား - 𝟏𝟖,𝟗𝟎𝟎 𝐓𝐇𝐁 (အမျိုးသား ၂ ဦး)
💗 အမျိုးသမီး - 𝟐𝟏,𝟗𝟎𝟎 𝐓𝐇𝐁 (အမျိုးသမီး ၂ ဦး သို့မဟုတ် အမျိုးသမီး ၁ + အမျိုးသား ၁)
📅 အထူးစျေးနှုန်းကုန်ဆုံးရက် - ၃၁၊ ဒီဇင်ဘာ ၂၀၂၅

‼️ ကျန်းမာရေး မစစ်ဆေးမီ အနည်းဆုံး ၈ နာရီမှ ၁၀ နာရီ အစာ၊ရေ ရှောင်ရပါမည်။

👉 ထိုစျေးနှုန်းတွင် ဆရာဝန် ဆွေးနွေးခ နှင့် အစားအသောက်ကူပွန် ပါဝင်ပါတယ်၊ ဆေးစစ်ချက် အဖြေ ကို တစ်ရက်တည်းတွင် ရပါတယ်။

12/11/2025

💙 ကမ္ဘာ့အဆုတ်ရောင်ရောဂါနေ့ ၂၀၂၅ - နိုဝင်ဘာ ၁၂
🫁 World Pneumonia Day, November 12, 2025

အဆုတ်ရောင်ရောဂါ (Pneumonia) သည် ကမ္ဘာပေါ်တွင် အသက်ဆုံးရှုံးမှု အများဆုံး ကူးစက်ရောဂါများထဲမှ တစ်ခုအဖြစ် ရှိနေဆဲဖြစ်သည်။ အထူးသဖြင့် အသက်ငါးနှစ်အောက် ကလေးငယ်များအတွက် အခြားသောကူးစက်ရောဂါများထက် ပိုမိုအသက်ဆုံးရှုံးစေနိုင်ပြီး၊ သက်ကြီးရွယ်အိုများနှင့် နာတာရှည်ရောဂါအခံရှိသူများအတွက်လည်း ခြိမ်းခြောက်မှုဖြစ်စေပါသည်။

🫁 အဆုတ်ရောင်ရောဂါ (Pneumonia) ကာကွယ်ရန် လူတိုင်းသည်-
- ကြိုတင်ကာကွယ်ခြင်း
- စောစီးစွာ ရောဂါရှာဖွေခြင်း နှင့်
- လိုအပ်ပါက ပဋိဇီဝဆေးများနှင့် သင့်လျော်သော ကုသမှုများကို အချိန်မီရရှိနိုင်ရန် လိုအပ်ပါသည်။

အဆုတ်ရောင်ရောဂါကို ကာကွယ်တားဆီးရန်အတွက် အသိပညာ မြှင့်တင်ပေးပြီး လက်တွေ့လုပ်ဆောင်မှုများ လုပ်ဆောင်ရန် “ အတူတူ” ပူးပေါင်းဆောင်ရွက်ကြပါစို့ ။ 💪💙

07/11/2025

အာဟာရ နှင့် ကျန်းမာရေး ဆက်စပ်မှု အကြောင်း သိကောင်းစရာ 💪

✅ကျန်းမာရေးကောင်းမွန်စေရန်အတွက် အရေးကြီးသောအချက်များထဲမှ တစ်ခုမှာ အသက်အရွယ်အလိုက် အာဟာရဓာတ်များကို သင့်လျော်လုံလောက်စွာရရှိခြင်း ဖြစ်သည်။

ကိုယ်ခန္ဓာထဲသို့ ဝင်ရောက်လာသော အာဟာရဓာတ်များ မမျှတပါက (အလွန်အကျွံ များလွန်းခြင်း သို့မဟုတ် အလွန်နည်းလွန်းခြင်း) နောက်ဆက်တွဲဖြစ်ပေါ်လာနိုင်သည့် ရောဂါများနှင့် အခြားပြဿနာများကို ဖြစ်စေနိုင်သည်။ ကောင်းမွန်သောအလေ့အကျင့်ရှိပြီး အာဟာရပြည့်ဝသော အစားအစာများကို ရွေးချယ်တတ်သူများသည် အမျိုးမျိုးသော နာတာရှည်ရောဂါများ ဖြစ်ပွားနိုင်ခြေကို လျှော့ချနိုင်မည်ဖြစ်သည်။ ကိုယ်ခန္ဓာအခြေအနေနှင့်ကိုက်ညီသော မှန်ကန်သည့် အစားအစာကို ရွေးချယ်ခြင်းသည် ရောဂါများနှင့် နောက်ဆက်တွဲပြဿနာများ၏ ပြင်းထန်မှုကို လျှော့ချပေးနိုင်ပြီး ခန္ဓာကိုယ်ကို ပုံမှန်အတိုင်း သို့မဟုတ် ပုံမှန်နီးပါး ပြန်လည်ကောင်းမွန်စွာ လုပ်ဆောင်နိုင်ရန် ကူညီပေးပါသည်။

🧠 သင့်လျော်သော အာဟာရသည် ပဋိသန္ဓေစတင်ချိန် သို့မဟုတ် ကိုယ်ဝန်ဆောင်ချိန် အတွင်း ရသော အာဟာရမှ စတင်သည်။ ပဋိသန္ဓေ စတည်စဉ်အချိန်မှ အသက် ၂ နှစ်အရွယ် အထိ ဦးနှောက် သည် စဉ်ဆက်မပြတ် ဖွံ့ဖြိုးတိုးတက်နေသောကြောင့် ဖြစ်သည်။

ထိုကာလအတွင်း ဖြစ်ပေါ်သော အာဟာရချို့တဲ့မှု သည် ဦးနှောက်၏ လုပ်ဆောင်ချက်နှင့် ဖွံ့ဖြိုးတိုးတက်မှုအပြင် ခန္ဓာကိုယ်အတွင်းရှိ အမျိုးမျိုးသော စနစ်များ၏ လုပ်ငန်းဆောင်တာများအပေါ်တွင်ပါ သက်ရောက်မှုရှိသည်။ ကျွန်ုပ်တို့၏ သားသမီး၊ မြေးမြစ်များသည် မွေးစမှစ၍ သင့်လျော်သော အာဟာရစောင့်ရှောက်မှုကို ရရှိသင့်ပြီး မှန်ကန်စွာ ကြီးထွားဖွံ့ဖြိုးမှုကို သေချာစေမည်ဖြစ်သည်။ ထိုအရာက အသက်ကြီးလာသည်နှင့်အမျှ ဖြစ်ပွားနိုင်သော အဝလွန်ခြင်း၊ ဆီးချို၊ သွေးတိုး၊ နှလုံးရောဂါ စသည့် အမျိုးမျိုးသော ရောဂါများကို ကာကွယ်ရန် ကူညီပေးပါသည်။

🥦အာဟာရချို့တဲ့မှုတွင် အဓိကအာဟာရဓာတ် (Macronutrients) နှင့် အသေးစားအာဟာရဓာတ် (Micronutrients) ဟူ၍ နှစ်မျိုးရှိသည်။
အသေးစားအာဟာရဓာတ်များ သည် ဗီတာမင်နှင့် သတ္တုဓာတ်များကဲ့သို့ ပမာဏအနည်းငယ်သာ လိုအပ်သော အာဟာရများဖြစ်သည်။ အဓိကအာဟာရဓာတ်များ မှာ စွမ်းအင်ပေးသော အရာများဖြစ်သည်။ ၎င်းတို့သည် အရိုးနှင့်ကြွက်သားများ၊ အင်ဇိုင်းများ သို့မဟုတ် အစာအိမ်အရည်များ၊ ခုခံအားကို ထိန်းညှိပေးသော အရာများ၊ အမျိုးမျိုးသော အရာဝတ္ထုများ သယ်ယူပို့ဆောင်ခြင်း အပါအဝင် ခန္ဓာကိုယ်ဖွဲ့စည်းပုံအတွက် အရေးကြီးသော လုပ်ဆောင်ချက်များကို လုပ်ပေးသည်။ ပမာဏအနည်းငယ် လိုအပ်သော အာဟာရဓာတ်များသည် အလွန်အရေးကြီးသော အခန်းကဏ္ဍ မှ ပါဝင်ပါသည်။ အဘယ်ကြောင့်ဆိုသော် အဓိကအာဟာရဓာတ်များကို အသုံးပြု၍ ကိုယ်ခန္ဓာအတွင်း ဖြစ်ပေါ်သော ဓာတ်ပေါင်းစပ်ခြင်းနှင့် ဓာတ်ပြိုကွဲခြင်း လုပ်ငန်းစဉ်တွင် ထွက်ပေါ်လာသော အရာများကို ခန္ဓာကိုယ်မှ ကောင်းမွန်စွာနှင့် သင့်လျော်စွာ အသုံးပြုနိုင်ရန် တွဲဖက်လုပ်ဆောင်သူ (cofactor) အဖြစ် ပမာဏအနည်းငယ် လိုအပ်သော အာဟာရဓာတ်များကို အသုံးပြုရန် လိုအပ်သောကြောင့် ဖြစ်သည်။

🌾ခန္ဓာကိုယ်က အဓိကအာဟာရဓာတ်များကို လုံလောက်စွာ ရရှိသော်လည်း လိုအပ်သည့် အသေးစားအာဟာရဓာတ်များကို မလုံလောက်ပါက ပြဿနာများ သို့မဟုတ် ရောဂါများ ဖြစ်စေနိုင်သည်။ ဥပမာအားဖြင့်၊ ကာဗွန်ဟိုက်ဒရိတ် (ဆန်၊ ကစီဓာတ်) ကို အများအပြား စားသုံးသော်လည်း ဗီတာမင် B1 ကို မလုံလောက်ပါက ဘာဘာရီရောဂါ (Beriberi) ကို ဖြစ်စေနိုင်ပြီး နှလုံးထိခိုက်သည်အထိ ပြင်းထန်နိုင်သည်။ အိုမီဂါ-၃ အုပ်စုကဲ့သို့သော အဆီဓာတ်များ (long-chain polyunsaturated fats) အများအပြားကို စားသုံးပြီး ဗီတာမင် E ကို အလွန်နည်းပါးစွာ ရရှိပါက ဓာတ်တိုးဖိစီးမှု (oxidative stress) ကို ပိုမိုမြင့်တက်စေသည့် သက်ရောက်မှုများ ရှိသည်။ ထို့အပြင် ခန္ဓာကိုယ်က ရရှိသော အာဟာရဓာတ်များ မမျှတမှုသည် ခန္ဓာကိုယ်အပေါ် ဆိုးကျိုးများ ကို ဖြစ်စေသည်။ ဥပမာအားဖြင့်၊ ပရိုတင်း အလွန်အကျွံ စားသုံးခြင်းသည် သွေးအက်စစ်ဓာတ်များခြင်း (acidosis) ကို ဖြစ်စေနိုင်ပြီး အရိုးများကို ထိခိုက်စေကာ ဆီးထဲတွင် ကယ်လ်စီယမ်များ စွန့်ထုတ်ခြင်းကို ဖြစ်စေနိုင်သည်။

📈 လွန်ခဲ့သော ၅ နှစ်တာကာလ နှင့် နှိုင်းယှဉ်ပါက အဝလွန်ခြင်းနှင့် ကိုယ်အလေးချိန်လွန်ကဲခြင်း ဖြစ်ပွားမှုနှုန်းသည် လျင်မြန်စွာ မြင့်တက်လာသည်။ အဓိကအကြောင်းအရင်းများမှာ စွမ်းအင်မြင့် အစားအစာများ ပိုမိုစားသုံးခြင်းနှင့် ကိုယ်လက်လှုပ်ရှားမှု နည်းပါးခြင်း တို့ကြောင့်ဖြစ်သည်။ ကိုယ်အလေးချိန်လွန်ကဲခြင်းနှင့် အဝလွန်ခြင်းသည် ပုံပန်းသဏ္ဍာန် မလှပခြင်းသာမကဘဲ နောက်ဆက်တွဲပြဿနာများ ဖြစ်ပေါ်စေသည်။ ဥပမာအားဖြင့် အင်ဆူလင်ခုခံမှု (နောင်တွင် ဆီးချိုရောဂါဖြစ်စေနိုင်သည်)၊ အိပ်နေစဉ် အသက်ရှုရပ်ခြင်း (ဦးနှောက်သို့ အောက်ဆီဂျင် ပေးပို့မှု လျော့ကျခြင်း)၊ သွေးတွင်းအဆီဓာတ် မြင့်မားခြင်း (နှလုံးသွေးကြောဆိုင်ရာ ရောဂါများအတွက် အန္တရာယ်ဖြစ်စေသည့်အချက်)၊ ပုံမှန်မဟုတ်သော အဆုတ်နှင့် နှလုံးလုပ်ငန်းဆောင်တာများ၊ အသည်းတွင် အဆီစုပုံမှုကြောင့် ဖြစ်သော အသည်းရောင်ခြင်း၊ အဆစ်အမြစ် နာကျင်မှုပြဿနာများနှင့် စိတ်ပိုင်းဆိုင်ရာ ပြဿနာများ တို့ဖြစ်သည်။ ကိုယ်အလေးချိန်လွန်ကဲသူများနှင့် အဝလွန်သူများကို မှန်ကန်စွာ စစ်ဆေးကုသရန် လိုအပ်သည်။ အထူးသဖြင့် ကြီးထွားဖွံ့ဖြိုးဆဲ ကလေးများနှင့်ဆယ်ကျော်သက်များ ကို အသက်အရွယ်အလိုက် အချိုးကျပြီး ကြီးထွားလာစေရန် ကိုယ်အလေးချိန်ကို ထိန်းချုပ်ရန် ဂရုစိုက်သင့်ပါသည်။

🌿 အာဟာရနှင့် အစားအသောက် ကို ဂရုစိုက်စောင့်ရှောက်သင့်သူများမှာ လူတိုင်း၊ ကျား/မ မရွေး၊ အသက်အရွယ်မရွေး ဂရုစိုက်သင့်ပါသည်။ ပုံမှန်အာဟာရ သည် ကျန်းမာရေးကောင်းမွန်မှုကို ဖြစ်ပေါ်စေသည်။ အထက်တွင် ဖော်ပြခဲ့သည့်အတိုင်း အမျိုးမျိုးသော ရောဂါများ ဖြစ်ပွားနိုင်ခြေကို လျှော့ချပေးသည်။ ကောင်းမွန်သော အာဟာရသည် ပဋိသန္ဓေစတင်ချိန်မှ စတင်သည်။
အချို့သော ရောဂါများသည် အာဟာရချို့တဲ့မှုကြောင့် ဖြစ်ပွားခြင်း သို့မဟုတ် စားသောက်နေထိုင်မှုနှင့် ဆက်စပ်မှုများ ဖြစ်နိုင်သည်။ ဥပမာအားဖြင့် ဆီးချိုရောဂါ နှင့် ကာဗွန်ဟိုက်ဒရိတ် စားသုံးမှု၊ သွေးတိုးရောဂါ နှင့် ဆားစားသုံးမှု၊ နှလုံးသွေးကြောဆိုင်ရာ ရောဂါ နှင့် အဆီအမျိုးအစားအချို့ စားသုံးမှု၊ အရိုးပွရောဂါ နှင့် ကယ်လ်စီယမ်ဓာတ်လိုအပ်မှု စသည်တို့ဖြစ်သည်။ သို့သော် ရောဂါဖြစ်ပွားပြီးနောက်တွင် အာဟာရစောင့်ရှောက်မှု (Nutrition Therapy) သည် ပြန်လည်ကောင်းမွန်လာစေရန်၊ ရောဂါမှ နောက်ဆက်တွဲပြဿနာများ၏ ပြင်းထန်မှုကို လျှော့ချရန်နှင့် ရောဂါမှ ပြန်လည်သက်သာလာစေရန်အတွက် အရေးကြီးသော အခန်းကဏ္ဍ မှ ပါဝင်ပါသည်။
အောက်ပါရောဂါရှိသူများ ဥပမာ-
• ဆီးချိုရောဂါ
• သွေးတိုးရောဂါ၊ ကျောက်ကပ်ရောဂါ
• သွေးတွင်းအဆီဓာတ် မြင့်မားခြင်း၊ နှလုံးသွေးကြောဆိုင်ရာ ရောဂါများ
• အသည်းရောဂါ
• အူလမ်းကြောင်းဆိုင်ရာ ရောဂါများ
• ကင်ဆာ
• ခွဲစိတ်မှု၊ အထူးသဖြင့် အူလမ်းကြောင်း ခွဲစိတ်မှု။ ခွဲစိတ်ပြီးနောက် အခြေအနေများ
• ကိုယ်အင်္ဂါအစားထိုးကုသမှု (Grafting)
• အာဟာရချို့တဲ့ခြင်း၊ ပိန်ခြင်း၊ ကိုယ်အလေးချိန်လွန်ကဲခြင်း၊ အဝလွန်ခြင်း
အချုပ်အားဖြင့် မွေးကင်းစမှစ၍ အသက်အရွယ်အလိုက် လုံလောက်ပြီး သင့်လျော်သော အာဟာရ၊ သင့်လျော်သော ကိုယ်လက်လှုပ်ရှားမှု၊ မှန်ကန်သော စားသောက်နေထိုင်မှုပုံစံ တို့သည် ကောင်းမွန်သော ကိုယ်ခန္ဓာကျန်းမာရေးနှင့် ကောင်းမွန်သော ဘဝအရည်အသွေးအတွက် မရှိမဖြစ် လိုအပ်ပါသည်။
________________________________________
ကျန်းမာရေးဆောင်းပါးများ မျှဝေပေးသော 👩‍⚕️ Dr. Nalinee Chongviriyaphan, Ph.D. ကလေးအာဟာရဗေဒ ဆိုင်ရာ ပါရဂူဆရာဝန်မကြီးအား ကျေးဇူးတင်ပါသည်။

ที่อยู่

611 Bamrung Mueang Road, Khwaeng Khlong Maha Nak, Khet Pom Prap Sattru Phai
Bangkok
10100

เบอร์โทรศัพท์

+6622207999

เว็บไซต์

http://www.thonburibamrungmuang.com/

แจ้งเตือน

รับทราบข่าวสารและโปรโมชั่นของ Thonburi Bamrungmuang - Myanmarผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา