Drugs home

10/25/2019

منظمة الصحه العالميه وهيئة الغذاء والدواء طالبت بوقف وسحب منتجات الرانتدين من الأسواق لاحتوائها علي شوائب مسرطنة وده من فتره بسيطه وبعدها طلعت وقالت ان الماده الفعاله رانتدين بعد تحليلها من عينات كتير طلعت خاليه من الشوائب😊لك ان تتخيل ان قرار زي ده انقذ شركات من خسارة ملايين من الدولارات😉وهنا بقا السؤال ..هل فعلا الماده الفعاله رانتدين خاليه من الشوائب السرطانيه🤔ولا جزء من ملايين الدولارات دي هو اللي خلاها خاليه من الشوائب 🤭عموما راس المال يتحكم في صُنع القرار في كل مكان وصناعة الدوا بيزنس اخر حاجه يفكروا فيها هي صحة الناس 👀

06/13/2019

انتشرت في الاونه الاخيره ادويه الكحه العشبيه
مثل اللبلاب والجوافه
ولكن في تركيبات منها وكتيييره بيكون موجود معها نبات الزعتر thyme
وفيه معلومه مهمه بتقول ان الزعتر بيسبب انقباضات في الرحم
حتي ولو مش قويه
لذلك لزم التنويه مش كل الاعشاب والادويه العشبيه تصلح للحامل
والمثال المشهور طبعا القرفه وضيف كمان الزعتر اهوه
اي دوا كحه فيه زعتر ينصح بعدم اعطاءه للحامل

05/26/2019

النهاردة هتكلم عن الالتهاب الكبدى الوبائي A
ده عبارة عن فيرس A بيصيب الكبد ويعمل فيه التهابات متعددة
اعراضه
اصفرار فى الجلد وخاصه الوجه واصفرار فى بياض العين
اعياء وضعف ف الجسم ومغص وارتفاع ف درجه الحرارة وممكن اسهال وترجيع
بيتنقل عن طريق الأكل والشرب الملوثين بالفيرس او عن طريق التعامل مع الأشخاص المصابين يعنى استخام ادواتهم والاكل معاهم ...
خطير ولا لا؟؟؟؟
فى الغالب لا معظم حالات الاصابه بالفيرس محدش بيحس بيها اصلا وتعدى من غير أعراض
المرض ده بيصيب الاطفال اكتر لأن الكبار بيبقى عندهم مناعه منه بالذات فى مصر 😂
بس لو جه للكبار بتبقى اعراضه جامدة شويه
لو أعراض المرض ظهرت ع حد المفروض بيعمل تحليل وظائف كبد وتحليل الفيرس ذات نفسه anti HAV
لو ثبت بالتحاليل
أولا يعزل المريض عن الاطفال ف البيت
اكله وشربه لوحده والراحه التامه
ثانيا الأكل لازم يكون صحى ومفيد زيادة البروتينات والكربوهيدرات ونقص الدهون.العسل الأسمر وعسل النحل.. ..اللحم الأحمر والفراخ مع تجنب الدهون منها ...الفواكه المغسوله جيدا ..البطاطس المسلوقه ..العصير الطبيعى
ثالثا طبعا الادويه ال الطبيب هيوصفها وهى عامة هتببقى مكملات غذائية لخلايا الكبد و علاج الأعراض
الموضوع بياخد فترة من اسبوع. ل .3اسابيع وبينتهى تماما ف معظم المرضى وخاصة الاطفال

05/25/2019

04/29/2019

فيسخ ورنجه 😄
معانا ياربنا✋🏻.🐟🐠

١- تسمم الفسيخ أو التسمم الممبارى أو التسمم السجقى أو botulismايه هو ؟؟؟؟
فى الأمعاء بتاعة الحيوانات بيوجد بكتريا اسمها Clostridium botulinum و البكتريا ده بتخرج مع فضلات الحيوانات و تختلط بالتربة .

٢- يجى بقى الفسخانى يجيب السمك 🐟و يحطه فى براميل مش نضيفة مختلطة بالأتربة و نتيجة أن البكتريا غير هوائية تبدأ تنشط و تفرز سم اسمه (botulinus intoxication) أو البوتوكس.

٣- ايه هى الأعراض المصاحبة للسم ده ؟؟
المرض ده مصحوب باعراض عصبية بيبدا بشلل فى عضلات العين فيعمل ازدواج فى الرؤية و تدلى فى الجفون( زى صورة جيم كارى كده 😂)و ينزل لعضلات المضغ و البلع و يمتد لعضلات الجهاز النفسى( بتؤدى للاختناق و الوفاة) اذا لم يتم علاجه.

٤-ازاى نقى نفسنا من تسمم الفسيخ؟ لو فضلنا نقول امنعو الفسيخ محدش هيسمع الكلام يبقى
#لازم الفسيخ ياخد ١٠ ايام على الاقل و بلاش بلاش الفسيخ الحلو اللى بياخد فترة صغيرة فى التمليح ده خطير جداااااا.
#لازم نتحرى مصدر الفسيخ و نخلى بالنا من نضافة المحلات و بقى فيه ناس كتير بتعمله فى البيت.
عشان نتخلص من البكتريا نقلى السمك فى زيت غزير لمدة ٣٠ دقيقة .

٥- التسمم الممبارى مبيجيش بس من الفسيخ؛ بيجى كمان من المعلبات زى التونة ؛ و كمان من العسل النحل عشان كده ممنوع ندى عسل نحل للاطفال اقل من سنة .
٦- فى كل محافظة فيه المضاد للسم antitoxin و بيبقى عبارة عن فيال زجاج 250 مل

ملحوظة هامة: ممنوع منعا باتا تناول الفسيخ للحوامل ؛ بلاش تعرضى نفسك و طفلك لخطر شديد

04/28/2019

أغلبية الرضع بيصابوا بالغازات والانتفاخ والمغص
عادة للطفل اللي بيرضع صناعي بيكون السبب هو احتباس الغازات داخل البطن اثناء الرضاعه
اما لو بيرضع طبيعي نسبة الاصابه بالمغص بتقل ولكنها بتكون لسه قائمه
اشهر وأأمن نقط للمغص هي الدنتينوكس
من اول يوم عادي ممكن الطفل ياخدها لا توجد اي مخاطر علي الطفل
الجرعه هي 2.5 مل اربع مرات يوميا
توجد قطاره ( طريقه عملها مثل السرنجه ) وهي ممتلئه تكون 2.5 مل كامله تعطي مباشرة
او ممكن تخلط علي الحليب او مع شاي الاعشاب
الاكوا فيرا هو شراب ايضا به نفس المواد الفعاله للدونتينكس وان كان طعمه مستساغ عن الدنتينوكس
شاي الاعشاب الخاص بالاطفال ( لازم الام تقرا طريقة تحضيره وتلتزم بيها )ولا يضاف اليه سكر او عسل
السكريات تزيد الانتفاخ لدي الرضع

04/24/2019

الاسهال...


🍃 ان الاسهالdiarrhea اذا كان مصحوب بارتفاع درجة حرارة وتقيوء فانه قد يكون بسبب التهاب الامعاء .

🍃 واذا كانdiarrhea مصحوب بانتفاخ وغازات ومتبوع بالامساك فقد يكون بسبب تهيج القولون .

🍃 واذا كان diarrhea مصحوب بتغيير نوع الحليب فقد يكون بسبب Dietary induced .

🍃 واذا كان diarrheaمصحوب برغبة بالتغوط ولكن لايحدث وخروج قليل والم عند الخروج والخروج برائحه كريهه فان قد يشير الى الدزنتري dysentery .

🍃 واذا كان diarrheaحدث مع بداية تناول الادوية فقد يكون بسبب هذه الادوية.
وقد يكونdiarrhea بسبب التهاب المجاري التنفسية العليا .

تشخيص سبب التقيؤ ....


🍃 ان التقيوء vomiting اذا كان مصحوب بارتفاع درجة الحرارة والتقيوء فقد يكون بسبب التهاب الامعاءGastroenteritis او الزائدة الدودية appendicitis .

🍃 واذا كان التقيوء حصل مع بداية تناول ادوية معينه فقد يكون بسبب تناول هذه الادوية Drug .

🍃 اذا induced vomiting واذا حصل اثناء السفر لفترة طويلة فقد يكون بسبب Motion sickness . وفي جميع الاحوال يجب صرف مضاد تقيوء . و ان من اهم اسباب حدوث التقيوء صباحا هي: الحمل وتناول بعض الادوية.

🍃 ان metabolic endocrine disorders. ومشاكل الجهاز الهضمي مثل: القرحة المعدية والاثني عشر .. هذه ممكن تسبب تقيء

04/21/2019

انتبهي من فضلك✋🏻
الي كل ست حامل الي كل ست تعاني من السمنه و تفكر في الحمل الي كل امرأه لديها تاريخ وراثي مع السكر والحمد لله لسه صغيره بس بتفكر في الحمل
المرض اليوم هو سكر الحمل
من الاسبوع الرابع والعشرين الي الاسبوع الثامن والعشرين لاااااااااااااازم ولابد اي ست حامل (ةخاصة اللي زذكرناهم اولا)
لازم تعمل تحليل سكر صايمه 8 ساعات
ولازم يكون اقل من 92 وده اقل من المستوي الطبيعي للاشخاص العاديين ( اللي مش حامل) مستواهم بيكون 100
طيب لو طلع السكر لا قدر الله 97 مثلا صايم
لازم اتابع السكر كويس
واقوم بتحليل تاني وهو
oral glucose tolerance
وده عباره عن
قياس مستوي السكر صايمه 8 ساعات لازم اقل من 92
نخلي المريضه تشرب 75 جرام سكر دايبين في الماء وبس
نقيس مستوي السكر بعد ساعه من الشرب لازم يكون اقل من 180
ونرجع نقيس بعد الشرب بساعتين لازم يكون اقل من 153
طبعا لاقدر الله لو كانت الارقام اعلي من كده
الطبيب هيختار نوع انسولين مناسب لحضرتك
الانسولين وبس
فيه نقطه بسيطه
مع سكر الحمل الجنين بينمو ويكمل عادي بالعكس وزنه بيكون كمان اكتر من العادي
بس للاسف اغلبية الحالات الوفاه للطفل بتم بعد الولاده بفترة قصيره (ساعات)
احمي حياة اولادك بتحليل سكر ما تنساش من الاسبوع 24 للحمل حتي الاسبوع 28

04/21/2019

اخطاء في علاج الحروق و التعامل معها
حروق الجلد من الاصابات الخطيرة تسبب تشوهات في شكل الانسان يجب التعامل معها بحذر بكيفية صحيحة و تجنب الاخطاء التى تلوث و تسبب تاخر العلاج

معجون الاسنان
من اهم الاخطاء الشائعة في حالات الحروق ان تضع معجون الاسنان على الحرق بهدف تخفيف الالم قد يؤدى الى تلوث الجرح بشكل كبير و حدوث التهابات و مضاعفات و استخدام مرهم مخصص لعلاج الحروق و وضع الحرق تحت الماء الجاري لمدة ربع الى نصف ساعة وفقا لدرجة الحرق لتخفيف الالتهاب
تغطية الحرق
تغطية الحرق بهدف تجنب عملية تلوث الجرح يؤدى الى ارتفاع من درجة حرارة الجلد نتيجة الاحتباس الحراري و لفه بشطل خفيف مع طبقة مرهم او كريم مضاد للحرق
استخدام الثلج
من الاخطاء الكبيرة اضافة قطعة من الثلج بشكل مباشر على الجلد الذي تعرض للحروق يسمى علميا بحرق الجلد بالجليد و له اضرار جانبيه تسبب تلف الانسجة المحيطة بمنطقة الحرق ، كما انها تترك ندبات و اثار على الجلد ، و لتصحيح ذلك الخطأ على المصاب وضع الحرق تحت الماء الجاري
استخدام القطن لتغطية الجرح
اذا وضعت القطن بشكل مباشر على الجرح الناتج عن الحروق فإن قطع القطن سوف تلتصق بالجرح و تصعب عملية تغيير الجرح بعد ذلك

04/13/2019

قواعد حديثي الولادة مهمه جدا 🙂
١_رضعي طبيعي
٢_بلاش أعشاب
٣_بلاش بيبي درينك
٤_بلاش جلوكوز
٥_ڤيتامين "د" من أول يوم ٤ نقط ڤي دروب .
٦_تطعيم ڤيروس بي أول ٢٤ ساعة حتى في أيام الجمع و العطلات الرسمية .. في الوحدات الصحية و أقسام النساء في المستشفيات الحكومية
٧_ما تربطيش حاجة على السرة
٨_ممنوع الحفاضة تغطي السرار
٩_نظفي السرار بالكحول من ٤_٧ مرات يومياً .
١٠_رضعي طبيعي ..بس.
١١_بلاش بيبي درينك..اتمنع من وزارة الصحة
١٢_تحليل الكعب من اليوم الثالث للسابع يوم السبت و الثلاثاء في كل الوحدات الصحية..
١٣_حديث الولادة إنسان و بيحتاج النظافة ..و بيستحمى عادي
١٤_ممنوع بوس الطفل من الفم.
١٥_بلاش بوس أحسن ..بينقل أمراض.
١٦_تطعيم الدرن "حقنة الكتف" ..في أول شهر ما تتأخريش.
١٧_مفيش في السبوع غربلة ..الغربلة=نزيف في المخ .
١٨_تكحيل الطفل بالبصل ممنوع..عينه هتضيع.
١٩_نقط مطهرة للعين روتين في أول أسبوع.
٢٠_ورق مهم و هتحتاجيه شهور : كراسة التطعيمات..منحنيات النمو تشمل الوزن و الطول و محيط الرأس
٢١_ركزي مع وزن طفلك ساعة الولادة ..احفظيه، الطبيعي من ٢.٥د في المتوسط ٧٥٠ جم أول شهر.
٢٢_٦٠٪ من المواليد بيصفروا ..صفرا طبيعية حميدة ما تقلقيش.
٢٣_الصفرا عايزة رضاعة و متابعة أو حضانة و علاج ضوئي مش عايزة نيون و لا ڤيتامين.
٢٤_المولود إنسان ..إحساسه بالجو زينا..بلاش بطاطين في أغسطس ..هيفطس
٢٥_الزغطة و الخنفرة و الحزقة ظواهر طبيعية هتقل مع الوقت.
٢٦_ظواهر تقلقك : الطفل رافض الرضاعة أو مش قادر يرضع ، لونه بيزرق، نفسه فيه نهجان ، مدروخ و مش بيصحى.
٢٧_اهتمي بنفسك و صحتك عشان تقدري تهتمي بمولودك..كلي أكل صحي و متوازن ، بلاش أدوية من غير داعي، اشربي لبن ..كتير، و بلاش اكل حراق أو بيعمل انتفاخات .
٢٨_حديث الولادة بينام كتير بس متقطع..نومك هيتلخبط ..بترضعي و تغيري و تدلعي و تنيمي.
٢٩_حديث. الولادة بيسمع من و هو جنين ف اخر شهور الحمل..لو مفيش فزع أو خضة من الصوت العالي تقلقي .
٣٠_لازم طفلك يعمل براز في أول ٢٤ ساعة ..لو معملش استشيري الطبيب
٣١_أنماط الإخراج مختلفة عند حديثي الولادة..فيه طفل بعد كل رضعة يعمل براز و طفل يعمل مرة في اليوم .
٣٢_النوم على البطن ممنوع ..إلا بعد الرضاعة للتجشؤ و انتي صاحية .
٣٣_غيري الحفاض من ٣_٤ مرات يوميا و نشفي كويس. و ادهني زيت زيتون..هتحميه من التسلخات.
٣٤_لو بنت اتأكدي من وجود فتحة المهبل..لو ولد حسي الخصيتين و شوفي فتحة القضيب في مكانها و لا لأ..
٣٥_الأب:فينك ؟! ..واحشنا و الله
٣٦_أول ما فترة النفاس تخلص شوفي وسيلة منع حمل مناسبة ما تنسيش ..طفلك محتاج رعايتك قبل ما تعمليها تاني و صحتك هتروح
٣٧_طفلك بيعيط كتير ..عليكي تخمني السبب و مع الوقت هتفهميه.
جعان _رضعيه ،، شبعان و منفوخ _كرعيه،، عنده مغص دلكيه ،، عايز حد يشيله شيليه ..ما تسيبيش طفلك يعيط عشان ما يتعودش على الشيل..هو إنسان و عايز اهتمام و الاهتمام ما بيطلبش .
٣٨_السخونية و الكحة في حديثي الولادة مش طبيعية و مش حميدة ..لازم دكتور و تحاليل.
٣٩_حبي طفلك ..ولد أو بنت..أسمر أو ابيض ..سليم أو مريض ..ده قطعة من روحك ما تخليش حد أبدا يصنفه.
٤٠_مع نهاية الشهر الأول الطفل بيبدأ يبتسم لو لاعبتيه ..لو بيعيط و اتكلمتي معاه هيهدأ ..
اتعاملي معاه على إنه إنسان محتاج غذاء و حب و عناية
منقول

04/11/2019

الترامادول

هل تعلم ان الترامادول يقوم بتغليف القنوات العصبية اللتى تقوم بتوصيل الإشارات الناتجة عن اى اضرار او آلام فى الجسم الى المخ .. اى ان الترامادول ليس منشطآ كما يدعى الجاهلون و انما هو عازل لمراكز الإحساس بالألم ..

تخيل ان الاجزاء المصابة في الجسم ترسل الى المخ اشارات استغاثة حتى تشعر بها و تقوم بعلاجها فى وقت مبكر .. و لكن الترامادول يعمل على عدم وصول تلك الإستغاثة الى المخ .. و بدلآ من علاجها تقوم بالضغط عليها دون ان تشعر ..

و لذلك تجد ان مدمنى الترامادول يأملون بأن يتخلصوا منه و لكنهم غير قادرين على ذلك .. فبمجرد الإمتناع عنه تصل المئات من اشارات الإستغاثة الى المخ فى وقت واحد .. مما يجعلك تشعر بالموت نتيجة الآلام المبرحة اللتى بدأت بالظهور مع امتناعك عن تناول الترامادول .

الترامادول يعطل مراكز الإحساس فى الجسم بالكامل ليس فقط الإحساس بالألم و انما الإحساس بكل شئ فيطغى ذلك على شخصية مدمن الترامادول فتجده كالجماد لا يشعر بشئ ولا يدرك ماهو مقدم عليه و يتكلم دون ان يشعر و لا يأبه للجميع فهو فى عزلة عن الإحساس بمن حوله تمامآ .

سيكلفك التخلص من هذا العقار ١٠ ايام فقط للخروج من عنق زجاجة الترامادول
و ستشعر بعدها بأنك كنت ميت و قد احياك الله من جديد ..

إبدأ و أنقذ نفسك...