OCC Doctors

27/10/2025

Tunapenda kuwataarifu kwamba huduma zetu za kundi la HEDHI SALAMA zimeanza tena baada ya kipindi kirefu cha kimya. Mnakaribishwa kwa moyo wote kuendelea kupata taarifa sahihi za kiafya, ushauri wa kitaalamu, na huduma mbalimbali za matibabu kupitia kundi hili.

Huduma zote zinapatikana kulingana na mahitaji yako, unaweza kupata ushauri hapa kwenye kundi au kwa njia ya moja kwa moja (Inbox/Private). Karibuni tena Hedhi Salama Group kwa afya bora, uelewa zaidi, na huduma za uhakika!

Bofya hapa kujiunga na wenzako

WhatsApp Group Invite

26/10/2025

UZAZI WA MPANGO

26/10/2025

Sumu ya uyoga (Amanita toxin), hasa inayopatikana kwenye uyoga hatari wa (Amanita phalloides), husababisha homa ya ini (hepatitis). Sumu hii huathiri zaidi ini kwa kuingia kwenye seli za ini na kuzuia kazi ya kimeng’enya kinachoitwa 'RNA polymerase II', ambacho husaidia katika utengenezaji wa nakala ya 'mRNA'. Bila 'mRNA', seli za ini hushindwa kutengeneza protini muhimu zinazohitajika kwa uhai wake. Hali hii husababisha seli za ini kuharibika na kufa. Matokeo yake, ini hushindwa kufanya kazi vizuri, na mtu huanza kupata dalili za homa ya ini kali.

Dalili ni pamoja na maumivu makali upande wa juu wa kulia wa tumbo, kichefuchefu, kutapika, manjano (jaundice), na wakati mwingine kushuka kwa kiwango cha sukari mwilini au kuchanganyikiwa. Katika hali mbaya zaidi, sumu hii inaweza kusababisha kushindwa kabisa kwa ini (hepatic failure) na hata kifo ikiwa matibabu hayatafanyika haraka.

26/10/2025

HOMA YA INI (HEPATITIS)

25/10/2025

Homa ya VVU hutokea mara nyingi katika wiki chache za kwanza baada ya maambukizi na hudumu kwa muda mrefu takriban siku 7-14 ikilinganishwa na homa ya kawaida ambayo ni siku 3-5. Kwa kawaida, homa ya VVU huambatana na dalili nyingi kwa pamoja k**a koo kuuma, kuvimba tezi za shingo, upele mwilini, maumivu ya misuli, uchovu mwingi, na wakati mwingine jasho la usiku. Dalili hizi huashiria mwitikio wa mwili kupambana na virusi vipya vya VVU vinavyokuwa vinaanza kuenea mwilini.

Homa ya mara kwa mara kwa mgonjwa wa UKIMWI hutokea kwa sababu kinga ya mwili 'mfumo wa CD4' unakuwa umedhoofika, hivyo mwili unashindwa kupambana ipasavyo na virusi vinavyoingia na kushambulia mwili wiki chache baada ya ngono isiyo salama.

25/10/2025

UKIMWI-HIV/AIDS

25/10/2025

Lishe bora ni msingi muhimu kwa ukuaji na maendeleo ya mtoto. Lishe duni katika kipindi cha utoto inaweza kusababisha athari za kiafya na kimaendeleo zitakazojitokeza hata katika maisha ya baadaye. Mtoto mchanga anapaswa kunyonyeshwa maziwa ya mama pekee (exclusive breastfeeding) katika miezi sita (6) ya kwanza ya maisha.

Kumnyonyesha maziwa ya mama pekee kunamaanisha kwamba mtoto anapewa maziwa ya mama tu bila kuongezewa chakula kingine chochote, maji, au vimiminika vingine isipokuwa dawa au virutubisho vilivyowekwa na mtaalamu wa afya.

24/10/2025

AFYA YA MTOTO - UKUAJI NA MAENDELEO

24/10/2025

Mimba zisizokuwa na matarajio zinahusishwa na vifo na magonjwa mengi ya mama na mtoto wakati wa ujauzito na baada ya kujifungua, kutokana na matatizo ya utoaji mimba kwa makusudi, kupata mimba katika umri mdogo, kupata mimba za mara kwa mara mimba zinazotokea kwa muda mfupi baada ya nyingine au mwanamke kubeba mimba katika umri mkubwa. Mimba zisizo na matarajio huleta msongo mkubwa wa mawazo, hofu na sonona.

OCC DOCTORS tunasaidia kufanya uamuzi kuhusu njia ya uzazi wa mpango kulingana na hali ya mtu kwa kutoa taarifa sahihi kunako FPP, kumruhusu mteja kuuliza maswali kuhusu FPP, Kuhakikisha uendelevu wa matumizi ya huduma za uzazi wa mpango wa FFP ambayo hutumika kidonge kimoja kwa mwezi. Mara moja kila baada ya siku 30.

24/10/2025

Kulaza mtoto kifudifudi wakati wa usingizi kunahusishwa na hatari kubwa ya kifo cha ghafla cha mtoto mchanga. Kwa mtoto mwenye umri chini ya miezi 3, hapendekezwi kulazwa kifudifudi kwa kulalia tumbo wakati wa kulala, isipokuwa kwa usimamizi na kwa muda mfupi tu kwa mfano, wakati wa “tummy time” akiwa macho.

Mtoto anatakiwa alale chali kila wakati wa kulala mchana na usiku. Sehemu ya kulalia iwe tambarare na salama, bila mito, vikorombwezo, au blanketi laini. Epuka kulaza mtoto upande kwa sababu anaweza kugeuka na kulalia tumbo bila kutarajiwa.