ZiedCo

09/11/2025

نفرح كيف نشوف جمعية كبيرة كيف الملعب القفصي يحملوا الاقمصة إلي خادمهم عندي و عاطيهم من روحي و قلبي 🤍🖤

09/11/2025

توضيح مهم للحرفاء الكرام
نحب نوضّح نقطة مهمّة برشا 🙏
خدمة الزّربة لا تنفعكم ولا تنفعنا ⚠️
وقت نخدمو خدمة مستعجلة، تصير الأغلاط، والجودة تنقص، ونتعبو الكل بلا فايدة.
نحب دايماً نقدّمو خدمة نظيفة، منظمة، وبدقّة 👌
برشا ناس ما يعرفوش الفرق بين خدمة الزّربة والخدمة المنظّمة، وبين الكمية الكبيرة والكمية الصغيرة، وهاو التفسير 👇
🔹 وقت نخدمو كمية كبيرة (travail à la chaîne)،
الخدمة تكون تسلسلية ومنظّمة:
كل مرحلة تتخدم على حدة، وكل عاملة عندها دورها،
هكا الإنتاج يكون أسرع، أدقّ، وتكلفته أقل على الحريف 💪
🔹 أمّا وقت نخدمو كمية صغيرة أو قطعة واحدة،
نخدموها من A إلى Z، يعني كل حاجة تتعدّى بيديّنا وحدة بوحدة،
وهذا يتطلّب وقت أطول، تركيز أكثر، ومصاريف أكثر ⚙️
🔹 وزيد نوضّح حاجة:
خدمة l’échantillon (العينة) راهي ما هيش ببلاش ❌
العينة تاخذ من وقتنا أكثر من خدمة 100 قطعة،
خاطر نحضّروها، نقصّوها، نخيطوها، ونصلّحو فيها كان لزم،
باش نوصّلو للنموذج النهائي اللي يرضيكم 💯
❤️ الهدف متاعنا ديما إنّو الحريف يفرح بالخدمة وبالجودة،
أما لازم نفهمو إنو الجودة، التنظيم، والوقت هما أساس أي خدمة ناجحة.

17/10/2025

Regarde, suis et découvre encore plus de contenus tendance.

04/10/2025

⚡ رسالة واضحة وصريحة لكل الأكاديميات والجمعيات الرياضية في قفصة ⚡
من أول ما بديت، كنت ديما نقدم أسعار محترمة مع جودة عالية و نخدم بضمير. أما للأسف، لقيت برشة تأخير في الخلاص، و كلام فارغ كيف: "عطونا أقل سوم في بلاصة اخرى" ولا "باش نمشو نشرو من مصانع الساحل ولا صفاقس"... و أنتم تعرفو مليح إلي أنا نمدّلكم بأسوام أقل برشة من المناطق هاذيكا.

لكن الحقيقة المرة: المواطن القفصي ديما يحس بنقص قدام الولايات الأخرى، و هذا إلي خلا الوضع هكا.

🚫 من هنا فصاعدًا:

أي واحد يقلي "نمشي للساحل" نجاوبه: "برّا" من غير حتى ما تتعب روحك تشاورني.
تحمل عناء السفر و المعاملة الخايبة و ميهزوش عليكم التالفون بعد ما تكتوا الفلوس.
و خلي نقلكم: أنا مرات ناخذ عليكم ضمّد 50% و ساعات مناخذش أصل، أما فالمصانع الأخرى تدفعوا كامل المبلغ و ما تلقوش لا سرعة فالإنجاز لا مرونة فالخدمة.

📌 قرار جديد:

من اليوم، أي خدمة نعملها ما تجمش تخرج إلا بعد عقد اتفاق رسمي مصحّح في البلدية، يضمن حقي و حقكم، و نلتزمو بيه بجديّة.
الي يحب خدمة نظيفة، واضحة، و بشروط عادلة مرحبا. أما اللعب والتهرب ما عادش عندو بلاصة عندي.
و السعر غير قابل للنقاش.

10/07/2025

لا يوجد شعور يضاهي لحظة نشوف فيها منتوجنا على أرض الملاعب 💥
كل غرزة، كل تفصيل، نابع من حبنا للصنعة وحرصنا على الجودة.
شكراً لكل من يختار Zied Rouached Confection – ZRC 🙌
صناعة تونسية 100%، حاضرة في قلب التحدي الرياضي 💯
والقادم أفضل بإذن الله 💪✨

🔖

Regarde, suis et découvre encore plus de contenus tendance.

31/03/2025

بمناسبة حلول عيد الفطر المبارك، يسعدني أن أتقدم لزملائي و حرفائنا الكرام بأصدق التهاني وأطيب الأماني. أعاده الله عليكم وعلى أحبائكم بالخير واليمن والبركات، متمنياً لكم دوام الصحة والنجاح والتوفيق. كل عام وأنتم بخير

14/03/2025

اليوم الدنيا الكل تحكي على ال data و أهميتها، أما الحقيقة، موش الناس الكل فاهمة شنوة تنجم تبدل في الخدمة اليومية. قاعدة البيانات (Base de données) موش كان أرقام و معلومات، راهي مفتاح باش الواحد يفهم، يخطط، و يسهل خدمته.

تصوّر معايا، تكون عندك رؤية واضحة، الإجراءات تولي أبسط، و الوقت الي يضيع في البحث على المعلومات ينقص. الأهم من هذا الكل، القرارات تولي مبنية على حقائق مش على التخمين.

الي يخدم بالمعلومة الصحيحة، ديما عنده خطوة لقدّام
حنا في عصر المعلومة، و الناس الي تفهم قيمة البيانات ديما عندها أسبقية. أما المشكلة كي تكون الفرصة قدامك و ما تعطيلهاش القيمة الي تستحقها !

حكيت برشا مرات على أهمية قاعدة البيانات في تسهيل الخدمة، في التنظيم، في الرؤية الواضحة، و الأهم في اتخاذ قرارات صحيحة. أما كي الواحد يصرّ على الطرق البدائية و يرفض التطوير، النتيجة تكون ضياع وقت، تعب زايد، و قرارات على أساس الظنون مش الحقائق.

البايات موجودة، الحلول زادة، أما يلزم شكون يعرف قيمتها ! ولي يخدم بمعلومة صحيحة خير من الي يخدم بالحدس.