22/11/2025
💡 نصيحة اليوم من مخبر القسنطيني :
باش نكونوا صريحين… الحياة ولات ماراثون.
نجريو في الصباح، نجريو للخدمة، نجريو فالطريق،
نجريو ورا المواعيد، ورا الصغار، ورا النوم…
حتى الهرمونات عندنا ولات تتنفس بصعوبة ! 😅
وفي وسط كل هذا الزحام، يطلعلك الكورتيزول…
هرمون التوتر اللي يحب يفيق قبلك ويقولك :
"صباح الخير! هاني جيت… نبدأ نقلقك شوية ؟ 😁"
المشكل إنو كي يزيد الكورتيزول،
تجيه نسبة السكر في الدم وتقول:
“آه، ثمة توتر ؟ نمشي نطلع معاهم شوية !”
👉 النتيجة :
توتر، تعب، نقص تركيز، وجوع حتى كانك ماكل !
(إيه… الكورتيزول يحب يلعب في كل حاجة 😒)
😌 حلول بسيطة ولطيفة لمحاربة التوتر :
🏃♂️ امشي برشا و اعمل رياضة ساعة في النهار : الحركة تطيح التوتر وتنعّش البدن… حتى 10 دقايق مشي يعملوا الفرق، أما الساعة خير وأبرك !
😂 اضحك : ضحكة صغيرة تطيّح الكورتيزول.
📵 دقيقة بلا تلفون : سكّر التنبيهات… دماغك يشكرك والضغط يهبط.
🥤 اشرب شوية ماء : المخ ساعات يخلط بين العطش والتوتر، جرعة ماء تعمل المعجزة !
🧘♂️ خذ "بوز" صغير : مدّ ظهرك، حرّك كتافك، تنفّس… مخّك يقول: "واو، عطلة !"
