Українські товари для всієї сім'ї

04/09/2023

Залишки зі знижкою

03/09/2023

Набір

03/09/2023

Також в наявності

03/09/2023

В наявності

03/09/2023

28/05/2023

❤️ مساء الخيرات ❤️
كتير بنقول إننا راضيين والحمد لله وكله تمام - والحقيقة إن مفهوم "الرضا" في الأصل مش واضح لنا بالشكل الصحيح
علشان كدة حبيت أوضّح ليا وليك النقاط المهمة دي ❤️
من علامات الرضا عن الله :
1- ترك الإختيار قبل القضاء
"يعني تبقى عارف ومؤمن ومليان يقين بإن كل اللي يجيبه ربنا كويس ومن قبل ما يحصل أصلاً وتدرّب نفسك طول الوقت على كدة - كل اللي تجيبه يارب أنا راضي بيه ❤️"

2- فقدان المرارة بعد القضاء
"يعني مهما يحصل عُمرك ما تحسش بضيق ومايبقاش فيه حاجة إسمها : ليه يارب تعمل فيا كدة ؟ و إشمعنى أنا بالذات يحصل لي كدة ؟ أو ياريتني ما عملت كزا كان زماني مش عارف إيه"

3- ألاّ تقل محبتك لله عز و جل عند البلاء
"يعني لما يقع البلاء إوعى عبادتك تقل أياً كان نوع العبادة أو تقصّر في علاقتك بربنا - و إلا هاتبقى دليل وحجة عليك بعدم الرضا عن الله"

❤️
إسمعوا بقى الحتة دي كمان 👌
يقول إبن القيّم :
الرضا
باب الله الأعظم
و مُستراح العابدين
و جنّة الدُنيا
❤️
وصلت يا طيبين ؟؟؟
#١٨٠درجة

27/05/2023

رسالة لكل زوج وزوجة ولكل اتنين مقبلين على الزواج 💖
شوية وعي أثابكم الله ✋️❤️
عن الإنفصال ومدخل الشيطان لتزيين الفكرة وخطورة إسقاط تجارب الآخرين
وضرورة تقدير دور كل طرف وأهمية وجوده وتضحياته في سبيل بقاءه مع الآخر ❤

27/05/2023

صباح الفل ❤️
في الواقع كمية المُحبِطات والضغوط اللي كل واحد فينا بيتعرض لها بشكل يومي أصبحت مُخيفة جداً وبتزيد بشكل بشع
ومهما وصل بالإنسان من خبرة أو كياسة أو فطنة في التعامل فالأمر فعلاً يفوق الإحتمال أو حتى التخيل
أنا باقول الكلمتين دول ليه ؟
باقولهم علشان حابب أطمنك إنك مش لوحدك
وإن كلنا واقعين في قلب المفرمة حتى لو بنسب مُتفاوتة
مطلوب منك حاجات قد تبدو بسيطة لكن ليها عميق الأثر :
١- إنفاق في سبيل الله ولو بالقليل
٢- مساعدة اللي فعلياً محتاج باللي فعلياً تقدر عليه
٣- ماتعشّمش حد
٤- ماتتعشّمش ف حد
٥- إوعى تربط بهجتك أو سعادتك بتحقيق شيء معين
٦- حاول تذكر النعم اللي انت فيها بشكل منتظم وتفكّر نفسك دايماً بيها طول الوقت
٧- إبعد تماااااماً عن أي حاجة أو أي حد ممكن يكون سبب في تسلل الشعور باليأس أو الإحباط إليك
٨- لما تحس من جواك إنك عاوز تقول "لأ" - إتجرأ وتوكل على الله وقولها
٩- إخلق لنفسك عالم مُفرِح خاص بيك "بتفاصيلك وأدواتك ومُبهِجاتك إنت مش حد تاني" تلجأله وقت الحاجة ومهم جداً يكون في حدود إمكانياتك والمُتاح منها
١٠- ماتفرضش على نفسك إلتزامات جديدة "خصوصاً اللي مالهاش لازمة وانت عارفها كويس" غير لما تخلص اللي عليك الأول قدر الإمكان
وقبل كل ده
خلّي "الله" قصاد عينك طول الوقت
علشان يقيك شر ضعفك وشر نفسك ويحميك من شرور الناس
❤
#١٨٠درجة

26/05/2023

❤️ يا صديقي ❤️
كل يوم جديد في حياتك هو الفرصة الثانية
واللي ممكن جداً تبقى هي نفسها الفرصة الأخيرة
ماتضيّعش اليوم منك على أمل اليوم الجاي
عشان لو مجاش
إنت ماتضيعش
إنت مش عارف بكرة في إيه
إنت مش عارف بكرة أصلاً جاي ولا لأ
ولو جه
هايكون ف صالحك ولا لأ
إنتبه 👌
وإياك
إياك تسمح لفخ "الإحتمال" إنه يخطف منك "الأكيد"
❤


#فليغرسها