Ethiopian Orthodox Tewahedo Medical Association

01/20/2026

የአደባባይ በዓላት ድንገተኛ ሕክምና አገልግሎት ክፍል በጥምቀት በዓል ላይ አገልግሎት ሰጠ።

የኢትዮጵያ ኦርቶዶክስ ተዋሕዶ ሕክምና ማኅበር የአደባባይ በዓላት ድንገተኛ ሕክምና አገልግሎት ክፍል በየዓመቱ እንደሚያደርገው በጥምቀት በዓል ላይ በመገኘት አገልግሎት ለመስጠት ችሏል።

በዚህም አገልግሎት ከተለያዩ ስፔሺያሊቲ የተውጣጡ ባለሙያዎች ተሳትፈዋል። የኢትዮጵያ ኦርቶዶክስ ተዋሕዶ ሕክምና ማኅበር በዕለቱ በበጎ አገልግሎት ለተሳተፉ የጤና ባለሙያዎች የላቀ ምስጋና ለማቅረብ ይወዳል።

በኢትዮጵያ ኦርቶዶክስ ተዋሕዶ ሕክምና ማኅበር የአደባባይ በዓላት ድንገተኛ ሕክምና አገልግሎት ክፍል የአደባባይ በዓላት ላይ እና ህዝብ በሚበዛባቸው ክስተቶች (Public events) ላይ የድንገተኛ ሕክምና አገልግሎት መስጠት ከጀመረ 5 ዓመታትን ያስቆጠረ ሲሆን በዚህም አገልግሎት ከፍተኛ ቁጥር ያላቸው ባለሙያዎች ተሳትፈዋል ብዙዎችም የአገልግሎቱ ተጠቃሚ ለመሆን ችለዋል።

የኢትዮጵያ ኦርቶዶክስ ተዋሕዶ ሕክምና ማኅበር ለሁሉም በሁሉም!
# eotma_for_all_by_all

01/06/2026

እንኳን ለብርሃነ ልደቱ አደረሳችሁ!

" ሕፃን ተወልዶልናልና፥ ወንድ ልጅም ተሰጥቶናልና፤ አለቅነትም በጫንቃው ላይ ይሆናል፤ ስሙም ድንቅ መካር፥ ኃያል አምላክ፥ የዘላለም አባት፥ የሰላም አለቃ ተብሎ ይጠራል።" ኢሳይያስ 9፡6

Happy Nativity Feast!

"For unto us a child is born, unto us a son is given: and the government shall be upon his shoulder: and his name shall be called Wonderful, Counsellor, The mighty God, The everlasting Father, The Prince of Peace." Isaiah 9:6

10/09/2025

የስራ ማስታወቂያ
የኢትዮጵያ ኦርቶዶክስ ተዋሕዶ ሕክምና ማኅበር ከዚህ በታች የተጠቀሱትን የጤና ባለሙያዎች አወዳድሮ በቋሚነት መቅጠር ይፈልጋል።

06/26/2025

🎉 Congratulations! 🎉

We proudly extend our heartfelt congratulations to Dr. Tsebelu Shirshawa on being recognized as the Best PGY-I Categorical Resident by the Howard University Hospital Department of Medicine – Internal Medicine Residency Program.

Dr. Tsebelu, a dedicated member of EOTMA, matched into his residency program during last year’s match season. His recognition reflects his exceptional performance, professionalism, and commitment to excellence in patient care and medical training.

This achievement is not only a personal milestone but also an inspiration to our EOTMA community. We are honored to support members like Dr. Tsebelu who continue to set a high standard in their medical journey.

Congratulations, Dr. Tsebelu— we celebrate your success and look forward to your continued accomplishments!

ዶ/ር ፀበሉ ለዚህ እውቅና እና ሽልማት ስለበቃህ የኢትዮጵያ ኦርቶዶክስ ተዋሕዶ ሕክምና ማኅበር እንኳን ደስ አለህ ለማለት እንወዳለን።

06/26/2025

እንኳን ደስ አላችሁ!
🎉 Congratulations! 🎉

We are thrilled to celebrate the success of Dr. Helina M. Bzuayehu and Dr. Henok Ayalew Tafesse, esteemed members of EOTMA, on their remarkable achievement!

Both doctors have successfully matched into Internal Medicine residency programs in the United States during the 2025 Match Season and will begin their training on July 1, 2025.

🎉Dr. Helina M. Bzuayehu will be joining the Internal Medicine residency at Campbell University Cape Fear Valley Medical Center in Fayetteville, North Carolina.

🎉 Dr. Henok Ayalew Tafesse will begin his Internal Medicine residency at Morehouse School of Medicine in Atlanta, Georgia.

This milestone reflects their dedication, resilience, and excellence in the field of medicine.

At EOTMA, we are proud to offer mentorship and support programs for members pursuing advanced medical training in the USA, including ECFMG certification and the residency application process via ERAS.

We also invite aspiring medical students and professionals to join our Student Chapter, where they can gain valuable academic and clinical experience through volunteer opportunities and mentorship.

Please join us in congratulating Dr. Helina and Dr. Henok on this exciting new chapter.

We wish them continued success in their medical careers!

እንኳን ደስ አላችሁ ዶ/ር ህሊና ብዙአየሁ እና ዶ/ር ሔኖክ ታፈሰ!

የኢትዮጵያ ኦርቶዶክስ ተዋሕዶ ሕክምና ማኅበር አባላት ዶ/ር ህሊና ብዙአየሁ እና ዶ/ር ሔኖክ ታፈሰ ለሬዚደንስ ፕርግራም እድሉን በማግኘታችሁ እንኳን ደስ አላችሁ እንላለን።

05/04/2025

https://www.facebook.com/share/p/19wSEW4wnV/?mibextid=WC7FNe

አጭር የህይወት ታሪክ
(የቀጠለ.....)
ሆስፒታል ማቋቋም ብቻውን በዘርፉ ያለውን ችግር መቅረፍ እንደማይችል በማመን በርካታ የህክምና ባለ ሙያዎችን በራሳቸው /በዶ/ር ፍቅሩ/ ወጪ ስዊድን ድረስ በመላክ በልብ ህክምናው ስፔሻላይዝድ ያደረጉ እውቅ ሀኪሞችን በማፍራት የሰለጠነውን አለም የህክምና ሙያ ወደ ሀገር በማምጣት ለእውቀት ሽግግር ብርቱ ዋጋ ከፍለዋል። በዚህም በሰለጠነው አለም ብቻ ይሰጥ የነበረውን ውስብስብ የተባለ የልብ ህክምና ወደ ሀገራችን በማምጣት ጉልህ ሚና የተጫወቱ የሀገር ባለውለታ ናቸው, ካርዲዮሎጂስቱ ዶ/ር ፍቅሩ ማሩ፡፡ ለወትሮው ህክምናውን ፍለጋ በከፍተኛ የውጭ ምንዛሪ ወደ ውጪ ይደረግ የነበረውን ጉዞ በማስቀረት ባለፉት ሁለት አስርት አመታት ሀገሪቱ ልታወጣ የምትችለውን የውጭ ምንዛሪ በማስቀረት አሻራቸውን ያኖሩት ዶ/ር ፍቅሩ፤ በአዲስ ካርዲያክ የማይሰጡ የልብ ህክምናዎች የሚደረግበትን ታዝማ የውስጥ ደዌ እና የቀዶ ልዩ ህክምና ማዕከልንም በመመስረትና አሁን ለደረሰበት ደረጃ
በማብቃት ዛሬ በርካታ ህፃናትና ወጣቶችን በልብ ህክምና እጦት ምክንያት ከሚነጥቀው ሞት መታደግ የቻሉ ታላቅ የሃገር ባለውለታ ናቸው።በጥቁር አንበሳ የሚሠጠውን የልብ ህክምና ለማዘመን ያላሰለሰ ጥረት ሲያደርጉ የቆዩት ዶ/ር ፍቅሩ በተለያዩ ጊዜያት በውድ ዋጋ የሚገዙ አላቂ የህክምና መሳሪያዎችን በእርዳታ በማቅረብ በርካታ አስተዋፆ አበርክተዋል።የታላቁ የኢትዮጵያ ህዳሴ ግድብ ሲመሠረት በወቅቱ በነበሩት የጤና ሚኒስቴር ተመርጠው በተጣለባቸው ሃገራዊ ኃላፊነት መሠረት የግል የጤና ተቋማትን በማስተባበር ከመቶ ሚሊዮን ብር በላይ ገቢ እንዲሰበሰብ በማድረግ ደማቅ አሻራቸውንም አኑረዋል። በጦርነቱ ወቅት የተጎዱ ት/ቤቶችንና ተቋማትን ለማገዝ በሚደረግ ርብርብ ውስጥ ሰፊ አበርክቶ የነበራቸውም ታላቅ ሰው ነበሩ።''በሀገርና በህዝብ ቂም የለም'' የዶ/ር ፍቅሩ ፅኑ እምነት ነው።ለሃገራቸው ፅኑ ፍቅር ያላቸው ዶ/ር ፍቅሩ ባለፈው ስርዓት በተለያየ ወቅት ለእስር ተዳርገዋል፡፡ ታድያ ስርዓተ ለውጡን ተከትሎ ከእስር ቤት ሲወጡ ዜግነት ወዳላቸው ስዊድን ሀገር ለህክምና ይጓዛሉ። በዛን ወቅት ተመልሰው አይመጡም ተብሎ ብዙ ሲናፈስ እርሳቸው ግን በጥቂት ሳምንታት ነበር ወደ ሀገራቸው ተመልሰው የገቡት። 'ይሄ ሁሉ በደል ደርሶብዎ እንዴት ወደ ሀገርዎ ሊመለሱ ቻሉ?' ተብለው ሲጠየቁ ምላሻቸው አጭርና ግልፅ ነበር '' በሀገርና በህዝብ ቂም የለም" ነበር ምላሻቸው።
ላለፉት አስራ ዘጠኝ አመታት በኪራይ ቤት አገልግሎት ሲሰጥ የቆየውን አዲስ የልብ ህክምና በዘርፉ የሀገሪቱ የልህቀት ማዕከል ለማድረግ ከነበራቸው ጥልቅ ፍላጎት በመነሳት ለመኖሪያነት በገዙት መሬት ላይ ደረጃውን የጠበቀ ባለ ስምንት ወለል ህንፃ በመገንባት በቅርቡ ሆስፒታሉን ወደ አዲስ ምዕራፍ በማሸጋገር ሂደት ላይ ነበሩ።
ነገር ግን ባጋጠማቸው የጤና እክል ምክንያት በስዊድን ሀገር ህክምናቸውን ሲከታተሉ ቆይተው በተወለዱ በ74 አመታቸው ከዚህ አለም ድካም አርፈዋል።
ካርዲዮሎጂስት ዶ/ር ፍቅሩ ባለትዳርና የሁለት ሴት ልጆች አባት እንዲሁም የአራት የልጅ ልጆች አያት ነበሩ።
የዶ/ር ፍቅሩ ማሩ የቀብር ስነ-ስርዓት በስዊድን ሀገር የሚፈፀም ሲሆን በሀገር ውስጥ ሀዘን መካፈል ለሚፈልጉ አዲስ አበባ ጃክሮስ እግዚአብሔር አብ ቤተ-ክርስቲያን አጠገብ - ከቪዥን ት/ቤት ጀርባ በሚገኘው መኖሪያ ቤታቸው መድረስ የሚችሉ መሆኑን እንገልፃለን፡፡
- ቤተሰቦቻቸው፣አዲስ የልብ ህክምና ሆስፒታል ማኔጅመንትና ሰራተኞች፤ታዝማ የውስጥ ደዌ እና የቀዶ ልዩ ህክምና ማዕከል ማኔጅመንትና ሰራተኞች ለቤተሰቦቻቸው እንዲሁም ለመላው የኢትዮጵያ ህዝብ

05/04/2025

https://www.facebook.com/share/p/18uDWsMsbB/?mibextid=WC7FNe

አጭር የህይወት ታሪክ
በኢትዮጵያ በግል ህክምናው መስክ በሀገሪቱ የመጀመሪያ የሆነው የአዲስ የልብ ህክምና ሆስፒታል እና ታዝማ መስራች የሆኑት ካርዲዮሎጂስት ዶ/ር ፍቅሩ ማሩ ከዚህ አለም ድካም ማረፋቸው ተገለፀ።
በአዲስ አበባ ፈረንሳይ ለጋሲዮን በተለምዶ ጉራራ ተብሎ በሚጠራው አካባቢ በሺ ዘጠኝ መቶ አርባ ሶስት ዓ.ም የተወለዱት ካርዲዮሎጂስት ዶ/ር ፍቅሩ ማሩ እድሜያቸው ለትምህርት ሲደርስ በኮከበ ፅባህ ቀዳማዊ ኃይለ ስላሴ ት/ቤት የመጀመሪያ ደረጃ ትምህርታቸውን ተከታትለዋል።
የሁለተኛ ደረጃ ትምህርታቸውንም አሰላ በሚገኘው ራስ ዳርጌ ት/ቤት ተከታትለዋል።
በሺ ዘጠኝ መቶ ስልሳዎቹ መጀመሪያ ለሀገር ፍቅር ከነበራቸው ጥልቅ ስሜት በመነሳትም የኢትዮጵያ የአየር ኃይልነት ምልመላ ሲከናወን ትምህርታቸውን አቋርጠው የኢትዮጵያ አየር ኃይልን ተቀላቀሉ።
በወቅቱ አየር ኃይልን ለመቀላቀል ከተመለመሉ 27 እጩ አባላት መካከል በብቃት የአየር ኃይልነት ስልጠናን አጠናቀው በጀት አብራሪነት የተመረቁት 5 ብቻ ነበሩ፡፡ ከነዚህም ብቸኛው ጀት ስኳዶር ሆኖ የወጣው በዕድሜ ትንሹ የነበረው ፍቅሩ ማሩ ነበር።
በሺ ዘጠኝ መቶ ስልሳ ስድስት የአብዮቱን መፈንዳት ተከትሎ ደርግ ለስልጣኔ ስጋት ይሆናሉ ያላቸውን ግለሰቦች እያፈሰ ወደ እስር ቤት ማጋዝ ሲጀምር በሃገር ፍቅር ስሜት ተቆርቋሪነታቸው የሚታወቁትን የመቶ አለቃ ዶ/ር ፍቅሩንም ማሳደድ ይጀምራል፤ የህዝቦች እኩልነትና አንድነት ይረጋገጥ ዘንድ ይታገሉ የነበሩት ዶ/ር ፍቅሩም በደርግ እየታሰሱ መሆናቸውን ሲረዱ የሚወዱትን ሃገር ጥለው ወደ ሱዳን ይሰደዳሉ። ከዛም ወደ ስዊድን በመሻገር የስደት ህይወትን ይጀምራሉ።
በወቅቱ እሳቸውን መያዝ ያልቻለው ደርግም ሁለት ወንድሞቻቸውን ይገድልባቸዋል።
በስዊድን ቆይታቸው በሃገራቸው የዲሞክራሲ ስርዓት እንዲገነባ በመላው አውሮፓ የሚገኙ የኢህአፓ የተማሪዎች ንቅናቄን በመምራት ጉልህ ሚናን ከመጫወታቸው በላይ በልብ ህክምናው ዘርፍ ስፔሻላይዝ በማድረግ በእስካንዴኔቪያን ሃገራት ጭምር አንቱታን ያተረፉ ካርዲዮሎጂስት ናቸው።
በሺ ዘጠኝ መቶ ዘጠናዎቹ መጀመሪያ የኤች አይ ቪ ቫይረስ ስርጭት እንደሃገር ስጋት በደቀነ ግዜ የቫይረሱን ስርጭት ለመግታት ሃገራዊ ጥሪ ሲደረግ በስዊድን ያሉ አጋር ድርጅቶችን በማስተባበር ወደ ሃገር ቤት ቀድመው ከዘለቁ የሀገር ባለውለታ መካከል አንዱ ናቸው, ዶ/ር ፍቅሩ ማሩ
ከሩብ ክፍለ ዘመን የስደት ህይወት በኋላ ወደ ሀገራቸው ሲመጡ በስፋት ያስተዋሉት ችግር በልብ ህክምና እጦት ምክንያት የሚሞቱ ህፃናትና ወጣቶች ቁጥር ማሻቀብ ነበር።
ያን ተከትሎ የችግሩን አሳሳቢነት የሚያሳይ አስፈላጊውን ጥናት በማድረግ ወደ ስዊድን ሃገር ተመልሰው የስዊድን መንግስትንና የስዊድን ፈንድ የመሳሰሉ አጋዥ ተቋማትን በማስተባበር ወደ ሀገራቸው ተመልሰው ለሀገሪቱ ብቸኛ የነበረውን የልብ ህክምና ሆስፒታል ያቋቁማሉ።
ሰኔ ዘጠኝ ቀን ሺ ዘጠኝ መቶ ዘጠና ዘጠኝ ዓ.ም አዲስ የልብ ህክምና ማዕከል ተመሠረተ።

05/04/2025

የሃዘን መግለጫ

የኢትዮጵያ ኦርቶዶክስ ተዋህዶ ሕክምና ማኅበር
በዶ/ር ፍቅሩ ማሩ ህልፈተ ሕይወት የተሰማውን ጥልቅ ሀዘን ይገልፃል።

ዶ/ር ፍቅሩ ፍፁም ሰብአዊነትን የተላበሰ በህክምናው ዘርፍ የፅናትን ዘር ዘርቶ፣ ብዙዎችን አፍርቶ የኖረ እንቁ ለአለማችን እና ለሀገራችን በልብ ህክምና ዘርፍ ተወዳዳሪ የሌለውን ስራዎች የሰራ እና በቀዳሚነት የተመደበ በሙያው ደከመኝ ሰለቸኝ ሳይል ያገለገለ ወንድም፣ ጓደኛ፣ አባት እና መካሪ ነበር።

በኢትዮጵያ ኦርቶዶክስ ተዋህዶ ሕክምና ማኅበር ውስጥም ከአባልነት እስከ የበላይ አማካሪነት እንዲሁም በለጋሽነት በማገልገል ሰብአዊነቱን በስራ ያስመሰከረ ለሁላችን ምሳሌ እና መኩሪያችን ነው።

የትንሳኤ ጌታ መድኃኒአለም ኢየሱስ ክርስቶስ የአባቴ ብሩካን ብሎ በቀኝ ካስቀመጣቸው ደጋግ አባቶቻችን ይደምርልን። ለቤተሰቡ እና ለሁላችንም መፅናናትን ያድልልን ።

In Loving Memory

Christ is Risen — the Savior of the world, who welcomed our beloved Dr. Fikru Maru to His right hand among the blessed.

Dr. Fikru was more than a healer — he was a quiet pioneer in the field of medicine, serving not for praise, but out of love, faith, and deep compassion. His strength, humility, and unwavering service touched many lives. He sowed seeds of healing, mentored with care, and built a legacy of kindness.

Though uncelebrated by the world, he was chosen by Christ — a faithful servant, devoted father, and friend to many.

His life’s journey is a guiding light for us all — a model of purpose, love, and service.

May our Lord Jesus Christ grant him eternal peace and provide comfort to all who grieve his loss.

Forever in our hearts.

04/20/2025

📣"ሕያውን ከሙታን ጋር ለምን ትሹታላችሁ? በዚህ የለም ፤ ተነስቷል። " ሉቃስ 24 : 5

⛪️ክርስቶስ ተንሥአ እሙታን - በዐቢይ ኃይል ወሥልጣን፤
⛪️አሰሮ ለሰይጣን - አግዐዞ ለአዳም፤
⛪️ሰላም - እምይዕዜሰ፤
⛪️ኮነ - ፍስሐ ወሰላም
+ + +
⛪️ክርስቶስ በታላቅ ኃይልና ሥልጣን ከሙታን ተነሣ፤
⛪️ሰይጣንን አሰረው አዳምንም ነጻ አወጣው፤
⛪️ሰላም ከዛሬ ጀምሮ
⛪️ፍጹም ደስታና ሰላምና ሆነ!
⛪️እንኳን ለብርሃነ ትንሣኤው አደረሰን!!!
+ + +
⛪️Christ is risen from the dead! - By the highest power and authority!
⛪️He chained Satan! - Freed Adam!
⛪️Peace! Henceforth!
⛪️Is! Joy and Peace

Happy Resurrection Day!!!
April 20, 2025

04/14/2025

"ሆሳዕናን ለህጻናት" ነጻ የሕክምና አገልግሎት ተሰጠ!

የኢትዮጵያ ኦርቶዶክስ ተዋሕዶ ሕክምና ማኅበር በየዓመቱ የሆሳዕና ዕለት የሚያከናውነውን እና "ሆሳዕናን ለህጻናት" የተሰኘውን ነጻ የሕክምና አገልግሎት ለ2ኛ ጊዜ በተሳካ ሁኔታ ለመስጠት ቻለ።

የዘንድሮው አገልግሎት የተከናወነው በአዲስ አበባ ከተማ አስተዳደር ሴቶች ሕፃናትና ማህበራዊ ጉዳይ ቢሮ ስር በሚገኘው በክበበፀሐይ የሕፃናት ጊዜያዊ ማቆያና እንክብካቤ ማዕከል (Kibebetsehay Children Orphanage & Care Center) ውስጥ ለሚገኙ ህፃናት ሚያዝያ 5 ቀን ላይ ነበር።

በዕለቱም ዘርፈ ብዙ የሆነ የህክምና አገልግሎት የተሰጠ ሲሆን አጣዳፊ ሕክምና የሚያስፈልጋቸው 4 ህጻናት በመገኘታቸው ወደ የካቲት 12 ሆስፒታል ሜዲካል ኮሌጅ ድንገተኛ ክፍል በሪፈራል ተልከዋል።

ለአገልግሎቱ መሳካት ከፍተኛ አስተዋጽኦ ላደረጉልን የማዕከሉ አመራሮችና ሰራተኞች የላቀ ምስጋና እናቀርባለ። በዚህም ነጻ የሕክምና አገልግሎት በበጎ ፈቃደኝነት የተሳተፉ ባለሙያዎች በተጠቃሚዎች ስም ከልብ እናመሰናለን።

የኢትዮጵያ ኦርቶዶክስ ተዋሕዶ ሕክምና ማኅበር

“አክብሮትና ትህትናን የተላበሰ የጤና አገልግሎት ለሰው ልጆች በሙሉ”

04/10/2025

2ኛው "ሆሳዕናን ለህጻናት" ነጻ የሕክምና አገልግሎት የቦታ ለውጥ

በናፍቆት የሚጠበቀው ልዩ ሕክምና ለሕፃናት ብቻ የሚሰጥበት "ሆሳዕናን ለህጻናት" የተሰኘው አገልግሎት ቀኑ እየደረሰ ነው። ይህ አገልግሎት የሚሰጠው በ ሆሳዕና ዕለት ሚያዝያ 5 ቀን (April 13) ላይ ሲሆን በዕለቱ በሙያችሁ በበጎ ፈቃደኝነት ለማገልገል የተመዘገባችሁ ባለሙያዎች በሙሉ የቦታ ለውጥ ማድረጋችንን ለማሳወቅ እንወዳለን።
አገልግሎቱ የሚሰጠው በክበበፀሐይ የሕፃናት ጊዜያዊ ማቆያና እንክብካቤ ማዕከል (Kibebetsehay Children Orphanage & Care Center) ስለሆነ በተጠቀሰው ቀን እና ሰዓት በቦታው እንዲገኙልን በአክብሮት እንጠይቃለን።

ቀን፡ ሚያዝያ 5 // Date: April 13
ሰዓት፡ ከጠዋቱ 3፡00 ሰዓት ጀምሮ // Time: Starting from 9:00 AM
ቦታ፡ በክበበፀሐይ የሕፃናት ጊዜያዊ ማቆያና እንክብካቤ ማዕከል // Kibebetsehay Children Orphanage & Care Center።

ጥያቄ ካለዎት በ 0913789041 ይደውሉ።

የኢትዮጵያ ኦርቶዶክስ ተዋሕዶ ሕክምና ማኅበር

“አክብሮትና ትህትናን የተላበሰ የጤና አገልግሎት ለሰው ልጆች በሙሉ”

https://maps.app.goo.gl/aCZQFT3q2n7AjFEF7

04/01/2025

2ኛው ሆሳዕናን ለህጻናት
ነጻ የሕክምና አገልግሎት

የኢትዮጵያ ኦርቶዶክስ ተዋሕዶ ሕክምና ማኅበር 2ኛውን "ሆሳዕናን ለህጻናት" የተሰኘውን ነጻ የሕክምና አገልግሎት ለህጻናት በስለ እናት በጎ አድራጎት ድርጅት ሚያዝያ 5 ቀን (April 13) ላይ ከተለያዩ የህጻናት የሕክምና ስፔሺያሊቲ በተውጣጡ ባለሙያዎች አገልግሎት ይሰጣል። በዚህ አገልግሎት ለመሳተፍ የምትፈልጉ ከዚህ በታች የተዘረዘሩ ባለሙያዎች የምዝገባ ቅጹን እስከ ሚያዝያ 3 ድረስ በመሙላት አውንታችሁን እንድታሳውቁን በእግዚአብሔር ስም እንጠይቃለን።

ቀን፡ ሚያዝያ 5 // Date: April 13

ሰዓት፡ ከጠዋቱ 3፡00 ሰዓት ጀምሮ // Time: Starting from 9:00 AM

ቦታ፡ በስለ እናት በጎ አድራጎት ድርጅት // Sele Enat Charitable Organization

ለዚህ አገልግሎት የሚያስፈልጉ ባለሙያዎች የሚከተሉት ናቸው፦

Specialties needed are:

Pediatricians
Pediatric Neurologist
Pediatric Surgeon
Pediatric Orthopedic Surgeon
Dermatologists
General Practitioner
Nurses
Speech Therapist
Physiotherapist

የጤና ባለሙያዎች ለመመዝገብ ቅጹን ይሙሉ። ምዝገባ የሚያበቃበት ቀን ሚያዝያ 3 ነው።
https://forms.gle/Lhg28uFsaatsecCg7

ጥያቄ ካለዎት በ 0913789041 ይደውሉ።

የኢትዮጵያ ኦርቶዶክስ ተዋሕዶ ሕክምና ማኅበር

“አክብሮትና ትህትናን የተላበሰ የጤና አገልግሎት ለሰው ልጆች በሙሉ”