https://www.facebook.com/104367234289511/

Nan Lu Lu, Miami, FL (2026)

04/11/2026

Boundaries 🤍

04/11/2026

Don’t take anything personally❗

03/03/2026

Narcissistic (သို့မဟုတ်) အတ္တ မာန သံသယ ဘဝင် လွန်ကဲမှု

အတ္တ မာန သံသယ လွန်ကဲမှု ဗီဇစရိုက်ရှိတဲ့ ကြောက်စရာ Narcissistic Person တွေ Psychopath Person တွေနဲ့ အနီးကပ်နေထိုင်ဆက်ဆံပေါင်းသင်းရတာ အင်မတန်ခက်ခဲပင်ပန်းပါတယ်။ Narcissistic သမားတွေနဲ့ အနီးကပ် ပေါင်းသင်းဆက်ဆံဖူးတဲ့သူမှသာ Narcissistic ရဲ့ ဆိုးကျိုးနဲ့ အန္တရယ် ဘယ်လောက်များပြီး Toxic ဖြစ်ရတယ်ဆိုတာကို သိနိုင်မှာပါ။

ဘာလို့လဲဆိုတော့ သူတို့တွေဟာ မကောင်းတဲ့ဘက်မှာ အင်မတန် ဉာဏ်ပြေးကြတယ်။ ဘယ်လိုမျိုးလဲဆိုတော့

(1) လိမ်ပြောတတ်တယ်
(2) ဟန်ဆောင်တတ်တယ်
(3) ကတိကိုလွယ်လွယ်ပေးပြီး လွယ်လွယ်ပြန်ဖျက်တတ်တယ်
(4) အငြင်းသန်တတ်တယ်
(5) အတ္တအရမ်းကြီးတယ်
(6) မာန်မာန အရမ်းတက်တယ်
(7) သံသယ အလွန်များတယ်
(8) သူတို့ပြောပြီး၊ သူတို့လုပ်ပြီး သူများကိုလွှဲချတတ်တယ်
(9) ဘလောင်းဘလဲပြောတတ်တယ်
(10) ကျေးဇူးမသိ၊ သိလဲကျေးဇူးကမ်းတယ်
(11) သူတစ်ပါးအပြစ်ကို အခွင့်ရတိုင်း ထပ်ခါတစ်လဲ ပြောဆိုပြီး နှိမ့်ချတတ်တယ်
(12) လက်စားချေတတ်တယ်
(13) ဘဝင်မြင့်ကာ ဟိတ်ဟန်နဲ့အကြွားသန်ပြီး အပြိုင်အဆိုင်သန်မယ်
(14) ကိုယ်ချင်းစာစိတ်မရှိပါဘူး
(15) ဘာသာရေးအရမ်းလုပ်ပြပြီး ဘာသာရေးကို သူတို့တွေအတွက် အကာအကွယ် သဘော ဟန်ဆောင်ဖို့ (သို့မဟုတ်) သူတစ်ပါးကို အနိုင်ယူတိုက်ခိုက်ဖို့ လက်နက်သဖွယ် အသုံးချတတ်တယ်
(16) သူတို့က နစ်နာအောင်လုပ်ခဲ့ပြီး သူတို့ကပဲနစ်နာခဲ့သလို ဇာတ်လမ်းစဉ် ဟန်ဆောင်လိမ်လည် ဒရမ်မာခင်းတတ်တယ်
(17) တစ်ပါးသူရဲ့ ကိုယ်ရေးကိုယ်တာ လွတ်လပ်မှု ငွေကြေး တို့ကို ထိန်းချုပ်ခြယ်လှယ် အပိုင်စီးချင်တတ်တယ်
(18) သူတို့ဟာ ဘယ်တော့မှ ဘယ်လိုလူမျိုးအပေါ်ကိုမှ သစ္စာမရှိပါဘူး အမြဲ သစ္စာဖောက်တတ်ပါတယ် သူတို့ဟာ သူတို့လိုအပ်ချက်အပေါ်ပဲ သစ္စာရှိတတ်ကြသူတွေပါ
(19) သူတို့ အပေါ်ဘယ်လောက်ကောင်းပေးနေပါစေ သူတို့လိုချင်တာ မရရင် ပြဿနာရှာ သူတို့မလို အပ်တော့ရင် ပစ်ချ သွားတတ်သူတွေမို့ သူတို့က ဘယ်လို relationship မျိုးကိုမှ ပျော်ရွှင်သာယာရှည်ကြာတည်တံ့အောင် မထိန်းသိမ်းနိုင်ပါဘူး
(20) သူတို့ဘယ်လောက်မကောင်းပါစေ အဲ့ဒါကို ဟန်ဆောင်လိမ်ညာဖုံးကွယ်ပြီး အများရဲ့ လေးစားမှု အရေးပေးမှု အထင်ကြီးမှုတွေကို မရရအောင် လုပ်ယူတတ် လိုချင်တတ်တယ် တို့ဖြစ်ပါတယ်။

အထက်ပါ အချက်တွေက လူတိုင်းလုပ်လေ့ လုပ်ထရှိတဲ့ပုံစံ သာမန်မဟုတ်ပဲ အလွန်အကျူးဖြစ်နေတာပါ။

Narcissistic တွေက ဉာဏ်ကောင်းတာ မဟုတ် ဉာဏ်ပြေးတာပါ။ ဉာဏ်ကောင်းတဲ့သူက လူတကာနဲ့ အဆင်ပြေအောင်နေဖို့ အင်မတန်အကင်းပါးတယ် လူချစ်အောင်နေတယ်။ Narcissistic တွေက သူတစ်ပါးအပေါ်မှာ အနိုင်ရရင်ပြီးရောဆိုပြီး တစ်ပွဲထိုး ထွက်ပေါက်ရှာ အနိုင်ယူကာ လူမုန်းအောင်နေတာပါ။ အဲ့ဒါက သူတို့ရဲ့ အဓိက အားနဲချက်ပါ။

Narcissistic သမားတွေက သူတို့နဲ့ အဓိကပတ်သက်တဲ့သူ ဥပမာ လင်မယား၊ သားအမိ၊ သားအဖ၊ ညီအကိုမောင်နှမ စတဲ့သူတွေအပေါ်မှာ အင်မတန်ကို ထိန်းချုပ်ချင်ကြတယ်။ သူတို့နဲ့ဆိုင်ဆိုင် မဆိုင်ဆိုင် အကြောင်းအရာတိုင်းကို အရမ်းသိချင်တယ်။ သံသယအလွန်များတယ်။ သူတို့မှလွဲ၍ကျန်လူတွေအပေါ်မှာ မကောင်းမြင်ဝါဒရှိတယ်။ သေးသေးလေးကို ပုံကြီးချဲ့တက်တယ်။

သူတို့ကို မြှောက်ပင့်ပြောဆိုတာ အရမ်းသဘောကျသော်လည်း အဲ့ဒီလိုမြှောက်ပင့်ပြောဆိုသူကိုလဲ မယုံမကြည်သံသယထားတယ်။ သူတို့အကြောင်းကို ပတ်ဝန်းကျင်နဲ့ အပြင်လူတွေသိမှာစိုးလို့ နည်းပေါင်းစုံနဲ့ အထင်ကြီးအောင် ဟန်ဆောင်ပြီး ကင်းကင်းရှင်းရှင်းနေတက်တယ်။

သူတို့လုပ်တာ သူတို့ပြောတာ အကုန်မှန်ကန်တယ်လို့ ဘဝင်လေဟပ်ပြီး သူများကဝေဖန်ထောက်ပြတာကို ရန်သူလိုမျိုးတုံ့ပြန်တတ်ကာ ပိုအရွှဲ့တိုက်တတ်တယ်။

သူတို့နဲ့အတူတူနေရရင် အင်မတန်စိတ်ဆင်းရဲပြီး ကြာလာရင် စိတ်ဓာတ်တွေကျပြီး လုံးပါးပါးလာတက်ပါတယ်။

Narcissistic အမူအကျင့် ဗီဇစရိုက်ရှိသူတွေကို အိမ်ထောင်ဘက်အဖြစ် လုံးဝ မရွေးချယ်သင့်ပါဘူး။ သို့သော် ယူပြီးမှ သိရတဲ့သူတွေရှိသလို တစ်ချို့ကြတော့ မိသားစုထဲမှာ ပါလာလို့ မလွှဲမရှောင်သာ ထိတွေ့ ပေါင်းသင်း ဆက်ဆံနေရတဲ့အဖြစ်မျိုးလဲရှိပါတယ်။

Narcissistic အိမ်ထောင်ဘက်ကို အလွယ်တကူ ကွာရှင်းဖို့လဲ မဖြစ်နိုင်ဘူး။ ဘာလို့လဲဆိုတော့ အဲ့လိုကွာရှင်းခံလိုက်ရရင် သူတို့စိတ်မှာ အရှုံးသမားလို့ ယူဆထားတဲ့အတွက် အရှုံးသမားမဖြစ်ချင်တာနဲ့ပဲ ဘယ်တော့မှ အလွယ်တကူ ကွာရှင်းပေးမှာ မဟုတ်ပါဘူး။ မိသားစုဝင်ထဲမှာ Narcissistic ပါလာခဲ့ရင်လဲ မပတ်သက်လို့ ဘယ်လိုမှ မဖြစ်နိုင်ပါ။

Narcissistic သမားတွေနဲ့ မဖြစ်မနေအတူတူ နေထိုင်ရလို့ ဆုံးရှုံးထိခိုက်မှုတွေဖြစ်လာပြီဆိုရင် ကိုယ့်ဘဝနဲ့ မိသားစုတစ်ခုလုံးက တစ်သက်လုံး သူ့စိတ်နဲ့ Toxic အဖြစ်ခံပြီး ဒီအတိုင်း စိတ်ဆင်းရဲစွာ ဖြတ်သန်းလို့ ဘယ်ဖြစ်မလဲ။

စားဝတ်နေရေး လူမှုရေး ပတ်ဝန်းကျင် ကျန်းမာရေး စတာတွေရှိသေးတယ်ဆိုတော့ သူတို့ကိုရင်ဆိုင်ဖို့ နည်းလမ်းရှာရမှာပါ။ နည်းလမ်းလဲရှိပါတယ်။

Narcissisticတွေနဲ့ မဖြစ်မနေ ဘဝကိုဖြတ်သန်းရတဲ့အခါမှာ ကိုယ့်ကို Toxic အဖြစ်မခံရအောင်
- သူတို့ကို အရောမဝင်ပါနဲ့
- သူတို့ကို မတိုင်ပင်ပါနဲ့
- သူတို့ အမှားကို မထောက်ပြပါနဲ့
- သူတို့ကို ပြင်ပေးပါလို့ သွားမတောင်းဆိုပါနဲ့
- သူတို့ ပြောသမျှမယုံပါနဲ့
- သူတို့ကို ဥပက္ခာပြုပါ
- သူတို့ဆီက ဘာတစ်ခုမှမမျှော်လင့်ပါနဲ့

အဲ့ဒါတွေအပြင် နောက်ထပ်အကောင်းဆုံးဆိုတဲ့ နောက်ဆုံးနည်းလမ်းနဲ့ သူတို့ရန်ကနေ လွတ်မြောက်အောင် ပြုလုပ်နိုင်ပါတယ်။

Narcissistic တွေရဲ့ နှိပ်စက်မှုတွေကို ဘဝမှာ ဘယ်လိုမှ မခံနိုင်တော့လို့ အဖက်ဖက်က Toxic ဖြစ်နေပြီဆိုရင် သူတို့ကြောက်တဲ့ နောက်ဆုံးနည်းလမ်းကိုသုံးသင့်ပါတယ်။

အဲ့ဒီနည်းလမ်းက Narcissistic တွေနဲ့ အနီးကပ် နေထိုင်ပေါင်းသင်း ဆက်ဆံဖူးသူဆိုရင် သူတို့ရဲ့ အပြောအဆို အပြုအမူ စိတ်ထား အလေ့အကျင့်တွေကို အသိဆုံးဖြစ်နေမှာပါ။ သူတို့ပုံစံအတိုင်း သူတို့ထက်ပိုတဲ့ Narcissistic ပုံစံမျိုးနဲ့ သူတို့ကိုပြန်ပြီးဆက်ဆံပေးလိုက်ပါ။ အဲ့ဒါသူတို့ အကြောက်ဆုံးပဲ။

အဲ့လို ပြန်ဆက်ဆံပေးလိုက်ရင် အစမှာတော့ သူတို့အကြီးအကျယ် ပေါက်ကွဲ ရိုင်းစိုင်းပြပါလိမ့်မယ်။
သူတို့ထက်ပြင်းထန်တဲ့ ဆက်ဆံရေးမျိုးကို သူတို့ ခံစားရဖူးသွားတဲ့အခါ သူတို့ဟာသူတို့ ကြောက်ရွံ့ သိမ်ငယ်ပြီး အရှုံးသမားလို့ခံယူသွားလိမ့်မယ်။

သူတို့ အကြောက်ဆုံးက လောကမှာ သူတို့လိုလူမျိုးနဲ့ ပြန်ပြီးပတ်သက်ရမှာကိုပဲ။ သူတို့ပုံစံထက် ပိုပြင်းထန်တဲ့လူနဲ့တွေ့ရင် သူတို့ အစွယ်လုံးလုံးကျိုးသွားပါပြီ။ ကိုယ့်ဘက်က သူတို့ဟာသူတို့ ပြောင်းလဲလာတဲ့အထိ သူတို့ထက်ပိုပြင်းထန်ပြဖို့လိုအပ်ပါတယ်။ ကိုယ့်ပန်းတိုင်မရောက်ခင် စိတ်လျှော့လိုက်မယ်ဆိုရင် သူတို့ပိုဆိုးနိုင်တယ်ဆိုတာ အထူးသတိထားရပါမယ်။ သူ့ကိုရော ကိုယ့်ကိုယ်ကိုရော မိသားစုကိုရော ကယ်တင် ကုသနေတဲ့စိတ်နဲ့ ကိုယ့်စိတ်ကို သူ့လိုပြောင်းလဲပြီး တင်းထားဖို့လိုပါတယ်။

ဘာလို့လဲဆိုတော့ သူတို့က စိတ်နဲ့ပတ်သက်တဲ့ ရောဂါဆိုရင်လဲ သူတို့ဟာသူတို့ ရောဂါလို့ မခံယူလို့ ဆေးကုပေးဖို့ လုံးဝအဆင်မပြေပါဘူး။ ဗီဇစရိုက်ဆိုရင်လဲ ကိုယ်က ပြင်ပေးဖို့လုံးဝမလွယ်ပါဘူး။ သူတို့ဟာသူတို့ အထိနာသွားတဲ့ အချိန်ကျမှ ပြုပြင်သွားမှာပါ။

သူတို့က အမှတ်ကြီးတဲ့သူတွေဖြစ်လို့ သူတို့ပြန်စိတ်ညစ်ရတဲ့ အခြေအနေကို သေတဲ့အထိ သူတို့စိတ်မှာ အမှတ်တရဖြစ်ပြီး နောက်ထပ်စိတ်မညစ်ရအောင် နေသွားပါလိမ့်မယ်။ Narcissistic သမားတွေက သူများကိုသာ စိတ်ဆင်းရဲအောင်လုပ်တက်ကြတာ သူတို့ ပြန်ပြီးစိတ်ဆင်းရဲခံရမှာကိုတော့ သေလောက်အောင်ကြောက်ကြပါတယ်။

တကယ်တန်းကျရင်တော့ Narcissistic သမားတွေက အမြင်ကပ်စရာကောင်းသလို သူတို့ အစွယ်ကျိုးသွားတဲ့အခါမှာလဲ သနားဖို့ကောင်းပါတယ်။ သူတို့ထက်ပိုပြင်းထန်တဲ့ ပုံစံမျိုးနဲ့ ပြန်ရင်ဆိုင်ခံခဲ့ရလို့ သူတို့ ဘဝကိုနာကျဉ်ပြီး ကြောက်သွားပြီဆိုရင် သူများထက်ပိုပျော့ပျောင်း သွားတတ်လို့ပါပဲ။

အဲ့ဒီအခါမှာ ပြောင်းပြန်ဖြစ်ပြီး သူတို့ကို ဘယ်သူမှ မယုံကြည်တော့တာတို့၊ အလေးမပေးတော့တာတို့၊ အဖက်မလုပ်တော့တာတို့၊ လူတွေကသူတို့ကိုပြန်စောင့်ကြည့်နေတာတို့ စတာတွေကို အများနဲ့တစ်ယောက်ပြန်ခံစားရပြီး သူတို့ဘဝမှာ သိမ်ငယ်မှုတွေနဲ့ ဖြတ်သန်းရပြီး စိတ်ဓာတ်ကျရောဂါ အနေနဲ့ ပြောင်းလဲလာရာကနေ အများစုက အသက်တိုတက်ကြပါတယ်။

လူတိုင်း မိသားစုတိုင်း Toxic Person Narcissistic တွေနဲ့ ကင်းဝေးပြီး ကိုယ်ကိုယ်တိုင် Narcissistic ဖြစ်ခဲ့လျှင်လဲ အမြန်ဆုံး ပြောင်းလဲနိုင်ကြပါစေ။
----------
Edit : Narcissistic သမားတွေဆိုတာ စိတ်ဝေဒနာရှင်အစစ်မဟုတ်ဘူးဆိုတာ ကမ္ဘာမှာ အထောက်အထားတွေရှိပါတယ်။ ယနေ့အချိန်အထိ ကမ္ဘာပေါ်မှာ Narcissistic တွေကို နှစ်သိပ်ဆွေးနွေးဖျောင်းဖျပြီး ကုသနိုင်တဲ့ စိတ်ကျန်းမာရေး ဆရာဝန်မရှိသေးပါဘူး။ ဘာလို့လဲဆိုတော့ သူတို့က ဝေဒနာရှင် မဟုတ်လို့ပါ။

ကမ္ဘာ့ ဆရာဝန်အများစုကလဲ Narcissistic တွေကို ကုသ၍မရနိုင်သော ရောဂါသည်မဟုတ်တဲ့ ဗီဇဆိုးရှိတဲ့သူတွေလို့ သတ်မှတ်ထားပါတယ်။

အများစုက ပင်ကိုယ်ဗီဇစရိုက် လိုတာထက်ပိုဆိုးပြီး ရှောင်လို့မရအောင်ကို အနီးကပ်ထိတွေ့နေရတဲ့သူတွေကို စိတ်ဓာတ်ကျပြီး လုံးပါးပါးစေတာပါ။

Narcissistic တွေကို စိတ်ရောဂါထင်ပြီး နှစ်သိပ်ဖျောင်းဖြရင် ပိုဆိုးပြီး ပိုအနိုင်ယူကြပါတယ်။ မြတ်စွာဘုရားရှင်တောင်မှ မေတ္တာနဲ့မရရင် ကမ္မဝါစာကို သုံးနိုင်တယ်လို့ ခွင့်ပြုခဲ့ပါတယ်။ ဇာတ်တော်တွေထဲမှာလဲ အင်မတန်ဆိုးသွမ်းတဲ့ နဂါးကြီးကို ရှင်မဟာမောဂ္ဂလန်က သူ့ထက်ပိုကြီးတဲ့ နဂါးကြီးဖြစ်အောင်ဖန်ဆင်းပြီး ရစ်ပတ်ကာ ယဉ်ကျေးအောင် ဆုံးမမာန်ချခဲ့ပါတယ်။ နဂါးကြီးက စိတ်ဝေဒနာရှင်မဟုတ်ပဲ တမင်ကိုဆိုးနေလို့ပါ။

အခုလို တုံ့ပြန်မှုက သူ့ကို ပျော့ပျောင်းပြီး လူ့လောကမှာ အဓိပ္ပါယ်ရှိအောင် ကူညီကုသရာရောက်ပါတယ်။ မိသားစုမှာကြုံဖူးတဲ့သူတွေ ပိုသိပါတယ်။

03/01/2026

Protect your peace by limiting negativity....

01/24/2026

Community Christian Counseling Office Staff & Counselors Annual Meeting!

Truly blessed to collaborate with these dedicated professionals. Appreciative of a team that is supportive, encouraging, prayerful, and dedicated to cultivating a positive and uplifting environment.

01/18/2026

စိတ်ကျန်းမာရေးကို ထိခိုက်စေတဲ့ အကြောင်းအရင်းတွေထဲက တစ်ခုကတော့ ခံစားချက်တွေကို ချိူးနှိမ်ခြင်းဘဲ ဖြစ်ပါတယ်။

ရင်ဖွင့်ရင် နားထောင်မယ့်သူ မရှိလို့ဖြစ်စေ၊ ရှိရဲ့သားနဲ့ မပြောချင်လို့ ဖြစ်စေ တစ်ယောက်ထဲ ကြိတ်ခံစားရင်း ပြဿနာကို မဖြေရှင်းတဲ့ အခါ ရင်ထဲမှာ ခံစားရတာတွေ စုလာပါတယ်။

တဖြည်းဖြည်း ပြောချင်တဲ့ စကားတွေ များလာပြီး မပြောရတဲ့ အခါ၊ ဒါမှမဟုတ် ကိုယ်ပြောပေမယ့် တစ်ဖက်လူက အလေးအနက်ထားပြီး နားမထောင်တဲ့အခါ မလေးစားသလိုမျိူး ခံစားရပါတယ်။

တစ်ခါတစ်ရံ ကိုယ်မကြားချင်တဲ့ စကား၊ ကိုယ်မကြိုက်တာတွေကို ပြောတဲ့ သူတွေလဲ ရှိနိုင်ပါတယ်။ ဒီလူတွေကိုလဲ ကိုယ်က မကြိုက်ဘူးဆိုတာ ပြန်မပြောဘဲ ခံစားချက်တွေကို ချိူးနှိမ်ထားရင် သူတို့ဘက်က မသိဘဲ ဆက်ပြောတတ်နိုင်ပါတယ်။

အဲ့လို မကြားချင်တဲ့ စကားတွေ ကြားပါများတဲ့ အခါ (ဥပမာ - မိမိကိုယ်ကိုကိုယ် ယုံကြည်မှူကို ထိခိုက်စေတဲ့ စကားမျိူး) လူက ခံစားလို့ မကောင်းပါဘူး။ ပြန်ပြောဖို့လဲ မပြောချင်တာမျိူး ရှိနိုင်ပါတယ်။

ဒီလို အပြောခံရတာတွေ၊ ပြောချင်တာ မပြောရတာတွေကို စိတ်ထဲမှာ ရေရှည်စုသိမ်းထားတာတွေဟာ ကိုယ့်ရဲ့ စိတ်ကျန်းမာရေးအတွက် မကောင်းစေပါဘူး။

ခံစားချက်တွေကို ချိူးနှိမ်မိပါများရင်
📍စိတ်ရှုပ်လာမယ်
📍တစ်ယောက်ထဲ ဒေါသထွက်တတ်လာမယ်
📍ကိုယ့်ကိုကိုယ် ထိခိုက်အောင်လုပ်ချင်လာမယ်
📍စိတ်ပင်ပန်းစေတဲ့ သူတွေနဲ့ ဝေးရာ ရှောင်ချင်လာမယ်
📍မိမိကိုယ်ကို လေးစားမှူနဲ့ ယုံကြည်မှူကို ထိခိုက်တယ်လို့ ခံစားရမယ်
📍အထီးကျန်ဝမ်းနည်းတတ်လာမယ်

စသဖြင့် စိတ်ခံစားချက်တွေ ခံစားရနိုင်ပါတယ်။

ခံစားချက်တွေကို ဖွင့်ထုတ်တတ်ဖို့
📌ယုံကြည်ရသူတွေနဲ့ ရင်ဖွင့်တိုင်ပင်ပါ
📌စိတ်ထွက်ပေါက်နေရာ တစ်ခုခုရှာပါ
📌ဘာကြောင့် စိတ်ရှုပ်နေလဲဆိုတာ အချိန်ပေးပြီး ဖြေရှင်းဖို့ ကြိုးစားပါ
📌နေရောင်ခြည်နဲ့ ထိတွေ့ပေးပါ
📌သူများတွေရဲ့ အခက်အခဲတွေကို နားထောင်ပေးကြည့်ပါ
📌journaling ရေးကြည့်ပါ
📌လေ့ကျင့်ခန်းလေးတွေ လုပ်ပေးပါ Yoga လိုမျိူး physiotherapy လဲ ကျင့်လို့ရပါတယ်
📌လိုအပ်ပါက mental health professional တွေနဲ့ တွေ့ကြည့်ပါ

စိတ်ပင်ပန်းနာကျင်မှူတွေ သက်သာပါစေ။ 💙

01/17/2026

အခုအချိန်မှာ ကျွန်တော်တို့အားလုံးက မျိုးစုံသော
ဆုံးရှုံးမှုတွေနဲ့ ကြုံတွေ့နေရပါတယ်။ ဒီဆုံးရှုံးမှုတွေရဲ့
နောက်မှာ Grief ဆိုတဲ့ အရာက ကပ်ပါလာပါတယ်။
ပူဆွေးသောက ရောက်တယ်ပေါ့။ Grief ဟာ
ကိုယ်တန်ဖိုးထားတဲ့အရာ၊ ချစ်ခင်တွယ်တာတဲ့အရာတွေ
ဆုံးရှုံးလိုက်ရတဲ့အခါမှာ ဖြစ်လေ့ရှိတဲ့ ပုံမှန်တုံ့ပြန်ချက်တစ်ခုပါ။

ဆုံးရှုံးမှုဆိုတဲ့နေရာမှာ ဘာမဆိုဖြစ်နိုင်ပါတယ်။
လူပုဂ္ဂိုလ်၊ ပစ္စည်း၊ အလုပ်၊ ရာထူး၊ Relationship ပြတ်ဆဲခြင်း၊ သူငယ်ချင်း မိတ်ဆွေတွေနဲ့ မိတ်ပျက်ခြင်း၊ အိမ်မွေးတိရစ္ဆာန်၊ အိမ်ထောင်ရေး စတာတွေကို
ဆုံးရှုံးလိုက်ရတဲ့အခါမှာ Grief ရနိုင်ပါတယ်။
ဒါ့အပြင် ကိုယ့်ရဲ့ ပိုင်ဆိုင်မှုကို ရောင်းလိုက်ရတာ၊
အိမ်၊ ကျောင်း၊ အလုပ်တို့ အပြောင်းအလဲဖြစ်တာတွေကလည်း အနည်းနဲ့အများ Grief ရစေနိုင်ပါတယ်။

ဒီလိုအချိန်မှာ မျိုးစုံသော ခက်ခဲမှုတွေနဲ့ မထင်မှတ်ထားတဲ့ ခံစားချက်တွေရနိုင်တယ်။ ထိတ်လန့်ချောက်ချားတာ၊ ဒေါသထွက်တာ၊ ယုံကြည်မှုကင်းမဲ့တာ၊ အပြစ်ရှိသလိုခံစားရတာ၊ အလွန်လေးနက်တဲ့
ဝမ်းနည်းမှုတွေ ခံစားရတာတွေကို ကြုံတွေ့ရနိုင်ပါတယ်။ Grief ဟာ ကိုယ့်ရဲ့ စိတ်ပိုင်းဆိုင်ရာကိုသာမက ရုပ်ပိုင်းဆိုင်ရာကိုပါ ထိခိုက်စေနိုင်တယ်။
အစားအသောက်ပျက်တာ၊ အိပ်‌ဖို့အတွက် ခက်ခဲတာ၊
ကောင်းကောင်း စဉ်းစားတွေးတောလို့ မရတော့တာတွေ ဖြစ်နိုင်ပြီး နေ့စဉ်လုပ်ငန်းဆောင်တာတွေမှာ
အခက်အခဲဖြစ်စေနိုင်ပါတယ်။ ဒါတွေ ကြုံတွေ့နေရလို့ စိတ်ရောဂါရှိတယ်လို့ သတ်မှတ်လို့မရပါဘူး။
ဒီအချက်တွေဟာ ဆုံးရှုံးမှု ကြုံတွေ့ရတဲ့ သူတစ်ယောက်မှာ ဖြစ်တတ်လေ့ရှိတဲ့ ပုံမှန် တုံ့ပြန်မှုတွေဖြစ်ပြီး ဆုံးရှုံးလိုက်ရတဲ့အရာအပေါ်မှာ တန်ဖိုးထားရင် ထားသလောက် ကိုယ့်ရဲ့ Grief ကလည်း ပိုပြီး ပြင်းထန်နိုင်ပါတယ်။

ဆုံးရှုံးမှုကို ကုစားတယ်ဆိုတဲ့နေရာမှာ
ဆုံးရှုံးမှုကြောင့်ရတဲ့ Grief ကို ဘယ်လို cope လုပ်မလဲဆိုတာကို အရင်ကြည့်ရပါမယ်။ Copping အကြောင်းကို မပြောခင်မှာ လွဲမှားနေတဲ့ ယုံတမ်းတွေကို အရင်သတိပေးချင်ပါတယ်။

❗ "ဆုံးရှုံးမှုကို လျစ်လျူရှုလိုက်ရင်၊ နာကျင်မှုတွေ
ချက်ချင်းပျောက်ကင်းသွားလိမ့်မယ်။"
ဒါဟာ Grief ကို ပျောက်ကင်းစေတာမဟုတ်ဘဲ
ရေရှည်မှာလည်း ပိုမိုဆိုးရွားစေပါတယ်။

❗ "ဆုံးရှုံးမှုကို ရင်ဆိုင်ဖို့ စိတ်မာဖို့လိုတယ်၊ ကြံ့ခိုင်ဖို့
လိုတယ်၊ ပျော့ညံ့နေစရာမလိုဘူး။"
ဝမ်းနည်းခြင်း၊ စိုးရိမ်ကြောက်လန့်ခြင်း၊ အထီးကျန်ခြင်း ဆိုတာ ဆုံးရှုံးမှုတွေအတွက် တုံ့ပြန်ချက်ပါ။ ငိုကြွေးခြင်းက အားနည်းခြင်းလို့ အဓိပ္ပါယ်မသက်ရောက်ပါဘူး။ ကိုယ့်ရဲ့ ခံစားချက်အမှန်ကို လက်ခံပြီး ဖော်ပြခွင့်ရှိပါတယ်။

❗ "မငိုရင် ဝမ်းမနည်းဘူး၊ ငိုမှ တန်ဖိုးထားတာ၊
မငိုရင် ဒီဆုံးရှုံးမှုဟာ မဖြစ်စလောက်ပဲ"
ငိုကြွေးခြင်းဆိုတာ ဝမ်းနည်းမှုရဲ့ ပြရုပ်ဆိုပေမယ့်
ဝမ်းနည်းတိုင်းလည်း မငိုပါဘူး။ ငိုကြွေးခြင်းနဲ့ မဖော်ပြတတ်တဲ့ သူတွေဟာလည်း စိတ်ထဲမှာ ဝမ်းနည်းမှုကို ခံစားနေရတယ်ဆိုတာ သိထားရပါမယ်။

❗ "တစ်လကျော်နေပြီ၊ နှစ်လကျော်နေပြီ အခုထိ
ခံစားနေတုန်းပဲလား၊ မေ့လိုက်သင့်ပြီ။"
Grief ဟာ ဘယ်နေ့ ဘယ်အချိန်မှာ ပျောက်ရမယ်လို့
အတိအကျ သတ်မှတ်ချက်မရှိပါဘူး။ ယေဘုယျအားဖြင့် ၆ လ အထိ ကြာမြင့်နိုင်ပြီး Grief ရဲ့
ပြင်းထန်ပုံ အနည်းအများပေါ်မူတည်ပြီးလည်း
အချိန်‌လျော့နိုင်သလို ပိုပြီးလည်း ကြာနိုင်ပါတယ်။

ဒါတွေကတော့ ဆုံးရှုံးမှုတစ်ခုကြုံတွေ့ရတဲ့အခါမှာ
ပြောလေ့ရှိတဲ့ ထင်လေ့ရှိတဲ့ ယုံတမ်းတွေပဲဖြစ်ပါတယ်။ ဆိုတော့ ဒီ Grief နဲ့ ပတ်သက်ပြီး ဘယ်လိုမျိုး ကျန်းမာ မှန်ကန်မှာ cope လုပ်ကြမလဲ။

🔹 ကိုယ့်ရဲ့ နာကျင်မှုကို လက်ခံရမယ်၊ အသိအမှတ်
ပြုရမယ်။
🔹ကိုယ့်ရဲ့ Grief process ဟာ တစ်ခြားသူတွေနဲ့
တူနေစရာမလိုဘူး ဆိုတာကိုလည်း သိထားရ
မယ်။
🔹ကိုယ့်ရဲ့ စိတ်ကျန်းမာရေးအတွက် ရုပ်ကျန်းမာရေး
ကို ဂရုစိုက်ခြင်းဖြင့်လည်း support လုပ်နိုင်
တယ်။
🔹ငိုလို့ရတယ်၊ ဝမ်းနည်းလို့ရတယ်၊ ခံစားချက်တွေ
ကို ရင်ဖွင့်နိုင်တယ်၊ စာအုပ်ထဲမှာ ချရေးနိုင်တယ်၊
ပျော်ပျော်နေနိုင်ရင်လည်း ဒါဟာ အပြစ်မဟုတ်
ဘူး။
🔹ဆုံးရှုံးလိုက်ရတဲ့အရာက ကိုယ့်ရဲ့ ဘဝရှင်သန်မှု
အဓိပ္ပါယ်လို့ သတ်မှတ်ထားတဲ့အခါ ကိုယ့်အတွက်
‌အဓိပ္ပါယ်အသစ်ကို ရှာရလိမ့်မယ်၊ ဒါဟာ ခက်ခဲ
နိုင်တယ်၊ ကြာနိုင်တယ်၊ It's ok.
🔹ရှေ့ဆက်တဲ့အခါမှာ ဆုံးရှုံးမှုကို မေ့ထားစရာမလိုပဲ
အောက်မေ့နိုင်တယ်၊ သတိရနိုင်တယ်၊ အထိမ်း
အမှတ်လေးတွေလည်း လုပ်ပေးနိုင်တယ်။
🔹Self care လေးတွေလုပ်နိုင်တယ်၊ Massage
session လေးတွေယူတာမျိုး လုပ်နိုင်တယ်။
🔹လိုအပ်ရင် Counselor နဲ့ စကားပြောနိုင်တယ်။
🔹Grief progress တစ်လျှောက်လုံး ကိုယ့်ကိုကိုယ်
ဖိအားမပေးပဲ နူးနူးညံ့ညံ့ပဲ ဆက်ဆံပေးဖို့
လိုအပ်ပါတယ်။

ထပ်ဆောင်းအနေနဲ့ သိထားသင့်တာက Grief မှာ
ပုံမှန်အားဖြင့် အဆင့် (၅) ဆင့် ရှိပါတယ်။
(၁) ငြင်းဆန်ခြင်း - ဆုံးရှုံးမှုကို လက်မခံနိုင်ဘူး။
(၂) ဒေါသထွက်ခြင်း - အပြစ်တင်မယ်။
(၃) ညှိနှိုင်းခြင်း - ဆုံးရှုံးတာပြန်ရအောင် ဘာနဲ့
လဲလှယ်လို့ ရမလဲ။
(၄) စိတ်ဓာတ်ကျခြင်း - ဘာမှမလုပ်နိုင်ပဲ
တိတ်ဆိတ်ငြိမ်သက်
နေမယ်။
(၅) လက်ခံခြင်း - ဆုံးရှုံးဖြစ်ပျက်ခဲ့တာနဲ့ပတ်သက်
ပြီး နားလည်လက်ခံကာ
move through လုပ်ဖို့ စတင်
နိုင်ပါပြီ။

Grief ရတဲ့သူတိုင်း ဒီ အဆင့် (၅) ချက်စလုံး ကြုံရမယ်လို့ မဆိုလိုပါဘူး။ Individual differences အရ
ကွာခြားနိုင်ပြီး အဆင့် အစဉ်လိုက်လည်း ကွဲပြားနိုင်ပါတယ်။ Healing လုပ်ဖို့အတွက်လည်း ဒီအဆင့်တွေကို အစဉ်လိုက်ဖြတ်သန်းဖို့လည်း မလိုပါဘူးနော်။
ကိုယ့်ရဲ့ Grief process ကို ပိုပြီး နားလည် ဂရုပြုစေနိုင်ဖို့အတွက်သာ ရည်ရွယ်ခြင်းဖြစ်ပါတယ်။

တစ်ယောက်နဲ့တစ်ယောက် မှန်ကန်စွာ နားလည်
အားပေးနိုင်ပြီး နွေးထွေးလုံခြုံတဲ့ ပတ်ဝန်းကျင်လေးကို တည်ဆောက်နိုင်ကြပါစေ💙

01/12/2026

💯

01/11/2026

Take care of your own peace and joy 🤩

01/08/2026

The past brings sadness, the present brings stress, the future brings worry - peace is in living now!

01/03/2026

"အကောင်းမြင်စိတ် ထားစမ်းပါ" လို့ အပြောခံရဖူးလား။

ဘယ်လိုအခြေအနေမျိုးမှာပဲ ဖြစ်ဖြစ်ပေါ့။ အကောင်းမြင်ဖို့ ခက်ခဲတဲ့ အခြေအနေတစ်ခုမှာတောင် အတင်းအကျပ် အကောင်းမြင်ခိုင်းနေတာမျိုး ကြုံဖူးမှာပေါ့နော်။ ဘယ်တော့ဖြစ်ဖြစ် "စိတ်ဓာတ်မကျနဲ့၊ သန်မာရမယ်"လို့ အားပေးခံရတာမျိုးရော ကြုံဖူးတယ်မလား။ Toxic positivity လို့ ခေါ်တဲ့ အဆိပ်သင့်စေသော အပြုသဘောဆောင်မှုဆိုတဲ့ စကားလုံးတွေ ရှိပါတယ်။

Toxic positivity ဆိုတာက ကျရှုံးမှုကို လက်မခံတာ၊ ဘာပဲဖြစ်ဖြစ် လက်မလျှော့ခိုင်းတာ၊ အချိန်တိုင်း အရာတိုင်းကို အကောင်းမြင်ခိုင်းတာ၊ အဆိုးမြင်စိတ် လုံးဝအဝင်မခံခိုင်းတာ၊ ဒါလေးတောင် မလုပ်နိုင်ဘူးလား /ဒီထက် ပိုဆိုးသွားနိုင်တယ်ဆိုပြီး ပြောတာ၊ အမြဲ ကြိုးစားခိုင်း၊ အားတင်းခိုင်း၊ ပျော်ပျော်နေခိုင်းတာ၊ ဖြစ်သင့်လို့ ဖြစ်တာ/အဆင်ပြေသွားမှာပါချည်း ပြောနေတာမျိုးတွေကို Toxic Positivity တွေလို့ ခေါ်ပါတယ်။

အစပိုင်းမှာတော့ ဒီလိုအားပေးမှုတွေက ဟုတ်သလိုလိုနဲ့ အချိန်ကြာလာတာ နဲ့အမျှ လောင်စာတွေ စုမိထားသလိုပဲ ရင်ထဲမှာ တမြည့်မြည့် လောင်ကျွမ်းစေတတ်ပါတယ်။

အပြုသဘောဆောင်တဲ့ အကောင်းမြင်မှုတွေဟာ အစွန်းမရောက်ဖို့ လိုပါတယ်။ အကောင်းမြင်ဝါဒတွေနဲ့ ပတ်သက်ပြီး အားပေးစကားတွေကို သတိထား ပြောဆိုဖို့လိုပါတယ်။ စိတ်ထိခိုက်နာကျင်နေရသူ၊ စိတ်ဓာတ်ကျနေတဲ့သူနဲ့ ပင်ပန်းဝမ်းနည်း နေရတဲ့သူတွေ အတွက် ကိုယ်ကစေတနာနဲ့ အားပေးလိုက်ပေမဲ့ သူ့အတွက်တော့ အဆိပ်ခွက်ကြီး ဖြစ်သွားတတ်ပါတယ်။

ကြုံလာသမျှကို အကောင်းမြင်ပြီး လက်ခံနိုင်ဖို့ ကြိုးစားခိုင်းတာက ဘာနဲ့ တူလဲဆိုရင် ကိုယ့်ရဲ့ရေမြောင်းထဲမှာ ရှိနေတဲ့ ရေပုတ်ရေဆိုးတွေကို စီးဆင်းခွင့်မပေးဘဲ ပိတ်ထားတာနဲ့ တူပါတယ်။ ပိတ်ဆို့ထားတဲ့ ရေဆိုးတွေများလာရင် လျှံထွက်တတ်သလိုပဲ မကောင်းတဲ့ စိတ်ခံစားချက်တွေကို ရင်ထဲမှာ ပိတ်ဆို့သိမ်းဆည်းထားမယ် ဆိုရင် နောက်ဆုံးမှာ ထိန်းမနိုင်သိမ်းမရ ပွင့်အန်ထွက် ကုန်မှာပါ။

ကျွန်မတို့ ပတ်ဝန်းကျင်မှာ သတိမထားမိပေမယ့် ပြောမိနေတဲ့ Toxic Positivityတွေ အများကြိီးရှိပါတယ်။
"အဲ့ဒီအကြောင်းတွေကို ခေါင်းထဲထည့်မနေနဲ့"
"အကောင်း မြင်နိုင်အောင် ကြိုးစား"
"စိတ်ညစ်မနေဘဲ ပျော်ပျော်နေ"
"အမြဲ အကောင်းမြင်စမ်းပါ"
"ကြုံလာသမျှကို အကောင်းဘက်ကသာ လှည့်တွေး" ဆိုတဲ့စကားတွေ အများကြီး ပြောမိနေတတ်ကြပါတယ်။

အဲဒီအစား ဒီလိုပြောင်းပြောပေးပါ။ တကယ်တမ်း အဲ့ဒီလို Toxic Positivity စကားတွေထက်
"နင်ပြောပြချင်တဲ့၊ ရင်ဖွင့်ချင်တဲ့ အကြောင်းတွေရှိရင် ပြောနော်၊ ငါနားထောင်ပေးမယ်"
"ရှုံးနိမ့်တယ်ဆိုတာ ရင့်ကျက်မှုနဲ့ အောင်မြင်မှုတွေရဲ့ တစိတ်တပိုင်းပဲ"
"နင့်ကြည့်ရတာ တော်တော်စိတ်ညစ်နေတဲ့ ပုံပဲ ငါကူပေးလို့ရတာရှိရင် ပြောပြနော်"
"ဘာတွေပဲ ဖြစ်နေပါစေ နင့်အတွက် ငါရှိတယ်နော်"
"တစ်ခါတလေ ငိုလို့ရတယ်၊ စိတ်ဓာတ်ကျလို့ ရပါတယ်"
" နင်စိတ်မကောင်း ဖြစ်နေတာငါသိတယ်၊ နင့်အတွက်ငါ ရှိနေတယ်နော်" ဆိုတဲ့ စကားတွေရဲ့ အင်အားက အရမ်းကို ကြီးမားပြီး ကြားရတဲ့သူအတွက် ရင်ထဲထိနွေးစေပြီး ခွန်အားဖြစ်စေနိုင်ပါတယ်။

ဒါကြောင့် ကိုယ့်ရဲ့ချစ်ခင်ရသူတွေကို အားပေးတဲ့ အချိန်မှာ toxic positivity စကားမျိုး ပြောတာကို ရှောင်ပြီး သူတို့ရဲ့ ခံစားရသမျှကို ဝေဖန်မှုမလုပ်ဘဲ နားထောင်ပေးပါ။ "ငါသာနင့်နေရာမှာဆိုရင် ဘယ်လိုခံစားရမှာ ဘယ်လိုလုပ်ပစ်မှာ" ဆိုတဲ့ အကြံပေးတာမျိုးတွေကို ရှောင်ကြဥ်ပေးပါ။ ကိုယ်ကိုယ်ကိုယ်တိုင်လည်း အခက်အခဲ၊ ဒုက္ခတွေနဲ့ ကြုံတဲ့အခါမှာ Toxic Positivityတွေနဲ့ မတွေးမိအောင် သတိထားဖို့ လိုပါတယ်။

အကောင်းမြင်စိတ် ထားတယ်ဆိုတာက ဖြစ်လာသမျှ အရာတိုင်းကို ကျိတ်မှိတ်ပြီး ဇွတ်အကောင်းမြင်နေတာမျိုး မဟုတ်ပါဘူး။ အကောင်းမြင်စိတ်ဆိုတာက အခက်အခဲတွေကြားမှာတောင် ဘ၀ကို အရှုံးမပေးတဲ့ စိတ်၊ လဲကျရင် ပြန်ထတတ်တဲ့ စိတ်၊ ဘ၀ရဲ့ လောကဓံ အနိမ့်အမြင့်အတက်အကျတွေကို မှန်မှန်ကန်ကန် သိနားလည်ပြီး ရင်ဆိုင်နိုင်တဲ့ စိတ်ကိုခေါ်ပါတယ်။

11/14/2025

စိုးရိမ်ပူပန်စိတ်များ‌နေပြီး အိပ်မက်ဆိုးတွေ ခဏခဏမက်တယ်။

စိုးရိမ်စိတ်၊ ပူပင်သောက ဆိုတာ ဖြစ်လေ့ ဖြစ်ထရှိတဲ့ စိတ်ခံစားချက် ဖြစ်ပါတယ်။ ဒါပေမယ့် သာမာန်ထက်ပိုပြီး
👉🏼 စိုးရိမ်စိတ်များတာကြောင့် အလုပ်၊ ကျောင်းနဲ့ ပေါင်းသင်းဆက်ဆံရေးမှာ အခက်အခဲတွေ ရှိလာမယ်။
👉🏼 ကိစ္စတစ်ခုခုက ကိုယ်စိတ်ကူးထားသလို
မဖြစ်လာရင် မကောင်းတဲ့ ကိစ္စတစ်ခုခုဖြစ် လာတော့မယ်ဆိုပြီး ကြောက်လန့်လာတယ်၊
👉🏼 ကိုယ့်ကိုယ်ကိုယ် အကြောင်းမဲ့ အပူအပင်များပြီး ကြောက်နေတာ သတိထားမိပေမယ့် စိတ်တည်ငြိမ်အောင် မလုပ်နိုင်ဘူး၊
👉🏼 ခဏခဏ အိပ်မက်ဆိုးတွေမက်ပြီး လန့်နိုးတယ်၊
👉🏼 ရုတ်တရတ် အထိတ်တလန့်ဖြစ်ပြီး နှလုံးမြန်တာ၊ အသက်ရှူကြပ်တာတွေ ဖြစ်လာမယ် ဆိုရင် Anxiety disorder ရှိမရှိ စစ်ဆေးကြည့်သင့်ပါတယ်။

🧠ယေဘူယျအားဖြင့် Anxiety ရှိတဲ့သူတွေမှာ စိတ်ပိုင်းဆိုင် စိုးရိမ်ပူပန်မှုတွေအပြင် ခန္တာကိုယ်က တုန့်ပြန်မှု Anxiety attack ရဲ့ လက္ခဏာ ( ရုတ်တရတ် စိတ်မွန်းကြပ်ပြီး လန့်ဖျပ်လာခြင်း၊ နှလုံးခုန်မြန်ခြင်း၊ ချွေးထွက်ခြင်း၊ လက်/ခြေထောက် အကြောကပ်ခြင်း၊ ဗိုက်အောင့်ခြင်း၊ တုန်ရီ မောပန်းခြင်း) တွေလည်း ရှိတတ်ပါတယ်။

🧠ဒီလက္ခဏာတွေက ကိုယ့်မှာရှိတဲ့ Anxiety အလိုက် ဖြစ်တတ်ပါတယ်။ ဥပမာ - Social anxiety ရှိတဲ့သူတွေ လူကြားထဲသွားတဲ့အခါ Mental ပိုင်းအနေနဲ့ ကိုယ့်ကို လူတွေက ကြည့်ပြီး Judge လုပ်မှာ စိုးရိမ်တတ်ကြပြီး Physical ပိုင်းမှာ ခြေတွေလက်တွေ အေးစက်လာတာ၊ ရုတ်တရက် အိမ်သာသွားချင်လာတာတို့ ဖြစ်တတ်ပါတယ်။

🧠Anxiety attack ခဏခဏဖြစ်ရတဲ့ အကြောင်းကတော့ Social anxiety disorder အပြင်
Phobia တစ်ခုခုရှိခြင်း

အသက်အန္တာရယ်ရှိတဲ့ ကိစ္စတစ်ခုခုနဲ့ ကြုံခဲ့ရဖူးခြင်း (ဥပမာ - ခါးပိုက်နှိုက်ခံရတာ၊ လက်နက်နဲ့ ခြိမ်းခြောက်ခံရဖူးတာတို့ ရှိခဲ့ခြင်း)

PTSD ရှိခြင်း ( အတိတ်မှာ ဆိုးရွားတဲ့ Trauma တွေရှိခြင်း)

မိသားစုနဲ့ ကိုယ်ရင်းနှီးတဲ့သူတွေ ဖြစ်ရပ်ဆိုး တစ်ခုခုကြုံရခြင်း / အသက်ဆုံးရှုံးခြင်း တို့ကြောင့် အကြောင်းတိုက်ဆိုင်လာတဲ့အခါ တုန်လှုပ်ခြောက်ခြားလာပါတယ်။

🧠Anxiety attack ကြိမ်ဖန်များစွာ ဖြစ်တာကို သက်သာစေဖို့ အသက်ရှူလေ့ကျင့်ခန်း ပုံမှန်လုပ်တာ၊ စိတ်သက်သာစေတဲ့ သီချင်းနားထောင်တာ၊ တရားထိုင်တာ၊ Professional help တွေဖြစ်တဲ့ Talk therapy၊ Counseling နဲ့ Psychiatrist ဆီက ဆေးအကူအညီရယူတာတို့ လုပ်ကြည့်သင့်ပါတယ်။ Anxiety နဲ့ ပတ်သတ်ပြီး ကျွမ်းကျင်သူတွေနဲ့ Diagnoseလုပ်ပြီး လိုအပ်တဲ့ Treatment တွေကို လည်း ရယူနိုင်ပါတယ်။

Nan Lu Lu

04/11/2026

04/11/2026

03/03/2026

03/01/2026

01/24/2026

01/18/2026

01/17/2026

01/12/2026

01/11/2026

01/08/2026

01/03/2026

11/14/2025

Address

Website

Alerts

Contact The Practice

Shortcuts

Share